陶源酒家

营业中

休息中

已經試過一次落單後等咗好耐，先話無落到單。以為是個別情況，諗住俾多次機會，因為就腳，點知打電話book時問是否有下午茶優惠，佢地話照嚟walk-in，點知到咗先話臨時無咗，無計照食，不過又一次「中伏」，得咗大半個催佢時，又話無落到單，基本上是一個「亂」字，員工做到死死吓又無心機招呼，建議EQ低嘅人千祈唔好嚟。

今日突然想食大閘蟹去OpenRice睇下有咩揀見到呢間野有優惠但要前一日同間舖book於是我打去呢間野問可唔可以買27號，但26號用？阿姐話：你買邊日都可以即刻上黎用架我再問多次阿姐都係講同一句野於是我地就book當日兩位啦身水身汗行到去去到門口再同阿姐confirm用27號coupon 阿姐話：你買27咪27先黎食囉我：我打左黎問你地，你地話今日都可以用，我先黎阿姐：今日食都係每位5xx咋嘛我覺得 唔係錢既問題，係我唔gur佢地咁既態度。同埋 係佢地話可以 我先去 😡

之前還不明白點解咁多香港人上哂深圳吃喝，今天領略了！4人～12点～有輪椅及老人家，原先的檯不方便要轉檯，黑西裝很瘦梳馬尾的女經理非常不願意及說不能再換喇！（大姐，之前沒換過喎）！換檯後眼尾也不望我們（客人）不加位不加水，當我們透明，叫佢都當睇你吾到🙄反而其他著背心的個個都好好聲氣及服務🤔做得高級嘅要客人受氣？？！！香港多D咁嘅服務真係會死架～～我不是燒賣人但做得好好食👍小菜價錢的咕嚕肉一個字係～乾，肉很少👎燒乳鴿好吃，價錢亦相宜👍醉豬手，骨佔七成👎👎炸蛋散係韌嘅😶👎👎其他點心普通～4人消費 $540(沒炒飯麪) 食物性價比算係高。灣仔飲茶有其他選擇，但要受氣，下次咪攪🥱

星期六中午到這家酒樓午膳，它位於港鐵灣仔站A出口附近，位置相當方便。樓高兩層感覺寛闊開揚，但裝修殘舊。 點心的價錢大部分是30多元，經濟實惠。點了以下食物: 叉燒腸粉 ($35) 一共三條，結實飽滿，內裡填了大量叉燒，腸粉滑溜質感很好。 原隻鮮蝦餃 ($39) 蝦餃漲卜卜，熱呼呼的，表皮鬆軟，蝦肉爽口彈牙。 鮮蝦菜苗水晶餃 ($32) 透過晶瑩的表皮，可見內裡菜苗的翠綠色，混了蝦肉，令味道和口感多了一個層次。 荷香紅米珍珠雞 ($30) 一籠兩件，糯米煙韌而紅米脆身，配料有瘦肉、冬菇及蛋黃，充滿香氣，亦有飽肚感。 高湯魚肚鮮竹卷 ($35) 只有兩件鮮竹卷，但放了兩大塊魚肚。鮮竹卷本身鮮嫰，浸在清澈的高湯，減低肥膩感，比較健康，魚肚吸收了高湯的清甜。 鴻圖伊麵 ($138) 表面一層配料是蟹肉絲和蛋花，做法簡單亦保留傳統，伊麵份量極多。 整體食物質素良好，服務普普通通，勝在價錢平。

今日一家五口去飲茶，耐唔耐都有去食飯，一向服務態度都唔多好，點知今日再創新低。有兩個點心等咗超過半個鐘都未有，諗住搵個人跟下，搵極都搵唔到有人就預咗，好辛苦捉到個經理，佢夠膽死話佢好忙呀，跟住走咗去，冇返過嚟follow up，亦唔會話搵第二個嚟睇吓有咩幫到我。跟住搵咗個阿姐，check完返嚟話其中一樣賣哂，嘩，即係我唔問你酒樓就唔使主動同返個客講？ 跟住我仲問佢咁另外仲掙個春卷又點呀？佢竟然可以答我咩春卷？我即刻回佢：乜有好多款春卷咩？寸完轉頭唔使3分鐘咪拎出來，明顯漏單啦！仲有叫極唔冲水，未夠兩點仲有六、七成客都可以係你前後左右係咁搬枱搬櫈執定晚市啲枱，埋單又要自己出收銀，都仲好意思又收荼錢又收加一。咁嘅服務我食貴野都唔會係嚟幫襯你啦！所以香港啲飲食業成日埋怨港人北上，唔該你哋檢討吓自己啲咩服務態度俾啲客先啦！唔好掉返轉好似係個客欠咗你哋咁！

