陶源酒家

营业中

休息中

最近去了一個悠長旅行，回來後有些個人問題很久沒有跟家人一同吃飯，難得是晚終於有空一同晚餐，滋味在心頭環境一派豪華且寬敞舒適先來滬江素鵝外炸得香脆可口，但不油膩，口感外脆內軟冰燒三層肉味道不鹹不油，皮脆，平常不愛吃肥肉的我也全部吃掉，口感脆滑，十分好吃而這個黑松露高湯三金勾翅更是超棒勾翅份量好足，口感滑滑，味道鮮甜，入口口感滿載古法扣三十一頭吉品鮑魚伴玉掌主角鮑魚入口有嚼勁，醬汁完全滲入，玉掌雖是配角，但同樣入味，而且不韌，好吃魚子醬蛋白蝦球魚子醬令蛋白更香，而蝦球肉質彈牙，加上露筍，味道適中恰到好處，入口既滑且香，美味秘制小欖乳鴿更係外皮脆，入口甘香，肉夠新鮮，沒有冰鮮雪味，單吃已味美滿載響螺盞泡田園蔬響螺口感煙韌鮮味，加上湯鮮甜，令蔬菜更鮮，口感好爽脆最後來個我至愛貢品葛仙米杏仁茶，賣相美美杏仁味香濃，口感香滑，而仙米及蛋白令杏仁茶口感更豐富更好吃食物精緻，份量適中，不會造成浪費，而且味道討好，令人回味！

服務態度差劣食品一般以飲宴的準則來說, 完全失望。先說服務:換碟, 待應在轉盤上飛碟要杯熱水都要等20分鐘飲宴去到一半已經無哂可樂提供整晚黑面態度較差 (例子: d待應想收左碟魚, 已經有人話想要埋剩低果d, 佢都收起左, 要嗌停佢, 嗌停完就咁擺低左, 無夾埋果少少魚比個客)飲宴尾上果碟飯同伊面, 無分埋落碗, 要我地自己舀, 仲要無"匙跟"舀飯食物:乳豬: 正常發揮, 大家都肚餓竟然有碟 "西蘭花炒西蘭花"條魚有人食到仲有魚鱗鮑魚: 用剪刀剪完都難咬開海皇羹: 蛋花湯+生粉水??????炸子雞: 一般正常干燒伊面: 份量少, 同包公仔面差唔多荷葉飯: 過鹹, 老抽豉油炒飯?? 

今晚約了兩個舊同學吃晚飯,  她們都是過境旅客, 移居波士頓及意大利多年, 現住在尖東富豪酒店,  我盡地主之誼, 請她們吃個晚飯大家聚舊,  我選了尖東位於東海商業中心的  陶源酒家.  因為地點適中, 往返酒店容易.酒家在地庫一樓, 有扶手電梯直達.  這兩位舊同學, 對中式食品頗懷舊,  特別欣賞中國茶葉, 所以到此酒家吃飯, 好適合.                                                    陶源酒家 是連鎖式經營酒家,  装修環境不錯, 食品多款式, 品質有保証. 酒家內座位闊落, 裝修華麗高雅, 適合晚飯, 聚餐和宴会.侍應招呼親切, 先開茶, 送來花生小食和餐牌, 價錢合理. 参考餐牌, 名貴及普通食品有很多款, 豐儉由人.酒家內設有多個魚缸, 生猛活魚, 海鮮也不少.我提議叫現正推廣的 “松露皇牌吉品鮑魚套餐” 每位 @688-, 因為這套餐, 共有六道菜, 甜品. 又有陶源酒家的主打鮑魚, 是最佳組合.點餐後, 侍應依餐牌及每人選擇, 贈送橙汁/紅酒一杯, 我們都點了鮮橙汁.第一道头盤:  滬江素鵝, 冰燒三層肉侍應送上檯時

一家人喺尖東行完永安去搵食，無無聊聊經過就入去食飯，點知又幾驚喜喎，小朋友仲被魚缸裡面既一條魚係咁跳，吸引到唔捨得走🤣✨素鵝好食過去齋舖✨金勾翅超頂又好味✨乳鴿多汁好入味✨葛仙米真係好特別既貢品1/ 滬江素鵝、冰燒三層肉... 夠滋味😍2/ 黑松露高湯三金勾翅... 好品味🤤3/ 古法扣三十一頭吉品鮑魚伴玉掌... 超高貴😎4/ 魚子醬蛋白蝦球... 滑滑流🙃5/ 秘制小欖乳鴿... 好野味😝6/ 響螺盞泡田園蔬... 幾清淡🙂7/ 貢品葛仙米杏仁茶... 好香濃😌8/ 餐飲&水果... 超滿足🤗

