雅苑餐廳 (已結業)

辛辛苦苦，慢長歲月，終於..... 第700篇食評了! 想話搵一間未食過嘅餐廳，而每日返工都會經過雅苑餐廳，餐廳內部環境係舊式格調，鐵板餐價錢同鐵板餐用上三色豆做配菜等等都吸引我去幫襯，但上網睇食評卻好多服務負評投訴，我就膽粗粗試吓睇吓係咪咁差.入到去冷氣足夠，過咗第一關!餐廳裡面昏昏暗暗但枱面放置咗D蠟燭燈，夠哂浪漫氣氛，但裝修極之殘舊，大大扣分.時為黃昏6點晚飯時間但客人唔多，中伏味濃!女友小熊點咗個七成熟鐵板西冷跟薯菜，我就點咗個焗煙肉吞拿魚長通粉，紅白湯白湯加酥皮，半打薯蓉青口同煙三文魚.菜式大至上無咩大問題，網上食評話偷工減料，小熊塊西冷一D都唔薄，厚切之餘口感鬆軟，比花園餐廳質素更好，第二關順利通過.鐵板亦都夠熱，咋咋聲!哩點極重要，第三關通過.喂! 點解矛咗三色豆㗎!紅湯味道偏甜，但唔夠濃郁，白湯配上酥皮，飲完已經半飽，不過酥皮要加35蚊就偏貴，而跟湯嘅麵包亦唔夠熱，口感極差.長通粉份量足，白汁夠香濃，滿意.至於服務嘛..... 好好彩無咩大問題，但係..... 可能上網睇到不少負評先入為主，總係一種奇怪感覺，兩位男待應滲透出一種 MK仔 hea 味，總之感覺奇怪....

#breakfastforlunch, #cheapest, #wanchai, #causewaybay, #茶餐廳I was rushing to go to wanchai but very hungry on the way. finally hit to this area and hv to decide picking one nearby or run a bit more to hv more choice in wanchai. I thought going to the Kam kee right next to it then saw this.I personally like this type of restaurant, it is like a higher end of local food, but still offer the cheaper side of the breakfast. honestly this is not the first time i come here. I came here last time with my

食物质素、服務和價錢不成正比！差過茶餐廳的食物、服務质素，收西餐的價再加一服務費，手寫單乱收費！午餐的扒又薄又韧，似有些茶記沙爹牛肉的橡胶口感，嚼不動又没牛味！下午茶的貴刁份量少不是主要問題，很素的，没有真材實料给食客！手寫單，計多客人錢，收費不透明！服务員，大大聲走来走去吆喝，置身於街市，感覚不是在西餐㕔……总而言之，你享受的不值餐牌上的價，不如某些茶記，做生意不老實……不改善不打算再去！

去完玩 夠鐘食下午茶。呢到梳乎厘都出，店主推介得色黎到無理由唔試。於是2個人叫左3個下午茶。個星州炒貴刁唔算好辣，唔太辣得的我 免強食到。炒貴刁無可能唔油啦，都算正常。但好食，無計。蝦多士多功夫，唔太多地方有得食，既然有，咁當然要叫啦！呢個就真係過油了，應該油熱不太足下落去炸，但味道中上嘅。推薦嘅梳乎里到了。拍落去好彈，空氣感十足。好好味呀！甜度恰到，空氣感十足，實在太部份比我食晒，但我唸其實一人一個都唔夠喉。經過真係值得一試，下午茶好抵食呀！加$25就食到了。所以2個人，飲左3杯嘢嘅。

今日經過想食菠蘿包 話可可以整熱 點知成個包面都碎曬 跟住我問個waiter 佢個樣好串 話菠蘿包係甘 又係你話想整熱 你想要點樣既包 態度極之惡劣..... 成個爛仔甘 以後唔會再去

Passed by and tried this restaurant. Truly a disappointment. Low quality food. But with service charge (no mention on post broad outside). No payment statement and bad attitude by the lady boss. Will avoid this restaurant. There are many better choices in Wanchai.

我同場試食雅苑的西冷牛扒套餐，汁料選了味道偏淡的洋蔥汁，牛扒有肉味且肉汁豐富，整體口感不俗；吉列豬扒亦都算有驚喜，應該用上普通梅頭肉，但食得出是即炸的，上碟配白飯、跟餐還有羅宋湯、而個所謂蒜蓉多士，根本就一件發包搽少少蒜蓉牛油喺上面行，焊都吾焊下，不食也把！跟餐的凍檸茶，你真係好一般貨色，茶無茶味，檸檬亦不像檸檬！價錢 $ HKD 68.00令外一個餐，牛扒配瑞士雞翼，嗰啲雞翼柴到紙皮一樣，薯條🍟就食得出係即炸的，跟餐的白湯飲了一啖立即棄掉😖😖一漸臭麵粉的味道，令外一個雞扒拼魚柳、算是最穩陣的一個，平平凡凡，冇期望，就唔會有失望！跟住就到戲肉啦，大哥知道而家咩時勢啦，係出餐位見到個廚房佬唔戴口罩，喺度食飯，全程就像Talk show一樣，還要同樓面在吹水，大哥你食飯你都行入邊啦唔好係個出餐位度吹到唔帶口罩，係咁啲口水噴晒落去啦！P.s. 樓面人手三個，但都要耐心等候，(12:00pm)因為2個一齊食飯，得一個做野！

