隆姐泰國美食館

营业中

休息中

去完九龍塘新天地, 搭的士去就近的九龍城食泰國菜~~ 朋友唔係介紹黃珍珍... 推介的是, 這間從未聽過的"隆姐".... 我地一行5人叫左好多野食~~ 泰國啤酒x3 - 好香啤酒味, 同名牌子有少少唔同 生蝦刺身x2 - 呢個超彈超爽, 值得推介!!! 佢仲要連炸蝦頭一齊上呢~~ 青木瓜沙律 - 青木瓜絲+柚子, 超清新, 好味!! 泰式炒通菜 - 普通炒菜~ 豬肉碎生菜包 - 好耐冇食過有水準的生菜包了~~ 紅咖哩雞 - 勁多咖哩汁, 用爐上, 可保咖哩溫度, 正!!! 蒜蓉豬仔包 - 用來點咖哩汁食... 超鬆軟, 又帶d脆.... 好味!! 沙嗲豬牛串燒 - 普通串燒啦~~ 燒雞翼 - 最後叫的.... 夠熱夠香~~ 但係已經好飽了~~ 辣椒膏炒青口 - 大約有10多隻青口... 好濃味.... 但唔夠辣~ 椰汁西米糕(送) - 驚喜!! 本來order就有8件, 但食唔晒~ 店員聽到竟然送5件!! 蕃薯西米露(送) - 送的甜品一點都冇馬虎~~ 唔太甜, 但好味!!食左超級多野.... 估計要$700左右.... 點知~~~ 埋單時只係$506咋~~~ 抵到爛!!!

有次鄰座同事lunch回來打包了兩客柚子沙津請大家食, 好鬼死好味, 非平時一般泰國鋪食過那種, 就今日約埋佢一齊食lunch試下E間d 泰國菜.自己一向食得比較清淡, 點了好想再食的柚子沙津同埋一碗鴨肉湯河, 我個女同事點了一碟炒河.沙津不單止有一夠夠大塊清甜的金柚, 仲有一條條酸酸地的青木瓜絲(可能係生芒果絲?!)、脆花生、蝦干仔等, 味道勁清新醒胃, 咸酸甜辣恬到好處最有驚喜的是那碗鴨肉湯河, 以為係一般湯河, 點知待應捧到眼前的是一大碗質素好高的湯河.....好想映番幅相留念, 不過連手機都無帶.湯底好清, 顏色同味道都有d 似肉骨茶, 鴨肉一片片唔係只得頭頭尾尾個種, 芽菜雪白、粗壯爽甜, 河粉形狀好得意, 有d似刀削麵和粉皮的混合體, 不規則的一片片, 又滑又爽, 除了d 鴨皮同d骨剩底之外, 成碗河粉連湯幾乎清唒.....好味道, 以為淨係系東南亞國家旅行時先可以食到的地道泰國嘢, 估唔到係香港重要係今日食到, 真係估唔到, 有d感動tim......個湯河有跟餐飲, 叫了杯熱咖啡, 香濃好滑...不過lunch time好趕飲咗幾啖就埋單走人.價錢算便, 最緊要係有質素

尋日同老媽去九龍城掃野食,而間野係因為小曼谷未開,而老媽唔知點解想入去食就入左去了一入左去,竟然咁岩冷氣壞了整緊..............熱到............拿拿林叫左老媽想叫既椰汁芒果燸米飯快快食完好走但叫完睇睇menu先發覺要38,都唔平wo=.=一黎到,食下o的椰汁燸米先,熱熱的,都幾好食幾煙un,o的芒果一般冇特別其實係唔錯但真係好熱.............拿拿林食完就走了38黎講我覺得貴左少少,因為之後去左金寶發覺都係35 only =.=

今日突然間想食泰菜,於是係openrice搵, 成個九龍城實在太多選擇,都唔知揀邊間好,本來想食金寶,但睇真d個價錢又的確貴左d,都唔知值唔值,加上又係友人請既,費事食咁貴啦,於是乎揀左呢間, 結果當然係無選擇錯啦!!!之但係,係我選擇呢間隆姐的時候就有一個疑惑, 究竟呢間隆姐同隔離街個間隆姐有無關係既呢? 大家又可唔可以話比我知呢? 食物方面又係咪一樣水準及價錢呢?希望各位知情人士解答一下小女子既疑團, 唔該哂! 好喇! 入正題! 由於要等友人收工關係,去到已經差不多十點, 入到去只有2枱客(當然唔會覺得奇怪啦,咁既時間仲要係假期翌日),之但係反而係d員工覺得錯愕,可能諗住唔會有人咁夜未食飯卦!! 咁我地都醒目既..咪問下佢係咪收工囉, 如果佢答係既,就即時調頭走啦!!好彩,佢話未收工,收十一點既,於是乎我地就狂風掃落葉,係咁order喇,食物如下: 1. 冬陰功---正!!酸辣程度恰到好處, 暫時黎講係我食過唯一一間稱得上好味既冬陰功!!2. 生蝦---呢個就十分普通, 無必要回味3. 炸蝦餅----good! 醬汁略嫌"希"左少少, 但沒影響味道, 不過不失4. 泰式通菜---夠

