陳儀興尚潮樓 (英皇道)

营业中

休息中

生醃膏蟹是一道具有獨特風味的潮汕菜式，以新鮮的膏蟹為主料，通過特殊的醃製方法，使螃蟹肉質更加鮮嫩豐潤。鮮豔的橙色的蟹膏和透明的蟹肉呈啫喱狀，味道鮮甜中帶有濃郁蒜蓉辣椒醃料的風味，風味獨特係香港先敢試。糯米釀雞翼將糯米和香料填充其中，再油炸到外皮香脆金黃鮮亮，入而既糯米鬆軟飽滿，糯米的粘性與雞肉結合，為整道菜帶來了豐富的口感層次。梅汁炆豬手使用梅汁和香料炆煮而成，豬手經過炆煮後，肉質變得極為軟嫩，入口即化。梅汁的酸甜味與豬肉的鮮美相得益彰，非常送飯。桑椹酒是一種以桑椹釀製，具有豐富的果香和獨特的口感，入口柔順，並帶有微妙的酸甜味。聽說這種酒還具有一定的保健功效，據說能夠淨化血液。福果甜芋泥是一道傳統的甜點，芋泥質地細膩滑潤，口感極為順滑。芋頭經過烹煮和拌打後，變成了柔軟的泥狀，口感豐潤，絕對能夠滿足甜食愛好者的味蕾。清心丸綠豆爽是一道解渴的傳統飲品，具有清熱解毒的功效，入口清涼。最後仲有好濃茶香既功夫茶送，成晚既服務都超好，定期黎check下使唔使換碟同加茶。💐💐💐💐💐💐💐💐💐💐💐💐💐💐💐💐💐📍陳儀興尚潮樓 (英皇道)🏠 鰂魚涌英皇道1001號7樓1號舖💐💐💐💐💐💐💐💐💐💐💐💐💐💐💐💐💐

以前打冷硬係有種去大排檔嘅感覺，近年多咗唔少坐得舒服嘅靚靚潮州菜，想食中菜都多左選擇。 每次打冷都必叫鵝片，單睇色澤已經好唔錯，食落有肉汁夠軟腍，少少鵝皮咬落好香，係潮州人都會滿意嘅高水準。魚露浸花甲永遠係出街先會食到嘅心機菜，花甲排得好靚成朵花咁，蜆肉新鮮大隻，有魚露香味。花膠北菇湯用料十足，兩大條花膠真係同阿媽煲嘅花膠湯同款，冬菇有大半手掌咁大，骨膠原爆棚。 雖然係清甜嘅燉湯，但花膠味好濃，物有所值。炒粿條有鑊氣，條條分明炒得幾好，牛肉嫩滑有沙茶香味。

今次同朋友去左一間老字號既新店，餐廳菜式傳統之餘地方都好乾淨寬敞，同朋友慢慢食慢慢傾都冇壓迫感凍黃腳鱲 $288食潮州菜又點可以冇魚飯，黃腳鱲肉質鮮嫩，魚油甘香，而且已經起哂骨，方便食用滷水雙拼 元蹄×新鮮大墨魚 $168元蹄滷得入味，口感軟糯。墨魚爽口彈牙，鮮味十足，下面仲有我好鍾意食既滷水豆腐。呢碟滷水拼盤整體嚟講質素唔錯，價錢合理。金不換燉海螺 $78一入口已經聞到好香既金不換香味，湯水充滿海螺同老雞熬出黎既鮮味芙蓉香酥鵝 $168一邊係芋蓉，另一邊係鵝皮。芋蓉入口鬆化，入口甘香。另一邊鵝皮煎到脆卜卜，非常香口，而且比較飽肚魚露浸花蛤（$198）擺盤心思十足，仲食得好方便，花蛤鮮甜，魚露汁鹹味之中帶鮮味芋頭焗飯（$138）焗飯粒粒分明，配料除左有大量芋頭粒之外，仲有雞粒、炸蒜同蝦米等等，非常惹味老藥桔 $20老藥桔鹹甜度適中，味道非常濃郁，喉嚨唔舒服飲就岩哂

