隆姐泰國美食館

营业中

休息中

27-03/2008 晚一行七人坐小巴前往九龍城晚飯, 上個月試過金蘭花泰菜, 今次改住隆姐泰國菜試試。開場活蝦剌身跟炸蝦頭先上, 點辣汁令到蝦身更鮮甜同膠口。再來是冬陰功湯(小辣) , 味道好辣度適中, 青檸梳打和椰青為大家解喝。泰式拼盤、串燒雞肉及猪肉(沙嗲) 、炭燒魷魚和猪頸肉沙律都被各人掃光。跟住每人半個蒜茸猪仔包, 伴著紅咖喱雞肉和鉄板蠔仔煎蛋, 然後再叫白飯一碗每人分少許,將剩餘的咖喱汁都撈埋。最後再點甜品芒果鴛鴦糯米飯, 點知原來有糖水送, 分別是椰汁西米糕及木薯西米露, 全部都幾得啦. . . .總結地方簡樸, 食物還可以, 服務一貫泰國人熱情作風. . . . . . 可以再來幫襯, 886

是日本來打算食完義香豆花就返家食飯係九龍城行下行下我同女友俾林林總總的泰國食店完全吸引住*_*係女友既威迫之下... 我地去左隆姐新店度食(新店好似少d人咁既...? 唔知質素會唔會差d呢?)一開始我地食抱住呢個doubt去食由於之前已經食左豆花我地淨係叫左生蝦刺身東蔭功炸蝦餅蟹肉炒反生蝦刺身好正... 鮮味過小曼谷佢係連埋個蝦頭上的(我地好膠咁問佢係咪同刺身係同一set的... xd)東蔭功... 極其SPICY!!!辣到我地個咀變晒個D NBA黑鬼球員D咀...... -＿-(奉勸各位如果唔係太食得辣切勿以身示法)搞到我地臨時叫多杯芒果冰...-,- 即搾的... 好鮮味炸蝦餅... 仲係超正炸到金黃色... 外脆內軟(上次同FD食過... 就係因為佢D炸野超正... 吸引左我今次再黎食的... *_*)蟹肉炒反... 幾好... 無試真因為個時我地已經飽到捧住個肚走......... -o-題外話幾位泰國阿嬤好友善仲同我地傾左幾句閒計添^^埋單222非常抵大滿足!聽日係公司LUNCH繼續食埋D蟹肉炒反佢先~!!p.s. 同舊店一樣咁正no doubt!

在隆姐吃雞飯就好幾趟,吃湯河就未試過.這間隆姐分店,在投注站隔離.格局似茶餐廳.同老店風格有所出入.撞正賽馬日,店內多了一班馬迷正在拿住馬經研究,這天小弟沒有心水,掛免戰牌,專心地吃.今次不要海南雞,要個鴨肉湯河.心目中的鴨肉湯河,最好就是用到鴨血作湯底.可惜,隆姐的鴨肉河湯底,不是用鴨血,頓時覺得淡如水.鴨肉味道不算濃,河粉就算滑溜.如果吃鴨河,還是去昌發或路邊街吃最為穩陣.

今日下午九龍城廣場後面有工程，所以一早就要去幫手﹗lunch入左呢間食個飯﹗香茅雞翼蛋飯﹗雞翼入味，一碟三隻，煎過好香，入味送飯一流﹗最緊要係佢地0的豉油落得岩岩好﹗最怕就係係咁易比兩滴你，搞到大半碟都要食齋飯﹗所以我覺得呢度食個午飯來說不錯呢﹗食飽飯又再工作﹗今年工程特別多﹗

我食過3次lu!第一次係朋友仔帶我去, 食過都幾好呀, 所以再帶其他朋友去lor!佢个生蝦剌身配埋d汁, wooo... 雖然我唔食得spicy, 但都要忍住食, 因為spicy 得來好惹味!!!佢个咸魚炒椰菜苗好好味, d炒粉又唔油, 好o岩我胃口!佢d裝修舊左d, d食物好味衛生咪得lor, 係咪!!