同A姐識咗咁耐，我諗咗好耐，終於鼓起勇氣，作出一次好重要嘅決定！(娶佢？) 哈哈，無咁快！只係見吓A爸同A媽，睇吓佢哋俾唔俾我合格先啦！話晒第一次見面，所以我喺尖東搵咗間中高檔次嘅陶源酒家，希望留下一個好印象！A爸同A媽望住個餐牌，就話唔好破費喇，求其叫啲就得架喇。我知A爸同A媽都係想慳住我個荷包，但講真點求其都唔可以失禮，所以就叫咗呢個松露皇牌吉品鮑魚套餐啦。滬江素鵝、冰燒三層肉素鵝夠晒香脆，而且餡料好豐富；冰燒三層肉嘅外皮非常香口，一陣又一陣，一啲都唔覺得肥膩。黑松露高湯三金勾翅湯底夠晒濃，最重要係一啲都唔生粉水，而且翅粗身又爽口。古法扣三十一頭吉品鮑魚伴玉掌其實鮑魚同鵝掌由幾時開始friend架呢？鮑魚汁好香濃，真係好想叫個白飯撈撈！鮑魚大隻又軟腍；而鵝掌就好入味，唔錯架！魚子醬蛋白蝦球其實更似沙拉蝦球嘅蝦好大隻又彈牙，好開胃呀！秘制小欖乳鴿乳鴿唔係炸，而係豉油+秘制造成，講明秘制就唔俾得我哋知啦！乳鴿嘅肉質鮮嫩，又滑又多汁。響螺盞泡田園蔬食咗咁多濃味嘅食物，點都要有個菜嘅。除咗鮮嫩無渣嘅菜苗，仲有爽口彈牙嘅響螺片。貢品葛仙米杏仁茶奶白味好香濃，仲有好多葛仙米，好彈牙架。法國紅酒

跟家人慶生，總會想想去那裡吃飯曾在陶源酒家晚膳有感食物質素不錯，這晚便過來吧！ 不想煩惱，直接點套餐先嚐小食，打開胃口滬江素鵝、冰燒三層肉香脆的三層肉，肉質鬆化素鵝香脆，出奇的，一點膩感也沒有黑松露高湯三金勾翅湯底濃而不膩，而且翅的份量蠻多的古法扣三十一頭吉品鮑魚伴玉掌濃度合適的鮑汁、炆得軟腍入味的鮑魚跟鵝掌有驚喜！魚子醬蛋白蝦球魚子醬富鹹香，配上滑嫩蛋白絕對是清而不寡秘制小欖乳鴿醃得夠味，不蘸淮鹽同吃也可肉質細嫩具嚼勁響螺盞泡田園蔬響螺片爽口彈牙，配上翠綠無渣的菜苗清甜鮮甜融為一體貢品葛仙米杏仁茶杏仁茶不是我杯茶，全都給家人食了尖沙咀加連威老道98號東海商業中心地庫一樓宣傳你的專頁

果日同屋企人路過尖東 爸想食中菜 就去左陶源。 門口好殘舊咁，食評又一般， 但爸想食唯有試下。 入到入邊裝修都靚。一試先知係好野， 係我最近食過最好既酒家， 好過稻x多多聲。 燒肉(推介) 超好味， 脆到呢，燒肉fans岩晒。 仲有個炸大蝦球， 酸酸甜甜岩晒我。 叫左五個菜，款款都唔錯。值得再去。 唔錯既中菜。

今天放工後和媽媽爸爸一起去晚飯, 因為自在尖沙咀, 食店都很有很多~ 媽媽說今天工作辛苦 所以要吃好一些! 在尖東走着走着, 發覺原來有陶源酒家! 媽媽一向很喜歡這個集團的茶樓, 所以我們就入去找位食飯~ 坐下後, 發覺他們正在做黑松露皇牌南非鮑魚餐 價錢雖然有點少貴, 不過菜式多樣化, 而且現在還有八折 原價750元, 現在只是每位568元, 都還可以吧~ 菜式上共有七款 分別有 滬江素鵝.冰燒三層肉 黑松露高湯金勾翅 古法扣南非5頭鮑魚拌玉掌 魚子醬蛋白蝦球 秘製小欖乳鴿 響螺盞泡田園蔬 頁貢品葛仙米杏仁茶 另外套餐還包括每人一位法國紅酒或鮮橙汁一杯 坦白說, 份量相當多, 吃飽後我都坐了一陣子才能消飽~ 總體來說, 我覺得質素非常之不錯!! 全都好好好味! 滬江素鵝.冰燒三層肉 燒肉真的很脆口!細細件好容易食! 素鵝都炸得好脆, 層塊充滿口感! 黑松露高湯金勾翅 無得輸! 湯底很鮮味, 金勾翅不惜工本, 份量夠多, 入口充滿口感, 我相信是我吃過最好的翅! 古法扣南非5頭鮑魚拌玉掌 鮑魚大大隻, 以鮑汁來炆, 入味又充滿口感, 啖啖肉好回味! 玉掌都軟綿綿

