影片
以上资料只供参考，请与餐厅确认详情
【沙田区】【潮滋味】我作为沙田友，大家都见我成日周围食嘢，不过其实我系住沙田嘅，咁冇理由咁耐都唔讲吓沙田嘅餐厅。行经过石门，见到呢间潮州嘢，初初以为又系𠮶啲卤水拼盘、卤水鹅呀𠮶啲，但系睇真啲佢原来完全唔系卖紧呢啲嘢。咁特别，自费都入去食吓啦。见到「肠粉套餐」好似抵啲，就叫 $56 嘅「潮式肠粉」同「海丰小米」10粒，始终系自己出钱，我作为孤寒 Foodie 就梗系睇住啲钱做人。个肠粉味道一般，个做法似大陆系吸引但个汁麻麻。而所谓嘅小米就系薯粉皮包住捞咗大地鱼粉嘅猪肉，系几特别嘅。跟住我仲破咗 $29 财叫多碗「牛肉饼汤」，牛肉饼就好似牛丸咁，只系佢打成饼状咁解，之前都好似喺其他场合解释过，味道正常。嘢饮我加 $12 饮「黑糖西米九毛膏」，即系海藻类嘅嘢，味道可以。夹埋用咗 $97 叫做食咗啲特别嘢，唔算好好食，特别啰。。。（地址：沙田石门安群街3号京瑞广场1期1楼152号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田区 #沙田 #石门 #潮滋味 #肠粉套餐 #潮式肠粉 #海丰小米 #牛肉饼汤 #黑糖西米九毛膏 #1am1558 #1ambackup
继续阅读
今晚嚟到石门揾嘢食，见到呢间潮州菜款式几特别，就试吓食呢间，估唔到食物令我有惊喜！.我哋叫了一碟〈潮式叉烧菜脯煎蛋饭〉及〈海丰小米套餐〉.潮式叉烧菜脯煎蛋饭 —煎蛋超大块！外表煎到焦香，内里仲有蛋汁，唔干唔老👍🏻配料有叉烧、菜脯、洋葱及红萝卜丝，份量好多饭量十足，好食又够饱肚.海丰小米套餐 — 有海丰小米 + 墨鱼丸汤 + 饮品第一次接触海丰小米呢款食品，我觉得好有特色.小米似细细粒嘅饺子皮以蕃薯粉制作，口感似烟韧粉果皮入面包住猪肉馅，食到大地鱼的味道配上蚝油或辣椒酱一齐食，系出奇地好夹好好食！辣椒油香辣、蚝油有鲜咸味咸咸香香又惹味，小米好有惊喜！😍.墨鱼丸汤都好出色！汤有胡椒味，但唔会太辣，我食唔到辣都接受到，算好饮墨鱼丸的口感厚实得嚟又几爽口，唔似坊间好腍好粉嘅墨鱼丸，好食👍🏻.至于饮品就好一般我叫了一杯冻茉莉绿茶，味道好淡，饮唔出茉莉或绿茶嘅味道而热柠水亦无乜特别.但整体而言，食物好高质，值得再encore！😋
继续阅读
潮滋味沙田石门安群街3号京瑞广场1期1楼152号舖石门呢间潮州嘢系心机小店!! $56潮式肠粉 海丰小米10粒 仲有一杯饮品海丰小米既粿皮以蕃薯粉制作 QQ弹牙的薯粉皮包裹着混合左大地鱼粉的猪肉 馅料丰富 好惹味自家制斑斓咖央多士都好好食！老板娘话系佢亲自整嘅酱黎嫁
继续阅读
朋友带我黎食过一次之后就经常黎啦肠粉套餐有肠粉，一碗牛肉丸或者饼仲有一杯茶，全部56蚊肠粉好好食，很有嚼劲，牛肉饼又好好食，小朋友最钟意就系2点后嘅甜品。平时冇咁忙入去唔晒人均40，我同个囡食一个肠粉套餐都饱啦之后会试下菜茶
继续阅读
食嘢食到一肚气真系第一次，有个带黑色帽扎条好长马尾嘅阿姐，态度非常差，又唔认错声大大，老板娘知个员工有问题都冇处理过，点解可以有啲咁嘅服务？我真系未试过食到成肚气
继续阅读
您可能会有兴趣的...