阿麥廚房 (已結業)

見到不少好評及精緻的咖啡拉花，便訂了結婚周年飯在這裡吃，餐湯及頭盤升級了黑松露湯及南瓜湯，兩款都好味，黑松露味濃厚，把蟹肉南瓜湯比下去了。頭盤升了大蝦占米多及藍莓鵝肝，味道也不錯。蝦汁非常美味，鵝肝也不是肥肥膩膩的廉價貨色。整體來説，頭盤和餐湯是非常好。主菜點了BBQ豬肋骨及羊架，怎料羊架完全冇味! 上碟的醬料也只有gravy一碟，（芥末及薄荷醬也欠奉，不是吧？！？）結果還是叫侍應拿來，總結是羊架味道不合格！BBQ豬肋骨不過不失，一般水準。薯條也炸得香脆鬆化。之後點了跟餐的cappuccino及普通coffee，也期望杯cappuccino有點拉花看看（看別人照片有立體熊仔，蝴蝶等）而我們的竟然乜花都冇！心情真是跌落谷底！（是不是拉花師今天放假？？）另外因今天是結婚周年飯，點餐後便説明來意，問問侍應有沒有甜品及可否加幾隻字上去？他説餐沒包甜品及冷淡的回應説我們沒有寫字（還問我要不要加支蠟燭……天啊！今天不是生日呀！有點常識好嗎？）我問他有什麽甜品，他説只有心太軟（整個過程是問一句答一句…真沒趣味）好吧！就來個心太軟。心太軟做到是流心，配以忌廉，也十分美味（68元）。因為羊架太差，及ca

餐廳位置唔近地鐵站，但果頭都有各式各樣既餐廳選擇，見餐廳門口個menu 幾吸引就同朋友入去試下。餐廳既光線好柔和，好舒服既感覺。職員好快就遞menu我地，叫左兩個set dinner。一個set dinner 有沙律、湯、main course 同飲品。先黎左個湯，我地兩個都加左$38 要一個蟹肉南瓜忌廉湯  同 黑松露菌忌廉湯。蟹肉南瓜忌廉湯: 好creamy,南瓜味濃，湯中蟹肉份量都唔少黑松露菌忌廉湯: 黑松露的味道很香，跟野菌的味道融合，食到粒粒野菌，口感豐富。前菜我地都加$58升級，要大蝦占米多同香煎法國鵝肝。大蝦占米多：蝦殼只係做點綴，蝦肉已經起好，食落好方便，用醬汁連同洋蔥粒蝦肉撈埋一齊，蝦肉好爽口香煎法國鵝肝：鵝肝外酥內嫩, 入口即溶，配上小片脆多士黎吃可減點油膩感黑松露麵包蟹意大利飯 ($208)：原個麵包蟹蓋連同小匙載住嘅黑松露醬上碟，意大利飯釀滿個蟹蓋，意大利飯煮出軟硬適中咬口煙韌，飯內充滿拆絲蟹肉同菌粒，將黑松露醬撈飯嚟食，有提味嘅作用。燒紐西蘭肉眼扒(7安士)($180)：本來想食豬手，點知今日無，咁就轉左要肉眼扒7成熟，牛扒都幾厚身，肉質都鬆軟嫩滑！最後，重有

當日之前一天Book咗午餐1:00，聽到冇Book嘅冇枱，入面的確坐滿哂人。睇下👀Menu,$80左右，尚可接受，其實好抵喇西蘭花忌廉湯，香噴噴，新鮮滾熱辣，好正！👍🏻蒜蓉包剛焗好，美味可口！長通粉嘅三文魚同露荀好多又入味，之後墨西哥豬肋骨份量十足，味道使人讚不絕口!😋😋至於飲品，因為趕時間，叫咗凍檸茶，幾OK，但見到隔離枱飲咖啡，十分精緻，下次一定要叫，慢慢嘆！😍總之下次定會再來幫襯！😀

