隆姐泰國美食館

营业中

休息中

雖然好近公司，但係真係一排無黎九龍城食泰國野，於是今日放工就同同事去左食下泰國野咁。行左陣見到呢間野感覺都唔錯，就入左去食。入左黎食野，先發現野都算大，但係內裡嘅裝修都比較舊，不過算喇又唔係食裝修，我地係黎食泰國野嫁嘛。一拎起個餐牌我地就叫左大家都各位鐘意食嘅，務求盡快醫肚。過左無幾耐，菜就開始上。首先就係牛肉生菜包，聞落都幾香，不過啲肉炒得太辣喇，而且生菜俾得太少，我呢一棵都唔知有無。。。跟住就係炸蝦餅，一睇就知係即叫即炸，入口熱辣辣，而且份量唔算少，但蝦膠唔算多，略嫌有啲失色最後就蒸烏頭魚，都算今餐嘅一個亮點，條烏頭唔會煮到太老，食落口仍然有鮮嫩嘅感覺，而且仲大量嘅配料好冬菇果啲咁，最後配埋啲汁真係好惹味。總括黎講，今餐都算OK，不過味覺上總覺得差左一點點，但環境同服務都算唔錯，所以食得都算開心。

4個人6:30pm到，不用等位，點了9道食物亦來得很快。本來還很怕點得太多，可是每碟食物都很少。小食點了炸蝦餅、串燒（豬和雞）、豬頸肉、豬肉生菜包。炸蝦餅頗彈牙，但味道與質感不似手打蝦餅 ，沒有特別出眾。豬頸肉太薄太乾，沒有肉汁而且醃得不夠入味。很差勁的一味餸！串燒沒有牛肉，味道正常，中規中矩。豬肉生菜包，很易煮很簡單的一道，正常水平。青咖喱雞，味道不錯，伴飯一流。炒貴刁炒得好！夠乾身！可惜份量太少。 蟹肉炒飯大失所望 炒飯無蟹味，與普通蛋白炒飯差不多，若加點蟹膏效果會加佳！吃過的芒果糯米飯都是椰汁，而這個是椰醬，質感比較稠，味道更濃更香。而且糯米飯夠熱，全晚最滿意的一道菜

記憶中, 已經好耐無o黎九龍城食飯...KaKaMa未做KaKaMa之前, 好鍾意搵埋我同貓兄週圍搵食, 九龍城係我地搵食熱點, 回憶中, 每次來搵食都係好味的, 特別係泰國人主理的泰國菜... 咳... 唔好諗太遠, 都只係講緊新機場已經運作緊的年代...今日唔知邊樹來的雅興, 我地又重臨舊地了...餐廳由貓兄搵, 我可以休息吓, 呵呵... 開餐前, 我同貓兄走咗去曲奇XXX試食曲奇, 試咗好多款, 好滿足, 呵呵~ (我地一袋二袋咁行出門口, 唔係齋試唔買嘅呢)來到餐廳門口, 看見內裡的格局, 不禁有點心寒, 但隨即安慰自己, 可能敗絮其外金玉其中呢, 不要隨便以貌取人...由於事前我無調查貓兄所選的餐廳有什麼好吃, 所以事發時亦不應該發表任何怨言, 現在來個有碗話碗的事後報告...泰式拼盤 $96-- 很不濟... 蝦餅唔好味, 春卷勉強OK, 魚餅不成, 蝦卷OK... 餐牌上列明的香葉包雞不見了... 泰式柚子沙律 $48-- 唔明柚子沙律點解又有木瓜, 木瓜好酸好硬, 柚子多汁, 不太甜, 但唔明點解食到一陣膠碟味... 蒜蓉炒椰菜苗 $58-- 椰菜係我的天敵, 泰

隆姐泰國美食館係一間好有泰國傳統特色嘅餐廳，餐廳周圍貼滿不少有關泰國嘅照片，菜單亦有廣東話對泰文嘅翻譯，真係好有特色這間餐廳係泰國人開辦嘅，所以真係好有親自去泰國嘅感覺冬蔭公湯真係好有火效，由於我唔食得辣，所以食左幾啖就冇再食喇。。。但系味道真系幾風別，酸酸辣辣甘，少食會多滋味啲未試嘅可以不防一試！老闆仲請我哋食甜品涼粉，涼粉就幾好食啊，味道甘甘甜甜甘。由於我唔鍾意食太甜，因為唔健康，所以呢個幾岩胃口，甘甘涼涼甘

