陸潮陽

营业中

休息中

噚日(17-4-2024 Wed)冇飯帶,就臨時約同事食飯,就同女同事SL出街食飯,記得未試過呢間嘅 滷水鴨,於是提議食呢間.我哋嚟到未太多人,亦有卡位,不過店員都先要求我哋坐埋一邊,ok冇問題.睇枱上MENU時,店員提醒我睇黑板,因為有啲唔同.就坐後,店員會自動送上例湯,SL唔飲,咁我一人飲,然後叫餐,我哋都係要$52.00嘅 午餐,SL要涼瓜牛肉飯,飲熱奶茶.我要滷水鴨拼腩肉飯,都飲熱奶茶.落完單我就飲例湯先,呢個係老黃瓜豬骨湯,味道清甜唔錯.5分之後兩杯熱奶茶到嚟,飲下先,茶味唔夠,鮮奶太多.2分然後我嘅滷水鴨拼腩肉飯到嚟,嗅到好香滷水鴨味,食落, 滷水鴨好入味但又唔會太鹹,而腩肉口感鬆軟,味道較淡,蘸蒜醋食啱啱好.飯都正常冇問題嘅 .5分我冇問SL覺得涼瓜牛肉飯點.

尋晚和家人來到石門食飯，見到陸潮陽裝修完畢，打算試一試滷水鵝，點知性價比差到一個點鵝片三拼（$168）全碟只有薄如紙的5片鵝片，五花腩和豬耳味道ok,但這個價錢和份量，不如叫剩鵝件好過潮式蠔餅（$108）餅多蠔少，餅係好脆，味道略鹹，蠔就細到近乎食唔到彩椒鮮什菌炒蝦球（$98）一般質素，份量唔多乾炒牛河（$60）無咩鑊氣，味道不過不失韭菜豬紅（$58)全晚最佳係佢，叫做最正常埋單最後$500，呢間都係無下次

今次來到呢間食店，一試我既食評功夫。我點咗三個菜，同一碗湯，食落真係過癮。首先，魚香茄子煲㗎啦，茄子軟熟得嚟帶啲魚香香辣咁，食落喉頭唔會辣得過火，肉碎又夠味。再講吓家鄉小炒皇唄，鹹鮮上湯嗰種得意，D腰果脆口，蝦乾香氣滿屋，嚟份白飯就正！最後嘅鹹魚雞粒炒飯，咸香之餘，D雞粒又嫩又多汁，每啖飯都滿載喜悅。總括嚟講，呢場食飯經歷有啲正💯，啱啱好嘅香濃度，味感層次分明，肯定要再嚟啖！食完行開，心情都跟住好啲，街頭巷尾都應該有咁既平民美食角落！🌟🍲🤤

漆黑中的螢火蟲🤭整體評價高👍🏼👍🏼👍🏼上菜速度快🤭🤭即炒👍🏼有鑊氣必食推介：蠔仔肉碎粥👍🏼隻隻蠔都好大粒，吾腥炸蠔餅👍🏼吾油膩滷水鵝件👍🏼👍🏼👍🏼但⋯鮑魚雞煲就一般啦⋯味道唔夠濃，份量太太太小😂😂😂有小小失望⋯⋯⋯服務正常😂係石門食到潮洲菜好開心👍🏼價錢好合理👍🏼👍🏼👍🏼回頭率⭐️⭐️⭐️#石門味道（4/5）環境(3/5)＃新界區_跟dada食玩

今晚同朋友行開石門，突然心血來潮想食「打冷」於是就諗住試下呢間「陸潮陽」我同朋友叫左蠔仔粥，鹵水三拼，韭菜豬紅三個餸入面最鍾意蠔仔粥，啲蠔仔脹卜卜，都算幾大粒，口味比較清淡。當你食完好重口味嘅鹵味之後，就冇咁咸。三拼，我哋揀左大腸，豬耳，豬肚。味道不過不失，打冷好少出錯嘅菜，最適合飲返杯啤酒。不過我就覺得尚ok，對比其他潮州菜都差唔多。韭菜豬紅冇諗過都幾辣，但朋友就話一啲都唔辣，口味嘅嘢好難講😂

見到好多人差評 其實鵝飯唔差 不過偏咸個飯入面既酸菜反而令我撈曬D飯 湯係幾好飲 但可惜唔熱 同時間架餐唔夠乾淨 油笠笠如果唔係下午茶時段黎食 我諗我晚市唔會捨得比呢個價錢食呢間...