比起另一間隆姐各方面都係差d係得咖哩好味

之前朋友帶去食過一次,覺得d食物ok,所以今晚再去.落單係一個肥婆,其實唔係好想叫佢落單,因為一入去已見佢黑口黑面對客,但無奈係繁忙時間,冇其他waitress得閒,唯有叫佢落,問佢有冇麵就反問返我要咩麵?!我以為佢咁問法佢哋有好多種麵選擇啦!咪問返佢有咩麵囉,點知原來得一種,原來"要咩麵"嘅意思係咩餸配落d麵度!仲要黑住面打開個餐牌話"寫晒o係度妳可以簡轉麵o架o麻!"其實個餐牌全部都係粉,又冇寫可以轉麵......之後一路order一路黑口黑面!到埋單,有另一個肥婆攞張單埋o黎,正常都會同你講幾錢,唔講不特止見我裝張單就用原子筆圈住個數,勁冇禮貌!!到找錢都係一句多謝都冇!!!好似係啞咁!!到呢個時候我聽到隔離枱兩個女仔都忍唔住講"老板娘好似唔想做咁,可能唔憂做啦!"我諗佢哋都領教過佢哋d"態度"!所以我以後唔會再幫襯!真係不知所胃!!

九龍城泰菜林立，但一向不喜歡食泰菜，所以好少幫襯。早兩日中午時份九龍城，破例食番次。誤打誤撞入，發覺似茶餐廳多D。叫青咖喱雞飯午餐($26)連奶茶。青咖喱似黃色多D，椰汁味濃合胃口，撈飯一流，奶茶出奇地好。真係舖不可以貌相。

之前去過舊鋪一次，新的店鋪今天第一次去，感覺上舊鋪好些. 除了冬陰公湯和串燒雞，豬肉外，也不知點什麼好，所以就請個亞姐介紹，她推介了魚，煮法好像甜酸骨，不過，我覺得不太好，而且這種煮法有些浪費，因為完全吃不到魚的味道.辣鳳爪和馬拉盞菜苗也不錯，可以試下．　還有一款就是蒜蓉包，老實話，我比較欣賞“金泰”那款蒜蓉包，這裡是用方包做的，麵包完全沒有蒜蓉味，就好像塗上蒜蓉漿後，然後放入微波爐焗熱．至於飲品，必選“芒果沙冰”.

樓下食評是南角道分店的，請編輯刪除以下資料，謝謝。

金邊粉，炒得較濕，料有豆腐乾，爽嫩牙菜，沒什麼味道的蝦，整碟粉的酸味用來“開胃”，是來的恰到好處。 炒通菜，點菜時問是否辣的，店員答不辣，但入口是辣的，相信此店員是很吃得辣才會覺得不辣，幸有座上客也是嗜辣之人，而菜也鮮嫩，否則要退貨了。 炸蝦餅，外皮是炸得脆口而不會覺得硬身的，內裡的蝦肉是有味道得來又爽甜的。 用迷你沙鍋盛著的咖哩雞，上檯後不太聞到咖哩香味，但至入口又是另一回事，香味濃郁，夾雜了香料椰味的咖哩內，把整煲咖哩的味道提升了出來，材料不多，有少量雞柳，茄瓜，青檸，另點一個白飯來吃，是一道不能抗拒的美食，吸引。 泰式雞絲芝麻粉卷，近似港式腸粉的熱食，綠色帶微鹹的腸粉配上了鮮嫩切雞、香口的芝麻，美味！ 炭燒豬頸肉，等了一句鐘才到仍覺值得的，是正正式式炭燒，上檯已即時聞到炭燒香味，肉質爽口，吃落不覺肥膩，但要提醒自己不宜多吃。 還有免費贈送的椰汁西米番薯糖水，椰味香濃又足料，不過太飽，只吃得下半碗，下次來的時候再試其他甜品。 食物水準不錯，但上菜奇慢，一次過落單，前後等了一個多小時才上得齊六款菜，當中還要店員一催再催，服務一欄難免要扣分。

這店是南角道的姊妹店，還未有食評刊載，就由我第一個出手吧！但所評的並不是泰菜，是早餐而已。 來這區通常是上午來的，見它的餐牌內有豬蛋治，問侍應是否豬柳蛋三文治，回覆說這個沒有了，餐牌上資料未收改，她說另有一款沙爹雞柳三文治，平時來來去去的都是蛋治、腿治，有這個較為新款早餐也帶點「新鮮」感。 奶茶先上，茶味夠但不香，滑度不高而入口帶點澀。三文治包一咬下算軟熟，但邊位略乾，內裡餡料份量足，沙爹只有鹹味，是完全沒有沙爹香味的，雞柳更是沒味可言，吃了這個，對此店的泰國菜品質頓時起了懷疑之心。