陳儀興玫瑰餐廳

营业中

休息中

我好友預訂左玫瑰鍋煲（消暑冬瓜盅），我今日放工後便直接去位於新蒲崗爵祿街33A-37A號百勝工廠大廈地舖的玫瑰鍋煲掂食火鍋，環境舒適，坐得舒服。因為已經預訂左消暑冬瓜盅 $248，我地就再點左：蟹籽墨魚滑 $98，安格斯牛肉（大）$238，脆鯇魚片 $68，脆鯇魚腩 $88，飲品係金銀花茶$20。消暑冬瓜盅有鮑魚花膠和大大餅冬瓜，店員告知湯底是用雞熬成的，真材實料的靚雞湯，一定要先飲碗靚湯（好清甜）和食左花膠鮑魚先，才開始打邊爐呀。墨魚滑好鮮味，牛肉味濃好食，脆肉鯇的魚肉爽脆好味，自家製的金銀花茶好飲。

啟德站步行五分鐘，就到新蒲崗。玫瑰餐廳陳儀興主打港式火鍋，自家精心熬製的湯底，一直令我心心念念。今次已經第三訪，價錢合理，性價比高，適合多人聚餐😋✨鮑魚花膠冬瓜盅以雞肉熬煮，濃郁的雞湯作基底，加上原隻冬瓜盅，越煮越清甜，鮑魚和花膠更添矜貴。一開頭每人各飲兩三碗湯😋 之後再正式進入火鍋環節！✨蝦 $88 (每日價錢不同,請向店員查詢)蝦肉新鮮彈牙，肉質飽滿，好食！✨蒙古羊卷肉 $98 羊肉比較羶，肉味十足，適合羊肉愛好者。✨招牌手切肥牛 $218 同樣肉味突出，口感剛剛好，不會太軟，也不會太柴，是我喜歡的口感😋最後叫兩杯充滿港式風味的鹹檸樂和龍鳳檸樂，清爽消暑🔥

入秋啦，又係打邊爐既熱門季節，呢日就同朋友去左新蒲崗嘅陳儀興玫瑰餐廳小廚，餐廳唔洗加一、唔洗茶芥、唔洗醬油費，好抵食，性價比極高。咁抵食，所以餐廳都好好生意，非常有氣氛。餐廳有多款招牌火鍋湯底，今次點咗鮑魚花膠冬瓜盅湯底，湯底用上鮑魚同埋花膠，非常高級，而且亦都好養生。火鍋料方面，餐廳有好多選擇，我哋揀咗招牌手切肥牛，非常新鮮，肉味香濃，而且好抵食。仲點左蟹籽墨魚滑、粒粒章魚丸、響鈴、蜂巢豆腐、萵筍片等，非常豐富。

呢排開始涼涼哋就想打邊爐，呢間唔收加一唔收茶芥仲要服務態度好，好難得湯底選擇好多，今日想食清清地，叫左鮑魚花膠冬瓜盅 $248！冬瓜清甜消暑，入面仲有四隻鮑魚、花膠、海參團雞，好足料！煲滾咗個湯可以飲一碗先，好鮮甜叫左安格斯牛肉 $178，肉質非常幼嫩，就咁放落湯底淥一淥就食得，仲有啲肉汁同牛味濃郁黃金炸魚皮$72，即叫即炸，仲要好大碟。鹹香嘅蛋黃岩岩炸好嘅魚皮，無論就咁食定係放落湯底度都係咁好味粒粒章魚丸$57，食落彈牙，入面仲咬到章魚好有口感鬼馬墨魚膠$98，原來係一堆蟹籽墨魚膠配落油炸鬼度，油炸鬼煮極都唔會淋， 熟咗之後仲食到油炸鬼嘅香脆，又會食到鮮甜味味嘅墨魚膠同蟹籽野生竹笙 $62，好大舊，放落湯底吸收晒精華非常好食飲品試左金銀花茶 $20，飲落回甘，功效消暑解毒，啱晒打邊爐依間火鍋雖然唔係任食，但係都係性價比之選！

