阿閒泰 (K11購物藝術館)

营业中

休息中

讲到吃喝玩乐, 尖沙咀就真系可以讲好耐, 各种食肆都有, K11购物艺术馆内有间阿闲泰泰式fusion菜餐厅环境几舒服, 可以休闲嘅咁食吓嘢。勿洞脆脆煎蚝饼 潮式嘅煎蚝饼就食得多, 今次食吓泰式煎蚝饼, 蚝饼即叫即炸, 需时20至30分钟, 炸得好香脆, 蚝肉都几多, 味道鲜香, 酱汁甜甜辣辣, 香脆可口。炭烧牛肉配青芒果沙律 118牛肉好香滑, 散发阵阵炭烧香味, 肉汁好丰富, 青芒果切丝, 酸中带甜, 和牛肉嘅味道好配合, 醒胃清新。脆炸软壳蟹•蟹肉意大利面软壳蟹炸得好香脆, 加上清甜蟹肉, 意大利面烟弹牙, 酱汁就辣辣地几惹味, 有冬阴功风味。饮品叫做冻cappuccino和冻mocha, 咖啡味都几香, 味道不太甜, 入口顺滑。