🍽️滷水鵝肉拼盤 $228去陳儀興，點可以唔食吓佢哋嘅打冷，所以我哋叫咗份鵝片拼鵝腸🤤尼度採用咗獅頭鵝，體型效大而肉質細嫩，滿佈滷水香，醃得好入味🥰 🍽️生醃膏蟹 $688鄰桌有人叫咗，食得好滋味，我哋又跟風試吓醃蟹🙈醃蟹好多膏，味道濃郁，配合滿滿嘅調味香料，非常惹味😋🍽️欖菜肉鬆生菜包 $158欖菜肉鬆嘅鹹味啱啱好，配合清新去膩嘅生菜，好食得嚟幾開胃😆👍🏻🍽️蠔仔方魚肉碎粥 $75碗粥落咗好多蠔仔，非常足料❤️蠔仔肥大飽滿，蠔味濃郁🤤粥底好綿，仲有方魚同肉碎增加口感同味道😌味道😋 8.5/10性價比💰 6.5/10環境🔎 7.5/10服務🫶🏻 8.5/10打卡指數📸 8/10٩(˃̶͈̀௰˂̶͈́)و 推薦指數🥰 8.5/10

陳儀興集團食過幾次都好滿意，新店裝潢有氣派，同屋企人黎食幾好。油泡南澳島鮮魷大塊厚肉，細緻片花令口感更豐富，最特別係點少少蝦醬真係好夾，同朋友一致認同個醬令鮮魷味道昇華左好多，比出面食到嘅潮式油泡鮮魷更出色。鵝片有啲厚度，好似原隻做好岩岩片出黎咁新鮮水潤。 鵝肉軟滑有鵝味，厚切啖啖肉食得好爽。沙茶牛肉炒粿條好正宗，有上次返潮州食到嘅風味，沙茶唔會太咸，粿條先用蛋炒過好香。金不換燉海螺係第一次見到嘅組合，個湯好清，有海螺鮮味，金不換香味有提鮮作用。

陳儀興尚潮樓 (鰂魚涌店)富貴自選套餐🩷潮州紅燒鮑翅加滷水拼盤 $488❤️魚露浸花甲 $198🧡肚肉苦瓜煲 $128💛梅汁鱔球 $298茶芥$30餐廳位於新建的1001 七樓，環境高檔、雅致舒服，跟好友吃食飯，一開始不知如何叫起，服務員好友善，介紹我們可以點富貴套餐再加小菜。潮州紅燒翅啖啖魚翅，配上煮得剛好的湯汁，令人回味！ 魚露浸花甲又另一亮點，第一次食好驚艷，魚露及九層塔能帶出花甲鮮味，花甲清洗乾淨沒有沙，又煮得熟度剛剛好！ 最後推介梅汁鱔球，鱔魚起骨，炸到好香，配酸酸甜甜醬汁好開胃🤤 這道手工菜不錯今晚一餐每道菜都不錯，我們再幫襯買鹹肉糭試試😂侍應周不時加茶及換碟，坐得都幾舒服，係價錢走中上路線，下次想帶屋企人再來吃。人均$600📌地址：鰂魚涌英皇道1001號7樓1號舖🔹港鐵太古站 B 出口, 步行約4分鐘#陳儀興尚潮樓 #陳儀興 #鰂魚涌美食 #打冷 #潮州菜 #香港必吃 #香港好去處 #香港旅游攻略 #食在香港 #香港探店 #香港美食 #香港打卡 #香港生活 #蠔餅

食潮州菜梗係要食老字號同埋正宗先好食！今次就去咗鰂魚涌嘅陳儀興尚潮樓，夠曬方便我哋呢啲住港島嘅人士😍😍位於英皇道嘅1001，環境好舒服，除咗約朋友，一家大細食飯都好適合㗎！我哋今次係為咗食潮州滷水同生醃而來的！🩷生醃螄蚶香港願意處理生醃螄蚶嘅餐廳本來就唔多，除咗要乾淨之外，仲要醃得好食同鮮味，血蚶可以講係最正，陳儀興一直吸引我嘅真係呢個，絕對值得因為呢個去食！❤️生醃瀨尿蝦生醃瀨尿蝦無咁麻煩，但唔係間間都會揀選靚嘅瀨尿蝦！佢哋嘅瀨尿蝦全部都有膏，增添鮮味，好滿足呀！🧡鵝三寶滷水係潮州菜嘅代表，除鵝肉鵝腸，最精華一定係鵝肝。以靚粉肝去處理，好多店舖都唔捨得，或者切到勁迷你，食完=無食！佢哋嘅粉肝入口勁滑，用靚粉肝先可以做到呢個效果💕另外鵝肉唔會太瘦或太肥，鵝腸都好爽口！滷水處理有啲會好咸，呢間個味道就啱啱好💞💛椒鹽九肚魚新鮮，上台忍唔住即刻想食！哎呀，爭啲熱到個咀添😅😅勁香勁脆，九肚魚絕對唔係減肥魚，好夠肉！💚胡椒咸菜豬肚湯呢個湯好香嘅胡椒味，但唔會偏辣，豬肚洗得好乾淨，而唔係淋曬，好有咬口！餐前餐後都會以潮州茶上台，呢樣絕對係潮州店家先會咁做，以表達歡迎及感謝！陳儀興尚潮樓鰂魚涌英皇道1

