陳儀興飯店 (崇齡街)

营业中

休息中

行過見到呢間店有滷水鵝肝，所以就買咗一個外賣！128蚊，大概有八片，每塊都算大片，份量還可以食落去好淋，亦都好入味，入口都有即溶嘅感覺！ 不過對比以前食過嘅滷水鵝肝，反而就太重滷水味，冇咗鵝肝應該有嗰陣香味！ 總的來講都唔錯嘅，下次有機會都會試吓其他嘅滷味！

講到新蒲崗嘅潮州菜，相信大家都會話位於崇齡街嘅陳儀興飯店。對新蒲崗嘅老街坊嚟講，陳儀興飯店可以話係無一不知，因為佢哋喺新蒲崗已經幾十年，當中以秘製螄蚶、生瀨尿蝦、凍蟹等最為出名。往日喺新蒲崗長大，今日經過都倍感親切，所以都入去點三兩個小菜，食個便飯。鹵水鵝件潮州鹵水好多地方都有，我就認為一間潮州餐館所賣嘅鹵水，最重要嘅係鹵水要夠味，不係偏鹹，而鹹味一定不可以蓋過鹵味本身嘅肉味，陳儀興嘅鹵水就恰到好處。食鹵水鵝，大多數人都會選擇鵝片，因為無骨淡淡肉，但我反而喜歡鵝件。雖然骨較多、但鵝件所吸收嘅香料味同鹵水味比鵝片更香更好味。潮州炸蝦棗潮州炸蝦棗喺我兒時好喜歡嘅食物。佢同炸蝦丸好相似，將蝦膠搓成球再炸至金黃。陳儀興飯店所煮理嘅炸蝦棗炸皮唔厚，食落外皮酥脆，蝦肉鮮甜彈牙，你再配搭返潮州甜醬同辣醬，非常有潮州風味。潮州蠔仔餅蠔餅煎到兩邊金黃色。而且都相當大塊，蠔仔一啲都唔細隻，隻隻都肥美圓潤。食嘅時候狗少許魚露，可以提升鮮味，食起嚟更加滋味。

新蒲崗除左有好多間點心店之外, 陳儀興都有好多, 佢地分別有打冷, 米線, 火鍋等等食既都係潮州菜, 作為Gaginang (自己人) 當然鍾意食自己既家鄉菜啦平日夜晚差不多9點, 好多鋪都關了, 但陳儀興仍然高朋滿座, 佢地店都係分鋪係附近或者轉個彎一坐下, 就睇MENU 佢地既菜單大多貼滿牆, 有埋圖既話, 其實選擇都不難我地3人行叫左4個餸, 蠔餅(必點!) 啫啫芥蘭, 鵝片 ($125) 及 馬友所有野都好好食, 只係個芥蘭比較咸, 不過佢用鐵板上果下D 鑊氣出晒黎, 正!蠔餅真係無可能不點, 因為佢D蠔仔又大粒, 又多又脹卜卜, 份量都好足又大份, 完全忘記左俾相機食先xdd鵝片相對遜色左少少, 因為份量不算好多, 底都墊滿左滷豆腐, 不過豆腐係幾好食的特別想講下個馬友, 好少呢種食法係食馬友, 平時都係食烏頭, 但啖啖肉, 反而真係好食過烏頭好多埋單$500 好合理!! 之前都食過2-3次, 所以呢間店絕對會ENCORE!

無論食過幾多間潮洲滷水野，都係覺得陳儀興最好味！！夜媽媽又唔想食糖水，就會諗起食潮州滷水野。鵝肉片，墨魚大腸拼盤，招牌蒜香骨，呢三樣鎮店之寶食幾多次都水準依舊！

友人介紹到這店晚飯，4人晚餐有叫啤酒呀！直接形容蠔的兩款真係好味、蠔肥嘟嘟又多和蠔煎炸野不多油、滿意的，鵝片不太肥，幾好!但鴨舌美極、蜆仔就差d⋯蜆仔不入味、美極鴨舌⋯味覺聞到有用美極cook ,試過不會再試，哈哈！服務生都幾好