和家人在附近有點事做，於是便上來飲茶，品嚐了幾道經典點心和主菜。點心方面首先是蝦餃，這是粵菜中最受歡迎的點心之一。蝦餃皮細薄透明，包裹著新鮮鮮美的蝦肉，每一口都散發出豐富的海鮮香味。而燒賣內餡鮮嫩多汁，充滿深層的肉香。每一口都能品嚐到豐富的肉汁，令人食指大動。另外值得一提的是春卷，它的外皮酥脆，內餡則是由原隻鮮蝦和香料混合而成。這款春卷的餡料鮮嫩多汁，配上酥脆的外皮，呈現出完美的平衡。另外點了鮑汁叉燒撈麵，結合了鮑魚、叉燒和彈牙的撈麵，是一道豐富美味的主食。撈麵在鮑汁的滋潤下更加香濃，可口又飽滿。

早前同屋企人去飲茶，選咗呢一間算係中上高級的酒樓，睇個名以為淨係食鮑魚，不過佢飲茶的價錢都比較貴，但服務一般，因為太趕，驚book不到位，就試吓呢一間！當日食咗好多嘢，尤其是乳鴿，老人家們都很滿意，我都覺得好好食，而且都唔係太貴！酒樓點心都有一些幾特別的菜式，我每樣都叫下，用來打卡，那個淮山點心有d 甜甜地既汁係面都幾搞笑！冰凍的都幾爽口！福建炒飯就每一次飲茶到必要的！梨型咸水角，不油膩！有很多食物食左，沒有影相！整體食物都不錯的，唯獨是價格高少少同埋服務不太好！希望能改善！

約了兩位久沒見面的朋友到湾仔陶源酒家飲中午茶，乘電梯到二樓大堂，很光猛，燈飾也好看呢。有段小插曲：我以為自己早到，開了一張枱；原來後來發現有位(常客)朋友更早到，已經開了位子。 於是乎我和另外朋友搬回較早那張台呢。它們的鴛鴦腸很特色，吃下去有点脆口，不太油膩，爽！另外一款梨型咸水角，打卡一流：外型似雪梨仔，內是咸水角料子，真妙。 鱼腩粥又大碗又好味，正！有机會再來。

店名: 陶源酒家地址: 灣仔菲林明道8號大同大廈1-2樓灣仔站A3出口，行2分鐘環境: 3.5/5價錢:4/5味道: 4/5呢間連鎖酒樓係好多地方都有分店，尖沙咀，九龍灣，荃灣，旺角都有分店片皮鴨❤️❤️❤️❤️❤️$128片皮鴨份量都算多，皮嘅脂肪比例唔會話太過多，食到成口油咁😌皮嘅話每一層中間有用紙隔開，避免痴埋一齊，上枱都仲係熱嘅醬汁甜咸到適中，整體包埋一齊食好正🥰絕對會encore沙嗲銀絲牛仔肉煲❤️❤️❤️$128沙嗲味唔算特別重，牛仔肉亦都無咩特別，不過好在粉絲算入面，整體黎講唔會太咸，唔洗特登叫白飯😂😂瑤柱海味雜菜煲❤️❤️❤️❤️$108呢個就似上湯浸表菜，但多左啲海味嘅感覺，食落好清，同上面兩款菜比的話屬於比較淡味🙈茶位$15@1位#stitchfoodie灣仔#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香

在鄰住買買了片皮鴨飧，訂了七點知客說沒有位因為有宴會，叫我們等下一張枱，即是要第一輪吃完才有得吃，跟他理論後，唯有開一間房給我們，但態度非常惡劣，填鴨不是熱的，其他餸菜都不是熱騰騰的，真是趕客！從沒有去過這麼態度惡劣的酒樓吃飯！

