阿閒泰 (K11購物藝術館)

营业中

休息中

今日約了朋友到尖沙咀食飯，我們大約八點到達餐廳，餐廳客人都幾多，我們都要等一會才能夠入座。我們選了一個阿閒泰秘製三式串燒，一個濃汁咖喱軟殼蟹再加印度薄餅和泰式冬陰公湯粉。首先上的是串燒，串燒有三種肉分別是羊，豬和雞。每樣各兩串，而它配的醬汁鹹中帶酸同辣，非常之易入口，會想一沾再沾。再來的是冬陰公湯粉，它的椰汁和青檸是分開上，可以自行選擇份量。味道方面就偏辣，不過入口椰香味俱全，而且份量十足。最後的是咖喱軟殼蟹，咖喱味道不算太重同辣，又不會過鹹，可以直接放入口中。配上熱辣辣的薄餅，口感一流。整體而言，味道方面色香味俱全，而且份量十足。

［#泰式highTea] High tea 來來去去都係食嗰幾款都悶，不如攪攪新意思黎個泰式 high tea ～冇得飛泰國黎阿閒泰感受下泰式fusion 風情，嘆下佢哋嘅休閒下午茶，西式 x 泰式感覺清新好特別。#AfternoonTeaSet（兩位用）咸點：紅咖喱肉碎酥皮盒帶點微辣惹味，外層香脆，內裡惹味。而泰式炸手作蝦條做得香脆彈牙，炸冬陰功飯團口感煙勒特別，芒果牛油果海蝦米紙卷感覺好fresh。蟹肉牛油果酥皮盒咬開滿滿蟹肉，同牛油果好夾清新鮮味！甜點：Macaron 、芝士餅、斑西米布甸、芒果乳酪軟雪糕糯米飯，椰汁糯米飯口感煙韌有咬口配埋香甜鮮芒，yummy ~飲品： 玫瑰青檸梳打和芒果青檸檬梳打岩曬炎炎夏日消暑解渴，清涼夠cool ~另加：芒果希臘式乳酪軟雪糕，香甜鮮芒果配酪軟雪糕好味到要encore ! 

下班相約了朋友到尖沙咀品嚐一間高質新派泰國菜，位於K11的阿閒泰，餐廳裝潢有小清新特色及熱帶風情的感覺，環境舒適闊落，最適合跟三五知己談天說地！餐牌食物款式多，特式飲品及甜品很受推介，賣相吸引！泰式鹹蛋黃金單骨雞翼，炸得金黃香脆，肉質鮮嫩，單骨雞翼吃起來夠方便，鹹蛋黃味道香濃，加上泰式酸辣汁更惹味！阿閒泰冬蔭功卜卜蜆冬意大利麵，少少辣味剛好，冬蔭功夠香濃，配料很足，有兩隻大虎蝦，口感彈牙新鮮，肉質鮮嫩；兩隻大蜆肉，咬開有肉汁新鮮，意粉煙韌程度煮得恰到好處，軟硬適中，更掛上了滿滿的香辣冬陰功汁非常滋味！伴碟的秀珍菇及草菇也很甘鮮！泰式手撕豬脆漢堡配脆炸薯條，配料十分豐富，有自家泰式手撕豬手、蕃茄片、紫洋蔥條、羽衣甘藍及炸薯條；漢堡包麵包皮脆卜卜，豬肉肉嫩，富有肉汁，夾著新鮮的羽衣甘藍吃，不會感到肥膩感，薯條超香脆又熱辣辣，配香茅醬汁，很有泰式風情。份量大碟，有特色，推介！烤原個椰菜花配青咖喱醬，椰菜花是原個上菜，需要用刀切開，青咖喱湯汁帶微辣，椰菜花爽口，沾上咖喱汁一起吃很惹味！泰式鴛鴦很有玩味，杯內有幾粒泰式奶茶冰，依照步驟將奶倒下，待奶茶冰半溶化後再倒入泰式咖啡，馬止變成香濃又香滑的

