陸陸雞煲火鍋 (已結業)

約一班人食飯好鐘意係食雞煲大家一齊打邊爐又爭下雞煲食既感覺好熱鬧店員推薦我地叫呢個雞煲海鮮套餐除左可以食到雞煲之外一個價錢就可以又打邊爐又食海鮮雞煲既份量都幾大而且店員會主動幫我地計好時間食感覺唔錯當食完雞煲之後就會換煲打邊爐既湯底係龍蝦湯真係鮮甜可以當湯咁飲海鮮拼盤有鮑魚, 帶子, 蚌, 蠔, 蟶子, 蝦, 魚片同蟹仲有肥牛肉丸個D, 真係多到食唔哂咁所有食材都好精緻, 完全唔係放題任食個D料蟶子係真係好鮮甜既!! 成個海鮮拼盤既質素係高過我既想像最後仲有冰西瓜食可能係夏天先有既解暑生果!!

近排天氣又落雨又凍返, 食個雞煲就最岩今次食既係陸陸雞煲火鍋海鮮套餐唔係任食架, 但D野食真係多到食唔哂咁!!我地一行三人食, 佢呢度既食品係跟人頭數上既首先黎既就係雞煲我地揀左小辣食, 雖然我唔係一個好食得辣既人但我覺得可以食到中辣既口味!!超好SERVICE, 佢地會幫我地安排好哂總之佢話食得就食得啦!!雞件超多肉, 而且好夠味!!先黎既係呢D可以用雞煲汁煮熟既食材!!超濃雞煲味好鬼正海鮮係超X多既, 咩都有連蝦都有幾種唔同款既可以比我地食!!個人覺得最正都係呢個龍蝦真係原隻上, 完全唔會比佢呃好鮮味而且夠大隻夠新鮮最後仲有生果同甜品食!!成頓雞煲超飽超好味

問同事最近有乜嘢平靚正嘅雞煲，朋友就推薦依一間話有個套餐好抵，有海鮮又有龍蝦咁，即刻book定兩位，同自己一樣咁鍾意食辣嘅男朋友一齊試吓。套餐$298一位，但係唔包野飲，飲品自己係平板度落單，其他嘢食就已經準備好唔使諗。首先有東風螺做前菜，未試過凍食，原來都幾鮮甜。我哋叫咗大辣雞煲，入邊所有香料超級齊，麻椒花椒八角，大量鮮辣椒同乾辣椒，夠香夠辣夠惹味！洋蔥都用咗紅洋蔥同普通洋蔥兩種，啱晒最鍾意食洋蔥嘅我。兩個人既雞煲份量都幾多，比一般嘅半隻都要多，係相當滿意嘅麻辣雞煲。之後就轉個龍蝦湯打邊爐，試一啖湯底，龍蝦味好香，加埋粟米蕃茄令到個湯好甜。套餐入邊嘅海鮮兩個人都有九款，比想像中吸引，蟶子皇最正，大隻又厚肉。珍珠蚌鮮甜。羅氏蝦雖然唔係大但都膏，甘香。食到咁上下終於等到龍蝦放涼左少少。size比想像中大，龍蝦鉗同個身都好多肉食，兩個人完全唔使爭。龍蝦肉質都幾爽，唔會話又散又軟，正。響鈴明顯地係自家製炸得厚又脆蔬菜新鮮，雜菌更加驚喜，portobello mushroom都有，火鍋店少見。肉類不過不失反而水餃同手打丸有驚喜！水餃嘅皮同出邊唔同，薄而煙靱滑溜，肉餡多汁豐富。手打丸超彈牙，出色

旺角一間雞煲都好出名，喺旺角同油麻地中間位置，總共有兩層，最近好似推出左個陸陸海鮮套餐，可以食雞煲同埋豐富海鮮，以及豐富嘅配菜等等。每位$298 ，份量真係多到不得了！一開始就食咗雞煲先，我哋揀咗少少辣，都算幾入味嘅，而且好多芫荽等配料，令到成個雞煲更加豐富。食完之後就到龍蝦湯，成個煲都要換咗，啲龍蝦味道都幾香濃，所以留意番佢真係落足料，如果海鮮敏感嘅話就要避免啦。海鮮火鍋拼盤，好似大抽獎，睇下最近有啲咩係新鮮嘅就會攞出嚟比客人享用。(鮑魚, 帶子, 象拔蚌仔, 廣島蠔, 蟶子, 蜆, 海蝦, 魚片, 魷魚, 肉蟹) 不設指定我哋呢個拼盤份量都好充足架！一人一件永不落空！鮑魚就夠晒新鮮，仲識郁。帶子都好彈性鮮甜。海蝦仲有分兩個size，真係夠晒多元化了。最特色一定要講下個肉蟹，佢除咗多肉之外，最主要係中間有超級多膏，見到都吸引，食落去味道都好香濃！陸陸雞煲呢一個海鮮套餐仲有好多其他唔係海鮮嘅嘢食，包保你食到飽，分分鐘食唔晒要打包（除非你係大胃王食得晒）頂級牛肩胛, 豚肉牛肩胛同埋豚肉都分量十足，質素唔錯顏色分部都幾均勻。手打蝦丸, 墨丸, 魚皮餃, 雲吞, 水餃, 白菜豬肉餃, 韓式泡

