阿珠嬤 (已結業)

餐廳係西營盤b1出口附近，都幾方便，行五分鐘左右就到餐廳走裝修走清新台式風格因為小食種類好多所以就揀咗比較多小食😋樣樣都試下Qq地瓜球有成十粒咁多，比起其他台式餐廳多好多唔係得個4/5粒口感煙韌，好似係台北夜市食嘅味一食就停唔到😋好評甜不辣唔係炸個隻，但仍然不失煙韌口感，不過如果有辣醬就更加好炸花枝丸香脆不油膩，配上椒鹽無得彈，值得encore主食上叫咗個肉藻拌麵，質感唔係太似平時食嘅手工麵，反而有啲似日式稻庭烏冬，唔係太吸到肉汁，整體嚟講小食比主菜出色，食咗好多野人均都係60蚊左右，下次應該主力叫返小食😋

有日做做下野忽然之間好想食台灣野, 之後就上OpenRice 睇下公司附近有冇先, 最後睇到哩間最近就決定試下佢我地叫左一個台南肉燥飯, 一個經典滷肉飯, 另外仲叫左個炸物拼盤, 首先講講肉燥飯感覺好乾同無咩肉味而飯就一粒粒乾爽嘅, 滷肉飯就反而比較油, 不過都係無咩肉味, 因為無咩味道所以感覺一口油咁不過都好過肉燥飯嘅, 而個蛋就覺得滷得唔夠, 唔夠入味另外個炸物拼盤嘅炸雞炸得好香脆即使我係外賣返到公司都仲脆同埋香腸食落甜甜地配埋蒜片一齊食仲好味地瓜球就淋左所以麻麻地, 花枝丸都係食落無咩味道食唔到有墨魚味,可能因為雪得太耐掛整體我會再想食返個香腸, 我見佢原來係用黑橋牌嘅, 可能下次會試下佢個香腸滷肉飯

飲品十分好，青梅綠茶用料足，清熱解暑，蕃茄牛肉面不錯，牛肉有口感湯底味濃，可惜兩次光顧都遇上一位年長女士，服務太態極為惡劣，全程黑面語氣極不耐煩，收銀找贖時直接把零錢丟給顧客，謝謝也不會說。

一早去西營盤覆診，仲要趕回家帶午餐比肥髀，在附近找到呢間台灣菜（要外送後都好吃的菜式）去到門面不像台灣菜，反而像咖啡店（英文名字形沒有台味😜）門口的開門感應是壞的，要店員在店內開門，店內都沒有台味，都是型格燈飾，別樹一格餐牌都是喜歡的菜式，選了一個套餐加一碗麵，當時店內只有一枱客，所以在店內等十分鐘就可以拎走！回到家再拍照，外賣包裝有驚喜，除了可入微波爐，盒內竟然有分格，飯菜可分離，加分，我回家再上班，拖到下午三點先食，放3小時都沒有走樣！已很不錯單人套餐C($90)黑橋牌香腸肉燥飯：肥髀的，有齊佢喜歡的香腸及肉燥！泡泡糖：鴨胗頭，其實都唔知是鴨的那一部分，只見是一片片捲起嘅肉片，滷得入口，肉質好Q彈，滷水不會太鹹，好味凍珍珠奶茶：半糖，肥髀的冠軍清燉牛肉麵（$78）刀削麵，外賣碗有分格，所以我隔了3小時都無大走樣，叮熱湯，首先清湯好香，幾塊正方形牛肉肥瘦相間，軟滑夠淋，好味，湯清清地無乜油，清甜唔會膩，刀削麵煙韌幾彈，整體好味溏心蛋（$12）比我預期熟，當然比阿女盒飯伴碟嘅滷水蛋軟稔！ok滷水鴨舌（$38）食咗一條，舌頭肉彈牙，爽口，滷水入口！滷得剛好！好味食物好味，包裝真的幫手加了

朋友住西營盤，今日即興約，揀左間近佢屋企既台菜。呢度平日有lunch set供應，我揀左單人餐A，牛肉同蘿蔔都入味又冧，難怪牛肉麵曾經係台灣得獎朋友叫左單人餐C，魯肉飯我冇試到，黑橋牌香腸好外層脆，有少少甜味，肉質彈牙餐連兩個前菜，冇咩特別，泡泡糖（右）即係鴨腸。飲品有少少驚喜，我仲以為係好假既元素表味，點知冬瓜檸檬綠茶十分清新最後送上餐牌俾大家參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

