陶源酒家

营业中

休息中

灣仔陶源酒家, 是老牌廣東中式酒樓, 今晚約了哥哥晚飯.  睇睇餐牌,  既有套餐, 又可單點小菜.上湯龍蝦燴伊面：熱辣辣的送上,  色香味俱全, 龍蝦肉質飽滿緊實, 鮮甜多汁, 味道鮮美. 用上湯煮更鮮味, 幼滑的伊面配上濃郁的醬汁, 味道不錯.  欖角骨 ~   肉質鬆軟, 好咬口, 外面炸粉極薄,  配上薯仔, 醬汁調味適中.香薑蔥生蠔  ~  鍋仔上枱, 夠熱, 薑蔥爆得香口, 蠔味濃. 海味什菜煲 ~ 有蝦乾及鮮魷, 什菜有菜芯, 白菜及生菜. 上湯底加粉絲, 鮮蝦乾味甜,   好好食. 餐後完畢,  想叫糖水甜品.  但侍應話只有 壽飽無設糖水.   有點失望.酒樓地點近地鐵站, 食物價錢合理, 服務也 OK.

冇諗過豉椒牛河可以咁難食，又冇豉椒味偏甜然後啲河粉差到離晒大譜，疊埋成條厚身，牛肉係可以解體真係唔好話點解香港經濟差？會唔會諗點解個廚房咁差？唔識炒咪去網上搵囉，個大佬點解會唔睇㗎？ 點解可以咁難食？啲河粉可以疊埋。個蒸鳳爪好甜，唯一有水準嘅係隻乳鴿，完

就係三個禮拜前嘅一個禮拜五夜晚，大概8:15左右入去，竟然係差唔多包場咁樣（得一枱客），今晚服務特別好，可能因為冇其他人，好彩佢哋有個建築公司包咗一間房做春茗，否則可能根本都唔開舖！我哋點咗個斑腩煲啦，同埋一個冬菇花膠煲。講真味道唔錯，非常有大酒樓嘅水準，冬菇炆得好林，幫我校就有啲Chiu頭，個四季豆呢就普通啲味道係唔錯，但係可能啲豆唔係咁靚！其實呢間舖我都幫襯咗20年㗎啦，以前嘅時候夜晚都可能要訂位先有得食，估唔到依家想食就可以食！

上星期四特意去幫襯推廣優惠嘅龍蝦伊面底，水準好一般！伊面冇乜味，水汪汪的，整體唔多夠鑊氣！碟欖角骨冇黎睇頭，賣相其差，每件件頭小小的，冇乜得肉食，仲搭啲九唔搭八炸到淋晒嘅？薯條！還叫咗前菜涼伴豬手，未夠淋！碟酥炸素鵝算過得去啦。啲食物跟isquare TST 分店差得太遠！好可惜它因疫情関閉。服務態度真係差，個部長面無表情咁，問佢嘢唔想答，佢個女同事就更差，唔答！反為傳菜姐姐面上掛著笑容，很親切，令人很滿意！個埸好靜，只有數枱客，但啲冷氣開到好似太平間咁凍！令人好失望，乜唔係高級食肆嗎？唔會再去！真係唔好怪啲人北上消費！

年初4和親戚來食lunch，環境ok唔差，嘢食的味道ok，乳鴿平靚正，有幾款點心是出面少見的，可能因為是新年，感到啲員工特別有禮貌，去toilet都有人歡迎咁，不過有兩層，去洗手間要落一層，覺得行動不便的老人家去就冇咁好，整體都不錯，所以每年新年都會去。

服務差，平時叫極都冇人斟水。過時過節就沖曬埋嚟，不斷問攞利是。食物味道都算OK。但係服務差呢，食龍肉都冇味啦。其實經理管理層有冇管理。而家零售晚飯都已經生意唔好，服務質素又差。

於農曆年前經網上平台訂購桃園嘅糯米豬及龍蝦餐，並在大年初一晚上取餐。在網上平台寫，只需依訂購時間到酒樓取餐我們一行四人在六時到達酒樓該龍蝦餐我們訂購嘅時間是晚上5:30到六點，但最後係我們親身到現場後才開始整餐最終我們在酒樓等候40分鐘才娶到外賣下次勞煩酒家，請在網上平台註明係到人到達才開始做餐咁我哋會早少少打電話俾你不需到酒樓呆等40分鐘。另外糯米豬嗰度可以再加一張提示卡，我們讓我們需加熱糯米飯

今次一踏入嚟，我就感受到一股熱鬧氣氛，一啲都唔拘謹，真係好有家嘅感覺👩‍🍳。開胃先攻半嘅炸滑江素鵝，乜都好講，夠香夠脆，簡直唔得了！再嚟係西班牙叉燒，哇嘩！肥而不膩，嗰個焦香，完美！👌濃湯泡花膠我飲得心都暖哂，湯濃得嚟又唔會太過，入口既鮮美又係膠質，天然的補品。但係，話說返轉頭，果批炒虎蝦就真係有啲嗌交，超級頂！鮮甜彈牙，一啲也唔會鞋口。最後嚟個羊架天使面，呢個組合絕對係稱霸，羊架嫩滑得來不油膩，真係一啲臊味都無，氣味全無，實在難得👍。天使面嘅彈牙，落口順滑，當正！最後個甜品，楊枝甘露啊，酸甜中帶點果香，結晚餐真係妙不可言。通體舒泰，甜甜地，啱晒我呢啲唔鍾意嘢太甜的人。總括點評，下次仲要再嚟，推介吓俾大家！🍽️🎉

垃圾破酒家！1.花膠參雞湯重胡椒味,一點雞味都無°2.燒肉黑到無得再黑°3. 老芥蘭° 太失望,不如以往°Rubbish Chinese restaurant 1. Fish maw, ginseng chicken soup has strong peppers taste, can't taste a bit of chicken. 2. Roast pork was coal black, too dry.3 stir kale was too stale. Very disappointed, lose your touch.