TGIF 最開心就係去食好野❣️❣️忙左一個禮拜終於可以放鬆下去開尖沙嘴食左阿閒泰 AHAN THAI首先真係比佢門口嘅打卡位吸引左環境又坐得舒服好適合成班人一齊gathering叫左三個野食🦀濃汁咖哩軟殼蟹🦀加Roti 印度薄餅超好味 d 咖哩又濃郁最啱襯埋印度薄餅一齊食其實好想叫埋白飯因為d咖哩汁真係好正一滴都唔想浪費重點係佢d 軟殼蟹一d都唔少🦐泰式冬蔭功湯粉個冬陰功湯有兩個食法首先飲下個湯個原味之後就可以隨意加椰奶同青檸汁只係超好味🐽脆皮豬頸肉豬頸肉炸完之後脆卜卜加埋佢特製嘅酸甜汁真係超好味啊❤️❤️真心推同fd 一齊去食📍阿閒泰 (尖沙咀)尖沙咀河內道18號K11購物藝術館2樓219號舖

今日行街喺K11 art mall行到肚餓,搵左間餐廳食下野，外邊見佢有好多草裝飾，應該唔錯。前菜叫咗個泰式香葉鴨肉肉碎，坊間大多數用豬肉，呢度系鴨肉，所以感覺冇咁肥膩，不過相對肉質就會粗啲，多一種鴨肉香味，配料都系啲芫荽乾蔥香葉辣椒，配上生菜同埋旁邊嘅蝦片幾惹味。鹵豬手，淡淡鹵水味，簡簡單單，又冇中式豬手咁肥膩，呢度豬手做覺得好精緻，外皮煮得夠淋夠入味，有香料香茅鹵水味，我最鐘意旁邊嘅酸菜，佢哋嘅鹵水蛋會變咗留心蛋，感覺精緻咗，配埋少少辣蒜汁更加醒胃。棕櫚糖脆燒雞，燒雞燒得皮脆肉嫩，咬開胸位仲有肉汁，旁邊會有些紫椰菜青蘋果配合泰式酸汁，可以中和油膩感，另外碟邊仲有些橙黃色棕櫚糖脆及合桃腰果喺旁邊，撈埋燒雞一種，味道幾特別。手切豬腩肉豬肉丸湯河，充滿泰菜特色，面頭有些炸豬皮豬腩肉及正宗嘅豬肉丸，湯底色澤深沈，充滿肉香及鹵水香料味，配合埋粉絲，非常好吃，感覺正宗而且份量大碗，加埋少少辣椒碎，非常惹味！呢度食嘢雖然系泰菜，但系感覺比較清新，食物少鹽少糖，食完唔會好口渴，感覺唔錯！

阿閒泰休閒下午茶$248/兩位鹹點：▪️炸冬陰功飯團：仲以為係炸咖喱飯，好香口😍▫️泰式炸手工蝦餅：炸特比較乾，唔似蝦肉▪️芒果牛油果海蝦米卷：粒粒牛油果+一隻蝦🤩▫️紅咖喱肉碎酥皮盒：咖喱味香口😎▪️蟹肉牛油果酥皮盒：蟹肉一絲絲，酥皮香口，正🥰甜點：▪️芒果糯米飯：一大杯比較難分，糯米軟糯，芒果椰汁配雪糕，好邪惡😸▫️威士忌鴛鴦Tiramisu：一件軟身芝士，另一件硬身芝士，各有各香😋▫椰汁糕+椰絲，可惜太甜😉飲品🍹🥂玻璃樽仔裝住，打卡一流👍🥭 芒果青檸梳打⁣ ：芒果配青檸，味道酸酸甜甜，幾開胃⁣🌹 玫瑰青檸梳打：較甜，加一比一水飲好d另點泰式單骨雞翼 +$38皮脆，內裏仍然保留肉汁，配上泰式醬汁，yummy

星期六1點多 d, 門口有10人以上排隊. 但可以直接留低電話,輪到有位就會即刻 call你入坐,完全可以唔使排(咁點解咁多人排? 唔明) 呢個位幾好可以一邊行街唔使傻等餐廳唔大, 檯面比較細, 坐位迫. 4個成人無論身體 定係 食物都同樣非常唔夠位放(其實呢樣係好基本, 因為你走去問經理佢唔會話自己定位,價錢,格局係舊式街邊大排擋)食物就唔一一註明價錢嘞, 大家可以參巧對比其他食客嘅相, 賣相好, 味道也最多只能算正常, 但份量係少得驚人. 無錯, 係驚人. 特別係當你巧慮到佢收緊嘅價錢. 簡單例子, 一塊細細塊簿餅28蚊, 一碗白飯20 蚊,都係一般味道無特別.又例如柚子沙律, 完完全全就只有柚子, 泰菜出名係咩? 咪就係多香料同配料囉, 呢度完全就係幫你剝左一份柚子咁解,柚子肉亦唔係特別香甜, 收左100 蚊, 自己衡量.6隻生蝦就一般水準, 唔臭亦唔會感覺特別新鮮 ,個汁正常發揮.前菜沙律都做得咁普通, 主菜我唔使點多著墨,話有高水準,你都真係唔好信.pad thai味道最正常, 份量細soft shell crab食唔出好新鮮拼盤真係唔平, 但你睇到每樣都係少少咁簡

