陶源酒家

营业中

休息中

琴晚我地一家十一口去左依間食飯, 入到去見幾full, 好彩訂左位, 但係我地原本想坐邊位都冇喇間野話冇得散叫,一定要叫套餐, 我地最後要左個有蟹肉翅既餐!乳豬拼盤: 啲海蜇淡左小小, 但幾爽口, 义燒啱啱燒好, 好香珊瑚蚌炒西芹甜豆: 不過不失, 比平常大碟左啲 沙律海鮮卷: 有啲滯, 麻麻地=="蟹肉翅: 最驚喜既一味, 好多蟹肉好多翅, 個湯底好正蠔豉炆花菇: 嗰汁咸左啲, 好彩蠔豉同菇都入味砵酒焗生蠔, 成日想食但好多地方都整得唔好食, 依間整既有中上水準, 炸到脆脆地, 過癮p淸蒸老虎斑: 冇「握」秤, 不過好似剛剛熟, ok啦炸子雞: 食到尾已經飽飽地, 但見佢炸得好似好脆, 就食左件, 味道不錯但凍左小小總括而言, 依餐飯食得好開心, 啲野食比想像中好, 啲阿姐又幾好禮貌, 雖然人多但唔係好嘈, 一家人去食都係一個幾好既選擇

26/4(一) 8pm踏入4月,時間總不夠用,趁還可分身,請母親大人到此酒家吃個$198一位的鮑魚,龍蝦,燕窩餐.菜單如下:素鵝及燴鴨胸,松露花膠燴燕窩,蠔皇鮮鮑魚伴掌,高湯焗乳龍蝦,翠盞龍躉球,火龍藏錦綉,燕麵素皇包及鮮果拼盆.這菜單看似矜貴,材料卻是下等貨,扣鮑魚,焗乳龍蝦及龍躉球水準不怎麼了,火龍藏錦綉及燕麵素皇包更是馬虎了事,提不起胃口的菜式.唯獨松露花膠燴燕窩濃稠足料,味道真實!$198一位的套餐,大概值$98吧!

蛋白杏仁茶是小弟其中最愛的一個中式甜品/糖水. 這次, 就寫寫近日吃過的兩家店的蛋白杏仁茶, 作個比較.逢星期日, 頌揚們總會在中堂來個早餐, 而這裡, 也是我們常來的一家店. 是日吃完點心, 小弟想加碼, 就要了客糖水分吃.蛋白杏仁茶 $22: 8分, 茶市吃只要$22一客, 都算相宜的價位, 不過份量也十足. 這裡的蛋白杏仁茶有相當的杏香, 蛋白也足夠, 幾滑, 但偏稀. 整體來講是有相當水準.吃完糖水, 也是時候回去練歌了.

星期日飲茶真多人 一向食開陶源他覺得唔錯又幾平唔駛等位就真係無得頂啦 可能因為係間唔起眼嘅酒店地庫啦服務殷勤不過會sell野 但唔算好煩叉燒包好好味 但有小小偏咸鮑魚雞粥好食好濃雞味 好次飲緊鮑魚雞湯咁 粥底就都係咁樣啦廚皇炒飯好食但可以再炒得企身小小未夠火侯 味道唔錯 一粒粒嘅唔知乜好有口感 但食食下又有d un胃鮑魚燒賣好貴 基本上唔想食片鮑魚 唔知有無普通燒賣 燒賣就大大粒 好好食柚皮蒸排骨幾好味 無色但好夠味

