陸陸雞煲火鍋 (已結業)

久違的陸陸雞煲😙，今次有埋海鮮套餐，$298 每位，相當豐富，不過不包飲品。冷盤小食，冰鎮花螺，很久沒品嚐鮮甜彈牙的花螺，小時候時常食，這個配辣豉油一絕。雞煲點了小辣花椒味重，小辣麻味重雞件嫩滑美味雞煲後就換上另一個龍蝦湯底，原隻肥美龍蝦，原來是全熟，只怪店員沒事前說明，就送在湯底滾得太耐變得肉質太實。湯底另有粟米、蕃茄，有少少鹹。海鮮拼盤，7-10款，今次有9款整體海鮮相當新鮮，特別是鮑魚上檯還在蠕動，超新鮮好彈牙可口的鮑魚~~海蝦也是很不錯。豬肉片、牛肩胛片夠薄身確實是牛有牛味、豬有豬味，有肉香味之餘質感好可口。炸魚板皮好脆沒有怪味，而響鈴就一般好腍。還有雜菌類併盤，好多選擇。有手打蝦丸、墨丸、豬肉丸、魚皮餃、雲吞、水餃、白菜豬肉餃、韓式泡菜餃等2人份每人一粒，剛剛好不會太多。這個套餐份量比較多，但不包飲品不夠滿足。

今次要介紹比大家係一間雞煲火鍋店，同事搞左個聚會相約旺角分店，他們話此店本身都高質素，今次仲要係6週年優惠，每位也只需$298 就可享用他們雞煲同海鮮火鍋，真係無得輸。食材超豐富，性價比高，服務一樓細心！先黎個凍食螺肉鮮味有咬口，非常好味。陸陸雞煲雖然得半隻雞但配料足就更美味，青椒洋蔥芹菜香氣撲鼻口水流，雞肉都鮮甜食到雞汁香辣惹味。 起初擔心唔夠飽，你地睇埋下面係餐包的。 最後竟然要打包外賣添！主打原隻龍虾湯底有隻龍虾在暢泳，滾起後店員幫我們整埋上大碗教我們待涼後擦肉食！ 試一口湯就知唔係一隻龍虾嘅味道，應該係用左好多虾同龍虾煮成！跟手送上震撼嘅海鮮盤，起碼十種以上海鮮還會郁超正，鮑魚更舞動起來，蟹，蟶子，廣島蠔，貴妃蚌，紐西蘭蜆，大頭虾，海虾，脆肉鯇同鮮帶子，未食見到都流口水。不過蟹肉唔夠實用。其他就非常滿意，鮮甜味美，蟶子更加有咬口！雜菇拼盤 好齊全又多，排得漂亮有心機，見到也欣賞。雜菜盤包羅萬有，塘生菜，通菜，油墨菜同旺菜，海鮮湯底令平平無奇嘅蔬菜鮮甜，能吸收晒湯嘅精華可能海鮮嘅吸引力較大，肉類如牛肉，牛粒同黑毛豬片雖然都好正，可惜已經好飽了。不過提大家只灼十秒左右剛轉熟就可以，

因為我地三個人就有半隻雞，而今次我地叫咗小辣，味道微辣又有雞香不錯，雞肉又夠嫩而配菜煲完之後十分好味道。不久就食完仲想要加水打邊爐，點知原來這裡打邊爐是再用原隻龍蝦湯底好意外，而且打邊爐料都開始來到了。直情有點驚訝。龍蝦湯底的龍蝦都幾大隻, 肉都不少而且都鮮甜, 打邊爐材料勁多, 最後仲要吃不完最後打包了二盒回家。新鮮肉丸每人有一粒, 食落去口感不錯而且都好足料。魚皮餃, 雲吞和餃子材料新鮮又大隻, 煮完都吾會好易爛。肉類十分新鮮,特別牛肉口感不錯。響鈴新鮮而且吾油。不同的菇類每款都不少, 最後都吃不完。最期待的海鮮盤好大盤，朋友都二口同聲講海鮮十分新鮮而且款式十分之多有：魚, 鮑魚,聖子,貝殼類，新鮮又鮮甜，每款都十分大隻，食完這個海鮮盤都講這價錢有這質素十分抵食。飲品有特飲, 汽水, 今次我地就叫了可樂和維他奶, 勁有氣而且仲岩晒打邊爐添。