我哋一行十人去了新蒲崗一間陳儀興飯店食打冷。我哋知道呢一間飯店晚市好多人喺門外等,所以我哋一早就打電話去預約8:00pm ，去到飯店時候大概等咗10分鐘就到我哋入去啦。首先啤酒推銷員推介asahi 啤酒,但係我哋飲完一支之後,再order就已經賣晒😭再講返我哋當晚叫嘅餸，我哋叫咗10個餸，每個餸都喜出望外，蠔餅炸得鬆脆，蠔仔粥足料；蠔仔又大粒，燴鵝肝鬆化，鹹菜豬肚湯足料炮製，還有辣酒煮花螺，簡直係辣到上頭頂👍，還有很多很多出名嘅潮州名菜包括鵝片、小炒王、芋泥和豬紅韭菜。這餐飯非常之滿意。題外話：飯店職員風趣幽默時常和我們開玩笑。整個晚飯食得很開心😃

早到十分鈡，還要齊人才可入座，甘樣做生意，好似唔休做，坐低飲兩枝啤酒都唔可以，什么道理。企係門口等齊人惨過做丐帮，比錢消費仲要大過你，你食就等，唔等就唔好食。一定無下次，唔會再幫襯，服務态度太差，

父親節當晚來了食潮州野，人好多，好彩2個人搭台一陣就可以入坐呢度衛生同環境好一般老水鵝肉片，唔太記得價錢，好似$128 or $138!, 底下都是豆腐，實際上鵝片只有十塊左右 。做得幾入味，肉同片都嚐到老水汁那股味，仲跟辣椒油同白醋汁蘸來食蜆肉湯，重胡椒粉味，仲有菇同小量粉絲，飲完幾暖身的，唯蜆肉唔夠肥美😳 生醃獅x , 食個個話有酒同豉油醃架，我見到中間血紅色就怕怕啦。始終是生的，有肚仔唔舒服的風險，大豬當晚食完就肚仔出事啦！但唔係度度食到

一般我們過來這裏吃是因為他的潮式浸獅吟與賴尿蝦（賴尿蝦比較少一些潮洲菜有做），雖然這裏的賴尿蝦比較細隻冇乜肉食，但味道真的弄得挺不錯👌🏻 上次試過生蟹但真係太鹹了所以今次唔敢食。這裏的滷水鵝腸和潮州鵝肝也不錯吃，雖然我還是比較喜歡好蔡館，他還是比較喜歡大圍大排檔。今天看了看菜單他們有很多田雞的菜式，剛好我是一位非常喜歡田雞的食客，點了椒鹽田雞，這道菜真的有驚喜呀！反而今天的凍烏頭不太有魚油今夜食咗咁多野好想告解 🤦🏻‍♀️

老實講！ 論食物質素好一般， 但價錢唔貴， 基本上都係一個好選擇！ 但昨天發生咗一件不愉快事件， 話說我地一行5人未到19:00就到左， 叫左8樣野， 十支啤酒左右啦， 本來就食得開開心心！ 最緊要去D種飯店食飯緊係會飲下啤酒吹吓水， 但接近20:30左右， 我聽到四眼老細用對講機講， 話我哋張枱磨爛蓆， 坐咁耐都唔走搞到佢返唔到枱！ （食放題都有兩個鐘啦）我聽完之後好嬲， 但我冇同佢嘈， 我哋啲嘢未食晒都即刻埋單走， 只可以說冇下次！ 你估得你一間舖頭咩！

打冷唔怕偏僻，可以去新蒲崗搵陳儀興。呢度都幫襯過幾次，自己幾鐘意呢度食，今日點個幾個餸各有特色。滷水鵝原先係好味㗎，不過碎骨太多而影響咗個口感。螄蚶基本上有得叫就一定點，上枱時今日有一兩隻不太新鮮，食完都無肚痛黃金反沙竽，應該係甜品俾佢地攪作成為餸食小菜，又幾新奇嘅潮州炒麵，麵硬而且削，麵同蛋又撈唔埋，可能我唔太識食，真係原全唔好食。呢碟係咪神還原一個比較窮嘅潮州人乜都可以食落肚嘅感受？真心見議不要點，但若果想挑戰，想感受一下嘅，都可以一試。埋單共368，走時開始多人等位。

今晚有時間，放工就約埋三個舊同學聚下，近其中一個就去左新蒲崗，呢間好旺喎，全場爆滿，梗係試下啦！鹵水拼盤 生腸爽口，墨魚爽脆，豬頭肉夠油香，夾埋鹵蛋、紅腸夠份量，鹵得好入味。避風塘九肚魚九肚魚最方便啦，魚肉好滑，炸得好香脆，唔會厚炸粉，外脆內軟，加炸蒜同辣椒同食辣得夠惹味。香煎蓮藕餅呢個送飯一流，啖啖肉，有埋爽脆蓮藕粒，口感豐富。炒通菜最緊要保持爽口，蒜頭炒下已經好味。最正就係飲酒，飲到半夜2點幾都無問題，下次再黎！

