阿閒泰 (K11購物藝術館)

营业中

休息中

💒餐廳的裝修好乾淨，俾人一種好高級feel，令人放心去食，亦令人心情舒暢！ ♦️ 泰式鹹蛋黃金單骨雞翼♦️滋味惹味就係阿閒泰的泰式鹹蛋黃金單骨雞翼😋鹹蛋黃處理得好，好新鮮的雞翼，就會有種好滿足的感覺😌。再加上外形外脆內軟，金黃色既表皮😍好想再食過！👏🏼👏🏼♦️ 虎蝦炒金邊粉♦️每次都會試試尋虎蝦炒金邊粉，靚啊，好吃！虎蝦鮮嫩，唔會過度炒得乾硬，餐黎配上金邊粉，齊滿淡淡的醬汁，一試就會被它俘虜，真係無得輸！😝😝😝😊♦️ 慢煮牛肋肉紅咖喱意大利麵♦️慢煮牛肋肉紅咖喱意大利麵真係令我驚喜。起初你就感覺得到佢紅咖喱的濃郁香氣，就會感覺好香濃，非常好。阿閒泰無論是餐點質素、環境佈置、服務態度都係一流，真係一間值得推介的餐廳！🥳

叫左個冬陰功船麵個麵係成餅野咁 唔知係未煮熟定點仲要辣到差啲食唔到 飲一啖湯再飲一啖水嗰隻不過呢個可能係我問題但我唔預期冬蔭湯係得個辣字之後叫個職員幫我換咗佢換返啲麵就正常返 至少係一條條咁先然後個湯唔知點解好似都正常返 冇開頭咁辣至少係就咁飲湯都冇問題另外其實想叫多個椰青 不過佢話冇晒係咪呢段時間咁啱少椰青？但我有見第二台有個椰青滑冰可能真係咁啱係最後一個不過我入座時間係六點真係要搞搞佢晚市啱啱先開始已經冇椰青食個飯差唔多$100冇得跟野飲凍飲要40起 叫個小食都60至70但係個麵都未煮熟可以出到餐呢個價錢唔係我預期既情況

1) 餐來到的時候已看見不對，叫的是雞油飯，來的是白飯。下單時間剛過12點不久已出錯。2）我著職員換回雞油飯，來回不到一分鐘，吃一口發現叉燒是不熱，涼的，微暖也稱不上。3) 要求職員換飯的時候很冷漠，不好意思，對不起也欠奉，感覺職員不覺有什麼錯。4) 用餐完畢後，職員來問‘要唔要’，這’要唔要‘給我一種阿媽問阿仔的感覺，有呼喝感很沒禮貌。5) 看見對面枱叫了㗎啡，職員送來時倒了一點在托盤上便走開了，看見客人很不滿。。。㗎啡不是原杯滿還不換直接給客人。6）正當我抹咀準備離開之際，職員已經遞上結算單給我，用餐1小時還沒有已經急不及待想我離開。入坐時沒有說明用餐時間，我是在結帳後的單據上看見原來繁忙是90分鐘用餐。。。。十分不滿意的一餐，不會再去。

喺尖沙咀尋找泰式飲食嘅話，就一定要試下阿閒泰！呢間位於k11嘅泰餐廳，環境幾舒適，一入去就感到舒服，坐得舒服！紅菜頭芒果米紙卷⬅️充滿香甜嘅芒果同爽口嘅紅菜頭卷埋一齊，結果超甜超清新超開胃！口感爽脆👍🏽 虎蝦炒金邊粉⬅️虎蝦肉鮮美、夠肉感，而且熟度啱啱好，唔會乾。金邊粉瑩白透亮，炒得軟硬適中，味道濃郁，真係好好味😋 又話啦菠蘿雞肉炒糙米飯⬅️菠蘿同雞肉結合，一齊炒，味道獨特且新鮮。每一粒飯都處理得剛剛好，食落口內好享受，又飽腹👍🏽👍🏽👍🏽 椰青滑冰⬅️味道清新，飲落去真係好爽口！滑溜又清涼，真係喺呢個炎熱嘅天氣飲最正啦，過癮🔥 