十一月份是遊東南亞日韓的好季節，既可以欣賞秋葉，又可以觀賞銀杏，一舉兩得。話說前陣子有朋友出發日本之旅，她回來時又輪到我出發，於是雙雙提議等我旅行回來時，約一天出來聚餐時交換手信，這天的約會便達成了。由朋友發板提議到去阿麥廚房晚餐，幸好一早訂座，當小妹到達時全場已爆滿，接住進來而未有訂座的客人都被拒於門外了。室內空間不算很大，坐位舖排得密密麻麻，泊得較擠迫。右邊牆身一片薰衣草紫色，左邊純白牆身掛上三大幅加勒比海等地方的風景畫，襯上水晶吊燈，試圖營造歐陸風情的浪漫舒適氣氛。不過，近門口處的一道櫥窗，放有不同One piece模型公仔，可想而知餐廳的老闆對聽卡通漫畫的熱愛程度，但這樣的擺設卻與餐廳的裝潢有點兒格格不入。晚餐主力推介套餐，包有前菜、餐湯、主菜和飲品。前菜方面，套餐包有田園雜菜沙律配陳年醋汁或凱薩沙律，亦可加+$58升級至香煎法國鵝肝拌焦糖酒醋藍莓或大蝦占米多。餐湯除有是日餐湯，或可加$38升級蟹肉南瓜忌廉湯或黑松露菌忌廉湯。至於主菜，由最平$160的煙三文魚闊麵，到最貴的$230羊架，一共九款，任君選擇。蟹肉南瓜忌廉湯(+38)湯質比預期中清，湯中灑下一道忌廉，將打磨得綿綿細

鬧市中的寧靜，今日和朋友銅鑼灣購物後，到了一間在加路連山道的餐廳，餐廳非常有情調和氣氛，在悠和的燈光下，可以好好放鬆地慢活一下。前菜方面有香煎法國鵝肝配焦糖酒醋藍莓，整塊的鵝肝配上烘過的多士，入口即融的鵝肝和脆口的多士混合吃的確無可挑剔，整塊鵝肝吃會有點膩，加上多士就剛剛好，也令口感上更加有層次，鵝肝的after taste 也很強烈，再嘗一口焦糖酒醋藍莓，味道很合得來也令口腔清新了，非常開胃。另一前菜大蝦占米多，大廚將大蝦起肉並配上雜菌炒香，醬汁方面有濃烈的蝦味，相信是加上了大蝦的蝦膏，每塊蝦肉也沾滿了含蝦膏的醬汁，將蝦的精華帶回並有著蝦的口感和爽口。黑松露菌忌廉湯，湯底應該是蘑菇忌廉湯，當中有少許蘑菇碎，非常悠和及易入口，而黑松露本身味道很獨突和分明，將忌廉湯的味道帶得更出。蟹肉南瓜忌廉湯，南瓜和忌廉湯是常見的配搭，效果也是很好的，配搭蟹肉很令湯更加鮮，蟹肉也令湯更加有口感。主菜有黑松露麵包蟹意大利飯，黑松露是分開上的，相信大廚是設計可分別品嘗有加和沒加黑松露後的味道。上菜時很別出心裁般的用麵包蟹的蟹蓋盛飯，飯上佈滿濃濃的蟹肉，和飯搞伴後啖啖蟹肉，飯充斥著濃烈的蟹味，和蟹肉相得益彰

今次同朋友黎到銅鑼灣呢個角落，去提前食預祝聖誕。呢間阿麥廚房，開都開左一段時間，但始終都唔會特別行到呢邊。咁岩我呢排係附近學車，就叫朋友等我學完車去呢度試下。晚餐餐牌只有兩頁，簡單易明。有飯有意粉，唔想食嘅都可以羊架、豬肋骨及三文魚排都得。因為朋友唔想飲普通餐湯，所以各自加$38升級飲貴湯！黑松露菌忌廉湯淨係睇佢湯面個堆黑松露醬已經覺吸引，聞落勁大黑松露味。D菌全部打到勁碎勁細，咬落去好有咬感，好似飯粒咁，好有飽肚感。蟹肉南瓜忌廉湯飲落去甜甜地，而且會有蟹肉係湯入面。雖然忌廉味唔濃，但食得出有少少南瓜嘅甜味。蒜蓉包幾脆口，微暖。香煎法國鵝肝配焦糖酒醋藍莓（另加$58）鵝肝一D都唔姑寒大大舊，煎得幾香，味道唔差。大蝦占米多（加$58）我本身以為佢係多士黎，點知俾左兩隻焗蝦俾我。焗蝦本身拆左肉加左少少菇去焗，幾特別。另外，我地叫左較為少見嘅蜜桃茶，甜甜地，茶味幾濃唔錯，值得一試。黑松露麵包蟹意大飯意大利飯加左本菇撈埋少少蟹肉煮，然後釀入麵包蟹蓋入面，外型精緻。小小蟹蓋完全被飯粒塞滿。餐廳仲另外用一個小碗奉上黑松露醬，飯粒加上黑松露醬味道濃郁，香噴噴，份量岩女仔食。德國式燒豬手，一上檯我地就