V bad service n food is so so; no one cares your order… delayed … visit time Feb 5, 2023. We ordered fish, Pekingese duck, veggie plate n bbq pork. Fish is acceptable at $488, bit salty. Duck cut into big slices nothing close to the traditional PK Duck ! Veggie took 2 hours to come n they lost the order for rice so we asked four five times but never get follow thru. Waitress has attitude issue too …

訂了片皮鴨外賣，年初八6:00去取，收銀話要搵外邊的同事，很不容易見到個，但幫客人開緊酒，等咗一陣都無其他人，只好走過去同佢講要取外賣，她看也不看指一指收銀方向話你要係嗰邊攞，咁只好又回到收銀處，有其他職員話要同貴賓房入面穿西裝的女士講；我知唔係好啱規矩但無其他方法，只好照入去同個西裝女士講要取外賣，佢仲要話我哩度人哋訂了，唔應該入去，叫我去收銀處嗰邊，真係火都嚟埋，係咁將我點來點去，同佢投訴後，才跟我出去攞外賣。這次是這個月第三次訂外賣（乳豬，片皮鴨等），這次服務態度是最差的，個個職員都好似事不關己，將啲客點來點去！盒片皮鴨好少，唔似有一隻鴨，食落無肉味，餅皮咬落去成口粉。總結就係一無是處，完全唔掂☹️

大年初二訂咗隻乳豬返媽咪度拜年。一早已經致電兩次去查詢確認預留取乳豬時間日期。約定時間到酒樓店員說要稍等一會又說燒緊結果等了50分鐘才能取走。而且整隻乳豬只是皮肥肉完全一點瘦肉也沒有，水準不得了，還有跟啲糯米是另外上的已經凍到又硬又難食。下次免費都唔會試，這間酒樓以後不會幫襯。而且他們的服務態度差到不能再差。

放假諗住同屋企人飲茶，上到嚟 reception 係無職員，只有食客坐等，以為等緊位，望一望又好多空枱，之後主動周圍搵到部長，佢單都無寫就講咗個枱號叫我哋自己上樓…我哋上到去，全自助搵自己枱號，搵到張枱但見已經有人，真係彷徨又無奈，之後先有職員叫我哋去另一張枱畫完點心紙，好彩快上菜，工場式經營，我對食物質素其實都冇乜期望但呢個瑞士汁炒牛河真係令我好難忘，感受唔到瑞士汁都可以，啲牛肉佢哋完全不計成本咁樣落鬆肉粉，嗰轉鬆肉粉直頭「喇脷」除咗上菜，基本上其他服務全自助，最後仲要自己去 counter埋單，仲有10%服務費

從來我都唔打食評，但今次真係嬲到震，唔希望再有其他人中伏! 絕對唔好去呢個集團食飯😡屋企人想食大閘蟹，見到陶源有大閘蟹同片皮鴨任食，就買左優惠券打算孝敬老人家。(話就話優惠券，但計埋茶芥加一，出面好多餐廳都做到呢個價!!)見條款寫明有6-8pm同7:30-9:30pm兩輪，就返屋企人放工時間，個幾星期前打去book 7:30pm。點知，7:30去到，全院滿座。有無訂位嘅都係企係度，態度好差嘅姐姐話無位比我地，要等到8點。結果有5-6枱客企哂係個reception，比左錢，走又走唔到。7:45pm突然「皇恩浩蕩」話開一樓比我地呢班人，但要攞片皮鴨之類嘅食物就自己行上行落啦你地!!咁好啦，我地係一樓坐定左，男丁們就上一層樓攞片皮鴨。排左十分鐘，留意返當時係未到八點架!! 有個女侍應就同我地講叫我地返一樓，一陣會派人落一樓片比我地。然後佢呢頭行開，果頭就有一個瘦瘦的男侍應行出黎話「唔好意思，我地無哂鴨」🤯🤯🤯 仲要話你地已經比左錢，係無就無架喇。果時已經一肚氣，等左半個鐘，佢地只係攞左兩碟青瓜同豆腐比我地。同佢地投訴左幾次，佢地係極度混亂咁求其上啲野比我地食，啲蟹又勁細隻，其他食物都好難食！