新蒲崗工廠區卧虎藏龍，經朋友介紹，陳儀興既火鍋新鮮抵食，所以專程過新蒲崗試一試。打邊爐最緊要湯底，花膠鮑魚花膠冬瓜盅賣相吸引。冬瓜盅黎到仲要煮一陣，好足料，有原隻鮑魚､花膠､海參､魷魚等，湯底鮮甜，鮑魚有一隻手掌甘大，花膠好大塊。打邊爐點可以無丸食！自家制手打三寶丸絕對驚喜 ！墨魚丸鮮味濃郁、蝦丸惹味可口 、鯪魚球爽口彈牙!蝦肉丸外皮金黃酥脆，一口咬下滿口蝦仁的香味!手打魚麵由新鮮魚肉細緻揉製而成，口感鮮嫩有彈性，足見店家功架!安格斯牛口感自然、柔嫩、肥美、多汁、微甘，是世界公認的頂级牛肉品種，有"肉中之王"的美譽，火鍋必備，回味無窮!

見天氣岩岩轉涼入秋，又到打邊爐季節 收工近近地去新蒲崗陳儀興，唔洗加一、唔洗茶芥、唔洗醬油費 最緊要係有我想食既冬瓜盅🤭 無錯！ 就係用冬瓜盅打邊...-原個冬瓜盅呈上，加上4隻新鮮大鮑魚，仲有海蔘、花膠等矜貴食材，雞件香嫩肥美，仲記得第一次黎陳儀興就係比佢既黃油雞深深吸引住！湯底每啖都好香濃，原汁原味又滋補☺️飲咗好幾碗湯，完食大半個冬瓜盅後， 職員幫忙加湯打邊爐-因為我地得兩個人，所以招牌手切肥牛點咗細份但原來細份都相當大份，一上枱擺盤相當吸睛，牛肉上既油脂分佈均勻，色澤鮮艷，肉質嫩滑，牛味香濃！下次黎都一定會點手切肥牛🥩-火鍋配料新鮮，戈荀份量多，而且超級爽脆蝦丸卷同墨魚卷好彈牙，水魷魚好爽口-每次黎都會必點大大杯凍飲🥤真材實料巨杯檸檬茶今次仲試埋圓肉紅棗薏米水又潤一潤～

又到打邊爐季節已經好幾次係地道港式小店陳儀興玫瑰餐廳打邊爐除咗食物高質之外，呢度嘅服務人員全部都好有禮貌，而且全部都好好態度有求必應，上菜同埋單都好快手，又會主動問需唔需要加湯同有冇乜需要，所以我哋幫襯幾次都係呢個原因啦。推薦呢度嘅海蝦真係好新鮮而且好大只，咬落口啖啖肉質感非常好，蝦肉好鮮甜超新鮮豬潤都係唔錯嘅打邊爐食物，肉質都好鮮嫩好易入口，唔會好鞋極品黑豚肉係店長推薦，超大塊的黑豚肉而且份量亦好多，叫咗一碟都好大份，淥一淥就食得肉質口感都係唔錯獨門菠菜餃同魚皮餃都係好推薦大家食嘅，魚皮餃係店長推薦，菠菜餃連個餃子皮都係綠色超靚，而且好足料餡料超多，影相都見到係超大隻。我哋揀咗鮑魚花膠冬瓜盅做湯底，我覺得好啱女士飲，有花膠做湯底可以養顏，我哋首先飲咗個湯個湯好鮮甜，鮑魚都有幾隻，真係好足料啊，仲有啲海參同花膠，冬瓜都有好多，湯底裏面仲有雞，全部材料我哋都食曬，這一款湯底打邊爐真係唔錯，淥出嚟嘅食物都好美味，因為真係好少有鮑魚花膠做湯底，就算有都好貴而且好少見，但呢度食到嘅係非常足料而且性價比都好高。蔬菜我哋都揀咗幾款有苦瓜，勝瓜，皇帝菜同油麥菜蔬菜都非常新鮮，而且每一份都唔少，打邊爐