想食個下午茶，見到呢間就去試下西多， 炸雞槌薯條冇得輸西多花生醬濃，讚炸雞槌薯條係新鮮炸好脆，熱辣辣唯一要彈嘅係唔係大雞脾而係俾3隻雞槌凍檸茶都唔錯，真係有少冰少甜卡位好坐，拍拖一流

一進門，燈光昏暗，頗有情調。八點多，客人不多，環境尚算寧靜。套餐送蒜蓉包，包比較油，而且不夠脆，一般。餐湯沒有特別。加錢叫的法式焗田螺尚算ok薯蓉好香蒜蓉味，田螺都算對得起它的價錢。鐵板紐西蘭西冷扒（3成），叫3成熟真係黎3成值得一讚，因為本人都食得幾生，但次次叫3成都會黎左5成甚至7成😥西冷扒好厚身，幾有肉味同都算多肉汁。一百蚊黎講相當扺食，薯條都炸得好香口，幾好食同行嗌左個虎蝦牛扒意粉，虎蝦都算大隻多肉，不過牛扒係薄個款食落冇咩特別，唔特別推介。想過下鋸扒癮，呢度都不失為一個幾好嘅選擇。

行過見到咪唔使等位，即刻同同事入咗去食飯。午餐午餐大概一個四十幾蚊，喺灣仔來講價錢都算係平，唔係set lunch嘅就貴少少，要60幾蚊。一個餐40幾蚊，包做一個餐湯，一個餐飲，仲有蒜蓉包添。我就叫咗個瑞士汁炒牛河，瑞士汁就無粉勻上碟，只係直接淋左上面，要自己再撈。個羅宋湯就算好濃，中規中矩。但個河粉分量真係多，女仔黎講，我真係食左一半到，味道唔錯既餐廳仲有鐵扒餐既，有機會食晚餐再試下

有時候在辦公室工作到頭昏腦脹，然後又被中央冷氣吹到冷冰冰，中午吃飯時便會特別想喝一碗熱騰騰的湯，每次便都會想到這家餐廳。每天lunch set都有五六款，由三十多至四十多元不等。每款都配有餐湯和餐飲，非常完整😋尤其喜歡它的餐湯，不論是羅宋湯抑或是忌廉湯，都是熱得有點燙口的溫度，非常對我的胃口。而且它配有一片蒜蓉法包，較其他餐廳的普通餐包或麵包，來得更有誠意。大家不要因為看相而以為主菜分量很少，這是我特別order的少份量，因不想浪費食物之故。

這間餐廳做生意不老實，108牛柳餐有2件牛柳，店員問我要不要食148牛柳蝦餐，多40元多隻蝦，我間牛柳的份量是否一樣，店員話係一樣的，但個餐來到得一件牛柳，店主話因爲蝦好貴，所以雙拼是只有一件牛柳，本來呢間餐廳食物是可以的，但這做生意不老實的態度真係唔要得，我會把這餐廳黑名單及去消毁會投訴，服務生態度真係不知所謂。

今早從跑馬地跑步完到天樂里的街上，沿路其實有名的早餐店或冰式即多，但香港迷人之處，就是保有濃濃的歷史文化的味道，這家門口貼著大大美國安格斯西冷扒的圖片，門面採深木色格子窗，很有殖民年代紳士西餐廳的味道。店面有閃爍的Neon燈以及綠藤，在這條街上極顯著，走進店頭，復古懷舊西餐廳風味，來個經典的香港早餐，不須與其他人搭桌，享受著閃閃燈飾、復古的抬桌，來個沙嗲牛肉出前一丁以及懷舊早餐炒蛋多士與叉燒意粉，搭配熱檸茶，喜歡這種傳統式的調味包，為經典的港式早點加了用餐的氣氛，感受與老香港共進早餐的時刻。

今早去開天樂里做嘢，順便食個早餐。見到雅苑餐廳有位，就走左入去食早餐。早餐選擇多，一般茶餐廳的早餐都有，而且價錢正常（平又唔叫平，貴又唔算貴）。我叫了魚柳腸仔太陽蛋，多士焊底。魚柳肉質太腍，但不是霉，來貨差。腸仔和多士都正常，不過不失。餐蛋麵都 OK, 可入口。咸牛肉三文治，正常味道，沒有驚喜。麥皮健康，夠味，夠水份。熱奶茶夠熱，但可更濃。凍奶茶因為冰塊的影響，將本身唔夠濃的奶茶整得更淡。橙汁，一試無防，再試就。。。總評：整體表現不過不失，正正常常。

是日午餐，叫左一個焗豬一個瑞士汁牛河，焗豬飯都幾好，係真焗出黎，好熱，豬扒切好哂，好方便，飯好炒底。瑞士汁牛河份量好夠，牛肉大大塊，仲有幾條菜芯，瑞士汁味香濃，一般午餐黎講，合格有餘呀。