好耐冇食潮州菜搵到陳儀興尚潮樓食傳統潮州菜餐廳環境典雅舒適 有多款潮州菜式飯前飲功夫茶 品嚐下濃厚嘅茶香潮州菜必點✨鵝三寶 併盤有鵝肉、鵝肝、鵝腸鵝肉肉質嫩滑 又juicy鵝肝味道濃郁又軟滑柔嫩 充滿油香鵝腸冇肥膏 好爽口底下有滷水豆腐 好入味✨潮州鮮拆蟹棗 外皮炸得脆口 入便充滿鮮拆蟹肉啖啖都有蟹肉 推薦✨汕頭煎蠔烙 潮州菜必點蠔烙好大份 表面金黃香脆入面好大隻蠔 未試過食咁大隻蠔嘅蠔烙✨糯米釀雞翼 雞翼加入係糯米 釀入雞翼入面 雞翼香脆嘅外皮 包住香口嘅糯米 口感豐富 ✨欖菜肉碎炒飯 炒飯炒得夠乾身 加入大量欖菜肉碎好入味 好開胃最後叫咗兩碗甜品✨綠豆清心丸 好鐘意食呢個甜品 清甜得黎幾解膩 又清熱清心丸好煙韌 綠豆蓉有好多增加口感✨薑薯桂花湯圓 好多桂花同湯圓 味道清甜

相當有人氣嘅潮州菜中菜館，果然係無令我失望😋🥢富貴自選套餐金牌紅燒翅足三兩$488/位啖啖都食到翅，仲用咗金華火腿同埋瑤柱提高鮮味，口感非常濃郁。🥢潮州滷水拼盤用上舖頭陳年滷水，混合各種香料，經過醃製嘅墨魚、花肉、鵝腎同埋豆腐，每樣都非常入味，好快就食晒成碟！🥢生醃瀨尿蝦 ＄288經過拆殼處理，即食啖啖肉，肉質結實爽口，配上好開胃嘅醃料，味道鮮美。🥢荔芋香酥鵝＄168外脆內軟，香甜嘅荔芋配上鮮味嘅鵝肉，香氣撲鼻，好有潮州菜嘅特色。🥢清湯荷包鱔＄118幾乎失傳的潮州手工菜，用鹹菜包住鱔件，配上湯燉出甘腴豐美既「荷包鱔」。

“陳儀興”係香港幾十年嘅老字號，集團有牛什粉麵有茶餐廳，有傳統潮州打冷小菜飯店，飯店有幾間分店，今晚同朋友去咗鰂魚涌店食晚飯菜式選項由貼地嘅打冷小菜到高端嘅鮑參翅肚都有，豐儉由人；裝修雅致，店員態度親切，服務殷勤貼心，會主動換骨碟💪🏻飯前飯後會送上功夫茶揀餸時見到有精緻嘅功夫菜，手工繁複，製作需時，兩天前預訂先有，下次下次😎☝🏻一講潮州菜自然諗起滷水，叫碟拼盤，有墨魚、五花肉、鵝腎，豆腐，吸附飽滿老滷水精華，鹹香入味肚肉苦瓜煲即係苦瓜炆五花腩，苦瓜淡淡嘅甘味唔苦又夠淋，夏天食清熱解毒一流👍🏻潮州紅燒翅足三兩，斤两十足夠睇頭🔥魚翅舀起絲絲分明，味道同火候都唔錯，入口順滑，湯底味濃魚露浸花甲，魚露湯浸泡嘅花甲好鮮甜梅汁鱔球鱔肉爽口，加上酸酸梅汁好開胃！今晚菜式發揮好得！食到捧住個肚走，值得推介～

