陶源酒家

营业中

休息中

月頭公司去尖東陶源食晚飯，一入商場已感覺。。。有冇搞錯呀，去埋啲靜英英嘅商場，仲要响地牢。我哋揾咗好耐先揾到間酒樓。間酒樓整咗好多間房，我哋坐咗其中一間。一開席就上奶豬，但其實係乳豬來的。全晚最好味已係乳豬了 ，跟住個伙記响我哋後面分鴨掌鮑魚(強調係鴨掌唔係鵝掌)，但佢分咗成兩個字先分完 嚟到我面前已經凍哂 然後食完後點解等咗3個字都未上菜呢。。。。原來伙記又响度好努力咁分緊翅(心諗點解未上炸嘢就上翅呢).又是者伙記又分咗兩個字先上翅。當然食落口只係微暖。碗翅唔熱都算嘞，點知飲落口原來味道同吏雲新清雞湯係一樣味 咁奇怪我都係第一次 於是我只用筷子夾咗啲翅食就算了。之後上嘅餸菜係西芹炒双䂜，呢味餸冇特別。然後係扒豆苗，豆苗咬落去全部都係渣 跟住上魚，魚係養斑，過熟兼冇味！咬咗一啖就算！之後上炸雞，我夾咗雞翼，所以好難唔好味 但我同事話佢夾嗰舊脾係冇味嘅。。。。總括全晚嘅餸菜及價錢而言係--味道差勁！價錢絕對不值5千幾蚊圍囉！我去稻香用千五蚊已食到同樣嘅嘢同同樣嘅馬虎味道！好彩唔駛我俾錢，如果唔係我實即場鏟爆！仲有，服務我哋嗰啲伙記，憑佢哋嘅服務態度肯定係臨時工嚟。全晚都冇主