中秋節翌日，嘉嘉相約食飯，一行四人，想避開人群，故選址新甫崗，相信這區在公眾假期不會太多人⋯⋯記憶中早前在網上介紹過，於是Bookmark 了，今次決定到玫瑰餐廳一試⋯⋯嚟之前致電食店，詢問有關泊車情況，店員建議可泊在隔離停車場，還有另一建議供客戶多一個選擇，解釋相當清楚，未到來已感覺良好，一讚。店內很多卡位，適合兩三人數食飯傾偈⋯⋯6:30pm 到來，未算多食客，看餐牌，湯底都算多選擇⋯⋯從電話中預留了冬瓜盅，賣相有睇頭，話明做節，有鮑魚開心吓⋯⋯依個冬瓜盅，店員話鮑魚已熟，只要弄熱就吃得，先來一碗湯，吃完鮑魚後，冬瓜可以慢慢煮，由於冬瓜體積較大，我們盛起一些，稍後再煮，多啲位置烚其他食物⋯⋯點這個湯底好處是很清熱多瓜吃。萵筍$26及鵝腸$118~這裡的份量少少，可以吃多幾款選擇，至於價錢,鵝腸$118與這分量來說頗貴，但以味道來說，是筆者喜歡的少少膏系列。豬什拼盆~拼盆內豬腸、豬肚等都是熟，所以加熱就食得⋯⋯反之豬頸肉及豬潤就要比啲耐性煮煮佢，豬膶質感並非筆者喜歡那種，但筆者那豬大腸，恰到好處，一讚。手切肥牛(大)~手切肥牛，插上裝飾花作打咭之用。肥牛對於很多男士至愛，所以很快就K

今晚同豬無無聊聊去咗新蒲崗行吓，點知比呢個玫瑰logo吸引咗🤩睇到餐牌價錢好親民，又勁多湯底選擇，見到座滿九成食客，就入去食吓😋餐廳沿住鑽石山啟鑽苑出口，沿路行10分鐘左右就到餐廳🍴架啦😝都好方便👏🏻海鮮濃湯黃金甲🦀🍲上枱時見到隻蟹🦀佔據成個煲蓋🤣 仲要煲蓋都蓋唔哂🤣底層原來仲配埋大大個南瓜🎃令湯底更加惹味😍 底內更有大量蜆，粒粒蜆都好鮮甜無沙👍🏻 最貼心係職員見煲內差唔多熟晒時，仲過嚟幫手將個南瓜剪細佢，同埋叫我地飲咗湯及食咗蜆先，免得d蜆冇哂😗 湯底越煲越濃，每啖都飲到海鮮味及南瓜🎃味😍 職員仲好貼心提我地記得要早一日打電話📱訂，如果唔係下次食唔到架啦🥹🥹🥹脆鯇魚腩🐟魚肉爽脆，咬起黎好有口感，新鮮😚 平時真係好少機會食到😌豚肉🥩打邊爐🍲豬肉🥩係必點之選，肥瘦均勻👍🏻好味😋鮮滑牛🐂賣相同樣新鮮吸引，嫩滑新鮮，正😄羊肉🐑印象所知唔係每間餐廳🍴都有羊肉可以點，而呢間就有啦😆 食起黎唔係好so味，絕對可接受的味道😆爽口墨魚卷🍡以長條形呈現，鮮嫩彈牙，內裡軟滑，口感味道👅很好👍🏻三菇拼盤🍄包涵三種菇類，一次過滿足三種口味😚 總有一款岩食🤩淮山🥠非常爽脆，入味，健康之選，一定推介🤗👍🏻潮州手打

