陶源酒家

营业中

休息中

星期六晚同男朋友出街食飯，由於我下午食左好多野仲好飽，所以就冇去到食放題，而選擇黎呢度食。呢間舖係係酒店下面，地點比較隱蔽，所以一落到去見到得幾枱客，有好多吉枱，感覺裡面環境普通，有d唔夠專業既感覺。桌椅放得有d亂，有一兩張枱全部用黎放碗，疊左幾層高，但好明顯係放係食客既枱面上，證明平日晚市一般較靜。一坐低就即刻有員工過黎服務我地，但點知餐牌都未睇就係咁推銷，問食唔食魚，我地話唔食又問飲唔飲湯，我地話睇下先，又問飲唔飲啤酒。。。心諗可唔可以比我地靜靜地睇一陣先？感覺有d hard feeling。。係我地不斷話睇下先不斷拒絕下佢先行開左。到我地點左2個菜，又重覆上面既對白一次😂 真係聽到滴晒汗。。上菜速度都算快水煮牛肉都唔錯，辣度適中，牛肉都算冧雲耳勝瓜浸魚肚個湯都幾鮮甜，應該係用左濃雞湯去配，魚肚索晒個汁好好味😋2個人點知2個餸+一碗好細碗既白飯，連茶位加一服務費食左200幾。總括而言，食物味道可以，係有d hard sale。

昨晚家人宴開兩大席慶生，食物有鮑參翅肚，味道一般，不覺驚喜！今次最想講的係服務真的很差！ 昨晚是星期五晚，全場數埋十檯客都無。 侍應的數目唔算多但亦唔算少， 但服務真的唔提唔做囉！首先酒席的醬油小碟- 大家都知晚飯酒席唔同的小菜會跟唔同的醬油，例如翅會跟醋，炒西蘭花西芹配蠔油等等⋯ 但侍應們完全無意識要跟呢d. 分晒翅，每人一碗，我地唔問都唔醒覺要拎比我地！叫可樂，又係要提幾時至拎比我地！另外用具安排 - 每人只有刀叉，筷子及圓碟， 並沒有提供碗或匙。 當食海參炒西芹，上菜又唔跟大鐵匙，到我地要求侍應提供，搵左5分鐘都只係無。 最後只可比兩隻湯匙。 咁大間酒樓，明知當晚有兩圍十幾人既酒席，點解都唔會準備好？食炒飯時，又係唔提唔會派碗，我地幾時變左食西餐咁，全程只得一隻碟？咁既服務質數，陶源的好名聲都比呢班侍應令我地bad list 無下次！

由於以前住喺我們隔離屋嘅Uncle同Auntie話最近好耐都無見過我們兼一齊飲茶食飯，所以Uncle特意一早約咗我們今日中午一齊去旺角仕德福酒店嘅「陶源酒家」請我們一家飲中午茶！我們叫咗廚師長推介：濃湯海斑球泡米線「一窩」嘅米線麵質好軟滑，海斑球嘅肉質相當鮮甜彈牙，而且份量十足，我們每人都可以有一至兩件，仲有啲爽甜嘅勝瓜同黑木耳，真係好足料抵食呀！一哥靚叉燒拌黑木耳嘅叉燒絕對唔係靚叉燒，因肉質又乾又硬實，好似食緊一「嚿」用嚟煲完湯，質感好硬實實淋咗啲蜜汁喺表面嘅瘦肉咁，認真嚇人！懷舊蜜汁叉燒酥嘅外層好酥脆，蜜汁嘅味道好香甜，但叉燒嘅份量唔算太多！醬皇豉蒜蒸鳳爪醃得好入味，質感亦好腍身！陶源鮑汁叉燒包嘅包質好軟熟，鮑汁嘅味道都幾惹味，而叉燒粒嘅肉質都幾鬆軟！山竹牛肉球嘅肉質好鮮嫩多汁，牛肉味都幾香濃，芫茜嘅味道亦都幾清香！香滑馬蹄牛肉腸粉嘅腸粉皮好晶瑩薄身，可以好清晰咁睇到入面份量十足嘅牛肉餡料！別有洞天鴛鴦脆皮腸係用黑色皮同白色皮嘅腸粉組合而成，軟滑嘅腸粉皮包著炸得好香脆嘅脆皮，再包著爽甜彈牙嘅蝦膠，食落層次感非常豐富，而且諗到用「黑白配」呢個組合，真係相當有創意同新意！脆皮金勾鹹水角

星期六，家庭樂辛苦完一星期了星期六如果無野做的話都想陪下屋企人飲茶當然係中國人既首選而我地成家人都成日黎呢度飲架抵食又好味而家成日都有呢的套餐十分抵食而且味道不錯架首先黎個蝦腸的粉唔太厚豉油好味道的蝦大粒爽口之後到棉花雞我媽子至愛雞肉嫩滑多汁棉花索哂的汁無沙正牛肉就ok啦，無乜特別但都唔錯呢個係套餐之一日式炸茄子好香口，同我本身都中意食茄子加埋的五香粉好野味但就熱氣左的😂😂🙈🙈呢個又係套餐之一生煎菜肉包但唔知點解有的甜奶味😂😂😂再黎好多人中意食既鳯爪不過不失啦呢味春卷係我老豆至愛我想食既時候已經無哂😭😭😂😂最後呢個紅棗糕係呢度必食每一次黎都一定會叫超級"煙in"而且有淡淡紅棗甜味健康好味之選埋單只係Ard$180性價比高已入選我家常去茶樓之一