又到咗夏天啦🌞，今次帶大家去尖沙咀K11嘅阿閒泰餐廳。講真，你見過泰國餐廳嘅裝修可以咁簡單又大方嘅咩？！呢間餐廳，近地鐵站，真係無理由唔試下。👍🏻@ 燒澳洲羊架紅咖喱♥️開頭先來個前菜燒澳洲羊架紅咖喱，一口落去，羊架既香又軟，配埋個紅咖喱，食極都唔夠咁，明明已經好大份量，又大大塊wo d羊架！😋@主菜 香茅豬肉菠蘿米紙卷＋泰式生蝦刺身＋楊枝甘露莎莎配自家製芒果雪條 ♥️主菜部分你哋一定唔可以錯過嘅，我先食咗個香茅豬肉菠蘿米紙卷，味道真系夠晒豐富，又甜又咸，又脆又軟，再食泰式生蝦刺身，新鮮彈牙。飯後甜點楊枝甘露莎莎配自家製芒果雪條，清甜爽口，依個一定要試。🥵就咁食完一輪，整個人都好滿足，好多謝阿閒泰為我哋帶嚟呢麼豐富嘅一餐。喺度差唔多可以話係揾到泰國嘅感覺，完全符合我對泰國菜嘅印象。我保證你一定會愛上阿閒泰。🥳食完飯，仲可以到處影相 📷✌🏻😁

今晚的目的地就是阿閒泰，位於尖沙咀K11的一間泰式餐廳。特別的是，我們這次聚餐的原因是慶祝朋友的生日。呢到環境舒適，交通便利，最重要的是食物的質素都不錯🌝。首先來的是燒澳洲羊架紅咖喱。香噴噴的羊肉配上滋味濃郁的紅咖喱，入口即化🫕。一次咬下，羊架的嫩滑與紅咖喱的辣味在口中迸發，相當過癮😊。脆炸軟殼蟹米紙卷配牛油果醬。米紙酥脆，裡頭的軟殼蟹鮮美，再配上醇厚的牛油果醬，相得益彰，口感豐富🤭。當然不可錯過的就是香辣炒通菜。通菜清新的口感搭配上辛辣的醬汁，令人難以忘懷😜。一口吃下，既能品嚐到通菜的甜美，也能感受到醬汁的濃郁。接著就是泰式生蝦刺身。每一隻生蝦，肉質都爽脆鮮美，辣味十足🥳。晚餐的點綴便是美食的滋味與朋友的熱烈交談，這就是阿閒泰的魅力所在。整晚下來，美食、交談與笑聲不斷，大家都度過了一個愉快的夜晚🥴。

呢間位於尖沙咀K11嘅「阿閒泰」，職員非常專業同细心，真心推薦你地黎試試新口味！同埋唔知係咪新裝傷左，感覺上d位坐得舒服左，冇之外咁迫我地挑左以下幾款食物欣賞下佢地嘅特色☺️。首選「紅菜頭芒果米紐卷」。💭紅菜頭同芒果嘅味道，真係好特別！令人一試過後就想再試！💭紅菜頭像為米紐卷塗上咗一層唔同嘅顔色，而芒果則帶出獨特嘅酸甜感。「自家手打脆炸蝦餅」就係我極力推介嘅😍。💭炸得恰到好處，而且清新可口。💭兩個人分食都覺得啱啱好，令人食得好舒服。再有就係「炭燒牛肉配清芒果沙律」！💭牛肉烹調得恰到好處，肉質堅實而滿有口感，佐以清芒果沙律，清新嘅味道，真係好开胃！💭「泰式生蝦刺身」同樣係不錯嘅選擇💭用上新鮮的生蝦，肉質緊實，食落口有股海水的鮮甜💭配埋自家製作的辣椒醬，香辣帶鮮，享受 !🥰「阿閒泰」嘅食物、座位安排、服務員態度都能夠好好滿足我地嘅期待，值得再次光顧！🤩‼️設計優雅，氣氛悠閒，同埋佢地有特色嘅菜色，令人非常舒適😉佢地嘅食物好受歡迎，再加上用料講究，真係好抵食！😋