朋友提早替我慶祝生日，來一個鮑參翅燕餐，聽個名好豪咁喎.......高湯黑松露花膠翅蟹肉大大粒，有數條粗翅，但唔多見花膠，可能太肚餓，略嫌細碗。蠔皇南非鮑魚伴金柚主角出場，有期待………!鮑魚有口，蠔汁好味但勾芡太厚; 金柚即碌柚皮，冇乜味，伴碟條菜凍冰冰，美中不足!砵酒焗北海道元貝賣相完全唔得，兩隻元貝夠大但找不到丁點砵酒味，而且上面舖了點類似泰國甜辣醬味，與其東洋名字有點格格不入。蝦籽扣遼參遼參入面釀了一些蟹肉﹑馬蹄﹑豬肉，可用刀叉吃，但又係太細舊，唔夠喉囉!生拆蟹粉扒荳苗五人份量一碟上，呢個最似樣，荳苗不會太熟，有真蟹粉，上湯味道不錯。秘制小欖乳鴿皮不夠香口，但肉質及味道都OK……… 吃到此時，朋友望望菜牌，聲稱全部熱盤已上檯，心想………..大鑊，至此，仍未見有飽感喎，係咪應該仲有碟炒飯未上呀?桂花榚燕窩榚上錯佐桂花榚，侍應本想幫我地換過，當然給我們一人一把嘴，叫佢送埋比找地食喇…..多謝!宫庭燕窩榚有幾粒疑似”碎燕”物體，口感似嚼有少許椰汁味的大菜榚，一般!鮮果栟盆五片橙﹑十片西瓜蛋白杏仁茶不太甜，杏仁味很濃，有很多大大塊蛋白，最正反而是這個店長送的甜品。吃罷這甜品，最終才有六

朋友介紹去陶源酒家食午餐, 話有個商務午餐可以一試, 於是一齊去食二百七蚊左右, 連加一, 有老火例湯, 五個小菜同生果盆, 以一間食餐飯都過千的酒樓, 價錢就唔算高了, 不過沒有山珍海味, 只有咕嚕肉, 四條雞絲春卷, 最"名貴", 係煲炆魚而已!不過味道唔錯, 最好味的, 我覺得係煲湯, 木瓜煲豬展, 真係夠哂火喉, 另外炆魚都唔錯, 啫啫的做法, 件件魚仲幾好肉, 雞絲春卷只係一般, 春卷一d都唔脆服務都係一般, 侍應忙於預備酒席, 反應比較慢, 不過都唔係無禮, 只係唔夠緊張吧!

媽在廣告見到鮑魚、魚翅餐很抵食, 只需要每位$218, 所以一試。我去到發現食客不多, 可能因為環境較為偏僻, 不會嘈吵, 所以坐得幾舒服。套餐包括:高湯黑松露燴翅－雖然我食不出黑松露是什麼味道，但翅的味道及濃度都很好，有水準。蠔皇鮑魚伴玉掌－這間陶源聲稱是鮑魚專門店，我不是吃慣鮑魚的，所以認為鮑汁和鮑魚都一流。築地蒲燒鰻魚－很脆，燒汁也很美味頭抽煎大虎蝦－賣相都不俗，味道也可以蟲草花泡翡翠－應該是最普通的菜式了瑞士釀鳳翼－我最愛的一道菜，雞翼皮薄但脆，咬下去裡面的糯米又軟軟地，然後咬咬下又感到有硬硬地的雞軟骨，很特別美點－好似是椰汁糕及水果，不過沒有特別蛋白杏仁茶－加＄１０，伙計推介，自家磨的杏仁茶，味道又真的不錯，很香的杏仁味，但又不會很甜總括而言，這裡的食物蠻算有水準，不過適逢套餐特價就更抵，好似做到５月底．．

今年老豆生日~想食中菜岩番屋企人口味...見陶源$1880個餐有魚翅同鮑魚都幾好咁,同埋亞妹個friend食過另外一間分店都唔錯...所以就book左一家人去食喇!如果話食物既話其實都可以既,無話難食亦無話特別好食!個餐本身係有一條清蒸石斑既,點知到叫左個餐之後就話個日無入石斑喎......就話轉個西蘭花炒斑片比我地!咁屋企人鍾意食蒸魚,問佢如果轉其他魚幾錢喇...個女經理就話:其他好大條嫁喎!成600幾錢喎!(大大聲咁講)又話轉個d係龍"等"黎嫁...好新鮮咁喎咁老豆話由佢喇!就咁轉炒個個算喇...點知黎到既時候...淨係得好大碟西蘭花上面得4-5舊所謂既龍"等"片...用條石斑黎換依d比人...真係唔該晒!唔明點解我亞妹晏晝去訂位同訂依個餐個時又唔同佢講明無呢...明明都即日去問嫁喇!係咁叫我地試埋其他單點呀...又話最出名係叉燒...叫左個$98既得番半份咁照叫左個例牌...黎到都唔覺得好食...另外到服務...真係無諗過會係咁囉.....傳菜既放低就走,又唔叫人黎上菜...就咁放係後面張枱到等到有人發現先黎上...個經理一路係到整熱d鮑魚個時一路係到同人傾計...d口水係咁飛.

