影片
以上资料只供参考，请与餐厅确认详情
今晚去呢间餐厅食晚餐， 餐厅唔多人，六张卡座有5张有人，只有坐最后一张卡位，但估唔到啱啱点完餐， 有位阿伯行过嚟坐隔离，播片睇，又系巴士阿叔咁，开大 speaker 播国语片，太嘈顶唔顺，见到有人走，跟住自己调位，都系冇用， 阿伯睇片开得太大声，其实成间餐厅都系听佢睇片，咁好冇瘾快快食完走人，唔好理啲嘢好唔好食，平唔平，环境唔舒服，真系唔会再入呢间餐厅， 永别啦，以后都唔会再帮衬， 都会叫人唔帮衬， 贴钱都唔会再帮衬，食饭要听人睇戏， 真系好揾笨。
继续阅读
难得休假、同家人到石门享受一个早餐、「陆朝阳」、潮洲打冷专门店、还以为有河粉、牛杂/牛筋粉面，烧鹅、卤味，原来冇呢啲嘎！见午餐/晚餐牌才有野味的卤水豆腐、卤水鹅、猪杂、鱼头等小菜供应！餐牌系各式双拼/三拼、餐肉、沙爹牛肉、鸡蛋、肠仔等公仔面、乌冬！仲有猪仔包、三文治、多士等西式餐点！我地品尝了餐厅厨师建议的沙爹牛肉+鸡蛋公仔面（见他们也在吃），个人觉得出奇地、比附近茶餐厅的好味呀，意外收获，可以番食！
继续阅读
㖊日(17-4-2024 Wed)冇饭带,就临时约同事食饭,就同女同事SL出街食饭,记得未试过呢间嘅 卤水鸭,于是提议食呢间.我哋嚟到未太多人,亦有卡位,不过店员都先要求我哋坐埋一边,ok冇问题.睇枱上MENU时,店员提醒我睇黑板,因为有啲唔同.就坐后,店员会自动送上例汤,SL唔饮,咁我一人饮,然后叫餐,我哋都系要$52.00嘅 午餐,SL要凉瓜牛肉饭,饮热奶茶.我要卤水鸭拼腩肉饭,都饮热奶茶.落完单我就饮例汤先,呢个系老黄瓜猪骨汤,味道清甜唔错.5分之后两杯热奶茶到嚟,饮下先,茶味唔够,鲜奶太多.2分然后我嘅卤水鸭拼腩肉饭到嚟,嗅到好香卤水鸭味,食落, 卤水鸭好入味但又唔会太咸,而腩肉口感松软,味道较淡,蘸蒜醋食啱啱好.饭都正常冇问题嘅 .5分我冇问SL觉得凉瓜牛肉饭点.
继续阅读
寻晚和家人来到石门食饭，见到陆潮阳装修完毕，打算试一试卤水鹅，点知性价比差到一个点鹅片三拼（$168）全碟只有薄如纸的5片鹅片，五花腩和猪耳味道ok,但这个价钱和份量，不如叫剩鹅件好过潮式蚝饼（$108）饼多蚝少，饼系好脆，味道略咸，蚝就细到近乎食唔到彩椒鲜什菌炒虾球（$98）一般质素，份量唔多干炒牛河（$60）无咩镬气，味道不过不失韭菜猪红（$58)全晚最佳系佢，叫做最正常埋单最后$500，呢间都系无下次
继续阅读
今次来到呢间食店，一试我既食评功夫。我点咗三个菜，同一碗汤，食落真系过瘾。首先，鱼香茄子煲㗎啦，茄子软熟得嚟带啲鱼香香辣咁，食落喉头唔会辣得过火，肉碎又够味。再讲吓家乡小炒皇呗，咸鲜上汤𠮶种得意，D腰果脆口，虾干香气满屋，嚟份白饭就正！最后嘅咸鱼鸡粒炒饭，咸香之余，D鸡粒又嫩又多汁，每啖饭都满载喜悦。总括嚟讲，呢场食饭经历有啲正💯，啱啱好嘅香浓度，味感层次分明，肯定要再嚟啖！食完行开，心情都跟住好啲，街头巷尾都应该有咁既平民美食角落！🌟🍲🤤
继续阅读