陸陸雞煲火鍋 (已結業)

想起自去年入冬前吃過一次雞煲後，整個冬天未曾再踏入火鍋店，現在立春已過，本已把厚身大衣收起，想不到，這兩天在潮濕天氣下寒風又再起，既然如此，今晚正好去暖暖胃，吃一頓鍋物。走到偏離旺市的染布房街及鼓油街一帶，原來聚集了的食肆也有不少，火鍋店子，路過見至少有3家，與食伴商議後，選擇了是分店的陸陸，推斷既有能力擴張，定必有多少實力。街坊店格局，膠椅小桌，幸好兩人入座安排四人桌子，不太擠迫！先選了青檸梳打特飲一支，$48，據店員介紹，會相比柚子梳打甜味低一點，酸味重一點應該有助解辣。檸檬數片再加多少檸檬葉，用葫蘆大玻璃瓶盛載，見賣相已覺清新，入口就是檸檬酸加梳打汽水的甜，亦算配襯，冰塊不少，相當清涼。四方張望，原來店子可真童心未泯，店名簡單好玩，66即是陸陸，取意淥淥，就是吃火鍋之方式，淥吓灼吓！牆壁上刻有雞仔圖案，背著辣椒，以示辣度有5款，BB辣、微辣、小辣丶中辣及大辣，店員用滾瓜爛熟的台辭解釋，BB辣就是少少辣味、微辣的有少少麻、能吃點辣可選小辣，既然講解敏捷，我亦隨即回覆，＂小辣＂啦！陸陸雞煲-小辣 (3/5)鍋到開電爐，稍為焗一會後，店員走到打開煲蓋，隨即麻辣香味湧現，用筷子攪拌食物後

今次又係3人行，3個女仔去食雞煲，揀左旺角陸陸雞煲，本身唔係book白布街架，但另一旺角分店冇位，所以就轉去白布街囉。入到店，一貫雞煲餐廳既大陣味，著錯衫...冷衫，吸味吸到暈。 餐前小食「麻辣吞頭」，當然係鴨舌啦，不過好似bb，好細條，辣味冇乜，不過麻味很香，光速食哂，因為好細碟 (笑)3個女仔叫例牌(半隻)太少，所以我地決定叫一隻，斷估食得哂既，雞煲一到，店員會埋黎幫忙搞下，炒香撈勻所有材料，不過太唔小心啦，彈到朋友件褸都係油。我地呢個煲叫少辣，我本身唔算食好辣，覺得辣味唔夠勁，但麻味好出，食到條脷都麻痹左，下次食會試中辣。雞煲除左雞肉要夠嫩，靈魂就係個醬汁啦，我覺得d汁都幾杰身，唔會太稀，醬汁可以掛滿每件雞，但偏甜，如果冇咁甜會好d。呢隻雞好大隻呀，仲好厚肉添，雞肉好嫩而帶彈性。唔想浪費d汁，我地叫左薯粉，喺未落湯時加入，等一陣就食得，每條薯粉都佈滿了醬汁，又夠煙un，好味，正。呢個好似叫蜂巢豆腐，我自己麻麻地中意食豆腐，但食左一件，豆腐入面有細細的氣孔，吸收了醬汁湯後味道依然係啖，但豆味好出，喜歡豆腐既朋友應該中意。墨魚滑，見到係黑白雙殺啦，一邊係普通墨魚滑，另一邊係加左墨汁，

飯腳相約，想食啲碌吓碌吓啲嘢，就去66啦！揀咗微辣，少少麻，香料好多，好濃同埋入味，雞幾大件，唔肥，半隻兩個人食啱啱好。食完加清湯灼肥牛係指定動作，牛肉好滑，灼3、4秒食得。仲試咗推介的炸魚片，幾香，外皮煙韌，好食。加啲菜，飲杯青檸水解辣，夠飽，每人兩百五，啱筆直！

和屋企人做節，選了這間朋友推薦的餐廳。雞煲分不同辣度，由於有老人家不吃辣，我們只叫了小辣的雞煲，味道不俗。最驚喜的還是火鍋，我們叫了蕃茄湯底，濃郁好味！此外，每一火鍋配料也相當新鮮，個人最喜歡他們自家製的炸響鈴，豆味香濃，雖經油炸但一點也不油膩，讚！唯一失望的是，我們每人Like了他們的Facebook page以換取一客免費生蠔，該碟蠔雪得奇硬，煮後入口極腥，我們有禮地反映給店員知，他們卻堅持這是日本蠔的特色，不肯退換！總括而言，這裡食物不俗，不過既然是碟碟計錢而不是任吃，出品好也是應該的，對嗎？