由於男友屋企係潮州人，時不時會聽到佢講啊婆細個會煮好多唔同潮州菜佢食，所以我對潮州菜充滿住好奇，今日帶佢嚟回味兒時滋味。一坐低，店員會好細心咁上幾杯功夫茶，係傳統老茶葉，非常清香。清燉荷包鱔荷包鱔經過慢煮再用菜葉包裹住放入湯熬煮，鱔嘅肉質好軟嫩，外皮仲有啲煙韌。菜葉味道清新又唔會蓋過蟮嘅味道，湯嘅味道濃得嚟色澤頗清，真係名符其實嘅功夫菜。鍾意鮮味同飲湯嘅朋友記得要打電話預訂，否則就好似我哋咁撞彩仲有可以叫到，太感動。鵝三寶拼盤包括咗鵝肝、鵝肉、鵝腸，潮州菜最出名係滷水，我哋就緊係要試下呢度正宗嘅味道。鵝肉連皮切片口感軟滑，鵝味突出，滷水嘅調味亦唔會過咸。鵝肝十分考功夫，一般容易處理得過老，不過呢度嘅師傅手法純熟，肝應該用了慢煮方式煮過，口感非常滑嫩，正！鵝腸處理得十分乾淨，冇任何多餘嘅脂肪殘留，既清爽又入味👍禾香鴿呢道菜十分特別，喺乳鴿入面釀咗啲已經炒香咗嘅糯米飯入去，再經酥炸，炸嘅火候啱啱好，乳鴿皮超級脆，但糯米飯又唔會吸哂啲油，整道菜都處理得好balance 。梅汁炆豬手豬手用咗燜煮嘅方式煨得非常軟綿綿，加上梅子汁煮到好入味，酸甜味道突出，好啱下飯。份量亦十分多，好啱大班人shar

近排天氣濕熱最岩就係食我最鐘意嘅潮州菜放工近近地又去左係新蒲崗開業六十年老字號嘅陳儀興尚潮樓鰂魚涌分店，食餐高質美味潮州菜餐廳環境走中國古典風格，坐位寬闊，卡位位置用上有刺繡圖案薄紗屏風作分隔，充滿文藝氣息菜式除左必食打冷、傳統潮洲菜式及其他中式小菜外，仲有足料燉湯不可不試食物方面:功夫茶 : 用鐵觀音做功夫茶，茶底濃潤結實，濃厚茶香，為一餐高質潮州菜作開始及完美既總結鵝三寶 : 併盤包括鵝肉、鵝肝、鵝腸，鵝肉選用潮州獅頭肉質嫩滑，充滿肉汁，鵝肝厚身又柔嫩，油香豐富入口即溶，鵝腸去曬肥膏，爽口彈牙，再加埋墊底入曬鹵水味既滷水豆腐，非常豐富汕頭煎蠔烙 : 食潮州菜最鐘意食蠔烙，蠔烙上枱熱辣辣香氣十足，金黃脆口唔油膩，充滿鴨蛋味，蠔肉大隻肥美，蘸少少魚露帶出鮮味潮州鮮拆蟹棗 : 賣相精緻，炸得外脆脆口，入便係滿滿嘅鮮拆蟹肉，啖啖鮮味有嚼頭糯米釀雞翼 : 雞翼炸得皮脆肉香，加入糯米及其他配料釀入雞翼，味道齒頰留香欖菜肉碎炒飯 : 炒飯炒得粒粒分明，加入欖菜肉碎及少許調味去炒，夠曬鑊氣又入味薑薯桂花湯圓 : 姜薯削成薄片，放入桂花及湯圓粒，食起來清香爽滑，有淡淡嘅桂花味綠豆清心丸 : 滿滿的綠