主人與奴隸獸得閒無事就會去九龍城逛逛，買吓餸，食吓嘢。當天我們頗想食泰國菜，所以就光顧了此食店。店內只有兩、三枱顧客，因此 D 服務員都好似好悠閒。我們瀏覽了餐牌一會兒，就點了：1. 泰式飯餐 – 蝦醬炒飯配熱咖啡（HK$30）：香味已令人垂涎，炒飯加入泰式蝦米仔，使味道更濃郁，好味。2. 炸釀雞翼（HK$48）：可能雞翼沒有醃過，食落『淡茂茂』。釀在雞翼內的糯米亦煮得太爛，失去彈牙口感。在進食期間，店內只剩下主人與奴隸獸及另一枱顧客。侍應們開始與那枱顧客交談起來。（應該是熟客吧！）大聲講，齊歡笑，旁若無人，氣氛越來越熱絡，我們唯有匆匆吃完結賬離開。幾分鐘後，主人問奴隸獸：『我們的飯餐不是應該有一杯咖啡嗎？』奴隸獸漫不經心地答著：『是呀。』主人問：『你飲了那杯咖啡嗎？』這時奴隸獸才驚覺，店員竟然忘記了我們的咖啡！此刻才發現，真是遺憾……！！

同老婆同老婆的朋友一行四人，走左去隆姐開餐，心諗今次發啦，之前多數係我同老婆去，兩個人叫唔到咩野，今次人多可以食到夠本。一開波，當然要叫蝦刺身，個刺身當然好味，但其實我更愛個炸蝦頭，炸到成個脆晒，點埋o的泰式辣汁～～oh～～真係好正，o個種辣呢，你入口唔覺佢好勁，會覺得佢好香，但食落左，辣味開始慢慢滲出來，o個種感覺真係好正。再黎仲有生菜包，炭燒豬頸肉，炒通菜，炒青口等，繼續維持水準，好味！後來見到隔離檯叫炸蝦餅，老婆朋友A、B同我都想叫，雖然近來爆瘡既老婆想阻止，但係投票結果3對1，哈～當然要叫個來食下，脆漿薄薄地，蝦餅又彈牙，實在係太正啦！臨埋單，見到人地叫左碟粉皮，o的皮綠色好得意，下次去會試下，仲有o的蒜容包，香到呢，睇下幾時又去搵阿隆姐先！

今日可能係 5.1 勞動節所以向九龍城啲食店好多間都有好多人客在門口等位, 我哋六點幾到隆姐都要等位呀!! 好彩等咗一陣已經有位啦!! 我哋點咗以下食物 1) 柚子沙律(2) 半隻海南雞(3) 一碟油飯(4) 泰式炒雜菜(5) 蝦醬通菜(6) 咖哩炒蝦(7) 蒜蓉朱仔包(8) 招牌炒飯(9) 泰式咖啡(10) 青檸梳打水一共十樣嘢都係 $460, 都算幾底食架啦!! 隆姐 d 泰國菜都幾好食架, 價錢又底服務幾好食飽又有糖水送, d 糖水都算好食不過多數都係送蕃薯椰汁西米露. 你哋不防去試試!!

18/04/2008 晚上一家四口8:05pm.到達被人捷足先登坐了最後一張四人枱，唯有等等等，一等就等到9:00pm. 其間老闆娘送上龍眼冰解渴非常多謝！有枱後就即刻點菜，猪仔飽只剩三個﹝先前等位時侍應幫我們留的﹞、炭燒猪脛肉、鐵板蠔仔煎蛋、泰式炒通菜、紅咖哩雞柳、串燒猪肉和雞肉，差點忘記咗肥美而充滿雞味嘅無骨海南雞半隻。炭燒猪脛肉好有燒烤嘅香味，鐵板蠔仔煎蛋味道調教得很好而且蛋夠滑，紅咖哩雞柳用來點猪仔飽和撈飯都一流，海南雞與串燒猪肉和雞肉餸啤酒就最好。地道又豐富的泰國菜我一定會再來。