今日同家人去咗呢間店試下，點知以為會幾好嘅，誰不知係中伏到不得了！我哋大概8點零鐘左右到，又唔算旺喎，坐底之後準備order，諗住3個人又唔算太餓兼想穩陣D咪叫咗一碟咸魚雞粒炒飯同豉椒排骨飯！加凍檸茶同凍鴛鴦！夠穩陣嘞掛！點知！😰😰炒飯唔夠熱唔夠味，要加辣椒油先至夠味！😨😨豉椒排骨飯等咗差不多20分鐘先到，又係唔夠熱唔夠味，排骨冇味兼僅僅熟！最經典係杯凍檸茶冇檸檬🍋味？以為係呢間店用現成檸檬紅茶之類沖嘅，點知當飲另外嗰杯凍鴛鴦既時候，發現嗰幾片檸檬居然喺度？😨😨！我喺香港做咗幾十年人，都未試過會咁嗰喎！最後埋單129蚊！冇下次！

一坐低見到隔籬枱，原條鹽焗烏頭上菜🤩menu都未睇，即叫姐姐來條一樣的😝以為鹽焗要等，點知唔使1分鐘，即上鹽焗檸檬烏頭🍋🐟原來係凍食來！烏頭好大一條，魚肉鮮甜👍跟魚沾的醬汁鹹得緊要呀😣至於豉椒炒蜆，堅係爭唔落👎明顯係水煮熟，就落鍋撈下d汁就上🥹唔叫炒蜆😅不過夠晒清淡🫢另一涼瓜菜圃炒蛋，好香蛋香味～較住家菜feel，都不錯吃！若涼瓜再多翻啲就好啦，個人中意切片上多過切粒😝味道會出啲🤓Total嗌咗三個餸加碗白飯埋單💰$386 烏頭係時價喔！📍陸潮陽 沙田石門安群街1號京瑞廣場二期地下G11號舖

星期五晚，2個人唔煮飯了，出街晚飯。去到哩間鋪頭，等咗10分鐘，等到差不多有位時，有另一對夫婦出現。嚟先等位著數？Sorry, 張大枱俾咗遲來嗰pair。😤😡坐得窄，已經心裏不爽。誰知打算倒熱茶清洗餐具時，個樽蓋係鬆嘅，一倒成個蓋跌咗落嚟，倒到成枱熱茶！好彩無整濕身或漉親！🤬😡🤬叫佢換過樽茶嚟，無反應！紅色衫大媽店員話：「個個水樽個蓋都係咁，㩒住倒就得。」既然個個水樽都係咁，又唔見你一早提醒客人？保護食客安全唔通唔係你責任？我又唔見其他枱個樽蓋跌落嚟喎！😡😡😡最後在我強烈要求下，佢先攞走個樽。張枱已經細，仲要放個隨時會打瀉水嘅樽响度做乜？！最後一味蠔餅遲上。催咗一次，然後响我面前將剛煮好的蠔餅，攞咗去遲過我哋到嗰pair人嘅枱上！完全無視我催單！🤯🤯🤯🌋🌋🌋食物尚可、味道偏咸，而且服務態度極差，不值得再去！最討厭俾錢仲要受氣！下次去返陳根記算！

初一見佢開門，仲好多人食，喺節日都比定心理準備質素會比平時差同等得耐17:30 落單，嗌左蠔仔粥，椒鹽九肚魚，鹵水鵝片首先黎個九肚魚，$98份量味道正常然後黎個蠔仔粥，$98本餐既主角，首先佢唔係粥係一兜好稀既湯水浸住未熟透既‘米’湯水四分三，米佔四分一要另加白飯先係正常份量伴隨四粒指甲大小既蠔仔及唔夠十粒既冬菇片That’s all我地餐晚飯亦that’s all因為個鹵水鵝片最後到18:10都未到，中途追過一次最後埋單見到仲收10%服務費但水都無杯，餐單自己拎，落單叫幾次先有人落可能初一係人手唔夠嗰10%我當係節日加班但呢個蠔仔粥俾$30都嫌俾多佢