去尖沙咀行街揾野食見到呢間餐廳幾多人咁，就去左試下  🤩脆皮豬頸肉伴自家製檸檬蕃茄醬🤩 呢個真係去泰式餐廳必叫既菜式黎豬頸肉外面係做到脆脆地，內面又好juicy，份量唔係好多但都夠share食🥰🥰 🥰泰式醉貓炒新鮮手造卷🥰 呢個係第一次食，佢好似銀針粉既大小，但係麵粉做成既加左d肉碎香葉炒，都幾惹味，但食到底個d就有點兒太重味，建議一開始撈勻🤗🤗🤗 😳脆炸薯條泰式三色醬😳 呢個既薯條新鮮熱辣炸起，有三款唔同既醬比你點，啱哂我d食醬既人🥰🥰 🙂手作羊肉串燒🙂 呢個食落有些少乾，但幸好羊肉完全唔會羶  😀阿閒泰秘製滷豬手😀 中意補充骨膠原既最好就係食豬手，有少少豬毛冇處理好，但大部分都係ok既個醬汁調味係幾惹味，豬手全部去骨好方便食用😎 最後埋單人均$247,掛住泰國又未有得去旅行都可以黎阿閒泰體驗一下泰國風情先🥰🥰 

四個人食埋單都要過$1000 比想像中貴 但叫到成枱都野食 叫左個素pizza, 炒通菜, 醉貓手造卷粉, 仲有沙律同小食 一人一杯嘢飲 最尾仲叫左兩個甜品因為個通菜真係超級辣嘅關係我係辣都講唔到野好彩有杯沙冰頂住 🤣 其他菜式就冇咩特別係個單邊雞翼比較印象深刻 因為有鹹蛋黃仲叫左兩個甜品講到泰國嘢芒果糯米飯梗係唔少得啦所以叫左個芒果椰汁糯米 同埋斑斕椰汁奶凍不過兩個我覺得味道都麻麻地

昨日和朋友午餐時間行經尖沙咀，便想到了在K11商場內的「阿閒泰」了，上一次用膳的印象很好，所以再來幫襯。由於時間尚早的關係，我們很快便能入座。看過餐牌，已經更新了不少菜式，我們點了兩個套餐和一個沙律。“烤雞脆羽衣甘藍牛油果沙律（酸辣汁）”，雞肉烤得很香，配上爽脆的青瓜、番茄、羽衣甘藍和牛油果，加上香辣可口的泰式酸甜汁，份外醒胃。“泰式秘製滷豬手飯配酸菜”，鹹豬手很入味，配上微辣的酸菜，口感獨特。“泰式炒意大利麵配肉眼扒”，肉眼牛扒肉味十足，入口有質感，還加上泰式辣椒粉，十分惹味。餐湯是有獨特香草味的蘑菇湯，口感不錯。冷泡氮氣黑咖啡，用很特色的玻璃瓶盛著的凍咖啡，加了氮氣，味道特別香醇。阿閒泰的菜式非常合我口味，西餐中帶出泰式味道，加上服務又好，價錢又合理，值得一再光臨。

朋友約我喺尖沙咀食飯，話要帶我去一間好味泰國🇹🇭餐廳，我問佢叫乜名，佢講俾我知，咁我記得原來好耐之前我去過😆我哋叫咗兩個 Set Lunch，兩個小食，全部share嚟食😋- $128嘅 午餐「泰式🇹🇭炒意大利麵配肉眼」：意大利麵炒過，al dente, 啱我胃口，配碎花生🥜同辣椒粉🌶呢個泰式🇹🇭食法，新穎得嚟又好味😋；肉眼🥩有少少咬頭😋- $98嘅 午餐「泰式🇹🇭秘製滷豬手飯配酸菜」：滷水豬手🐷好入味，肉質軟熟😋- 跟午餐包餐湯：呢日係蕃茄湯🍅，濃郁、簡單好飲😋- 跟午餐加 $32嘅 小食「豬頸肉沙律」：豬頸肉燒得好香口；沙律菜新鮮😋- 跟午餐加 $38嘅 小食「香芒紅菜頭米紙卷（一條）」：清新美味，有越南🇻🇳風味😋- 跟午餐加 $18 升級「泰式🇹🇭奶茶🧋」：少少甜，香滑濃郁😋- 跟午餐加 $28 升級「阿閒泰氮氣冷泡檸檬茶」：杯面有一層泡沫，幾得意😆；有香濃檸檬🍋同紅茶味😋，仲好大杯😆基本上全部食物都幾美味，朋友同我都食得開心滿意😆