由於屋企係潮州人嘅關係，所以由細到大都食開潮州菜，間唔中都會去香港嘅潮州餐廳嗰度食飯，今日去咗呢間陳儀興，應該屋企人都會鍾意清燉荷包鱔慢火熬煮荷包鱔,使鱔肉烹煮至軟滑鮮嫩,保留了鱔魚原有的娟秀香氣。同時間食到荷葉嘅香味，今次幾好彩，原本應該要打電話過嚟預訂，但係我哋冇預訂都食到💪鵝三寶鵝肝，鵝肉，鵝腸，潮州最出名係乜嘢？係滷水,呢度嘅滷水不得了，鵝肉充分吸收了各種香料的精髓,口感軟嫩香滑,甚具鵝肉的鮮美滋味。鵝肝係最厚功夫嘅一道菜，非常容易老，但喺呢度浸嘅過程浸得幾好，非常順滑！禾香鴿其實嚟呢度之前我都唔知會有呢道菜，喺特別嘅Menu上面，就係乳鴿釀咗啲糯米飯入去，跟住再攞去酥炸，炸嘅火候非常好，飯都唔會吸晒啲油🥹梅汁炆豬手以悶燜的烹調方式煨至軟爛入味,肉質柔滑鮮美,餘韻悠長。梅子的酸甜滋味與豬手的肉質完美融合,口感豐富層次汕頭煎蠔烙肥美鮮活的蠔,以麵糊浸泡後下鍋煎制至金黃酥脆。蠔肉清甜多汁,與外層酥脆的麵衣形成強烈反差,口感獨特而豐富。糖醋煎麵潮州菜必點，簡單兩面黃，點糖同埋醋嚟食，簡單嘅美味❤️

好耐都冇食過潮州菜啦，今日就決定嚟呢間位於鰂魚涌英皇道1001號7樓1號舖噶陳儀興尚潮樓 (英皇道)，環境優美舒服，入面中式設計，好有意境侍應嘅態度好好，好熱情，好有禮貌。姐姐好似氹緊小朋友咁樣坐低先來咗功夫茶，清一清個味蕾先，之後就落單點菜。鵝腸，脂肪肥瘦適中，鹵得夠入味，但又唔會好咸，仲保留咗鵝腸嘅香味，底下嘅鹵豆腐夠嫩滑。鵝片，馳名鹵水鵝，肥瘦適中，鵝肉入味，食得出肉質唔差。荔芋香酥鵝，上層超級鬆脆，中間芋泥香濃，底下嘅鵝肉蓉，一面煎香，上中下層配合，口感好豐富。潮式胡椒鹹菜浸台生蠔，估唔到份量咁多，台山號超級大隻，配埋胡椒鹹菜超級鮮甜，惹味。呢個真係值得食。肚肉苦瓜煲，肚肉肥瘦適中，苦瓜處理得一D都唔苦，只有回甘，花菇都好厚身，吸埋個湯汁好鮮。欖菜肉碎炒飯，個飯一上枱，就聞到好香嘅米飯香，令人垂涎，呢個飯真係炒得好出色，唔會太乾，同好有鑊氣。清心丸綠豆湯，潮汕特色甜品，好鍾意佢唔係太甜。飯後再嚟多一份功夫茶，清一清口腔嘅油脂，茶香回甘，順滑。今日呢一餐真係食得舒服，位置坐得舒服，服務態度真係值得一讚。又係一個舒心嘅晚餐。

我真係好鍾意食陳儀興🤭每一間都非常好食😋今次食呢間潮州菜都非常正👍🏻店員非常有禮☺️富貴自選套餐 A+B金牌紅燒翅$488A揀左呢個足三兩紅燒翅🤩食落去啖啖都係翅🤤每一啖都好滿足😌味道非常出色👍🏻潮州蠔仔烙B揀左潮州最出名嘅蠔仔烙，炸到金黃色非常香脆，蠔仔又多又大又肥🤭好好味😋金不換花竹蝦$138花竹蝦非常彈牙，配埋金不換煮，味道好特別，好喜歡😍滷水鵝三寶 $298呢個滷水鵝三寶非常出色👍🏻食過咁多潮州菜呢一間係最喜歡，滷水鵝三寶鵝肉、鵝肝同鵝腸，三款都整得好好味😋尤其係鵝肝幼滑滑鵝肉肉質嫩滑🤤蠔仔方魚肉碎粥 $75肥嘟嘟又大大粒既蠔仔，真係好正😋佢呢個蠔仔粥真係好好味又多料又好食😋生醃螄蚶 $138螄蚶生醃鮮嫩質感，非常鮮美🤤反沙芋頭 $108經典潮州菜，超好味嘅反沙芋頭😋將外層的糖漿變成白霜，非常講究技巧，陳儀興真係好出色👍🏻可以整得咁好味🤤