阿爺粥品手工涮涮鍋 (已結業)

一向都鍾意打邊爐，趁住仲係春天嘅天氣，就去荃灣搜尋美食，經過見到一間-阿爺粥品手工涮涮鍋，門面非常搶眼，而且非常方便，出面有得泊車或者泊入隔離嘅停車場。店員態度殷勤親切，隨即安排我哋坐卡位嘅位置，餐廳入面燈光非常耀眼，以綠色為主，感覺舒適。餐廳店員推介美顏花膠雞任食任飲套餐，每位都只係$298，限時兩小時，都好抵食。首先就嚟咗個湯底-美顏花膠雞，遠處已經聞到好香嘅雞湯味道。店員就建議我哋先飲湯，飲落去啲湯有好新鮮嘅花膠味道，而且有黏口嘅口感，花膠嘅數量都比較多。套餐中送手切牛肉一份，雖然只係得四片，但係食落去牛肉味道非常濃郁，而且肉質鮮嫩，好正。除此之外，仲有新鮮即叫即切嘅海鮮，包括乳龍蝦、鮑魚貴妃蚌同埋海花蟹，特別係龍蝦非常大隻，肉質鮮甜美味，而且爽口彈牙，果然非常新鮮。除此之外，仲有40火鍋配料選擇，仲要係任食，當中有我最鍾意嘅即炸紫菜響鈴，只需要放入火鍋湯底灼3秒鐘就食得，食落去外脆內軟，仲有紫菜嘅味道，多重口感。飲品方面，只需要加＄20就有飲品放題，有十款飲品選擇。乳酸沙冰飲落去爽一爽喉嚨，好清新嘅味道，而且乳酸味道濃郁。朋友就叫咗凍檸檬茶，佢都大讚好大杯。最後埋單都只係六百幾

之前都聽過"阿爺粥品手工涮涮鍋"D個大名，又有朋友介紹過D間店舖，所以前來試下。阿爺除左有粥底火鍋之後，原來而家仲有好多人鍾意既美顏花膠雞鍋。一個價錢就已經有花膠雞鍋，同配埋新鮮龍蝦、蟹等海鮮，仲要送埋手切牛肉。花膠雞鍋來了，以為係一件件斬晒件嘅雞鍋？其實係大半隻雞上枱嫁，而且仲唔係細隻嫁。海鮮咩叫新鮮，就係將D海鮮放係鍋內仲識郁來郁去彈下彈下咁。之後我地點左其他野，有美國肥牛、手工牛丸、鯇魚骨腩、牛腩等牛腩唔係到到都有得食，D個真係幾好食，好有牛味又有彈性，唔會好似出面既舖頭D牛淋淋梅梅。最後我地仲點左D甜品，就係大良炸鮮奶、芒果布甸，炸鮮奶只能說是食停不了口，內軟外脆帶住濃濃的牛奶味，又沒有想像中咁甜，唔錯唔錯。

一早已經想試呢間粥底火鍋，知道新出咗個美顏湯底，終於決定去試一試。餐廳裝修精緻，格局舒服。餐牌有幾個套餐選擇，我地當然選擇美顏花膠雞鍋滋補一下啦！而且仲包咗60款配料，小食，甜品任點任食。湯底有半隻雞+大量厚身花膠，非常足料。之後先上海鮮盤，海鮮全部即叫即劏，非常生猛。店員先將全部海鮮放入湯底，滾起後三分鐘就可以食。鮑魚爽口彈牙，貴妃蚌新鮮爽甜，乳龍蝦肉質結實爽口，鮮味十足，而海花蟹雖然唔算大隻，但肉質飽滿鮮甜。手切牛肉份量雖少，但油脂均勻，肉味濃郁。海沙白隻隻肥肥飽滿，味道鮮甜juicy !油炸鬼即叫即炸，金黃香脆，放入湯底輕輕滾一滾，外脆內軟，非常滋味。大良炸鮮奶用麵包包住鮮奶炸成，口感特別，外層酥脆，不太甜，好食😋最後當然要食返個甜味作結美。香芒珍珠凍上層珍珠脆脆的，下層香芒凍香甜軟滑，芒果味十足。今餐真係超大滿足！

第一次食完咁想寫評語。。。見到fb page介紹，search下openrice又咁多好評，唸住吾差得去邊，但事實有啲出入。價值系套餐價+醬料$18（用吾用都要俾）再加一，夾埋都吾系平。海鮮份量吾多，又吾算大隻，最重要系冇乜鮮甜味，好似吾太新鮮 (利申食過其他間既粥底火鍋啲海鮮大隻又識跳，食落真系鮮甜既，難免有啲比較)，其他配料so far so good啦，其中象拔x食得出系冰鮮貨，但未免冇味得太明顯了吧。最後食粥，確實系似粥水多過粥，好水好水。。最後埋單要我地提先做返9點後每人減$20個優惠俾我地，第一次只減左一人，要我地當面系佢面前計多次，佢先發現自己計錯，應該系total減二人。。做野好似有啲求其。但服務態度系ok既，主動收碟換碟，態度友善。總結就吾會再幫襯啦，因為呢個價錢確實有更多好選擇。