#foodiezo食在新蒲崗 #foodiezo九龍篇陳儀興打冷就成日聽，食都食過幾次😀 陳儀興有得打邊爐就真係第一次聽😆 地點都係紥根新蒲崗，做區內街坊生意為主，平日晚都8成滿，好旺場！重點係唔洗加一、唔收茶芥同醬油費！呢樣真係抵食過好多大型/連鎖火鍋店👍🏻 店內staff 都係叔叔姨姨，好nice 會教埋我哋幾時食邊樣、點食🤓 服務態度一流😍 仲好親切haha 我覺得幾啱一家大細去食😊 一間幾有人情味嘅餐廳😉—————————————————————🫕湯底 - 海鮮濃湯黃金甲 $348要預先訂嘅湯底🤓 一上枱已經見到兜嘢勁滿！完整大大隻嘅肉蟹、數唔盡嘅蜆、洋蔥、半個南瓜、芫茜等等，食曬啲料都飽咗一半🤪 湯底因為有南瓜同海鮮嘅關係，超級鮮甜！！！啲蟹真係啖啖肉、蜆無沙勁抵讚🥰 南瓜可以留一半煲到溶個湯底就會更加甜又唔洗咁飽haha 啲staff見我哋剝蟹仲會俾兜熱茶+檸檬🫖🍋我哋洗手同辟味🫢 好懷舊而又好work嘅方法😆-🐄安格斯牛肉 $178肉味濃郁、脂肪比例適中🤓 唔會好似肥牛得啲肥膏咁🤪 啱怕肥又想食牛嘅人食😳-🥟芥末西芹餃 $53自家製勁大粒！wasabi 煮熱到係另一種衝擊

我出街食飯喜歡支持地道港式小店，新蒲崗充滿童年回憶，其中 同事朋友們都喜歡到 玫瑰餐廳陳儀興，主打港式手工火鍋，服務細心又唔使加一。海鮮濃湯黃金甲預早一日同餐廳訂咗黃金甲，傳統的味道，帶着創新湯底。海鮮濃湯黃金甲，充滿了時令海鮮的美味和鮮甜。黃金甲好有氣勢的名字，上枱時見到巨型肉蟹，成個煲賣相打卡一流。原鍋上滾一陣，香噴噴聞到濃濃蟹味，整個鍋圍邊放滿了好多大蜆， 睇到都流晒口水。湯底極度鮮甜，我都飲咗兩碗，店員幫手夾起蟹鉗，慢慢享受，蟹肉飽滿，鍾意食蟹嘅fans真係唔好錯過。開始食完蟹，接着是鮮甜的大蜆， 超甜無沙，份量勁多。還有南瓜，吸收了湯底精華，食完這個美味海鮮鍋已經有點飽。黃金炸魚皮超惹味的黃金炸魚皮，即叫即炸，熱辣辣又薄又脆的炸魚皮，被鹹香的金沙包裹着，金黃色，色香味俱全。蜆蚧鯪魚球鯪魚球食落去真係勁多肉， 蜆蚧鹹鮮，越濃味，每一啖都食到好濃烈嘅海鮮味，鮮美好食，超級滿足。招牌手切肥牛精美手切肥牛，果然是招牌配料之一，食落有驚喜。牛肉脂肪紋理漂亮，油脂分布幾平均，都幾肥，好新鮮。配合黃金甲湯底，食出好甜嘅牛肉味，口感好滑。獨門菠菜餃 雙拼 鮮蝦雲吞大大粒，好飽滿，菜餃好多內餡

這餐廳之前成為了熱搜。我很好奇是如何做到的。一家五口當晚就看到這餐廳，就是想要試試。這湯底要預早一天預訂。到場後，我後悔了，現點湯底更吸引啊。不過因為預訂了冬瓜盅，所以沒有轉湯底。鍋端上來就是滿滿的，店員一直叫我們先打卡（其實沒什麼好打卡的），之後會幫忙剪開冬瓜。就是鍋太小啦，湯跟隨店員動作，全都灑岀來，煮沸時湯灑得更嚴重。先嘗第一口湯，清淡子些，這湯底不適合火鍋用😌環境也很窄。很意外，當天滿坐。一邊吃天花的冷氣一邊滴水，都滴到鍋裡去，食慾都沒了