本來吃隨變雞煲多，但食物質素每況愈下，而且半隻雞也不足秤，有點被騙及失望。只好放棄之。唯有四處搜尋其他雞煲。這種「先吃雞再邊爐」的食法，正正迎合「邊爐精」的雙重喜好，雞肉愈滾愈濃。我吃不得辣，所以選擇: 微辣侍者建議說，BB辣比較淡口，如果喜歡濃稠又不辣的，微辣最好畢竟每家店都有自家秘方，而且辣度甜度甚至味道都各不同。這裡做的，甜味較突出，濃香撲鼻，端上桌，香氣逼人。醬料濃稠，沾滿了一窩的雞，每件都愈食愈惹味。這裡的雞煲，最緊要有耐性，因為標榜即點即製，才把雞、辣椒乾、花椒、薑蒜、等炒熟，味道比預早煮好的更勝一籌，雞肉盡吸香料精華。雞煲醬很香，雞肉雖滑，但新鮮度稍遜，建議趁雞肉嫩滑時一口氣將雞吃光，然後再加4份1湯，放下火鍋配料才吸收雞煲精華。其他火鍋配料:大蜆不太鮮甜，但清洗乾淨，合格陸陸自家製響鈴這個響鈴偏厚，較普通。但吸收了雞煲醬後煥然一新。雞煲醬汁的確重要。蘿蔔很甜，每次必點椒鹽鮮魷很粉，不脆。不太香口。

話說我今晚宵夜打算去白布街食甜品，果度開左幾間新甜品一直想試，行下諗住食邊間先，發現有雞煲食喎，宵夜時段又有折，咁就入去食完雞煲再食甜品。一個人食就叫左半只雞煲加碗白飯，雞煲上枱香噴噴，不過阿姐話未食得，要等。等左一陣佢來攪啦，開蓋果下好香。＂滋滋＂聲，太留心睇，無影到相…攪完仲未食得，又要等…佢話焗耐d好食d wor, 前後等左成10分鐘，終於食得。半只雞份量好多，淨係食雞都飽曬。個雞煲唔系水汪汪，都好多汁，撈飯一流。辣度OK，不過好麻。仲有個雞煲甜甜地，幾好送飯。一個人真系食唔曬。因為我仲要留肚食甜品。總括味道丶價錢丶環境、服務丶可以推介俾大家！

朋友慶祝生日話要食雞煲，呢間之前食過，見新舖又去試下先呢間舖位置個個朋友都話唔系咁易搵，因為個門面裝修同之前果間唔同，行過左都唔知，因為望入去唔似食雞煲囉！雞煲味道同之前沒有太大分別，一樣咁好味，不過等個煲比較耐，都成20分鐘。一樣有人攪煲招呼。食物方面水準保持到，略嫌響鈴唔夠脆、另外有d梳打特飲價錢略貴，成$48 一渣。順帶一提，當我通知老細上得蛋糕，佢特然問我要唔要music, 雖然我唔知咩music 咩事，不過我都話要左先，無蝕底。原來上蛋糕既時候會熄燈，播生日歌，好surprise。我以為西歺先有既服務，呢到都俾到。

上次食好味啲，今次愈食愈油膩，第二日仲滯住。啲油麥菜都好古怪，有苦味。響鈴係 ok ge 但我 prefer 盛記個啲。手切肥牛，都幾肥下普通蟹子丸 六寶，除咗手打墨魚滑幾好食，其他好普通仲叫竹生，枝竹，蜂巢豆腐，豆腐太鞋難以下咽。都算貴 5個人食一人200。侍應可能係老板，態度不好，不會回頭。

小妹一星期前打電話到奶路臣街店訂位。負責人說因為我們有8個人，而奶路臣街店沒有大枱了，於是叫我們當晚準時到白布街店，限時2小時。我們一行8人準時到達，安排坐二樓位置。店面裝修整潔、摩登，枱與枱之間的距離蠻多，叫了2個雞煲。一個小辣大雞煲(全隻雞)，另一個小辣多麻雞煲(例牌)。到這來就是玥食雞煲。小妹是食小辣多麻那煲。可能小妹嗜辣關係，我想說，太失望。辣味小得可憐，麻又不夠麻，雞沒有雞味，煲的配料沒有芫茜，沒有洋蔥，唉。火鍋菜式方面點了鵝腸(不肥)、手切肥牛(不錯)、丸類拼盤(較特別的是黑色的墨魚丸，因為他們聲稱有用墨魚汁製)、雲吞水餃、鯇魚片、午餐肉、脆皮腸、響鈴、炸芋片、鮮腐竹、油麥菜、唐生菜(全都是普通，沒感到特別新鮮)。下次不會再食喇。