啱晒啲愛食港式點心嘅朋友啦，今次我行到呢家茶樓，起身就有種喜出望外嘅感覺。講開個脆皮燒賣，真係有驚喜嘅！個牙口咬落去「脆卜卜」聲，入口嘅肉汁甘香滲透晒個味蕾，咁嘅精緻唔得了啦！🤤而家嘅招牌，係咪少得蝦餃王呢？透明彈牙嘅蝦餃皮，包裹住那潤澤飽滿嘅蝦仁，一啖一個剛剛好，鹹鮮味道好夠晒喉。香口喎喂！🍤重點黎啦，講吓個芋角。呢個芋角外皮鬆軟得黎又唔會太膩，裡面嘅芋頭茸滑到冇朋友，真係喺口裡化咗嗰種！叮噹嘅味道黎，食落去暖笠笠、幸福滿滿！😌最後絕唔可以錯過嘅，係棗泥煎堆仔。外皮雖然叫做「煎」，但脆卜卜唔油膩，裹住綿甜嘅棗泥，甜度啱啱好，最啱點杯茶，慢慢嘆，飲茶嘅樂趣，滋味喺心頭。總而言之，呢家茶樓簡直係港式點心嘅典型代表，各位如果攰咗喎，不妨嚟呢度坐低嘆下，保證唔會令到你失望嘅。

In November, I went to this all-you-can-eat hairy crab restaurant in Wan Chai. The service attitude of the staff was lax, and no one served us after waiting for a long time. Hairy crabs have only females, no males. Fortunately, it was a weekday, so each person could still eat 3 slices of Peking duck. A lot of the free food on the menu is gone: birthday buns, for example. Sweet potato ginger water, if you eat it until the end, there will basically be nothing left。蟹粉豆苗都幾好食 ， 仲有炸雞翼 都好吃

係Kk day買左一套2人前大閘蟹放題套票優惠，好多嘢食都係自己出去攞，套票包左鮑魚海參，蟹粉小籠包，蟹粉豆苗，大閘蟹上蟹速度都算快，有三種口味可以選擇，清蒸，鹽焗，花雕，鹽焗比較油膩，清蒸和花雕都唔錯，二人食了大約40隻，服務員姐姐態度好好，很不錯。

今日諗住近近地留番係灣仔飲下午茶，攞位坐低，現場仍有不少空位，剛叫了茶，後方突然出現一聲呼喝聲："喂你地起身！"錯愕回頭，一名女員工喝令我們起身，滕出張枱俾另外"上緊黎"的四人。我呆站不知所措，與同行人討論，那名女員工態度更是惡劣，開始鬧人，更爆出一句"再嘈我打你丫拿！" 嚇到我們結果報警。這名姓謝的人事部經理還振振有詞“唔比你坐就唔比”。作為灣仔幾十年的老街坊，疫情前全家一直幫襯，母親節父親節都黎食，疫情期間水靜鵝飛，都去幫襯支持下生意。但灣仔陶源員工的態度真係每況愈下，疫情後更是彷彿唔憂做，態度超級差，想貼錢受氣就去幫襯啦！

超後悔沒先看大家食評。這間店真的可以永久black list。食物方面，大閘蟹雖然小隻，但多膏，其實是可以的，其他食物就不予置評，畢竟不是我們吃的重點。最大的問題是服務。這間店員真的態度超差。首先，上菜慢，2小時限時放題，半小時都不上蟹。三催四請才拎一碟凍蟹來，然後還發晦氣說再給我們補半小時。我們買的套餐是包蟹粉小龍包的，優惠上也有寫，亦給店員謝經理和冼店長看了，結果兩人堅稱不包，還大聲吆喝是我們搞錯，之後再三確認，發現是他們自己記錯優惠，不但沒有認真道歉，還討價還價表示因為是新優惠，所以他們搞錯了，可以補給我們，但汽水並不包在套餐內，一入座就主動說送我們的汽水要收返我地錢。Excuse me？？？？汽水是你們自己送不是我要求的，有這樣抵的嗎？？？？？難怪大家都要北上，價錢比人貴，還給這種服務態度，誰想來受罪？？？？？大家還是避雷這店吧。

食過旺角同康城陶源都唔錯，但因為方便同事放工過嚟，揀咗灣仔陶源，點知完全中伏，冇下次之餘更要永久black list。首先一上到去，環境已經夠晒差，感覺污糟，沒有冷氣。我哋選擇19:45的一場，點菜紙上除了大閘蟹及少量食品你可以劃既之外，8成都係要出面自取。出去自取區，簡直嘆為觀止，咩都冇之餘兼成檯混亂不堪。以為剛剛完第一次未添加食物啦，結果一等再等，等到last order都未見有補過食物。只有一盆椒鹽蝦是滿的，點知見到有個員工攞個袋出嚟裝咗一袋，然後放咗入佢自己個袋。片皮鴨沒有限量，即片即夾，可能因為冇其他嘢可以食啦，結果就係有啲自私既人，一個人就夾左半隻既分量。講返任點既大閘蟹，未夠19:45已經落單點第一轉，等到接近20:20都未有蟹到，三催四問才來了四隻。成晚要讚既係場內唯一一個第一晚返工兼替假既侍應哥哥，見到佢成晚走來走去，收碟上菜，服務5星係俾佢的。響我咦咦哦哦又好不滿既語氣下，先得到一籠紅棗糕。我是購買Openrice 的餐飲劵，連加一菜芥人均$570既價錢，呢一餐難聽啲我真係想用垃圾黎形容。