今次1行4位食呢間陸陸雞煲, 今晚來店來得早，未見人流，店舖睇落有裝飾過,環境都舒適。職員更特意介紹我們叫左個$298陸陸雞煲火鍋海鮮套餐,一坐低就有自助醬汁慢慢畀你調配, 前菜係螺肉.我知道雞煲要等的，一坐低我就點了雞煲(小辣)先，職員都好快上左個雞煲, 即時再兜一兜, 個汁有洋蔥同埋莞茜,屬偏甜濃郁,雞件入味，肉質嫩滑.食完雞後諗住叫職員加湯食火鍋海鮮, 點知職員話係成個煲轉龍蝦湯火鍋,係隻龍蝦放入湯到, 湯㡳鮮味夠晒。配菜有蕃茄粟米可以減低湯底的油膩感，食落更為健康。全程職員幫我地處理.仲可以點醬汁海鮮火鍋拼盤食材好豐富，全部都好新鮮,而且都係靚海鮮 有鮑魚, 帶子, 蠔, 蟶子, 蜆, 海蝦, 魚片, 大大隻肉蟹.其實火鍋料新鮮就是最正.其他肉類方面就有頂級牛肩胛, 手打蝦丸, 墨丸, 魚皮餃, 雲吞, 韓式泡菜餃,魚, 鮮菜籃, 自家炸響鈴, 炸魚皮,香菇拼盤)最後仲有個抹茶紅豆糯米糍,同冰西瓜倣甜品.食份量一定夠食，仲會太飽!D 野食真係太多, 可以打包D 菜, 或熟食走唔好晒野....職員好有禮貌，服務不錯，加分。

朋友突然想食雞煲，上open rice搵，搵到66 雞煲...打電話去問下有無位，無人聽，但我都諗住去睇下有無walk in喇，點知行緊去，突然收到他們回電俾我，呢個真心要讚👍🏻👍🏻👍🏻入到去，環境都幾舒服，之後就點咗雞煲火鍋套餐，雞煲有六種辣度選擇，我選擇BB辣，味道夠濃，食完雞煲就到火鍋，火鍋係龍蝦湯底，有海鮮拼盤，海鮮的確新鮮，龍蝦又大隻又新鮮，仲有其他火鍋配料最後仲有西瓜冰同糯米糍食到我們飽飽的最貼心的事，食唔晒，仲俾我地打包回去，不浪費👍🏻呢間值得推介，價錢真心抵！

這天約了2個朋友去陸陸雞煲火鍋食晚飯, 點了個陸陸雞煲火鍋海鮮套餐,而每人各自點了不同的飲品, 我當然選了最正既樽裝大支可樂啦。先上一個雞煲, 我地選了辣的, 勁香, 勁惹味, 一吃便喜歡, 停不到口 。食完雞煲後, 換了新鍋, 是龍蝦火鍋湯底, 原隻龍蝦放在裡面. 先試一口湯, 龍蝦味不錯，而且之後食龍蝦口感都十分好吃。同時間, 先上了海鮮打邊爐的材料，有飽魚,帶子，蟶子等一整盤，勁吸睛，每款都有幾隻，食材都頗新鮮的。之後陸續上其他配料, 有響鈴, 雲吞, 墨丸, 仲有一大份蔬菜籃, 他們一邊上菜, 我們就一邊嘩, 這麼多的食物根本不會吃得完, 最後食都勁飽, 還打包2大盒食物走，價錢抵食又新鮮，蠻不錯的一餐。