今日週五，要吃點台灣菜，發現西營盤有這家小店，就衝了過去，點的鳳梨綠茶很輕爽，小食拼盤很好看，味道也還不錯，不太喜歡台南肉燥飯，還是喜歡台北滷肉飯！大排味道還可以，鹽酥雞有點炸過頭了

今晚夜晚出街食,唔知食乜好,所以就揀咗喺屋企附近有一間新開咗冇幾耐的西環台灣菜入到去第一個感覺就已經知道中咗伏,因為佢個menu同佢落單嗰張紙嘅菜式 都有少少出入例如佢個menu上面話某日某一些年是辣但係落單紙上面就冇顯示事啦要問清楚侍應姐姐。但係都算。。。畀個機會試下。。。因為唔可能未試就定落下定斷。。。雖然是一間普通的餐廳仔,但係入面的兩個侍應姐姐態度都很好。我們今晚只是叫了冠軍清燉牛肉麵陽春麵和金牌紅燒牛三寶麵刀削麵。。。首先嚟咗係興燉牛肉陽春麵,湯底一般都有少少味。。.牛肉體其實係真係好清,至於第二碗所謂的金牌紅燒牛三寶刀削麵好像清水一樣,淡而無味,問是應有沒有一些醬汁,他們說沒有我就算啦刀削麵十分厚, 係厚切十分厚... 湯底適合食得很清的人。。。 食到令我要問自己是否失去了味覺

見openrice有優惠，首次用mastercard can get $30 discount, 叫了牛肉麵，但太細份量了，味道是可以的，牛肉少到一個不能接受的份量，因為平了30蚊，即係只俾28蚊先可以接受到。原價係cp值超低

唔似正宗台灣牛肉麵店經過都會聞到濃濃的牛肉湯香味，但也既管試下，卻只來了一碗溫溫的牛肉麵，又肥淋淋，其他菜式都係溫溫冷冷的感覺，一啲都唔多似熱辣辣即叫即煮咁，鹹穌鷄又乾又硬，一啲都唔juicy, 似翻炸多啲，材料感覺唔多新鮮，食完喉嚨勁唔舒服，而員工的服務態度也勁敷衍，毫無台菜的熱情！

朋友搵到呢間餐廳佢開頭share個名出嚟我誤以為係食韓國嘢去到先知原來係食台灣野😂係西營盤站B出口行過去3分鐘左右地點幾方便👍我地一行三個女仔 點左三個主食有肉燥飯 川辣拌麵 同蕃茄牛肉麵😋非常推薦麵類 麵既質地好彈牙另外我哋仲點左好多小食 有鹽酥雞 花枝丸 甜不辣 糖心蛋 黑醋豆乾 滷水筍乾每樣細細碟所以我哋可以點多啲唔同款式價錢又經濟 好岩我地乜都想試既人🤣黑醋豆乾 係我心水推薦 甜甜地 好開胃 食唔停口我嗌左杯黑糖珍珠奶茶珍珠好煙銀💓有水準

難得同好耐冇見嘅朋友食飯,太耐冇見大家又好肚餓所以叫左好多嘢食三個人前後叫左咁多嘢食!蕃茄牛肉刀削麵十分出色,d麵係煙軔q彈,量唔多所以我地搶黎食個湯底好有茄味,麻辣撈麵恰到好處,唔會好油膩,配埋個清湯可以清一清喉嚨,個肉燥飯同糖心蛋好惹味!最緊要係佢30蚊都唔使呀其他小菜包括有花枝丸,黑糖豆干,炸雞,糖心蛋同涼拌雜菜,對中意食菜嘅我黎講個涼拌真係無法抗拒其次最中意就係個豆干甜甜酸酸咁開胃一流朋友叫左杯黑糖珍珠奶茶,佢揀左半糖就話啱啱好,唔中意太甜嘅都可以叫半糖試試價錢成餐都唔貴,小菜都係40蚊內,超抵食