又去旺角就去左陶源飲下午茶，雖然今日係星期六，不過我地比較遲，所以都唔洗等位。我今次終於記得影點心紙，極速落單之後就乖乖地等嘢食嚟。我唔食嘅牛肉球，因為我屋企人都幾鍾意食呢個，差唔多去到邊度都會嗌。佢地傳述返都幾好食，至少啲肉都算新鮮。而且係好平，所以呢個超抵食。然後有叉燒包，呢個叉燒包比一般酒樓好食。首先佢嘅包係好軟熟嘅，入面嘅叉燒餡比較新鮮同埋唔會好膩。平時唔食生煎包嘅我，都覺得呢個幾好食。首先都係因為佢嘅包好軟熟，雖然佢係煎，但係食落都唔會覺得好油好肥膩。蝦腸好好味，腸粉超滑，啲蝦雖然係雪藏蝦但係咬落都好爽口。鳳爪都不錯啦。呢個野係見佢好平先點，食落真係有芋頭同埋有少少五香嘅味。雖然唔及蝦春卷咁好食，不過呢個價錢絕對抵食，亦都絕對值得下次再叫架！鹹水角今次炸得賣相唔太好，不過食落依舊咁好食。呢個好似第一次食，唔算好食，個人會鐘意食馬拉糕多啲。奶皇味唔太重，不過都幾鬆軟。最後仲有兩個甜品，呢個棗皇糕超好食。平時我係唔食棗皇糕架！佢呢個有好香嘅紅棗味之餘，會有椰汁嘅香味，因為佢一層層隔住隔住咁。個糕超級煙韌，我都覺得好正！加埋個價錢超抵，絕對值得去試。最後係杏仁茶，佢有好香嘅杏仁味，

因為買左9點半戲票既關係，所以今晚就早少少食飯，但一向習慣夜食，所以真係唔係好食得落，最終就去左酒樓食少少算數~這間酒樓裝修新淨，地方好大吓，可能因為時間較早關係，唔係咁多人，都幾靜，真好安坐後我就叫左個燒味雙拼，係素鵝拼燻蹄黎，份量唔多，但好精緻，加上我唔肚餓，所以都OK，而燻蹄質感好彈牙好爽口，加埋點d醋一齊食就更是好味到天然呆~另素鵝入面就好多菜，腐竹亦好香滑，配在一起很是好味喔其實揀酒樓既原因就係因為我想飲湯，而係冬天係應該要補補佢，於是我就叫左個吉品佛跳墻，係原盅上，入面仲有刺參同鮑魚咁，鮮味濃郁，一d都唔腥，啖啖都飲得出鮮甜滋保，爆好飲又有野食，飲到呢盅湯很是開心，真係目的達到，不枉此行！

接待態度一般都算，今日竟然放低張年糕卷走人，到找數時入數，不問你意願，太過份。永遠都叫不到接待員，有時太過熱情。救命。食品都算可以，環境有待再裝修。希望可以改善下。

上次來這家餐廳是晚上時分，得我自己一台，今次午餐時段來到，接近滿座。今日主要以點心為主，大部份都唔錯。先來一碟叉燒，味道不錯，肥瘦適中。其他點心都不過不失。有個美味的臘味飯，仲有少少飯焦，不錯！環境方面，很熱鬧，講野要大聲D先得。

有個朋友對阿拉斯加長腳蟹特別鍾情，所以又邀請我一齊吃。當日是推廣，所以只需798元。待應好識做，未煮前攞比我哋睇睇，比相機食先。我們要求煮法是用蛋白清蒸。本來待應話幫我哋拆蟹，但我朋友堅持要自己拆。蟹蓋內藏有好多蛋白；蟹膏又多，好似蛋黄甘甘香， 蟹腳又多肉， 仲有好多蛋白走咗入蟹腳內。叫多隻文昌雞，128元一隻，味道稍淡。其實隻蟹好大隻，三個人吃己好full。

朋友搵到團購有陶源嘅大閳蟹餐，298蚊就可以食到2隻大閳蟹同6個菜，加一個薑茶同生果。先講大閳蟹，因為價錢問題我都明白唔會係靚嘅蟹但都ok.第一道菜嘅係燒肉同素鵝，2樣都好脆口，味道還可以。第二道菜係海參，好似一個湯咁，但入面有好似薏米同糙米咁嘅野，味道就一般，冇咩味咁。第三道係鮑魚鵝掌，鮑魚好林身，但就唔太入味，鵝掌一樣好林，但完全唔入面，只係靠個汁先食落有d味。之後就上大閳蟹，佢地會先上一隻等你食完第一隻先上第二隻。之後就魚柳天使面，面嘅份量比較少，魚煮得唔錯。最後係上湯蔬菜，個湯比較油，菜係用豆苗，上面仲有幾條蟲草花。薑茶入面有一粒湯丸，但十分粉，薑茶亦太辣，飲得出唔係真薑，係用薑精沖出黎。