香港作為國際大都會，可以隨時享用世界各地的美食，但中式餐飲文化依然是其中的主流，尤其每次和大班舊同學/同事，又或與家人飯聚，都會選擇到中式酒樓用膳，就是喜歡那種圍埋一張圓枱的溫馨感覺。今天與老友飯聚，大家都不約而同選擇吃中菜。剛好酒家現正做一個皇牌黑松露南非鲍魚餐優惠，以八折$568 就可以享用：滬江素鵝、冰燒三層肉黑松露高湯金勾翅古法扣南非五頭鮑魚伴玉掌沙律蝦球秘制小欖乳鴿上湯泡田園蔬貢品葛仙米杏仁茶每人敬送: 法國紅酒一杯或鮮橙汁一杯星期一至日晚飯散座供應滬江素鵝、冰燒三層肉👍👍👍👍這個前菜包括兩件素鵝和三件冰燒三層肉。素鵝外皮炸得酥脆，饀料加入肉碎、冬菇粒和馬蹄粒，不同口感的材料令素鵝成為一個開胃的前菜。三層肉的外皮鬆脆，三層肉中的肥瘦均匀，一口放入口內，脆脆的外皮與肥瘦相隔的三層肉形成一種強烈的口感對比。黑松露高湯金勾翅👍👍👍👍👍一上枱，部長已提示先喝幾口原汁原味的翅湯先，才加浙醋吃魚翅，還提示我們要用筷子夾起一梳梳的金勾翅來吃，食魚翅食到好似食麵一樣，真的很誇張，魚翅份量真的很足。湯底更加是鮮甜，由於魚翅本身是沒有味，所以全憑湯底的味道帶起味道，每一口湯都食得出高湯的火喉，又

媽媽一直都很喜歡陶源的雞湯翅所以訂了生日飯在這吃，但不但激怒了她，整家人都不想再來。所有套餐都有食材無貨，整個餐廳缺乏店員，店員態度也差又唔憂做咁。話佢對優惠不清晰，問左15分鐘都搞不清楚優惠條款，仲串我地叫我地自己打去辦公室問。嘢食亦無之前嘅水準。龍躉腩好似食豆腐咁不知所謂，翅又唔好食，上完隻雞就等左成個鐘先上到飯同甜品。成間餐廳其實都得幾枱客人，都等咁耐。個甜品紅棗糕上到黎仲要又甜又蒸過龍。成餐最好食係我地自己帶去的生日蛋糕！一d都唔值，普通酒樓都無咁衰。真係無下次😤

今日同爸爸食飯, 想食黃油蟹, 都驚季尾無得食, 所以專登續間問下有無先, 打嚟依間問話有, 咁我就即刻訂位! 嚟到個男部長話無蟹叫我地轉第樣, 我話我打咗嚟問有先嚟㗎! 個男部長話其實今日4點已經通知咗每個訂咗位㗎客人無蟹, 咁我話無人通知過我, 隔離個女部長即刻講"馮小姐吖嘛! 打咗兩次俾你啦! 你無聽之嘛!" 我話電話都無響過, 根手俾個電話通訊紀錄個部長睇, 個女部長即轉態話可能炒錯電話, 之後走咗去😑唔緊要....都算!之後落單個個仲攪笑, 漏單之餘仲九唔搭八:我: 個餐燉湯係咩湯?女部長: 廚房燉湯我: 即係咩呢?女部長: 都係個D啦(...)我: 咁有無得轉其他湯?女部長: 你想飲咩湯吖? 除咗個翅之外都可以選擇, 豬肺湯個D囉! 我: 咁好啦! 就豬肺湯(嚟到變咗第二樣, 問返個女部長)女部長: 吓! 乜我無講咩...轉頭走咗返嚟話: 餐個湯係無得轉㗎! 今日係咩就出咩!我: 我地問咗你話有得轉㗎喎...女部長: 係無得轉㗎! 我無講過可以轉喎! (............)嚟到依到真係忍唔住爆咗粗! 最後個男部長都轉返豬肺湯俾我地, 但係成餐飯都食到一肚氣! 其實所有