陳儀興玫瑰餐廳 @rose_yee_hing_chan 正宗傳統港式火鍋小菜餐廳🧊唔收加一，唔收茶芥；乜都有得食用料新鮮、即叫即整，足料火鍋店鮑魚花膠冬瓜盅$248鮑魚爽口彈牙🐓雞件鮮嫩；花膠、雞件連冬瓜湯底清甜🤝消暑清熱之選🐃招牌手切牛$208招牌手切肥牛😍即叫即切；油脂分佈平均，厚薄適中，見每枱打邊爐既都起碼嗌一碟鮮蝦雲吞，拼菠菜餃 (雙拼$53 + $5；每樣4粒，共8粒)招牌美食😁又係即叫即包；成個糯米糍咁大粒，差D食唔哂潮州手打牛丸$88及爽口墨色卷$57每份8粒，真材實料🥬仲叫左萵筍、豆卜及油麥菜價錢相宜；食材新鮮#相機食先 #手機食先 #美食博主 #香港美食 #香港探店 #香港旅遊攻略 #香港旅遊好去處 #香港美食推薦 #香港旅遊攻略 #香港必食 #香港地道美食 #hkfoodie #taiwaifood #hkfood #hkfoodblug #hkblogger #yummy #抵食 #火鍋 #陳儀興#冬瓜盅 #手切肥牛 #玫瑰火鍋小廚 #火鍋 #新蒲崗美食#打邊爐 #海鮮 #香港美食 陳儀興玫瑰餐廳 📍新蒲崗爵祿街33A-37A號百勝工廠大廈地舖

重慶雞煲雞煲十分足料，香料與食材味道非常夾，一滾起就傳來非常濃郁的花椒洋蔥等香氣。雞肉非常嫩滑，火喉控制得很好，雞肉吸收滿滿食材醬汁，非常惹味！脆鯇魚腩吃完雞煲再加湯變火鍋，魚腩是必點之選，魚肉爽脆且少骨，非常適合老少。滋陰花膠仔花膠口感彈滑且不失軟糯，吸收了濃郁的湯底，滋補又美味😋安格斯牛肉安格斯牛肉肉質鮮嫩，吸收了湯汁，味道層次豐富又不膩。唐生菜+ 芫荽唐生菜清新爽口，能很好地平衡重口味的菜品。芫荽的香氣提升了雞煲整體風味，不可或缺。鮮淮山淮山吸收了濃郁的湯汁，加上爽脆的口感，令人一口接一口吃。羅漢果茶茶飲清爽甘甜，有助於消化，特別適合在享用豐盛的美食後解膩。

好多年前喺呢邊返工嘅時候記得呢度有一間唔起眼嘅火鍋店。今晚過嚟重溫舊夢，叫咗呢個需要提早預約嘅黃金甲湯底，見到一隻好大隻嘅肉蟹係新鮮上嚟，個煲都爭啲擺唔晒。大概等15至20分鐘左右，隻蟹變晒色就可以開始食。佢個底有一大舊南瓜，所以成個湯底都好鮮甜。見佢熟晒之後職員會好熱心咁樣過嚟幫你將個南瓜剪細佢，同埋會教你飲咗湯，食咗湯底料先，最後先再加返豬骨湯嚟打邊爐。佢呢啖湯真係不得了，係用咗蝦頭同埋蜆去煲，煲完呢個湯底之後再加返南瓜同埋呢隻新鮮嘅蟹再煮，所以個湯底真係好濃郁，而且蟹膏味好重，真係好好味。除咗隻蟹之外，入邊仲有好多蜆同埋沙白，全部都脹卜卜大粒。其實飲完呢個湯再加埋食埋啲蜆同埋蟹都飽咗一半。佢隻肉蟹真係唔少嘢㗎，隻鉗夠晒大隻，而且仲好鮮甜，真係夠晒新鮮。飲夠晒個湯就可以加普通豬骨湯嚟打邊爐。我哋叫咗一個切肥牛，佢呢個肥牛同普通嘅火鍋店唔同。唔同佢真係新鮮嘅牛，而唔係其他嗰啲冰鮮牛，因為我哋太早叫定啲火鍋料，所以其實放咗好耐，佢都冇出血水，仲係好似啱啱擺上枱咁靚仔。而且個肉味都好濃，又夠晒腍，值得一讚。跟住叫咗個蟹籽墨魚滑，佢個墨魚滑都好彈牙，中間仲有大大粒嘅墨魚肉添。而叫咗個雙拼餃