服務態度真係差得好緊要：1. 前幾日book左位，今早再double confirm, 又話我無book位!2. 有其他熟客來，走過去招呼其他人。我地一家人就俾人忽視。完全冇人跟進查看紀錄！3. 要求拿碗，又話呢度係用碟食，態度奇差！甘點解隔離幾張枱都有碗用。點解唔可以態度好d回應客人？！4. 落張單，等左15分鐘才有人話剛剛落，前後4次話無呢個 食送，冇嗰個 食送，真係火到來晒！奉勸大家真係唔好食呢野！甘大間有品牌嘅食店，態度真係十分差。點解他們還掛住一個“優“嘅牌係見西裝褸呢？

旺角雖然大，但其實得幾間茶樓，所以通常都係去開果一兩間，仕德福酒店入面都有間酒樓，可能因為係地庫關係，星期六日都唔會爆場，但咁樣反應可以靜靜地飲下茶，唔洗咁嘈。鮑魚酥得兩件，面頭有啲似蘿蔔絲既物體，但食落口唔係蘿蔔味，所以我到而家都唔知係咩黎。鮑魚酥一上枱非常辣口，證明新鮮出爐唔會凍冰冰。入面既餡有好細隻既鮑魚，唔好期望會有鮑魚味喇，但咬落係有口感幾得意既。估唔到呢碟餃子得4隻咁少，用左D調過味既醋&炸蒜浸住，食過陣會痴到啲炸蒜一齊食，有得脆脆地咁咬下都幾過癮，蒜味呢到成個餃子更加香。另外叫左個牛仔骨蒸腸粉，呢個就唔掂喇...碟腸粉應該蒸左好耐好耐，根本淋到夾唔到而且牛仔骨D油流左落下面D腸粉度...成碟既感覺就係超級油...食左一兩啖已經無食"

今早我們去咗旺角仕德福酒店嘅「陶源酒家」飲早茶！我們叫咗豉蒜蒸鳳爪、軟滑布拉腸粉、奶皇千層糕、陶源叉燒包、鮑汁海鮮腐皮卷、蜜汁叉燒腸、雲耳紅棗北菇鷄飯、鹹魚馬蹄肉餅飯同黑芝麻流沙包！豉蒜蒸鳳爪炆得都幾腍幾入味！軟滑布拉腸粉都幾軟彈牙！奶皇千層糕都幾鬆軟，味道亦好香甜！陶源叉燒包嘅包質都幾軟滑，蜜汁亦幾香甜！鮑汁海鮮腐皮卷入面嘅海鮮都幾彈牙，腐皮亦幾嫩滑！蜜汁叉燒腸都幾晶瑩嫩滑！黑芝麻流沙包真係好流沙，味道亦好香濃！

我諗無乜人會主動(中伏)去陶源買月餅，不過我真係忍唔住要分享一下.中秋前有次飲茶，啲等應就係咁煩住sell月餅券，打發完一個侍應，有另一個侍應前後推銷左兩、三次，最後一次唔死心死lur，最後我阿媽就俾佢lur到買左一張券。當時我己覺得佢好煩好過份，而我阿媽就話算啦成日黎飲茶，啲侍應成日見，就幫佢買啦。(如果我阿媽唔係到，得我一個我會發左火，拒絕左一次兩次都仲煩住，我嚟幫襯食飲點解要面對呢種煩憂?!!!!!!!!!!!)蛋黃勁乾(同埋好似比較細個)，真係超級乾 (自己睇相，相中嗰半個已經唔係最乾最差嗰個)，而蓮蓉又怪怪地，唔似食開嗰啲咁軟身，總之咬落個感覺好古怪。我食開個隻牌子我係每次食半個，但陶源呢個我食八分一o既一半後，感覺好怪，諗左陣又唔想浪費食物，但我居然唔想再放佢入口，頂佢唔順就掉左。仲有，佢包裝勁唔環保，雖然知道各牌子月餅盒都係好浪費，但陶源呢盒喺講環保咁多年都算多無謂包裝，密封袋再加個紙盒，大盒中又有塊布，布下有膠托間隔，大盒又厚又多裝飾閃閃面料。喺煩同貴(唔平過其他出名好食o既牌子)情況下買左，如果好食，感覺都好啲，但而家最嬲係佢真係講得上係難食。消極做法係以後中秋前唔好

朋友請冇理由唔去咖，入去侍應門都很有禮貌，親身帶你去到朋友已到的枱，我們點了十多款點心，賣相ok的，但入口就……，由其係個奶皇包，真係好難食，冇流心個外面又硬，個珍珠雞d飯好硬，d饀又唔好味，燒賣係一啖肥豬肉咁食落口，完全冇燒賣嘅感覺，咸水角外皮唔脆，好油，係腸粉同叉燒包比較好，但7成品質唔得都唔會再去了，雖然朋友請但覺得也不值吧～