隨變火鍋

营业中

休息中

隨變火鍋 雞煲變火鍋🍲 餐廳主打各種乾鍋及煲類美食 之後就另上湯底打邊爐😛 環境都唔錯 坐窗邊嘅仲好似可以睇到海景====用餐位費 $40/位要注意呢到有用餐位費$40一位 同時都有加一 ᪥ 乾鍋醬汁雞 $268嗌乾鍋嘅可以免費送精選湯底一個 原價湯底要$118-$138架～ 乾鍋醬汁雞味道濃郁 同港底雞煲唔同 香料係由四川重慶直送 味道正宗 更濃味、惹味====᪥ 鮮茄湯底 (乾鍋贈送)蕃茄好濃郁、香甜 味道好似三哥嘅蕃茄湯底咁 ᪥ 安格斯肥牛 (小) $218安格斯牛肉味濃郁 肉質鮮美 ᪥ 手打芝士墨魚丸 $68墨魚丸大大粒 爽口彈牙 中間係類似平時食開芝士丸嘅芝士 唔錯 ᪥ 雲吞皇 $38᪥ 稻庭烏冬 $28᪥ 雪米滋 (贈送)

今午在銅鑼灣做按摩，然後約左另一半去V Point樓上食雞煲。其實食肆提供多元化欵式给食客選擇，有雞煲、串燒和火煱等適合大夥兒不同口味的朋友一齊聚聚。豈料看完餐牌後被火鍋料吸引過來，隨卽改變主意改食火煱。雜菌湯底   $128雞脾菇、秀珍菇、鮮冬菇和新鮮淮山等淆成湯底，味道鮮甜美味。椒鹽豆腐   $58豆腐非常嫩滑豆味濃，外面脆漿很薄；脆卜卜食多幾粒都唔覺滯，尤其洒上椒鹽更為惹味。牛胸爽  $148牛胸爽這名稱和食物皆對我非常陌生，從末品嘗過；特意向服務員請教和order一份來見識下。原來很多人以為牛胸爽白白一片是牛的脂肪，其實它是筋膜類肌肉，不但不油膩還十分爽口，是一個口感十分獨特的部位。我們只需稍稍灼熟便可以食，感覺爽口彈牙。四寶丸拼盤  $98每欵各有兩粒，全部自家打製。芝士墨魚丸內餡滿滿芝士，咬開時小心爆醬。 棍打牛筋丸有口感和牛味濃。鲮魚丸魚味鮮較彈口。三星葱爆丸夠創意，味道清香。Q鸭血   $68食火鍋鴨血是不能少的。大大件滚幾滚便可以食，嫩滑得來又有口感。西洋菜   $38菜很新鮮和嫩身，完全無渣。

隨變火鍋 - 銅鑼灣今日去到銅鑼灣登龍街v point搵嘢食 呢度有好幾間食肆 而我哋就去咗隨變火鍋打邊爐 店員好好 安排我哋坐餐廳最角落頭嘅二人卡位 夠曬私人空間 而且個View仲好好 落地大玻璃可以望到銅鑼灣嘅高樓大廈同水泄不通嘅交通 仲望到小小跑馬地馬場㖭 我哋首先叫咗個麻辣雞煲 本身我以為食完雞煲先打邊爐 但係原來呢度嘅麻辣雞煲係已經連湯上 裏面除咗有雞件之外 仲有洋蔥蒜等材料 麻辣湯偏向港式麻辣 唔同於四川麻辣火鍋料叫咗四色餃子拼盤 香菇 娃娃菜餃子拼盤包括韭菜餃 鮮蝦雲吞 木耳餃同埋魚皮餃 鮮蝦餛飩脹卜卜隻蝦大隻又彈牙好足料 魚皮餃都好出色 外皮煙韌內裏Juicy另外仲叫咗幾串串燒孜然牛肉串 牛肉帶點脂肪 所以好香口 孜然粉味足一夜情 即係雞中翼包脆皮芝士腸 坊間少見 味道都幾好 可以一試燒雞皮 有驚喜 燒到勁香脆 一啲都唔膩燒豬頸肉 呢個其實唔肯定係咪黎錯咗 黎到係豬肉包咗蘆筍 仲加咗個小食椒鹽豆腐 豆腐炸到有皮 所以外皮好香脆 內裏好嫩滑#相機食先 #手機食先 #foodie #food #foodpic #foodphoto #yum #yummy #deliciou