新蒲崗超級高質打冷潮州菜，係一間老字號，佢有一間係打邊爐嘅，就喺隔離街！ 除咗高質真係冇嘢可以形容，非常地道，性價比高，店員服務態度非常之好！~*~*~*~*~*~*~*~*~*~*~*🌟 打冷必食春菜🉐個人認為打啦一定要叫呢個 「前菜」😆味道很好但略嫌湯底有點太油！🌟 魚湯蜆 🐟每隻蜆得非常大隻，湯底#胡椒味比較重，粉絲完全所晒魚湯同蜆嘅鮮味！🌟 澄海鹵水大鵝肝 + 🌟澄海鹵水鵝 🈵必點💯 鵝肝非常大塊，口感粉粉的，非常好食！ #滷水鵝 非常入味，不油膩，肉質鮮嫩！🌟 潮州凍魚（馬友）❗❗睇幅相都見到條魚非常之靚，好多魚油，我非常推薦！仲有好多餸想食，我諗要去多幾次先可以食晒佢所有嘅餸😆

深夜一時多，途經新蒲崗又肚子餓，快快的找戶餐館落腳。本來，我見到餐館裡面只有一兩個客人，不像傳統的那些旺區餐館，深夜仍然爆滿，心想難道食物不好味嗎？甫走進餐館，卻見到這裡裝修得整齊乾淨，放了七八張酒樓般的大圓檯，心想，少人也挺好的，可以享受寧靜的一餐。我左右顧望，牆上滿是各種美饌的圖片，這間餐館是主打潮州打冷的，有粥，有魚，有鹵味，也有煲仔餸菜和風味小炒的。那些圖片看了兩三秒也不自禁垂涎欲滴了起來。隨即，有個看上去很溫文的男服務員行過來，問我總共有多少位客人，介不介意去旁邊另外一個間舖內用餐，原來這裡是有兩間分舖的，只是相隔一間舖位的距離，在那裡還有西式餐廳的四人卡位，感覺真的很寬敞，完全沒有擠逼的感覺。我點了個鹵水拼盤和一個白飯。服務員隨即很興奮地說：「好呀！正。」他似乎對自己的食物充滿著自信。我看了看店內的電視屏幕，原來，這間餐館曾經上過新聞媒體，更做過節目，被推介過的。等了約五分鐘，一碟精緻芳香的鹵水拼盤已上檯，看下去，相比起其他打冷餐館，這道菜的拼湊已經有煥然一新的感覺，排列有序的紅腸躺在左右兩旁，可愛的蛋蛋前後封著關口大門，肉香撲鼻的豬大腸在內圍繞著中間的主人翁，柔弱可憐的鮮

✨ 今日Herm姐約埋成班friend 去打冷，越多人越可以嗌多啲野食🤤🤤 呢間陳儀興我細細個就聽過呢個名啦，但係食就未食過。✨ 潮式獅蚶👧🏻 呢碟獅蚶係陳儀興嘅secret menu，食開嘅就一定會必點。獅蚶用咗唔同嘅醬料醃製，食落口有少少嘅酒味同辣味，一啲都唔腥，仲要好易上癮🤤。✨ 滷水鵝肝、鵝腸👧🏻 打冷必點當然會係滷味，Herm姐不嬲都好中意食滷水豆腐，滷水汁唔鹹得黎又好入味，調教得幾好。再者，鵝腸包滿住脂肪，真係食完真係要減肥😂😂。✨ 避風塘炒蜆👧🏻 呢味餸係個friend 特別點嘅，朋友仔最中意食蜆肉。呢個避風塘風味配落蜆肉真係好夾，嗰啲香蒜辣椒再配埋鮮甜嘅海鮮，真係食極唔停。✨ 水煮牛👧🏻 Herm姐最中意就係食辣野，呢個水煮牛就最啱我口味啦。每一塊牛都好嫩口好滑，份量仲要好多添。😍✨ 避風塘炒蟹👧🏻 打冷當然要必嗌避風塘風味嘅野食啦，炒蟹超級惹味而且有好多炒蒜放面。炒蟹仲夠多肉同蟹膏，真係會食到lamlam脷。