前幾日同朋友傾開講起大家都好耐冇食過雞煲, 但大家又好想食海鮮所以我地就去搵下. 點知俾我地搵到一個地方可以滿足晒我地既既願望. 餐廳轉過左一條街裝修完全轉晒風格, 周圍都有好多唔同既POP ART 去做DECORATE 好明顯係下左D 功夫!呢個就係我地萬眾期待既套餐, 而家仲要有特價 $298一位. 套餐真係咩都有齊,唯一一樣野就係套餐冇包飲品. 一黎到就有一個熱辣辣既雞煲!! 超級香... 店員好用心咁幫我地炒.  炒到勁香再放多左5分鐘就食得. 味道好適中微微辣, 唔會太油同太咸. 雞肉都炒得好香口. 中間仲有好多配料有青椒洋蔥呀... 真係入晒味. 正... 好味到我地連芹菜都食埋. 食完雞煲後就換左個龍蝦湯底俾我地去食其他既配料. 一黎就黎過好大既海鮮拼盤, 海鮮樣樣都好新鮮同埋份量都好足, 仲有D 係個MENU上冇既都有埋, 即係抵晒. 我地食完海鮮後就食其他配料樣樣都好精緻同新鮮. 餃同丸類都好特別唔係一般既丸. 樣樣都好精緻. 出面都有好多類似呢D SET, 不過呢間既配料同價錢真係超出正比. 食物質素真係唔只值呢個價. 

死黨係邊爐精，成日搵到又抵又正邊爐。今次係旺角陸陸雞煲火鍋，除海鮮邊爐外，點少得雞煲過足口癮。一入餐廳已經聞到麻辣香味，混合左芫茜同洋蔥配料，二人份量都唔少。侍應好親力親為地服務我地，幫我地睇火同攪拌，所以時間掌握得好到位。麻辣雞肉嫩滑，食得好過癮。侍應見我地食完雞煲，立即上左龍蝦湯底，大大隻龍蝦令到湯底好鮮甜，而且好肥美多肉。海鮮拼盤款式多且新鮮，鮑魚仲識郁。貝殼類有鮑魚，帶子，蟶子，貴妃蚌等，彈牙爽口。大頭蝦有蝦籽，基圍蝦甘甜，仲有蠔同魚片，足料又正。然後係澳洲牛，牛肉粒同豬肉，牛肉幾濃，雪花分布算平均，所以口感唔錯。仲有手打豬肉丸，蝦丸同墨魚丸，雲吞水餃， 炸響錢口同魚皮，雜菌同蔬菜籃，好豐盛又大堆頭，最重要全部新鮮，價格又合理，侍應服務又到位，大大滿足。最後送上凍西瓜同雪米糍作為總結，飽到捧住個肚走。

擇日不如撞日   雖然天氣仲未凍  但係打邊爐食雞q煲又真係無分季節  所以當班frd話食飯 就諗都唔諗就決定過旺角食呢一餐咁岩佢呢排做緊個套餐  有雞煲 有火鍋 都只係兩百幾三百蚊  一於就叫呢個set科技真係日新月異  如果想追加野 或者叫野飲 可以直接用tablet落單   方便快捷 正呀陸陸雞煲先講個雞煲   因為有朋友唔太食得辣  所以叫左BB辣   結果辣度岩岩好  岩哂各人口味   雞肉嫩囗  口感唔錯  份量岩岩好 唔洗擔心龍蝦湯底真係大大隻龍蝦  大家記得食埋佢呀海鮮拼盤上面  有好多新鮮海鮮  當中最深刻既係大大隻鮑魚  食之前真係忍唔住要係咁影相食得出所有食材都相當新鮮  肉質仲非常結實陸陸海鮮拼盤 (鮑魚，帶子，象拔蚌仔，貴妃蚌，廣島蠔，蟶子，蜆，海蝦，魚片，魷魚，肉蟹)頂級牛肩胛牛肉非常好高質丫 另一方面  我地4個真係多抱住個肚走  配料多到連將枱都差d擺唔哂當中我覺得最特別要試既係佢地黑漆漆既墨丸   非常彈牙手打蝦丸，墨丸，魚皮餃，雲吞，水餃，白菜豬肉餃，韓式泡菜餃，魚片頭，蟹柳棒，午餐肉響鈴同魚皮聽店員講都係自家製 非常脆口 配合佢個龍蝦湯 咪道

今晚同男朋友食飯，突然心血來潮想食雞煲，就去咗食位於白布街嘅呢間陸陸雞煲。間餐廳都幾大，好似有兩層，我哋等左一陣就有位啦，坐得尚算舒服。呢度都幾多嘢食，而且好智能化，係用iPad揀菜嘅。最後我哋覺得海鮮餐好抵食，所以就揀咗，而且依家仲做緊六周年優惠，每人只需$268 ，就可以食到。前菜：有螺肉同埋番茄仔，番茄仔嘅甜。雞煲：我哋叫咗小辣，覺得雞煲嘅調味非常好，唔會太鹹，但有幾惹味，而且啲雞好嫩滑，同幾入味，係幾好味。龍蝦湯底：間餐廳唔會用返雞煲個汁來做打邊爐嘅湯底，我好欣賞，因為唔使食咁油。佢提供左係一個好高級嘅龍蝦湯底，真係成隻龍蝦咁煮，我哋首先食咗個龍蝦，真係好大隻，啖啖肉同埋好鮮甜，真係覺得好抵食。海鮮拼盤：海鮮拼盤好豐富，有唔同嘅海鮮：鮑魚，大蝦，海蝦，帶子，貴妃蚝，魚片等等。一上菜，就覺得呢度啲海鮮好新鮮，因為隻大蝦仲係跳緊嘅，應該跳咗有成幾分鐘，可見呢度嘅海鮮真係好新鮮。而且每款海鮮嘅肉質都好鮮甜，唔會好似好媒咁，肉質彈牙。我最鍾意嘅係佢嘅大蝦同埋鮑魚，因為好爽口同埋好鮮甜。其他嘅海鮮都好高質，食完雞煲再食海鮮其實已經好飽。牛頸脊：個牛肉都好好食，好有牛味，同埋唔會好硬，肥瘦