辛苦左成個星期，黎到星期五晚，Happy Friday ，梗係要對自己好啲，即刻相約朋友去食大餐！食返餐好慢慢傾計🤓之前已經黎過，呢度大約有七至八個晚餐可以選擇，每個晚餐都包飲品、餐湯、沙律或前菜！前菜: 大蝦占米多 呢個前菜除咗淡淡蝦肉之外，蝦肉中撈埋左蝦膏😻😻鮮味而不溜口！前菜: 香煎法國鵝肝配焦糖酒醋藍莓廚師將我鵝肝煎香左，十分香口，再配埋藍莓一齊食，天衣無縫👏🏻餐湯: 黑松露菌忌廉湯，南瓜忌廉蟹肉湯湯嘅質感非常creamy， 而且兩個湯都十分足料，黑松露菌忌廉湯香濃忌廉味、仲啖啖蘑菇，蟹肉湯入邊都有蟹肉絲，絕對沒有偷工減料！👍🏻主菜：黑松露蟹肉忌廉意大利飯每一粒飯都鎖住忌廉汁嘅味！而黑松露係另上，分量可以自己因喜好去落，非常貼心！而且翻一邊有唔少蟹肉，值得一讚主菜: 德國豬手呢隻豬手絕對夠晒兩個女仔食！豬手皮炸到好脆口，豬手嘅肉質亦都非常淋！配菜嘅薯條好似落咗炸粉去炸，炸得特別香口，就算好飽都停唔到😆飲品: 我哋叫咗兩杯熱朱古力，朱古力上邊仲有拉花，非常之有心思😚好開心好滿足嘅一晚，我哋仲慢慢坐喺度傾計，坐左好耐都冇話要交枱👍🏻

今日係利園附近做完facial, 係附近搵下有咩好食, 實在太肚餓啦，見到呢間門面都ok見到有豬助骨喎，我當然必揀啦，而我朋友就揀左麵包蟹意大利飯呢兩碗湯味就一流，我揀既黑松露湯有黑松露粒ga,而且個湯打得好滑，而南瓜蟹肉湯都好正，我試左2啖，南瓜味好濃郁，再加埋蟹肉既鮮味同埋我相信d湯係即時整ga, 因為我地食完前菜等左陣先上湯而前菜就揀左大蝦占米多及香煎鵝肝大蝦占美多用左類似龍蝦醬一齊炒，因為我食到龍蝦味，味道好豐富，而且又唔駛剝殼另外塊鵝肝就比較細，不過好軟滑，煎得剛剛好，如果大塊少少會更好麵包蟹意大利飯出場啦，味道唔錯，好香海鮮味，連埋黑松露食，味道更加突出，不過意大利飯比較乾，d汁包唔到無粒飯呢個pork ribs黎到真係打個突，太大份啦，2個人根本無可能食得哂!!! 頭同尾燒得有d乾，不過中間果d都好juicy, 而且味道甜甜地酸酸地，幾好味，仲有份薯條炸得好脆最後我地都係食唔哂呢杯cappuccino 好吸睛呀，完全唔捨得破壞佢仲有好有xmas氣氛既熱朱古力，不過劃左花既朱古力比較重奶味，可可味較淡，不過我好欣賞呢個花呀

以前成日以為呢條係其中一係路係去大坑,但去大坑又好少行呢條路。原來有咁多好野食,真係好少留意~呢間氣氛唔錯,夠黑,浪漫d~黑松露菌忌廉湯我鐘意食黑松露o既野,估唔到而家黑松露咁hit啱晒我，週圍都有黑松露好西食~blend左d雜菌做忌廉湯,creamy得黎又食到d菇菌o既口感~好rich!(+$58)香煎法國鵝肝配焦糖酒醋藍莓煎好o既法國鵝肝放在脆麵包食好似係國際慣例~又真係幾match!鵝肝的肥肥口感要靠食返d甜甜地又酸的焦糖酒醋藍莓中和返。德國式燒咸豬手主菜!好大份啊!!!豬手皮燒到脆晒，得返少部份肥油，其他都係骨膠原bb~~~只係少少咸特級脆炸薯條，係咪沾左炸粉去炸,脆到咁樣樣...

