阿詩瑪雲南風味軒 (已結業)

兩個人..食左:瑤柱野菌煎豆腐- 個豆腐好好味...幾特別..但係唔夠熱...估佢係一早炸定...有人order 先淋獻汁整番熱....XX溜魚片- 少辣..但係魚片好滑....大理王子炒耳塊- 耳塊者即雲南年糕...見佢menu 寫到天花龍鳳咁...早知都係要米線好過....呢碟清清地都幾好味...但係好易滯囉....埋單$218....佢D 茶都幾好飲播...我地加左好多次水....

去朗豪坊睇戲前得一個鐘食飯，諗唔到食乜所以最後去左雅蘭，咁岩醒起阿哥話阿詩瑪d野ok所以試試。2個人叫左:1. 炸乳片2吃--- 我bf話甜既唔好食，所以我食鹽個邊，都幾特別有羊奶既"so"味，不過凍左d乳片實左就唔好食。2. 銀杏雪梨火腿--- 我好鐘意呀，似中式巴拿馬火腿+蜜瓜!! d火腿都好夠味~~ 3. 山雞x湯米線--- 我最初以為係雞肉米線=.="" 但原來係一種菌類，有一大碗米線+一碟炒菌!!! 都好味呀我鐘意~~!!!4. 唔記得名但係有菜同有d肉+菌一齊似魚腐既物體，都算ok架!5. 小籠包---唔掂!!! 冇湯似食肉丸....其實都幾飽，雖然冇乜主食... 茶既味我好鐘意架~~ 夠特別!都會再幫襯試下佢既湯!!!

我反而對佢的茶有興趣, 一飲就覺得好香，打開壺蓋一看，又看不到茶葉。結果食完走的時候，見到門口有呢隻茶葉賣，$25 一包，原來係雲南特產的糯米香茶。食物都可以，達到雲南菜的標準，價錢又合理。

雜菌上湯浸時菜($5x)內有多種菇，其中有些較少見，它們的味道各有特色，很爽及好味，是一個不錯的健康之選。

琴晚同媽咪同埋細妹三個人黎食飯,叫左三樣野,都ok:雞絲涼拌米線($48)—點既時候唔知係辣,因為餐牌庶標明,食落先知辣,而且愈食愈覺得辣,不過d雞絲幾嫩幾好味!豬肉白菜餃($29)—唔錯,一碟有十個,菜肉均勻,但係皮略嫌厚左少少.雲腿菇菜媧(其實係我唔記得左個名,總之一個鍋,有雲腿粒,百靈菇,豆,菜咁囉)($58)—上桌方法比較有特色,因為係底下有個爐用火熱住個鍋,雲腿令湯底好甜好好味,但係其他料唔太多,菜同菇都好少, 最多係豆。

11 August 2004, 8:30pm約了朋友響油麻地電影中心睇"17歲的天空", 之前先響旺角食飯. 我其實極怕響旺角食飯. 一來唔知食咩好, 二來周圍劇多人又等位又逼我真係好怕. 本來上黎係想去三米舍, 不過勁多人等位我地又趕時間就過o黎呢邊食. 一坐低. 就見到o的裝修勁好笑, 中間棵假樹上面有假雀仔榴連和荔枝(關雲南咩事??), 笑爆咀.懶人加上趕時間加上唔知有咩好食.又叫2人餐.勁多o野食.擺到一檯都係. 1) 雲南迷你氣鍋雞- 湯幾好飲不過好難畢.o的匙羹好鬼細隻.2) 滇肉牛肝菌- 不過不失.滇肉則先炸好煎有o的似bacon 3) 炒鱔片- 同炒牛肝菌一模一樣味! 分別係一個係鱔片一個係菇. 4) 腐皮卷- 不俗5) 水餃乍菜雞絲米線- 超大碗, 水準就average. 隨餐送燕窩湯丸做甜品.......... 即是一碗燕窩(!!!!!) + 一粒(!)花生餡湯丸.咁大碗燕窩反而好驚, 因為一定唔係燕窩, 唔知咩o黎.service就普通啦.個雲南糯米茶幾好飲, 不過我個friend就猛話好怪.果碟小食幾得意.個waitress話係炸冬蟲草參(?), 脆口幾香.總結

個食閣環境一般，阿詩瑪D裝修好娘，條柱竟然有樹枝，重有大大小小好假的雀仔，攪到餐飯我同女朋友係咁係到笑。茶係糯米茶，幾好，但係唔夠熱。點左有小籠包(ok)、涼醬雞(ok，不過唔凍又唔熱)、過橋米線(得幾片肉、少許配菜，份量太寒酸)、蔥油餅(太厚，唔夠蔥)，重有個甚麼玉蘭小火鍋(居然無玉蘭，落漏左?，得D筍，菜同埋幾舊肥豬肉，應該係雲腿，但係好似D頭頭尾尾咁，唔掂)埋單270，水準一般，唔係好值。

中午時係旺角, 天氣幾熱, 所以想起食雲南小食, 近近地上雅蘭試試阿詩瑪, 想起幾年前去雲南旅行時, 導遊曾經講過傳說阿詩瑪同阿黑仔既故仔, 幾得意~第一次去到雅蘭6樓, 覺得佢地有d似商場既food court 咁, 只係大家間開一d open既位置去做餐廳. 心目中想食蒜泥白肉, 同煎羊乳餅, 可惜佢地兩款都無, 所以點了香醬涼白肉, 兩吃套炸乳餅一d相近既菜式. 另外見佢餐牌上有個幾得意既食品蛋煎包醬豆腐, 寫明"內裡有醬的豆腐". 蛋煎包醬豆腐($28)先到, 其實唔多特別, 只蛋煎豆腐其中有d臭豆腐味, 唔多討好. 香醬涼白肉($38), 即白肉青瓜加粉皮托底, 再配一d輕清既甜醬類, d青瓜薄片幾好味. 白肉ok, 粉皮就痳痳地.最後兩吃套炸乳餅(見圖), 比較特別同欣賞, 羊乳餅一條條好似炸馬蹄條咁, 幾香羊羶味, 兩吃原來即係跟有一碟鹽同一碟糖, 鹽似乎真係好重手, 落好少都好咸, 點糖食就o岩o岩好, 幾清甜. 不過成$48一客, 似乎貴左d.服務唔錯, d茶用雲南糯米茶, 幾特別, 埋單三個小食成$132, 都幾貴.