一進去就很有泰國氣勢，餐單都有泰文，又有泰國王的照片。黃咖喱蟹、白咖喱雞，配飯食真系一流。蟹肉鮮甜，雖然配上咖喱後味道稍被遮蓋，但仍然不錯比較欣賞既系白咖喱，甜甜地幾開胃。冬陰公都幾好食，又唔會太辣，酸酸甜甜辣辣，味道層次好豐富燒雞、豬肉串很有風味～豬頸肉、蝦餅不錯。飲料偏貴，約二十至三十多元。地方偏細，多過十幾個人有少許不方便。整體很好。

九龍城隆姐泰國美食館今晚，一行30幾人去食泰國菜。由於唔係好大間舖頭，所以坐得好迫下。我地叫左好多餸，冬蔭功對於唔食得辣既我黎講都可以接受。推介豬頸肉，真係好好味。仲有叫左咖哩蟹，好重咖哩味好正! 而芝士蝦啲芝士唔係好濃，大陣啲會更好。啲炒飯都幾有獲氣，幾好味。野飲叫左椰子冰，夠哂冰涼好正! 今次食左$112，但好飽。可以再去!

路經此店,入內試試.叫左:鴨肉河粉,醃豬頸肉沙律,炒金邊粉鴨肉河粉:鴨肉嫩滑又多,都幾大碗,湯底鮮甜.可惜河粉比較粗嚡,但都幾好味.醃豬頸肉沙律:用$58估唔到會用生菜去包醃豬頸肉食,好香好辣生菜爽口新鮮.超好味!炒金邊粉:份量幾多,料都足,可惜味道過甜左小小.整體:底食又好食.

可以準時收工！夾到時間同媽咪阿姨食泰菜！阿姨好好去攞位先！可以四個人坐卡位！不過都好窄！出入都好怕撞到人！因為枱櫈都拍得好近！叫咗：扎肉湯河--金邊粉好幼！索晒啲湯！扎肉唔會好乾！不太咸！湯底落好多蔥花芫茜！好香好味！泰式蠔仔煎蛋--呢個必食！鐵板熱住多汁嘅炒蛋同蠔仔！蠔仔有少少殻！點埋橙色辣椒醬！好惹味！飛天通菜--唔要馬拉盞！因為我們全部唔鍾意嗰陣味！普通蒜茸炒通菜！少少辣！好味！沙嗲串燒豬肉--唔乾唔嚡！有少少juicy，點埋花生味重嘅沙嗲醬！good!食物好快上！裝修簡單！食物地度！侍應好勤快！有人情味！飲外帶飲品都無話我們！食飽仲有糖水送！係熱芋頭椰汁西米露！味道都唔錯！今餐叫嘅嘢唔多！但全部食晒唔使打包！份量剛剛好

Other than the long waiting time, there's no other complaints i'd make about this restaurant.  Everything tasted amazing! This is a must try thai food restaurant.~Fresh Coconut- It was fresh and sweet, it also helps clear up some of the heavier flavors from the dishes we ordered that night. A good supplement for the meal.~Raw shrimp sashimi with chili sauce- The shrimp was fresh and sweet, had a chewy texture. The sauce was quite spicy for a non-spicy eater like me. But it was well worth to try

星期一有同事生日,去左食泰國菜, 佢話見到呢間泰國菜好多人排隊等位,九龍城兩條街有兩間的,今次我們去唔係主店,係分店,唔知係咪星期一,又唔知係咪分店,所以冇人排隊喎,間店好小的,仕應都係泰國人,唔係好識講中文架.我們點左:泰式金邊粉上菜好快,份量唔算好大,但係好味喎,有蝦,芽菜,蛋,同事話呢個味好好味,勁鍾意鐵板蠔仔煎蛋蠔係好大隻架,唔係平時食開的蠔仔,仲要好肥美架,好正呀生蝦生蝦都好大隻架,好爽呀,加埋D特制的醬一齊食,GOOD冬蔭公湯(小)小以為唔多,但其實都有好多碗喎,有兩隻大蝦,好多大大件的菇,味道都幾好呀,酸酸辣辣咁燒豬頸肉賣相好靚,都爽身呀,不過我覺得佢肥左少少呀馬拉盞炒通菜呢個菜都好青綠,馬拉盞唔算好突出蒜蓉包(兩客)好大件的,一客有四件,好香口,好脆呀,加埋咖喱一齊食好夾好好味呀黃咖喱雞賣相失色左啦,好淺的顏色,味道都唔係好突出,普通,唔辣架,雞肉都好多,都淋身的,仲有青椒飲品:芒果冰,菠蘿冰,青檸冰,珍多冰芒果冰好好飲,係好沙好滑的,透心涼呀後加:魷魚沙律這個沙律看樣子是沒甚麼的,但原來辣到飛起,同事食左一塊生菜,充滿辣汁,可以維持左好耐都未散呀,魷魚都好大件及爽口的