成日都聽人講隨變火鍋好好食，今次終於可以試試佢啦！餐廳係銅鑼灣最旺食街登龍街，方便易搵，而座位同樣好舒適可以遠望維港景色！最貼心係每張枱都會放一包紙巾，最岩打打下邊爐流鼻涕的我！餐廳menu千變萬化，除左基本雞煲乾鍋火銅配料外，仲有串燒同刺身，一定有一款岩你食！係menu見到選一個乾鍋，就會送一個湯底，二話不說就決定要一個乾鍋醬汁雞同酸菜湯底打邊爐！乾鍋醬汁雞選左小辣，辣味非常香，超級惹味，乾鍋雞的份量好多，同雞皮會輕輕煎過令成個鍋更香，再會有椰菜、洋蔥、椰菜花同年糕做配菜，好豐富！酸菜湯底同樣叫左小辣，湯底酸酸辣辣好醒胃，建議可以先飲一碗湯再放火鍋配料，湯底鮮甜滋味！台灣Q彈鴨血，呢個一定要叫，鴨血唔講笑超級新鮮彈牙，完全沒有血腥味，而且每一件都大大舊，真係食到好爽！不可錯過手工雲吞王(4粒）雲吞粒粒飽滿，煮熟後同樣大大粒，入面會有蝦肉同豬肉，啖啖肉！黑松露蝦丸(4粒）蝦丸好爽彈，黑松露味唔會搶過蝦的味道，同樣滋味！新鮮滑牛肉一上枱見到牛肉顏色就知新鮮，顏色紅潤亮澤，係火鍋淥一淥就可以食，入口超級嫩滑，同和牛有得比，如果唔係好飽一定叫多碟！打邊爐邊小得可樂，當然要叫返杯凍檸樂爽一爽佢

趁天氣仲涼涼地🤪，要把握時機同朋友去打個邊爐🫕，好友介紹左我地食呢間單點火鍋，又幾抵食同高質😍估唔到價錢唔貴都有咁既質素👍🏼👍🏼。自助醬料，餐位費 $20/位，先叫湯底「原味清湯雞煲半隻 $188」，超香既雞煲，簡單已經可以帶出鮮味。。🥢三星蔥爆漿貢丸 $38宜蘭三星蔥令人難忘既可口清甜，揉入多汁內餡同彈牙外皮，入口爆漿，滋味無限，打邊爐必點！。🥢不可錯過手工雲吞皇 $38手工雲吞皇大大粒蝦，皮又薄，碌落去浮去食得，正。。🥢奇脆炸魚皮 $38炸魚皮正常發揮不過不失，唔會太油。。🥢炸魚片頭 6粒 $48炸魚片頭大大粒抵食，配雞湯底岩岩好。。🥢稻庭烏冬 $28烏冬算好抵食，碌一碌夠晒有咬勁。。🥢午餐肉 $38心形午餐肉勁吸晴👍🏼。超滿座既打邊爐餐廳，價錢好抵食所以咁多人食👍🏼

上星期朋友帶我去位於登龍街V Point 樓上的一間雞煲、燒烤、火鍋店食好嘢。店舖兩旁落地大玻璃，可望街景，感覺明亮舒適。很久沒有食火鍋，所以選擇食完雞煲再用湯底打邊爐，一於來個大滿足。😋原味清湯雞煲($188/半隻)雞肉不會過熟，嫩滑美味，沒有半點肥膏。湯底用了大量洋蔥、乾蔥、大蒜、芫荽和青椒作為配料，加上半隻鮮雞滾住熱騰騰地食用，非常清甜，不禁也喝下半煲湯底。😋手切牛頸脊（$288/小）牛頸脊是牛隻活動得最多的部位，脂肪較少，肉質鬆軟得來也富咬口，肉味甘香。芹菜木耳餃（$38）香味誘人的芹菜加上營養豐富的木耳做出來的餃子性價比高👍餃子皮薄但不易散開。牛筋丸（$38）非常彈牙而且肉汁豐富，牛肉味濃，很不錯，值得encore 👍Q鴨血（$68）台灣飛機空運的招牌餸，真的值得一試。不但口感Q彈，而且又軟又滑。茼蒿時菜（$38）新鮮翠綠，份量也不算少。最後還有雪糕糯米糍作甜品，更加滿足！😍

今日天氣有凉凉地感覺，同朋友談電話說起，打邊爐都好，朋友也有這想法，即興今晚吃，上過網見這間火鍋有特色，就去了這間，到達，入去環境真的好寧靜舒適，坐下看了一會餐牌，叫了雜菌湯底清新鮮甜鮮香雜菇甜味響鈴特别大件同厚身，快熟,一夾起好軟霖同爽脆滑雲吞皇/魚皮餃粒粒都大粒，軟硬適中，雲吞入面包住肉同蝦，濃香肉味，蝦大隻，鮮蝦味濃鮮同彈牙，魚皮極爽滑同魚肉味鮮甜芋頭貢丸少有，比較大粒，咬入口已有芋溶流心出來，芋香味突出同彈牙，好有口感唐萵菜每片大棵翠綠，特鮮新鮮鮮甜菜味，好脆唰唰聲白鱔片薄薄一片，晶螢透澈，煙煙脆滑，好重鮮鮮鱔片香味燒生蠔大隻，點點烘過，又不失生蠔原本獨有鮮海水甜蠔味雪糕糯米糍軟霖霖，荔枝味好香