當天去到的時候問職員有咩是日餐湯，佢話係南瓜忌廉湯，點知上到嚟係南瓜水 😂另外想叫甜品嘅時候，想食嘅三款都冇，問題係佢得四款甜品，我係下晝兩點去檸檬茶剩係得檸檬味，一啲茶味都冇

肉鬆炒飯有雞肉，雞肉好騷，好唔新鮮～冬陰功湯有中藥味～雞雞翼都同炒飯雞肉一樣，好唔新鮮～有個女服務員，問咩都唔知，問泡沫奶茶是否可以唔要泡沫，話等等，之後都冇回覆我地到埋單時候，問可唔可以俾支付寶，個女服務員又話要等等，幫我問，等左好耐，個女服務員講講下廣東話自動轉換普通話，真係好搞笑～又唔係多人食，唔知點解可以埋單都要人等咁耐～等左好耐，到最後男服務員終於幫我地埋單啦佢第一句問：用普通話：你們用什麼埋單？我果一刻真係好無奈，直接廣東話答佢：支付寶🥲已經中伏，下次唔會再幫襯～服務咁差仲要收服務費，真係好意思🧐

原本好少寫食評今次都要寫下，你地上菜速度慢到可以要等半個鐘碟意粉都未黎，仲話有限用餐時間，原本都覺得無問題一定夠時間食，叫職員黎左杯紅洒先，一黎到一眼望埋去竟然隻杯有污糟積，我吾敢想像你地食物質數如何，諗住帶朋友黎慶祝生日即刻無晒胃口,只可以一讚你地一位員工做得幾好，我投訴時佢都不段好有禮貌咁同我講吾好意思，我係接受既，但一定吾會再幫襯亦吾會介紹俾朋友黎食囉！飲食業呢一行唔係要好注重衛生嘅咩？況且你店係向k11並不是大排檔

餐廳主打結合泰式西式嘅fusion菜，餐廳裝修採用白色木系為主調，風格清新，座位寬敞並且都好舒適，好適合女孩子們聚餐打卡🥰🅵🅾🅾🅳泰式醉貓炒新鮮手造卷粉 ♡ $128口感味道同泰式炒河粉感覺類似，但自家制嘅卷粉會較河粉Q彈煙靭，再加上獨家醉貓醬，豆角，香葉肉碎等配料，十分惹味，幾有特色脆炸軟殼蟹米紙卷配牛油果醬 ♡ 3pcs $78 / 6pcs $128用米紙包裹住酥脆嘅軟殼蟹，再加上有檸檬汁好fresh嘅牛油果醬，口感豐富清新，唔會覺得好漏，好開胃👍🏻烤原個椰菜花配青咖喱醬 $106新奇健康嘅菜式🥦餐廳將整個椰菜花加咗青咖喱醬嚟烤焗，唔會太淋。而醬汁方面，青咖喱醬嘅味道唔算太濃郁，感覺唔太入味，但係偏辣，食唔到辣嘅人要謹慎order❗️阿閒泰冬陰功焗飯 $148一打開Menu就俾呢個焗飯嘅賣相吸引到，所以成餐飯最期待就係呢個焗飯🤩但唔知係咪期望越大失望越大，成個飯都偏向清淡，冬陰功味唔出，海鮮都感覺唔太新鮮，整體味道一般(｡ ́︿ ̀｡)