今日同朋友去街，之後大家都突然想食泰國菜，咁就當然係立刻坐車去九龍城啦，去到門口需要排隊，我地都等左成半個小時，好彩門口有椅子坐，我地一路傾計一路等，都唔覺半個小時。一人諗一個菜，結果大家諗左好多小菜出黎，我地三個人諗左四個小菜，一坐落去就叫左先，因為真係好鬼肚餓。青木瓜沙律青木瓜爽脆開胃，第一碟食最好不過啦，沙律帶小小辣，我自己就十分鍾意啦。酸辣鳳爪又一開胃菜，好似好耐無食過咁，一黎到我地一人幾隻，極速清哂，哈哈。酸辣醬汁調得好正，又夠辣，真係想外賣多碟返屋企炸蝦餅外脆肉嫩，蝦餅裡面啲肉好彈牙，又炸得香，好好味燒豬頸肉呢碟燒豬頸肉真係從不令我地失望，差不多間間泰國菜都燒得好好味，唔同嘅係佢哋嘅醃料，隆姐當然燒得最好味啦，哈哈。再加埋啲調味醬汁，非常好！大食嘅我地仲加左碟菜同咖喱蝦，一樣咁好味，蝦開邊，大大隻，加左炸粉炸過先放落入咖喱，泰國咖喱仲可以點麵包食，食都停唔到口呀！

其實之前已去過另一間隆姐因為o個度個生蝦唔夠實, 對佢印像麻麻不過朋友叫到, 就黎哩間試下一早book左19:30, 所以黎到唔洗點等就入得泰式沙律, 酸酸辣辣, 好開胃海鮮冬陰功(大), 都幾多海鮮, 同埋幾大鍋, 小真係細好多, 好夠辣, 正咖哩大包, 好食過澳門茶餐廳個咖哩農夫包, 好大個, 包身較軟, 同埋佢d咖哩同平時有d唔同, 好好食蒸烏頭, 普通仲叫左泰式生蝦, 好彈牙爽口

提起九龍城，除了牛肉餅外，所有人必定想到的就是泰國菜。這個香港小泰國真的泰國店就像便利店一樣，話需如此，個人因對泰國菜沒有研究，所以要選一間心水也沒有頭緒。兜呀兜，轉呀轉，最後停步在......記得上次在晚上經過隆姐，外面多人得誇張，今次難得經過可能接近落場時間所以沒人。 老實說店內的格局跟茶餐廳非常似，要不是擺設和貨物真不敢相信是在吃泰國菜。午餐餐牌意想不到的價錢合理，細心再看主餐牌見到原來不算太貴，相反小吃比主菜還要來得貴。不過為了不致太單調所以還是點了一道小吃。泰式酸辣鳳爪:老實說真的非常辣，表面上沒有所謂辣椒，但內裡其實好多辣椒籽，而酸味相反一點也不特出而是完全被蓋過。 吃不了太辣而用水沖一沖同時雖然辣味減退但酸味同時帶走。 相比之下越南式的味道很像還要平衡一些。雞肉濕炒河:上台時真的嚇了一跳，沒有想到浸著般上台，平時就算叫也只是碟上而多了少少汁而已。個人喜歡乾炒河勝於濕炒河，因為乾身少少沒有漏感同時來得更香。不過諗法可能要改一改了，因為這個肥大版河粉先經過炒香過再放入內，香味不單有同時還帶著汁內的味道，唯獨雞味缺少了要扣少少分。泰式炒金邊粉: 遲來先上岸真的沒錯，最後上竟然成

泰式柚子沙律$48用上了1/4個金柚。配上了泰式酸辣醬汁，其餘的配料也十分新鮮，開胃醒神。糯米釀雞翼$55一碟共有兩隻，每隻都炸得外表呈金黃色，香脆嘅外皮配以糯米飯。但糯米飯略硬。朋友覺得糯米飯變壞了，但店員解釋是加了醋呢。蒜容炒菜苗份量略小，蒜蓉味不太濃。可幸是油不多，上碟時令人有點失望呢。香茅豬扒湯粉用上了泰式河粉，每條有兩吋闊度，可惜豬扒只有一塊左右，亦不夠鬆化，湯底也不算濃炒金邊粉份量真的少得可憐，炒起只有一湯碗的份量，難道現今的泰菜都是這樣少嘛？九龍城有太多泰國菜館呢。這間可以放棄了。

九龍城有好多好食既餐廳，其中一間我最喜愛的，就是隆姐!夏日炎炎，先飲杯芒果冰，透心涼呀!生蝦刺身，好鮮甜，不過我只敢食左一隻燒魚即叫即燒，等左大概45分鐘，燒魚肉汁鮮美，加上酸汁，好開胃咖哩炒蟹，好多膏! 其他菜式都煮得好地道，好適合一大班朋友試多d款式