  今晚與朋友又在美食集中地銅鑼灣登龍街覓食，走入V-point查看水牌發現23樓有間火鍋店"隨變。火鍋"有興趣一試！甫上火鍋店眼前一亮！落地玻離引入窗外的黃昏街景盡入眼簾即時令人心曠神怡！火鍋店佈局簡約整潔開揚，設有舒適卡位也有廂房適合朋友歡聚，點菜不久巳見 食客魚貫入座氣氛相當不錯！看Menu選項多元化也相當有特色！店員也 逐一介紹 ……除了多款雞煲外還有不同風味的酸菜魚煲，麻辣雞煲，花甲雜菌煲，小食，火鍋，涼拌小菜，即叫即燒的風味燒烤，高質牛肉，海鮮等。看完Menu很有興趣試一下這道~乾鍋醬汁蠔 $ 308 (小辣) (凣點乾鍋附送精選湯底一鍋)即炒的醬汁蠔上枱熱騰騰的！香氣樸鼻！ 鑊氣十足!配料有 紫洋蔥，椰菜花，椰菜，年糕，蒜子……等。份量足，菜又爽又甜味道調得很惹味。脹卜卜肥美鮮甜的蠔肉爽中帶嫩，逾十個之多，非常耐吃。選了……什菌湯底~豬骨淆製 的什菌湯底非常鮮甜！先飲兩大碗！小食~麻辣豬肚絲  $ 48大碟！抵食！味道驚喜的好味！豬肚入味有嚼口，花生極鬆脆香口，麻麻辣醬汁調得惹味真是吃了忘不了！吃過蠔煲接着是享用火鍋時候了……今晚特別想吃魚！芋頭貢丸  $ 38貢丸爽

好友外地回港當然要抽時間相約見見面，她說最掛住香港的火鍋店，今晚一於滿足她的胃口吧！一進入店舖發現景觀超開揚，大玻璃窗可以望到整個銅鑼灣夜景，而且空間尚算闊落，最特別有個二人世界情侶位置🤭，正正可以倆小口子邊望夜景邊食火鍋，直刻令到原來打邊爐都可以挺浪漫💕😂餐廳火鍋湯底都有不少選擇，今晚揀了平時比較少見的酸燙豬肚雞煲，酸菜魚就見得多，配豬肚雞真係未試過。自助醬料放在出面供客人自取，雖然沒有太多選擇，但不得不讚醬油不太咸，非常適合喜歡少鹽少糖啲我，而且沙爹醬香濃惹味，遠遠已經聞到。酸燙豬肚雞煲（半隻）湯頭酸辣香濃，雞肉滑溜，最重要呢度湯頭完全不油膩，酸酸辣辣的味道令人非常開胃，就連湯都可以喝清光，豬肚入口爽嫩鮮甜，配上酸菜更加惹味。新鮮滑牛肉打邊爐一向都會選擇新鮮滑牛，一來肉味香濃，而且軟嫩又有質感，用酸湯輕輕淖熟，鮮味十足，滑嫩可口。西班牙黑豚肉黑豚肉望落油花細緻，肉質鮮嫩，肥瘦比例均勻 ，入口肉味香濃油帶甘香 。不可錯過手工雲吞皇雲吞豬肉蝦肉比例適中，調味恰到好處，蝦肉爽口彈牙，挺不錯。隨變粉口感非常特別，入口爽滑有咬勁，淖耐一點質感還有點似粗身瀬粉，隨變粉吸收了酸湯，酸酸辣辣令人食