今日放假, 同母親大人走左去飲茶, 都有好幾個月冇飲過lu,今次走左去一間叫陶源既酒樓試試, 之前都未去過...一試之後......共試六款點心:1/ 雞粒酥 -- 一開始黎既呢個雞粒酥唔錯, 鬆化, 味道適中2/ 鮑汁义燒包 -- 一開始算不錯, 但食食下怪怪地, 又過咸又過甜3/ 蝦蛟 -- 太散, 唔夠口感4/ 带子鳳眼蛟 -- 皮過多, 雖皮軟, 但唔會想食晒5/ 千層糕 -- 失望到極點....豪無誠意之作6/ 泰王mug mug糕(唔記得左個名) -- 呢個又係, 又係唔知食左d mug, 一樣是皮過多一試之後....簡單! 下次幫親第二間!

記得晚上上去陶源酒家食飯,時間約晚上8時30分到,先在帶位到,等了1分鐘先有人理你,帶埋檯後,就開茶,然後選菜,先選2位餐($328)2位起,叫部長來寫,問部長要個2位餐,但乳鴨可否換半隻燒雞,部長話唔得,都唔緊耍,跟住問海上鮮是什麼,清蒸紅魚,即時覺得個套餐非常唔好,所以唔要,再考慮下.跟住要雞煲翅,另選小菜,再叫部長來寫菜.先叩一煲雞煲翅,部長話冇,但當日做雞煲翅推廣都冇,唔緊要,再叫燉白肺湯2位用,部長話燉白肺湯一定是4位先有,都好如果有冇所謂,叫砵酒蠔友冇,最後加4款小菜,等了5分鐘,部長過來講白肺湯都冇,跟住我就埋單走唔食.

Lunch同婆婆公公o黎呢度飲茶~~~~牛肉腸粉 ~ 好滑好食春卷 ~ ok, 鮑魚雞穌 ~ ok, 帶子水晶餃 ~ 一般, 叉燒包 ~ 一般燒腩仔拼叉燒 ~ 燒腩仔皮脆, 叉燒好腍入味, 海蝦煎麵 ~ 麵好幼細, 蝦好爽口, 呢個正!!

睇雜誌剪coupon ...鮑魚大閘蟹套餐每人只需 $298...食物有:滬江素雞 - 上檯時仍然熱氣騰騰..好味煙鴨胸 - 我唔食..所以唔知味道...朋友J 話唔錯高湯黑松露燴翅 - 普通蠔皇鮑魚伴玉掌 - 鮑魚勁好味...回味萬分....可惜我唔食鵝掌大閘蟹 - 報稱有 5兩. 但係一D都唔覺...好彩都多膏...但係得一隻...絕對唔夠侯竹笙泡豆苗 - 略嫌油左D....但係都好味生拆蟹粉小籠飽 - 每人有兩隻...勁好味....勁好味....勁好味和風綠茶糕 - 冇食到..所以唔知味道鮮果拼盤好似好多野食咁...但係食完都好似唔夠飽.....