朋友結婚了 約左幾位好友派帖 雖然天氣熱 但成班人都想打邊爐食雞煲 今次簡左呢間抵食 3 4百蚊有有海鮮餐邊度搵！！雞煲-有bb 辣至大辣，我地簡左bb 辣 海鮮餐配龍蝦湯海鮮拼盤(鮑魚，海蝦，魚，蠔，蜆)賣相一流 唔係hea 擺 我地一行四人每樣一人食到1-2片 完全過哂海鮮癮 食材新鮮 咬落去有咬口 係新鮮先有既口感 4人絕對唔洗爭 鮮味十足 肉質彈牙 絕對唔係唔新鮮個隻霉味 我地一邊食一邊好滋味 食完都真係滿足左一大半牛肩甲 牛粒-脂肪分佈比例平均 食落口感好正 墨丸 蝦丸-食落爽口彈牙 配小小豉油已經好好食雲吞 水餃 白菜餃-皮薄餡靚 餡料勁豐富 蝦既比例絕對佔大部分 好正午餐肉-切到一粒粒 食落去口感最好炸魚皮-夠哂脆口 配埋好香既湯底真係無得輸嚮鈴-新鮮仲好脆 吸收埋湯既精華真係不得了菜盤-新鮮青綠 平衡一下食左咁多濃味食物呢間又有雞煲又有打邊爐 絕對滿足到大家既胃口 真係無得唔encore

好耐無食雞煲，係旺角咁多野食，好快就俾我搵到間雞煲又好坐既餐廳好青少年feel ,覺得自己年輕左吾少真係無眼花，每位$268有雞煲，海鮮，原隻龍蝦湯底，手打丸，牛肉，全部應有盡有第一樣當然係雞煲好正，小辣，又香雞好滑，用鮮雞無眼花，2人份量有4隻鮑魚，2隻貴妃蚌，2隻蠔，2粒帶子，魚片，大蜆，魚蝦2款共6隻真係抵到你吾信鮑魚同蚌同蝦都勁新鮮，仲識郁，鮮味又彈牙午餐肉，蕃薯仔，魚片頭手打墨丸，豬肉丸同魚丸，好彈牙，細細粒仲有水餃，蟹籽丸蝦丸一大堆什菜好新鮮魚皮脆卜卜響玲午肉，牛粒，豬肉好紅潤，好嫩滑原隻龍蝦湯底，湯底好重龍蝦味你完全無念過$268可以食咁多野，最後有一半要打包

朋友話好食去試下，我地九點五十七分到，甫坐下就叫了一杯凍飲，然後再睇下有咩食，個雞煲又真係幾好味，仲點左少量海鮮，同埋肥牛，肥牛有一半或以上超級多脂肪，個貴妃蚌都幾好味，仲個珊瑚蚌就好有般，其他材料都ok另外飲品價錢都正常，我地三個人去，兩個人食一個人齋飲，全程都覺得唔錯，唯一美中不足嘅係朋友第二日話：兩分鐘你都唔等，有八五折禾，覺得店員無提醒，又無寫响門口，個心唔舒服，感覺被中左伏，要好味過佢大有人在，唔會再幫襯。

呢間雞煲食左幾次，味道係中上既，係價錢少少貴，所以未至於成日去食講返個雞煲，啲麻辣夠香辣度又易接受，雞都算多而且入味，兩個人的話，食完個雞煲已經半飽，後面可以就住叫黎過幾次，近排有個新小菜-咸牛肉芝士釀油條，大推！！👍啲油條好想，夾埋個辣湯底非常美味😋