講到吃喝玩樂, 尖沙咀就真係可以講好耐, 各種食肆都有, K11購物藝術館內有間阿閒泰泰式fusion菜餐廳環境幾舒服, 可以休閒嘅咁食吓嘢。勿洞脆脆煎蠔餅 潮式嘅煎蠔餅就食得多, 今次食吓泰式煎蠔餅, 蠔餅即叫即炸, 需時20至30分鐘, 炸得好香脆, 蠔肉都幾多, 味道鮮香, 醬汁甜甜辣辣, 香脆可口。炭燒牛肉配青芒果沙律 118牛肉好香滑, 散發陣陣炭燒香味, 肉汁好豐富, 青芒果切絲, 酸中帶甜, 和牛肉嘅味道好配合, 醒胃清新。脆炸軟殼蟹•蟹肉意大利麵軟殼蟹炸得好香脆, 加上清甜蟹肉, 意大利麵煙彈牙, 醬汁就辣辣地幾惹味, 有冬陰功風味。飲品叫做凍cappuccino和凍mocha, 咖啡味都幾香, 味道不太甜, 入口順滑。

這家位於尖沙咀地鐵站K11的泰國菜餐廳地理位置相當優越，就位於地鐵站其中一個出口。環境佈置偏向簡約風，而且壁畫上的畫使用泰式風格，融入各種動物的特徵，相當有特色。而我點了下午茶菜單牛肉濃湯船河，材料除牛肉下，更有豬紅、蘿蔔、貢丸等，湯頭濃郁，牛肉肉質鮮嫩，配合上相當入味的蘿蔔，一口下肚就讓人感覺到滿滿的滿足感。另外，泰北咖喱雞配薄餅，泰國風味的咖喱醬汁搭配著又香又脆口的薄餅，香氣四溢，咖喱味配上牛油香薄餅的組合很出色。最後，椰汁芒果黑糯米飯的香甜的椰汁搭配著甜甜的芒果和糯米，口感綿密Q彈，是我整餐飯最愛的一道菜。總的來說，這家泰國菜餐廳除菜式味道外，服務也非常周到，要是下次再去開附近，可以再一試。

阿閒泰 (尖沙咀)K11入面既泰國菜見朋友推薦打卡好就上去試下😆果然都幾多人等緊位環境位置都坐得好舒服～ 咁就點左幾款野食打卡真係唔錯🤓虎蝦海鮮意大利麵 ＄128就睇外表以為都細盤，但食落其實份量都唔錯～有兩隻虎蝦配住阿閒泰冬陰功醬意粉🍝泰式生蝦刺身$108出餐既排列好整齊，相機食先都岩🤣生蝦食落好鮮甜配埋泰汁，酸辣爽口又鮮甜既口感好新奇！炸軟殼蟹米紙卷配牛油果醬 $118 軟殼蟹好酥脆配埋牛油果醬口感好豐富，仲可以加泰式風味醬可以令到味道升華😍椰青滑冰$68正常椰青，因為口渴所以飲完好乾渴～ 仲食埋香濃既椰肉手作花香斑蘭蝶豆花茶$52主要打卡， 飲落就係普通的花茶地點：尖沙咀河內道18號K11購物藝術館2樓219號舖🔸味道：8/10🔸環境服務：9/10🔸推薦：8/10

今日同完車媽去澳門玩, 番到香港就決定食埋晚餐先番屋企, 揀左平時k11經過都想試嘅阿閒泰! 餐廳環境幾大, 中間係一個吧台位置, 而旁邊就係普通座位!✨️阿閒泰冬陰冬醬炒花甲炒花甲份量幾多, 粒粒都開哂口, 味道唔算辣好惹味✨️暹羅香辣豆腐芽菜芽菜炒得爽脆多汁, 入面嘅豆腐幾入未而且豆香濃郁✨️棕櫚糖炭燒三黃雞半隻雞兩個人食份量剛好, 雞皮燒得好香口, 咬落去肉質鮮嫩多汁, 帶微微雞油滲出, 非常滋味, side dish仲有車車至愛嘅燒菠蘿, 酸酸甜甜勁開胃!✨️阿閒泰自家製氮氣冷泡檸檬茶車車令次見到冷泡檸檬茶都一定會點嚟飲, 味道酸甜適中, 解渴一流!