雞煲配任食火鍋已經不是新鮮事了。但聽說有店用整只龍蝦做湯底, 就是旺角的陸陸火鍋。雖然火鍋部份不是任食。但這個298套餐包一客招牌雞煲, 原隻龍蝦火鍋湯底, 海鮮拚盤。肉啊菜啊, 丸類餃類都有。但不包飲料哦。套餐先上一個小菜冰鎮花螺。很多地方都用辣酒煮。其實這樣冰鎮就夠了啊。爽口又彈牙。招牌雞煲。上檯時還要再稍稍煮下, 但侍應們都會主動過來炒, 基本上等吃就好啦。 雞煲醬汁香氣撲鼻, 雞件每塊都大大件, 肉嫩有雞肉味, 沾上惹味醬汁叫人一件接一件。可惜雞煲沒有refill, 不然必會encore。吃完雞煲就轉期待已久的龍蝦火鍋。真係原隻上,冇開邊。先上了魚皮響鈴。沒有太特別就正正常常。肉類拚盤有豬肉和頂級牛肩肉, 牛肉粒。肉質鮮嫩, 油脂分佈均勻。稍稍涮一下, 入口即溶。雖然只有幾塊, 但貴精不貴多啦。重點主打的海鮮拚盤, 有鮑魚, 聖子, 帶子, 貴妃蚌, 生蠔, 鮮蝦等共八款海鮮。 其中鮑魚超新鮮, 還是活的會動。貴妃蚌聖子等都是啖啖肉。肉質爽又彈牙。記得海鮮都別煮太熟那就不好吃了。吃到這裡都有點飽了但還是得吃蔬菜均衡飲食。除了雜菜沒想到還有雜菇拚盤啊。足足五六款很有誠意。最後就是

又到舊同學聚餐的日子，會長選了旺角的陸陸雞煲火鍋，是食雞煲火鍋海鮮套餐，他親自試過，食物質素不錯，大家都贊成，放工後齊齊聚下舊和食火鍋。套餐食材相當豐富，不包飲品。冷盤小食：冰鎮花螺有口感。陸陸雞煲:我們選了BB辣，雞件入味又嫩滑，加了芫茜、洋蔥、青椒等，用秘製醬料調味，味道與別不同，又香又惹味！雞煲之後，火鍋湯底，龍蝦湯上場了，有原隻龍蝦、粟米、蕃茄等，湯底鮮味，龍蝦肉鮮甜彈牙。海鮮火鍋拚盤：海鮮為確保新鮮，所以每天有可能不同，份量以人頭計，每人一件，今天有鮑魚、帶子、貴妃蚌、廣島蠔、蟶子、蜆、海蝦、魚片。鮮味又彈牙。薄切的豬肉片鮮嫩，鮮菜盤和菇菌類拼盤好新鮮。手打蝦丸、豬肉丸和墨丸、自家製的，爽口彈牙。還有魚皮餃、雲吞、水餃、白菜豬肉餃、韓式泡菜餃。味道不錯。炸魚皮、自家炸製響鈴。卜卜脆，可以即食或放湯。西瓜冰條，夠凍，透心涼！

海鮮部分太好食，相比之下雞煲反而少少遜色（雞肉炸得太蟹）。料足，吃到超級飽，比放題還划算！建議老闆可以減少分量，雞煲部分可以再精緻一些，避免浪費！很滿足的一餐，下次會再來！

又想食雞煲🐥，同時間又想食🍲海鮮火鍋🤔點算好⁉️而家 #陸陸雞煲 就推出左 #雞煲 ➕ #海鮮火鍋拼盤 ➕ #龍蝦湯 （湯底超鮮甜😋同埋真係有成隻龍蝦係入面架😍，龍蝦肉鮮甜又彈牙）套餐包括冷盤小食、雞煲、原隻龍蝦海鮮湯底、海鮮拼盤、十多款火鍋配料、西瓜冰條和雪米糍，非常豐富！——～——～——～——～——～❄️冷盤小食：🌸冰鎮花螺.🍱海鮮拼盤有：🔸鮑魚🔹帶子🔸象拔蚌仔🔹廣島蠔🔸蟶子🔹蜆🔸海蝦🔹魚片.🍲其他火鍋配料有：🐄頂級牛肩胛🐠鮮魚片🦐手打蝦丸🐙墨丸🐟魚皮餃🥟雲吞💦水餃🌱白菜豬肉餃🌶韓式泡菜餃🥗鮮菜籃🍄雜菌拼盤🌯自家炸響鈴🐟炸魚皮.🍮甜品：🍉西瓜冰條🍡雪米糍——～——～——～——～——～.價錢：💲2️⃣9️⃣8️⃣/位新鮮配料😍經濟實惠😋包你好滿足👍🏻