Pan-seared Goose Liver with Wine Vinegar Blueberry | 香煎法國鵝肝配焦糖酒醋藍莓.寒冷天氣就是想要吃點肥膩的東西🐷 set dinner 的前菜可upgrade至甘香豐腴的鵝肝😈 Roasted Pork Ribs in Spicy BBQ Sauce | BBQ烤辣味西班牙豬肋骨.雖然說是辣味BBQ醬 但味道其實是茄醬 可能因為個人不喜歡茄醬的關係 覺得醬汁這方面麻麻地🙈 但豬肋骨本身都不會乾韌! 最令人驚奇的莫過於是旁邊的薯條😍 高質素的炸薯條 每條都炸得透徹脆口 帶少許薯仔皮👍🏼餐飲所跟的熱朱古力有拉花! 感覺用心

銅鑼灣一直是覓食好去處，不過人多車多，想搵個高雅富有情調又唔太貴嘅餐廳係絕對需要花啲時間。位於加路連山道一帶有很多性價比極高嘅餐廳，而且很近銅鑼灣中心地帶，shopping完之後，我同朋友決定去尼間網上很多人推介的Mackie Kitchen嘆下西餐，貪佢就腳又唔嘈嘛!餐廳的燈光非常柔和，以紫、黃調為主，每張枱空間很大，而且環境夠靜，最適合三五知己聊天或慶祝特別節日。餐廳主打set dinner，有上十種main course選擇，比預期多。另有前菜及餐湯，還有各式餐飲，唔計加一其實啲餐都係百幾二百蚊倒，當然升級前菜及餐湯另計啦，咁嘅價錢換到個高質環境，完全接受，而食物質素當然唔會差啦!前菜方面，我們各加了$58升級，唔加都有凱撒沙律或田園雜菜沙律配陳年醋汁揀，不過係我哋想試特別嘢啫。個香煎法國鵝肝配焦糖酒醋藍莓賣相高級，煎好鵝肝放於脆麵包上，咬落軟硬有致，鵝肝的香味極濃，簡直是醉人的享受。另焦糖酒醋藍莓咬落既甜且酸，易入口之餘又可以洗刷剛食完鵝肝的飽膩感。至於另一個前菜大蝦占米多有整隻大蝦，蝦膏味極濃，愛蝦之人一定要試，我食完蝦肉後更拎匙羹撈埋餘下蝦汁食，朋友都笑我勁誇張。餐湯我哋都

今天約了朋友在銅鑼灣逛一逛，沒有想到晚餐吃什麼，打算邊行邊找找那一間有興趣。我們行到了這間西餐廳，看看餐牌，大家都有興趣去試試。這是一間小西餐廳，大約只有30個座位。燈光柔和，牆上掛著世界不同地方的照片，用上紫色的牆身，有浪漫氣氛呢！黑松露蘑菇湯我們都加了$58升級了一個餐湯和頭盤。我們都選擇了黑松露蘑菇湯。這個湯有很重的黑松露味道，很香，而且內有磨菇粒，很有咬口，加強了蘑菇的味道及有很香的忌廉味。大蝦占米多這個蝦整個被鮮味既蝦膏包圍住，蝦膏內層還有蘑菇，蘑菇吸收晒蝦既鮮味，很嘢味呢！另外蝦肉很爽口鮮甜。配上新鮮嘅沙律菜，味道鮮甜，很開胃啦！香煎法國鵝肝配黑糖藍梅這個鵝肝煎很香口，配上多士，多士吸收鵝肝的味道，很嘢味。原本以為藍梅味道會很酸，但是試了一粒之後，味道是甜中帶微酸，令我增加了食慾。另外沙律菜也加了黑醋汁，味道酸甜，也十分開胃呢！黑松露麵包蟹意大利飯 $220這個賣相很漂亮，把意大利飯釀入蟹蓋之中，另外還配上一碟黑松露，讓你可以任意地隨自己喜歡加入適當的黑松露這個意大利飯入面還有不少的蟹肉，鮮味十足，雖然飯的份量是很少，但是味道十分滋味！香煎帶子配黑松露野菌意大利飯 $190