由於工作關係，很久沒有和女兒聚局，今天決定相約在這兒午膳，這個傻瓜，經常留連於朗豪坊一帶，竟不知豉油街，真的是。訂了11：45，準時到達，但知客小姐顯然是沒有預先安排，東找西望才給了一張小檯；這也難怪，做生意的耶！女兒放飯時間有限，點菜為先，鮑汁鳳爪怎可缺？味道是欠了一丁點，個人口味，濃一點更好，但是火侯掌握不錯，淋而不爛，再來荷葉飯，這個可能長期置於蒸爐，有著黏口的感覺，似糯米飯多一點，再來的是鮑粒腸粉，通透軟滑，內涵豐富，小籠包肉汁豐盈，牛肉球味鮮有牛味，叉燒包------囡囡至愛，個人不好，她說好好味就是，鮑魚雞粒酥---鬆侍應小姐要求打包，忘(忙)了，之後不斷致歉，唔緊要，明解！結帳$363，接受。之後女兒傳來短訊-------好好味嘅午餐，多謝！傻豬，下次再來晚膳，活著，只因有妳！唯一要彈的是洗手間衛生紙過硬，希望改進。

見佢出左個魚翅鮑魚套餐, 每位 $268, 睇黎好抵, 專登喺生日果晚訂位試下.間酒家喺酒店裡面既地庫, 有條樓梯行落去, 未到已經覺得好 grand, 人唔多, 樓底好高, 覺得冇揀錯地方慶祝.叫左套餐兩位, 另外加左兩隻冰鎮活海螺.好快黎左個生拆蟹肉翅, 份量啱啱好, 夠杰足料, 湯底味好, 有好明顯既蟹肉, 翅係翅仔, 但夠多, 整體個翅幾好, 唔使落紅醋.佢地好細心, 會另上一小杯楊桃檸檬汁, 比你喺食鮑魚前飲, 話可以解左之前食野既口味, 可以試真D 鮑魚咁話.飲完個汁, 慢慢嘆佢個二十頭中東鮑併鵝掌西蘭花, 亞女話未食過咁鮮既飽魚.... 我相信係因為杯楊桃檸檬汁既配搭, 我就覺得未有糖心, 不過咁既價已經係超值.跟住係食海螺, 清爽, 正路淋D檸檬汁, 點芥末豉油, 不過不失.個砵酒蚝唔錯, 面頭好似酥炸皮咁, 食落味清唔"漏".义燒併鴨胸, 义燒仲暖既, 有D 油係面仲郁緊, 好林好好味.最後黎既石班球, 濃湯浸莧菜芹菜, 由於已經好飽, 所以心理上只係希望食得哂, 所以未算細心品嘗... 味道清爽, 所以都可以清哂佢.個餐飲可以揀紅酒同果汁先生, 最後會有生果. 可以

其實間野都黎左飲茶好多次,最近去左一次比較深刻,趁機分享一下.今次想講多d服務~味道:整體黎講,雖然唔係話極度突出,但做到樣樣都唔錯,都幾有交待.......叉燒包,蝦餃,燒賣,蘿蔔糕,珍珠雞,蝦米腸等等大路野全都冇問題~另外發現有個比較ge係鮑魚腸,下次試左會補番話番比大家知~要講較有印象會係個花枝餅,因為向其他酒樓比較少食,但都幾油下.雞絲春卷會係小數唔掂ge野食........過份淡口ge炸食物.......又唔香口.....奶皇千層糕甜甜地,Size岩岩好(分左4件),值得推薦.牛肝菌金腿帶子炒飯,翡翠蝦球炒河E 2個炒粉面會係比較好GE其中2個.2個都幾特別,前者,食完成堆肉食再食岩岩好,因為主要ge材料都唔係肉類,食落幾香口.後者,比較濃味,有dd似波菜面,蝦球數目適中,唔驚唔夠分.以前有個叫廚皇炒飯都亦不錯,但e+好似冇左了.茶方面,因為都係正常水平,所以冇刻意講了.服務:最後要俾3分真係好難俾......因為話佢好又唔係,差....又唔話可以咁講.....只能夠話係超越左足夠.....佢地係好殷勤...有禮貌,又幾肯解釋......又好樂意幫你針茶.....但係就太鐘意