66 雞煲開了一段時間 今日終於有時間和老公一齊黎來試一試那個二人餐~ 還好早D黎到，因為入面已經滿滿的預約了 想來的朋友最好先預約呀~ 這裏的裝修都很有特色，五顏六色再加上現代化的設計 感覺很年青，感是有意打造成新一代的火鍋餐廳~ 既然走新一代的路線，不論食品或飲品都係傳統中帶點創新 就似飲品也不似平時的啤酒，汽水，而是有梳打，沙冰。 菜式更有一些創新的如咸牛肉之條釀油條 點菜當然也用上了I IPAD啦~ 叫了芒果冰和 66 COLADA~ 不得不讚下呢度既飲品水準不錯，有平時的飲品店的水準呢~ 今日我地2公婆黎呢度，就係要試下呢個餐 又雞煲又海鮮，聽都覺得吸引~ (註：呢個餐要最少2人先點得呀) 餐前菜，來一個冰鎮花螺~ 比平時的前菜有驚喜呀~ 花螺肉很凍很爽，係螺頭雪到有少硬, 但都可接受的~ 先來一個自家製 陸陸雞煲 因為佢用左獨門炒雞手法，先將雞煎到兩面金黃封鎖左D肉汁 上枱時用明火將鐡鍋燒紅10分鐘，令放入的雞件KEEP住滾熱辣~ 佢既辣由BB辣，小小辣，小辣，中辣........ 我同老公都食到辣既，叫左小辣試試啦~ 雞煲呢 2-4 人都會有半隻， 2人的

依排朋友們好鐘意食火鍋&雞煲，今晚我就帶咗佢地黎66，咁啱餐廳6周年出咗個陸陸雞煲火鍋海鮮套餐$298一位既promo.超吸引咁平冇理由唔食依個餐嫁~先黎個凍螺做前菜夠林又有咬口，味道唔錯，新鮮就梗，雞煲前菜係螺肉，足夠證明呢個海鮮拼雞煲套餐幾夠誠意!跟住就上雞煲喇我地叫咗BB辣，有小小辣味吊起下味覺同嗅覺，更加惹味，四個人半隻雞既份量，唔夠可以再加，不過半隻其實好夠，因為之後仲有超多野食雞肉嫩滑，又好厚肉，醬汁調得幾好，濃味得黎唔會咸唔食得太辣既人都啱食食完雞煲就到火鍋先黎一大盤海鮮吸下睛先，有10款唔同既海鮮，款款都好新鮮又大份，眼前一亮，份量絕對驚喜，仲多到最後食唔曬食海鮮既煲，當然唔會就咁用番個雞煲，一黎就已經有一隻波士頓龍蝦係入面既龍蝦湯肉類都唔輸蝕，嫩牛肉嫩滑有牛味手打丸類好足料鮮茹拼盤唔同風味嘅餃子都有，竟然有我最鍾意食嘅泡菜餃知道嘅甜品非常特別西瓜冰，天時暑熱食就一流重有抹茶紅豆雪米糍yummy

同朋友相聚食雞煲打邊爐係最佳活動，今次去左油蔴地的陸陸雞煲，貪佢又方便又好食。首先講地理位置，係油蔴地出名多美食嘅白布街，附近仲有好多飯後甜品嘅糖水鋪，食完飯就可以去隔離食糖水認真超級方便！講返今次食咗啲咩先，今次我哋食嘅係一個海鮮套餐$300可以食到咁多新鮮海鮮影真超值，仲要湯底係龍蝦湯，滾下滾下，啲香味傳晒出嚟，真係見到都覺得肚餓，頭輪食雞煲啲雞都十分之野味，我哋差唔多全部食晒啊！之後就梗係用龍蝦湯打海鮮邊爐，食完海鮮，仲有啲好好食嘅肉類，仲有手打嘅丸類，魚皮餃，水餃，雲吞，炸魚皮同響鈴就梗要有！仲有可以解你嘅蔬菜，樣樣都好新鮮好好食！同親朋好友相聚雞煲打邊爐係必然嘅選擇，呢度我一定會再再嚟食！

本人覺得雞煲係同好友相聚嘅其中一個最好方法，今次仲去好方便嘅油麻地食有海鮮拼盤，出名用料靚嘅雞煲添！今次食嘅餐廳，有一個只係需要$300可以食到好多新鮮海鮮GE 海鮮餐，湯底仲要係龍蝦湯，個湯啲香味直頭係擁出嚟，真係見到都覺得肚餓，頭輪食雞煲先，啲雞都好野味，香料使用嘅份量剛剛好，我哋差唔多全部食。之後就用龍蝦湯打海鮮邊爐，食完當然仲有啲好食嘅肉類，手打丸類，魚皮餃，水餃，雲吞，炸魚皮同響鈴，當然仲有有新鮮嘅蔬菜，樣樣都好好食！我地成圍人都食得好開心！