雖然現在少出街為妙，但天天呆在家亦不是辦法，偶爾出外走走吃餐飯，小心謹慎就可以。二人駕車前往西環的阿珠嬤，因為門口可以泊車，唔戴口罩走兩步直入店。阿珠嬤是家主打台灣國民美食的街坊小店，水準出奇不俗，價錢合理，值得推薦：冠軍清燉牛肉麵 （刀削麵）$78招牌冠軍麵果然名副其實，湯頭最出色，清醇香厚老火湯，配合曲線粗身的傳統刀削麵，質感幼滑有韌力，牛肉粒鬆軟，整體相當滿意。台南肉燥飯 $28 經典滷肉飯 $28刻意一南一北作比較，分別在肉方面，醬汁似乎一樣，同樣配半隻滷蛋，北方經典相對大件頭，肥瘦花腩的豐腴的享受，台南肉燥比較香，部份油脂早以燃燒散發。只賣$28/份，雖然細細碗，作為輕食足夠，平靚正！秘製海唇菜 $15頗特別，滑溜的質感，味道唔錯。西螺黑豆醬油滷豬腳 $40炆得腍嫩，膠質豐富，味道恰到好處。銷魂鹹酥雞 $35酥脆不膩，不過不失。黑橋牌香腸 $38帶甜滋味，期望中的水準。黑糖珍珠鮮奶 $32適合對咖啡因敏感的我，無需冒著失眠飲奶茶可以吃到黑糖珍珠，奶味香，滿足。上述提及的頭三款正是我的心水，價廉物美，值得重訪。

經過西環，老公提議食埋晚餐先返屋企啦！見到呢間阿珠嬷，開頭以為係食韓國野，入到去見到餐牌先見到原來係食台灣麵。錯有錯著，甘就享受到一餐美味台式風味。首先我哋一人叫咗一碗金牌紅燒牛三寶麵，入面有牛肋條，牛腱，牛肚，個紅燒湯底好好味，唔算太辣。小息我哋叫咗炸物拼盤 ，有香腸，花枝丸，鹹酥雞，地瓜球。小朋友鍾意食香腸，我就鍾意食地瓜球，好QQ。不過分量唔算多，所以我哋另外再嗌左一碟酥炸花枝丸同銷魂鹹酥雞。花枝丸都好好食，熱辣辣，咬落去口感好實在。鹹酥雞一般， 如果係熱辣辣炸起應該會更加好食。叫左個滷味拼盤，滷鴨舌，滷雞胗。超喜歡食台式整隻鴨舌，每個部位有不同的感受，真是色香味俱全，食完仲有啲似齒頰留香嘅感覺。飲品方面，叫左凍鳳梨綠茶，凍青梅綠茶，酸甜帶有茶香味，一邊飲一邊食到青梅蓉同鳳梨，真材實料超欣賞。

單拖去西環買海味，行下行下見到間餐廳叫「阿珠嬷」，好奇下入去試下，嘩!原來係大有来頭的台式店。先點了冠軍清燉牛肉麵，啲牛肉真是好腍，好有肉香，整碗湯也比我喝光，清而不濁，配上清甜的紅白蘿蔔，绝配。選了小食滷鴨翅,夠入味，滷水味夠，又唔會太咸。最後叫了黑糖珍珠鮮奶。大大杯，以比較健康的黑糖熬煮珍珠，真係好欣賞。珍珠粒粒煙韌。而且黑糖糖漿撞落鮮奶度，令虎紋出現。鮮奶不會太甜，夾住珍珠一起食剛剛好。可惜今日得我一個人，真是眼濶肚窄，見餐牌仍有很多美食，下次一定要再試「阿珠嬷」。

朋友知道我喜愛吃台灣菜，昨晚就帶了我去西環食台灣菜。「阿珠嬤」聽到餐廳名，仲以為是吃韓國菜的，後來才知道是食台灣菜。來到當然要試下攞過獎項之一嘅極品創意蕃茄牛肉陽春麵。濃濃嘅蕃茄湯底，牛肉軟腍，唔會煮得太老。麵身非常有嚼勁。相當有水準。小食我地點左冰烤蕃薯，依個係我第一次食嘅台灣小食。綿綿質感嘅蕃薯配上冰涼口感，感覺非常特別。另外點了每次必點嘅黑橋牌香腸，外皮煎得香口帶點脆，夾住蒜片一齊香腸食。肉腸味更為突出 。飲品我地點了黑糖珍珠鮮奶，奶味濃郁，珍珠煙韌好食。我地點了半糖，唔會太甜，岩岩好。另外不得不推介就係 青梅綠茶。成杯入面都係濃濃嘅青梅蓉，酸酸甜甜，十分開胃。