今次真係踩雷！去一次唔會想去第二次！食物除佐鹹味，食唔出第二樣味道！鹵水豬肚好硬。蠔仔粥建議改名蠔仔湯！我諗唔到米飯都唔係貴嘢，點解都唔捨得落多少少！呢份蠔仔粥當中米飯嘅數量我一個40kg體重，飯量好細嘅女仔都食唔飽，成碗都係湯，同埋蠔仔都唔係好新鮮，食到臭嘅。炸魚都係凍嘅，一啲都唔酥脆。

今日夜晚去咗呢間嘢到試咗佢嘅豬手飯，只可以話呢間唔會再去第二次，成盒豬手飯大約有五六舊豬手，但係全部都係骨，連皮都冇乜，咬一啖仔就已經冇得再食，仲要食嘅唔係皮，係啲連住皮同骨嘅筋，仲要勁多碎骨係啲飯到，真係味食過體驗咁差嘅飯，再加兩片豆腐，收成40蚊，真心問店主過唔過意得去，四十蚊賣啲骨加少少酸菜同兩片豆腐😅 啊仲有碗湯，湯呢就唔差嘅，但都絕對唔值四十，真心覺得呢個飯過份咗。真係就骨頭加飯就比個客，話睇落似比狗食嘅都完全唔過份😅真心過份，做生意做到你咁。食之前冇影到相，食到咁上下愈諗愈嬲，真係差到我要特登download返個apps嚟寫評語😅

外賣鵝片飯$60認真好食開胃平時唔多食到呢種味道酸菜唔會太酸 微甜 香口兩樣嘢好甲 好快就食完個飯但係另外嗰個豬手飯就真係非常過份真係得三舊骨頭 唔好講肉 皮都韌到食唔到夠膽死有成舊完整冇皮冇肉嘅骨頭真係得舊骨 唔好講肉 lun咗半日皮都lun唔到唔講以為比狗食過拿出嚟賣品質有待監討

Hello 大家好👋🏻！今日我嚟到位於石門「陸潮陽」。今次同大家分享一下佢哋嘅潮州滷味。 美食攻略：佢哋嘅炒粉麵其實都好食嘅，但佢哋嘅潮州菜當然更勝一籌啦。 今日點咗佢哋嘅滷味雙拼「滷水鴨+五花腩飯」， 滷水鴨件帶骨，但肉嘅比例都多， 鴨肉實在但唔會太乾亦唔會太肥。 五花腩肉同油脂比例剛剛好， 係大廚刀功了得，五花腩稍為薄咗少少😝，同埋豆腐都好入味。食滷味點可以唔提下個滷味靈魂「滷水汁」， 我好鍾意佢地個滷水汁， 唔會太咸或太甜， 花椒八角味又剛剛好，香得嚟唔會搶走主菜嘅味道。 我好鍾意叫多汁，用嚟撈飯食真係一流。 不得不提佢地跟餐例湯，今日例湯「紅青蘿蔔豬骨雞腳湯」， 足料無味精， 老火湯火候夠， 最啱我呢啲湯控😋。美食指數：5🌝最高味道：🌝🌝🌝🌜🌚環境：🌝🌝🌝🌚🌚服務：🌝🌝🌝🌜🌚賣相：🌝🌝🌝🌚🌚

兩條友諗唔到食乜又想飲杯啤酒🍻，咁就嚟呢度，呢間食店幫襯過好幾次，依家推出晚巿套餐，嗌咗個2人餐，再散叫多一個餸菠蘿咕嚕肉 第一眼👀，嘩❗️乜縮咗水咁多，套餐都係多咗兩個白飯啫，味道冇變，但以前炸得外脆內軟，呢個係微暖之餘又唔脆口 豉汁蒸白鱔 味道調教得幾好，係鱔唔太爽黑椒腰果牛柳粒 咩料我嗌咗西芹炒牛肉嗎⁉️搵店員溝通下，第一位嘅答案係可能廚房賣哂牛柳粒，所以轉咗，再問第二位店員，反應只係望一望就走開了，第三位答得仲正，可能廚房切薄咗，咁嘅解釋。。。你贏了，無言，最後有位仁兄送上青瓜一小碟，話唔好意思，我明白依家生意難做，但既然冇就直接同食客講賣哂，而唔係是旦炒碟嘢迫人接受