前排去左K11行街，發現呢間感覺幾relax既泰國菜餐廳，仲竟然有Tea Set for 2，正值下午茶時間再加上港女me，當然係無辦法抗拒吸引力拉埋男朋友入左去試下😋.除左叫左阿閒泰休閒下午茶(Tea Set for 2) ， 我地仲叫左個泰式香葉鴨肉肉碎生菜包🥬肉碎生菜包係其中一樣我好鍾意既泰國菜，平時多數係用豬肉同雞肉，無諗過原來鴨肉都幾好食，配蝦片食感覺好新鮮😛 平時我男朋友對Tea Set 好反感，覺得貴價又唔飽，但佢又幾滿意呢個阿閒泰Tea Set。 呢個Tea Set份量都算多，咸、甜點都有，當中我最鍾意食既小食係冬陰公飯波同芒果椰汁糯米飯配雪糕🍨 兩樽由玻璃樽裝既梳打特飲啱晒打卡，影完相可以倒落香檳杯飲，感覺更chill!.走之前可以係門口打卡位影下相😊

好耐冇食過泰菜啦今日去開尖沙咀行街就順便嚟到呢間泰國餐廳試下～「泰式生蝦刺身 $98」每隻生蝦都用一個小杯連醬汁呈上蝦肉晶瑩剔透，爽口，而醬汁酸酸辣辣一shot入口，十分開胃「脆皮豬頸肉 $78」驟眼睇以為係脆薯角哈哈每條豬頸肉外層微脆，肥瘦適中配以旁邊嘅泰式酸辣汁，更為香口惹味「脆炸軟殼蟹米紙卷 $128」炸粉厚薄適中，十分脆口咬落去散發住蟹肉嘅鮮味底下嘅牛油果醬中和返炸物嘅油膩感旁邊仲有一個類似蛋黃醬嘅醬汁「泰式冬蔭功湯粉 $128」呢度嘅冬陰功較坊間一般嘅濃味，色澤亦較深飲落去係feel到用大蝦頭熬成嘅湯底有兩隻大蝦以及蜆肉作為海鮮配料金邊粉索哂d湯汁，非常美味！旁邊仲有椰奶同青檸作為調味個人建議落椰奶，味道更加豐富總括而言，無論食物定環境質素都屬中上水平賣相亦相當唔錯，打卡一流喜歡泰菜嘅朋友不妨一試！

今日又約咗朋友去尖沙咀食飯又係食我最鍾意食嘅泰國菜叫左個生蝦同埋炒金邊粉我都幾鐘意食蝦，所以先2樣食物都係蝦做主角呢間泰國菜都唔錯味道濃味，有鑊氣！評分：4/5味道：4/5環境：4/5

阿閒泰今日約左朋友行尖沙咀K11，見到有間泰國餐廳叫阿閑泰，朋友話好多人排隊，叫我地不如試下，最後就同朋友係依間餐廳食晚飯。餐廳既座位之間既間距都算闊，唔會坐得好迫，夜晚7點幾都已經滿曬人，仲有人係出面等緊位。濃汁咖哩軟殼蟹 $198咖哩唔係好辣，明顯迎合香港人口味，材料就有兩隻軟殼蟹，仲有少少雞蛋。軟殼蟹都炸得幾脆，蟹肉就唔係好多。依道菜可以加錢配薄餅，我見都有人會加，不過今次我就冇加。泰式海蝦卜卜蜆炒金邊粉 $128依道菜就有兩隻蝦同少少卜卜蜆，海蝦入口都彈牙，幾多蝦肉，仲有蝦味既，都唔錯。卜卜蜆既蜆肉都算鮮甜。金邊粉味道有少少酸辣，個粉唔會話炒到好油。食完飯坐左一陣我同朋友就走左啦，其實我地都覺得依間餐廳既食物質素都唔錯既，餐廳裝修得幾靚，位置又算方便，之後有機會黎尖沙咀依邊都可以再試依間餐廳既其他野食。💕尖沙咀河內道18號K11購物藝術館2樓219號舖