見到廣告話6週年$268/位，有海鮮拼盤再加個龍蝦湯打邊爐，唔限時幾抵咁，一於約埋朋友2個人去試下。間舖開6點，6點15分就去到，有一枱人已經食緊雞煲， 一眼望晒，原以間舖好細間，食食下陸陸續續黎左好多人，原來這間店仲有上層的，咁都算大，唔會話無位。員工好有禮貌，坐低左就俾部pad你點野飲。落埋半邊先BB辣雞煲先，都要等十分鐘架。朋友唔食辣，個BB辣都好適中，真係好微辣，朋友都食到，味道唔錯，配料洋蔥青椒都好夠淋。食完就叫佢上個今日主角海鮮加龍蝦湯湯底。個海鮮拼盤都幾睇得下，略為不太喜歡佢既裝飾，總覺得唔夠衛生。龍蝦係湯時唔記得影，唯有分開影返補數。鮑魚好夠淋，貴妃蚌、蜆、蟶子、蝦都好新鮮！魚片同蠔就麻麻喇。一路食海鮮，一路黎配料，食左一半海鮮都飽飽地，其實佢d配料麻麻，對佢地既雲吞無咩寄望，直情話唔使上了。牛肉粒係最好味的，反而牛肉片無牛味，d丸只叫彈牙，但一樣係冇咩味，其實最敗筆既係佢既龍蝦湯底，有陣苦味，如果唔係應該可以食多少少野落肚，但真係唔想用個湯黎打邊爐。呢個價錢任坐都叫做可以既，無人催你走，同朋友吹下水食下野都唔錯。

耐唔耐都想食下雞煲打邊爐 於是約咗老友 預早book定去食 雖然天氣熱 但係裏面冷氣足夠雞煲叫咗bb辣 一上枱已經好香 有專人幫你炒雞肉辣嘅程度剛好 雞煲肉質嫩滑 好大件好入味 仲加埋青椒炒 有兩個爐 可以一邊食雞 一邊打邊爐湯底有龍蝦 蕃茄 粟米 蜆 龍蝦 龍蝦大過隻手掌 好鮮甜啖啖肉 龍蝦隻槓好好食好結實 每一啖湯都好鮮甜濃郁既味道海鮮火鍋拼盤有新鮮鮑魚 帶子 象拔蚌 蟶子 海蝦 蠔 魚片 每隻鮑魚仲識郁 超新鮮魚片都好爽滑 全部材料睇得出好新鮮 夠四個人仲有隻蟹送 物超所值呀！

好耐冇食雞煲啦，於是今日約咗朋友去旺角呢間陸陸雞煲，因為朋友試過喺呢度幫我慶生，所以知道呢間嘅雞煲有質素保證陸陸雞煲喺旺角有兩間分店，我哋就去咗白布街呢間原本諗住單點雞煲，點知見到呢個勁吸引嘅海鮮餐，於是就點左黎試吓啦，海鮮餐以人頭計，每位＄268主角上場啦，雞煲一如以往咁好味，甜辣嘅醬汁配上鮮嫩嘅雞肉真係好正，即使配菜與洋蔥及青椒咁都爽脆入味！食完雞煲以為會加湯變龍蝦湯，點知原來係另上另外一個龍蝦湯煲，而且隻龍蝦嘅size真係貨真價實，我同朋友都o左嘴跟住上場嘅係呢個美輪美奐嘅海鮮拼盤，分量依然10分驚人，有鮑魚、帶子、蟶子、海蝦、象拔蚌仔、廣島蠔以及蜆等等，放入龍蝦湯裏面滾令到龍蝦湯更加鮮味肥美爽脆！如果以為個餐就咁完結就實在太天真啦，跟住落嚟仲有呢碟頂級牛肩胛，薄切牛肩胛配上已經鮮味十足嘅龍蝦湯味道依然不俗跟住仲有蟹柳以及午餐肉粒打邊爐又點少得脆魚皮同炸響鈴各式各樣嘅肉丸以及餃子多到令我同朋友覺得好似一次過食晒陸陸雞煲Menu上面所有野咁，而且份量都係以二人計，有墨丸、蝦丸、雲吞、水餃、白菜餃以及泡菜餃等，滿足晒貪心乜都想試嘅我哋墨魚丸爽口彈牙最後當然唔少得鮮菜啦埋單每人約＄28

上次去66雞煲已經係兩年前既事 見到66雞煲新出左雞煲海鮮火鍋套餐 一於去試下朋友叫左個柚子梳打 出奇地大杯同都重柚子味我地四個人有一隻雞叫左小辣 辣味不算太重 雞都算入味同可以仼添 食完雞煲 終於可以打邊爐 我地個湯底係龍蝦湯 仲有成隻龍蝦上 等大家可以食埋隻龍蝦 套餐個重點當然係海鮮拼盤 鮑魚蝦都好新鮮 仲有帶子蠔魚蚌蜆 不過海鮮就無得仼食食完海鮮 仲有丸 肥牛 菜 餃子肥牛都不錯同份量都夠 餃子有小小出乎意料之外 竟然係我鍾意食既泡菜餃食完個套餐 仲有甜品送！正啊 朋友話成個套餐都值！