公司團年飯，諗住陶源都算有d名氣試下。實在無諗過咁既價錢難食到咁，鮑魚硬過咩，魚翅杰撻撻、連荷葉飯都爛飯仔咁！最慘服務態度差，一開始起菜三四個菜一齊上，我同侍應生講，咁上菜咩都凍晒，出慢d好喎，佢竟然話有人擺酒，無辦法慢慢出....我比咁既價錢你估大排咩！埋單竟然細數單唔比我睇，重叫我入咩VIP下次有折，我話唔洗客氣啦，無下次！今時今日咁既質素，咁既服務態度，點可以做得好，包房既都唔該比個醒目d既長工，搵個炒散既招呼，飲紅酒比隻普通飲茶玻璃杯，點同客黎😤😤

雖然大家都是陶源，但原來環境和食物都相差得很遠點心精緻，賣相吸引真係想款款都要齊價錢雖然略貴，但物有所值燒腩仔，皮脆肉嫩的的骰骰，賣相和味道都絕對相稱別有洞天鴛鴦脆皮腸，真花了不少心思替它改名軟軟的外皮包著脆皮，再包著虾膠，口感跟味覺都絕對令人回味無窮，有新意有創意翡翠虾球煎米，虾球晶瑩爽嫩，米粉亦煎得香，可惜米粉比較油和淡，有少許失望但整體也算不錯P.S.這裡環境清靜，絕對是傾計嘆茶嘅好地方，還可以電話訂位

筆者趁週日和家中細細到科學館遊玩，成行前先在對面陶源酒家享用午膳。一行四大三小，被安排坐於十二人枱，坐處固然寬敞。加上餐廳裝潢新淨，用餐環境理想。美食方面以點心為主，普遍水準都算不俗。手拍青瓜拼海蜇：麻香脆口的涼菜。笋尖原隻鮮蝦餃：部份蝦餃皮不完整，蝦肉爽口。濃雞湯野菌千層腐皮：野菌款多足味，雞湯掛滿千層腐皮份外好吃。不見天韮皇鮮蝦腸粉：皮薄通透，蝦菜皆爽。懷舊蜜汁叉燒酥：出品熱辣酥香，味道不錯。抹茶旋風奶皇包：抹茶味比預期清香濃味，比一般奶皇包特別。上湯灼菜心：選料翠綠，甜感中規中矩。一哥叉燒：口感比預期韌身，一般。濃湯元貝泡米線：湯汁味道一般，米線過腍，元貝聚底分佈不均。

月頭公司去尖東陶源食晚飯，一入商場已感覺。。。有冇搞錯呀，去埋啲靜英英嘅商場，仲要响地牢。我哋揾咗好耐先揾到間酒樓。間酒樓整咗好多間房，我哋坐咗其中一間。一開席就上奶豬，但其實係乳豬來的。全晚最好味已係乳豬了 ，跟住個伙記响我哋後面分鴨掌鮑魚(強調係鴨掌唔係鵝掌)，但佢分咗成兩個字先分完 嚟到我面前已經凍哂 然後食完後點解等咗3個字都未上菜呢。。。。原來伙記又响度好努力咁分緊翅(心諗點解未上炸嘢就上翅呢).又是者伙記又分咗兩個字先上翅。當然食落口只係微暖。碗翅唔熱都算嘞，點知飲落口原來味道同吏雲新清雞湯係一樣味 咁奇怪我都係第一次 於是我只用筷子夾咗啲翅食就算了。之後上嘅餸菜係西芹炒双䂜，呢味餸冇特別。然後係扒豆苗，豆苗咬落去全部都係渣 跟住上魚，魚係養斑，過熟兼冇味！咬咗一啖就算！之後上炸雞，我夾咗雞翼，所以好難唔好味 但我同事話佢夾嗰舊脾係冇味嘅。。。。總括全晚嘅餸菜及價錢而言係--味道差勁！價錢絕對不值5千幾蚊圍囉！我去稻香用千五蚊已食到同樣嘅嘢同同樣嘅馬虎味道！好彩唔駛我俾錢，如果唔係我實即場鏟爆！仲有，服務我哋嗰啲伙記，憑佢哋嘅服務態度肯定係臨時工嚟。全晚都冇主