之前同朋友食過呢度既德國式燒咸豬手, 友人對佢念念不忘, 成日問我幾時再去食? 哈....哈......好啦好啦, 就今晚啦(當然我係一早訂左位先啦!)侍應送上餐牌, SET DINNER價錢算相當抵食, 最重要係有德國式燒咸豬手on the list嘛...........一於一人一份!套餐包括餐湯, 是晚係菜湯及磨菇湯, 加$38可升級至呢款黑松露菌忌廉湯, 未飲先聞到黑松露味, 飲落湯質比較杰身, 因為內含菌粒, 加添少少咬口, 食埋片小多士都岩數!前菜選擇有沙律, 見到有大蝦占米多(另加$58), 當然選擇後者! 蝦確實唔算細隻, 起左肉再切成細件, 方便易食, 配合埋鮮蝦味醬汁及菇菌, 作為前菜都係一個唔錯選擇! 友人期待已久德國式燒咸豬手出場啦, 以木板盛載住既咸豬手, 伴以一籃炸薯條, 賣相相當吸引人; 豬手已經切好一件件, 岩晒我地呢D懶人, 豬手皮燒到香脆, 咬落去時會發出"咔咔聲, 而肉就食到應有既咸味, 友人對此表示滿足! 而個炸薯條都唔好忘記喎, 炸得唔油膩, 幾有薯味, 最終比我地二人合力KO埋!另一個主菜為燒紐西蘭肉眼(7安士), 選擇七成熟, 上枱時聞

住在大西北的大學同學年尾清大假，悠悠閒閒的他竟然答應到港島區晚飯。一於帶他到阿麥廚房，這是有心思的小店，可以靜靜的聚聚舊、聊聊天，價格合理，食物美味。餐廳燈光稍為調暗，佈局輕鬆舒適，卻不會有拘束感覺。set dinner 有約十款，連前菜/沙律、餐湯、餐飲，價錢百多至二百多，還可加錢升級前菜及餐湯。蟹肉南瓜忌廉湯南瓜湯呈金黃色，南瓜用料想必很足。南瓜味不太濃，但味道清甜，散發淡淡的忌廉味，稀稠適中，感覺清新。蟹肉絲數量亦不少，一撮一撮的，絕不是掛名的只有一兩絲。好友亦升級了黑松露忌廉湯，大讚黑松露及野菌味香。配上的蒜蓉包相對遜色，蒜蓉味香但略嫌不夠脆身。香煎法國鵝肝配焦糖酒醋藍莓鵝肝小小的一塊，兩邊煎香，用了些少調味；質感不太軟身，油脂略嫌不夠香口。配上的多士不太脆身，帶硬。藍莓醬酸中帶甜，味道清新。大蝦占米多蝦膏為主調煮成醬汁，加入少許配料如芝士、洋蔥、雜菌，味道豐富。大蝦開邊，起肉切成四小件，一啖一口方便進食。大蝦用料新鮮，肉質彈牙爽口，配上蝦膏醬汁帶出鮮味。BBQ 烤辣味西班牙豬肋骨想不到set dinner 的豬肋骨份量如此大！跟木板一樣長，猜想有30cm！醬汁只是微辣，酸酸甜

琴日, 朋友話帶我去試下一間好特別嘅西餐廳。係喺銅鑼灣加路連山道，聽就聽得多加路連山道，不過我就未去過。原來嗰邊有好多特色嘅餐廳，今次朋友帶我去嘅就係叫做阿麥廚房。終於到左餐廳，原來氣氛幾有情調嘅，燈光亦都特登較暗左，有relax既感覺。另外牆身貼滿左唔同國家既畫，令到有d異國風情，搞到我有啲想去旅行添！黑松露忌廉湯，喺面頭有啲黑松露，將佢撈埋一齊，味道好重黑松露味，而且仲有淡淡的忌廉香味同蘑菇味，味道很濃郁呢！呢個係南瓜蟹肉湯，顏色係淡淡地嘅黃色，味道比較甜，係有南瓜嘅甜味, 而且湯入邊仲有啲蟹肉碎添，增加左湯嘅鮮味。呢個都係頭盤，係鵝肝配藍梅沙律。這個鵝肝很甘香肥美，配多士一齊食，外脆內軟又香口。另外藍梅酸酸甜甜，而且沙律已經落咗醋，味道都係酸酸甜甜，很開胃呢！主菜方面，叫咗個黑松露帶子意大利飯。帶子煎得很香很鮮甜，飯粒鬆軟有口感，更加帶有黑松露嘅香味，不過份量就比較少。跟住呢個係西班牙豬肋骨，分量非常之大，應該有30 cm長。整個豬肋骨非常之香，廚房預先幫我地切開咗少少，所以我哋可以更加容易去切。不過呢個豬肋肉非常之軟熟，輕輕一切就可以切開。味道有少少番茄汁味，所以酸酸甜甜咁。另