想要舒舒服服食雞煲，一定想起隨變火鍋座位寬闊，景色宜人。隨變干窩醬汁雞煲$268一上枱香氣四溢，雞件份量很多而加大大件，不會食到一口碎骨，肉質嫩滑。配料除了蔬菜，還有我最愛的年糕，香脆內軟，吸收了醬汁，很惹味!干窩會送一個湯底打邊爐，我們選了麻辣湯底。吃火窩當然要點我最愛的鴨血大大件，不會滾散找不到鴨血與麻辣是絕配不會有人反對吧？雲吞皇(左)$38/ 魚皮餃$38 (右)雲吞飽滿大粒，滑嫩外皮包裹彈牙蝦肉，很爽口！四寶丸拼盤 $98包括招牌手打黑松露蝦丸、流心芝士墨魚丸、棍打牛筋丸及芋頭貢丸以黑松露蝦丸尤其出彩，黑松露味濃香四溢，爽口彈牙，牛筋丸自然亦是牛味滿滿，墨魚丸咬開流心芝士即湧出，很出色！冰菜$48打邊爐不可缺的冰菜亦是新鮮翠綠!來這裡必須點的是燒白鱔$68白鱔很厚身，魚皮燒得香脆，魚肉爽彈鮮味，冇得頂！每次來也是很滿意的，喜歡！

這間雞煲火鍋店都有一段時間沒有來了，今次又再同朋友來!由餐廳望出窗外能夠遠眺維港夜景，能夠食住雞煲真的不錯!餐廳款式都有好多，有雞煲、干鍋、串燒、刺身等可以選擇!隨變麻辣雞煲，來到這裡當然要吃他們的招牌麻辣湯雞煲，平時出面食的雞煲通常都是先食乾的再下湯打邊爐，而這裡的雞煲本身已經是有湯的了，比較特別!雞煲有幾款辣度可以選擇，而我們選擇了微辣，辣度跟平時食小辣的差不多!湯底味道麻麻辣辣，而且味道越煲越濃，不會變了好淡!我們點了本隻，雞件都幾多肉，不會太多骨，雞肉嫩滑!煲入面亦有洋蔥、芹菜等配料，十分美味!不可錯過手工雲吞王，雲吞每粒都脹卜卜，入面有大大隻蝦肉，蝦肉鮮甜彈牙，整體口感不錯!美國安格斯肥牛，小份的牛肉份量都幾多，牛肉油脂分佈平均，口感鬆軟，牛肉味濃!鮮魚卜，魚卜口感煙煙韌韌，吸收了辣湯的味道，非常惹味!鮮爽黃喉，黃喉只需稍稍灼熟就食得，食落口感爽口彈牙!土豆片，食麻辣湯當然要點一些吸味的蔬菜，土豆片吸收了麻辣湯的味道，十分美味!蓎蒿，蓎萵加入湯後味道不會很辣，帶有微辣，食得過癮!隨變粉，隨變粉的口感很特別，望落有點似粗的紅薯粉，食落比紅薯粉腍身，容易入口，而且吸收了湯的味道，

天氣仲涼涼地，好想食下啲熱野😳 想食返個雞煲打邊爐～黎到銅鑼灣就揀左V Point呢間火鍋店～先選一款招牌煲類，都好多選擇，揀左半隻酸燙豬肚雞煲 ($238)，感覺上食完豬肚暖身啲～😝 辣度要左小辣～酸味同辣味都岩岩好，但就好似偏鹹左少少～雞肉比較鞋身，但煲得耐都正常，豬肚就幾彈牙～.食完可以加料打邊爐～其實兩個人食都飽左一半，所以唔叫咁多餸啦～加左份紐西蘭羊肉卷 ($98) 份量唔算太多，但以呢個地段價位都正常～羊肉唔會太羶幾新鮮～

在銅鑼灣剛找到火鍋 好去處.  V Point  樓上23樓.  隨變火鍋.  主打合潮流食物:  雞煲, 火鍋, 串燒, 乾鍋. 如果要招呼愛飲酒朋友,  這餐廳酒品選擇頗多.  有烈烈茅臺酒,  也有純純啤酒.餐廳 23 樓,  面對維多利亞港.  一邊吃一邊欣賞香港維港夜景.  好難得!座位舒適, 燈光顏色和諧.  店員招呼好. 餐牌有隨變推介,  海產剌身, 肥牛....活龍蝦餐,   極豐富. 精選食物不少.      還有雞煲單鍋, 雞煲鴛鴦鍋多款, 味道選擇由 大, 中, 小辣, 不辣 都得.我們點了小辣細雞窩,  約 15 分鐘, 雞煲 送到,   店員話一滾即食.  窩內有半隻雞,店員又介紹火鍋配料同串燒.大家 happy, 叫了啤酒先啤一啤.  飲品牌內, 除了啤酒外, 還有汽水及清熱飲品.醬料醬油好齊備,  有辣, 又有蒜香.  最重要是.....整潔衛生. 打開煲蓋,  熱辣辣, 香辣味濃 , 份量大, 足半隻雞,  滿滿芫茜, 洋蔥, 蒜子, 大蔥, 薑片伴住, 顏色氣味也好吸引.   雞肉肥美, 數量不少.   肉質稔滑,  有雞味.食火鍋, 必叫蔬菜.