27-03/2008 晚一行七人坐小巴前往九龍城晚飯, 上個月試過金蘭花泰菜, 今次改住隆姐泰國菜試試。開場活蝦剌身跟炸蝦頭先上, 點辣汁令到蝦身更鮮甜同膠口。再來是冬陰功湯(小辣) , 味道好辣度適中, 青檸梳打和椰青為大家解喝。泰式拼盤、串燒雞肉及猪肉(沙嗲) 、炭燒魷魚和猪頸肉沙律都被各人掃光。跟住每人半個蒜茸猪仔包, 伴著紅咖喱雞肉和鉄板蠔仔煎蛋, 然後再叫白飯一碗每人分少許,將剩餘的咖喱汁都撈埋。最後再點甜品芒果鴛鴦糯米飯, 點知原來有糖水送, 分別是椰汁西米糕及木薯西米露, 全部都幾得啦. . . .總結地方簡樸, 食物還可以, 服務一貫泰國人熱情作風. . . . . . 可以再來幫襯, 886

是日本來打算食完義香豆花就返家食飯係九龍城行下行下我同女友俾林林總總的泰國食店完全吸引住*_*係女友既威迫之下... 我地去左隆姐新店度食(新店好似少d人咁既...? 唔知質素會唔會差d呢?)一開始我地食抱住呢個doubt去食由於之前已經食左豆花我地淨係叫左生蝦刺身東蔭功炸蝦餅蟹肉炒反生蝦刺身好正... 鮮味過小曼谷佢係連埋個蝦頭上的(我地好膠咁問佢係咪同刺身係同一set的... xd)東蔭功... 極其SPICY!!!辣到我地個咀變晒個D NBA黑鬼球員D咀...... -＿-(奉勸各位如果唔係太食得辣切勿以身示法)搞到我地臨時叫多杯芒果冰...-,- 即搾的... 好鮮味炸蝦餅... 仲係超正炸到金黃色... 外脆內軟(上次同FD食過... 就係因為佢D炸野超正... 吸引左我今次再黎食的... *_*)蟹肉炒反... 幾好... 無試真因為個時我地已經飽到捧住個肚走......... -o-題外話幾位泰國阿嬤好友善仲同我地傾左幾句閒計添^^埋單222非常抵大滿足!聽日係公司LUNCH繼續食埋D蟹肉炒反佢先~!!p.s. 同舊店一樣咁正no doubt!

在隆姐吃雞飯就好幾趟,吃湯河就未試過.這間隆姐分店,在投注站隔離.格局似茶餐廳.同老店風格有所出入.撞正賽馬日,店內多了一班馬迷正在拿住馬經研究,這天小弟沒有心水,掛免戰牌,專心地吃.今次不要海南雞,要個鴨肉湯河.心目中的鴨肉湯河,最好就是用到鴨血作湯底.可惜,隆姐的鴨肉河湯底,不是用鴨血,頓時覺得淡如水.鴨肉味道不算濃,河粉就算滑溜.如果吃鴨河,還是去昌發或路邊街吃最為穩陣.

今日下午九龍城廣場後面有工程，所以一早就要去幫手﹗lunch入左呢間食個飯﹗香茅雞翼蛋飯﹗雞翼入味，一碟三隻，煎過好香，入味送飯一流﹗最緊要係佢地0的豉油落得岩岩好﹗最怕就係係咁易比兩滴你，搞到大半碟都要食齋飯﹗所以我覺得呢度食個午飯來說不錯呢﹗食飽飯又再工作﹗今年工程特別多﹗

我食過3次lu!第一次係朋友仔帶我去, 食過都幾好呀, 所以再帶其他朋友去lor!佢个生蝦剌身配埋d汁, wooo... 雖然我唔食得spicy, 但都要忍住食, 因為spicy 得來好惹味!!!佢个咸魚炒椰菜苗好好味, d炒粉又唔油, 好o岩我胃口!佢d裝修舊左d, d食物好味衛生咪得lor, 係咪!!

比起另一間隆姐各方面都係差d係得咖哩好味

之前朋友帶去食過一次,覺得d食物ok,所以今晚再去.落單係一個肥婆,其實唔係好想叫佢落單,因為一入去已見佢黑口黑面對客,但無奈係繁忙時間,冇其他waitress得閒,唯有叫佢落,問佢有冇麵就反問返我要咩麵?!我以為佢咁問法佢哋有好多種麵選擇啦!咪問返佢有咩麵囉,點知原來得一種,原來"要咩麵"嘅意思係咩餸配落d麵度!仲要黑住面打開個餐牌話"寫晒o係度妳可以簡轉麵o架o麻!"其實個餐牌全部都係粉,又冇寫可以轉麵......之後一路order一路黑口黑面!到埋單,有另一個肥婆攞張單埋o黎,正常都會同你講幾錢,唔講不特止見我裝張單就用原子筆圈住個數,勁冇禮貌!!到找錢都係一句多謝都冇!!!好似係啞咁!!到呢個時候我聽到隔離枱兩個女仔都忍唔住講"老板娘好似唔想做咁,可能唔憂做啦!"我諗佢哋都領教過佢哋d"態度"!所以我以後唔會再幫襯!真係不知所胃!!