其實食過好多次，不過就未review過。近幾次去都係點花膠雞鍋。每人會有一份海鮮。有龍蝦，鮑魚， 貴妃蚌，蟹。同埋每次會加少少點埋任食個個package。任食D牛肉亦唔差，花膠， 蜆， 象拔蚌，魚，炸鮮奶，仲有好多都有。覺得都算抵食同好食。

明明已經訂左位，但都要再等多30分鐘。食物方面：粥底很淡，海鮮是比較新鮮（只限於龍蝦及蟹類），但其他食物就比想像中差，例如三色油炸鬼和貢丸等等。下單大約20分鐘都未有見飲料出，漏單情況嚴重。飲品加20蚊，可惜沒有冰，所以飲不了喜愛的飲品。最欣賞都只是甜品（大良炸鮮奶及桂花榚），另外餐廳內沒有設洗手間，要去到停車場入口先有，比較不方便。附近寶石大廈的停車場很快爆滿，泊車不方便。希望藉此得以改善，感謝

最鍾意就係同班朋友去打邊爐，今次去呢一間，班朋友都話唔錯，值得介紹下鐵觀音，通常打邊爐嘅餐廳都係會俾啲茶葉加水再加水俾你，分分鐘係上一手個客沖完嘅茶葉俾你，但係依間確係唔同，佢哋用嘅係新茶包韭菜餃，選用嘅餡係新鮮嘅韭菜、肉， 所以食落口係鮮甜、多汁，個皮係軟硬適中，好好味，值得推介肥牛，睇落去就見到夠肥，色澤唔錯，肉質都可以，愛肥牛嘅人可以選擇豬肉，色澤同肉質都非常好，夠鮮甜，對食豬肉一般嘅我，都覺得要試吓

幾日前跟家人到荃灣行街時，忽然很想食火鍋，加上較早前朋友推薦過一間不得了的火鍋店叫阿爺粥品手工涮涮鍋，記得佢形容到不去一試枉為人，那麼我們抱住極大期望的心態去試一究竟，是否與傳聞中那麼出色。一踏進舖頭內，有一程乾淨的感覺，坐下來的四人台比一般的火鍋店闊，相信坐6個人也不成問題。我地聽從店員的建議選擇了美顏花膠湯底的火鍋，想不到一送來時當中是包含了半隻雞在當中，而不久店員就送上不同的海鮮等，當中包括龍蝦，蟹等等，意想不到的新鮮，而當中的貝殼類當中是沒有沙，是清洗得很乾淨。食完頭盤，之後就食當中不同的主食，我個人比較喜歡餃子及響玲，兩者也是這店特有，前者咬下去有一點肉汁帶點香味，後者是響玲包紫菜，想不同兩者是那麼的夾。最後叫了些甜品──炸牛奶，只能說是停不了口的好食，內軟外脆帶住濃濃的牛奶味，又沒有想像中的甜，本身已經飽，但食這甜品時，會忽然覺悟到食甜品是第二個胃的道理。總之，阿爺粥品手工涮涮鍋值得一試。

夏天熱辣辣，最岩食火鍋有冷氣了呢間阿爺除左有粥底火鍋之後，而家仲有女士最岩嘅美顏花膠雞鍋一個價錢就已經有花膠雞煲及40款嘅配料任食，仲有新鮮海鮮，真係好正呀！雞煲來了！以為係一件件斬晒件嘅雞煲？其實係全隻雞上枱嫁，而且都唔細隻嫁！入面仲有好多好大片的花膠，真係好正呀！而且花膠已經煲到好淋，上到枱熱返就已經食得了。第一樣就係跟餐送的手切肥牛，每片的大細都相仿，而且紋理清晰，薄薄的一片，灼一灼就食得了。而最主打的還有海鮮拼盤，分別係龍蝦、蟹、鮑魚同貴妃螃。樣樣都好新鮮大份，真心吸引。睇下呢隻螃幾大隻，螃肉非常新鮮，而且都好厚肉。花膠湯底配搭著，又鮮甜又入味。另外，當然最吸引就係新鮮龍蝦。美顏湯底配龍蝦，既可帶出鮮甜味，又可以食到實實的龍蝦肉。食食下發現花膠食晒？店員會拎一盤新嘅嚟俾我地再添食，呢個感覺真係好幸福呀！成隻碟都鋪滿晒大大片的花膠，而店員都好細心提我地要煲耐少少，唔好太快食。配料方面，極度推介呢款炸紫菜響鈴。可以即食，亦可以浸一浸湯底。兩者食法有好大分別。唔浸即食就會食到油炸的味道，面響鈴就好脆，加埋紫菜非常香口。而浸就無油味，而且仲有埋花膠湯底係入面。另一極力推介就係油炸鬼啦！

人哋話食粥係下火的，今次就試吓食粥底打邊爐可能冇咁上火。預先係粥底入邊放了半隻雞先，當粥低煲放上枱後，職員就會係你面前放海鮮入去，如龍蝦、貴妃旁、鮑魚等，當粥低滾左之後，我畢左D湯試飲，超鮮甜。龍蝦熟咗之後，吃落口肉質超鮮甜，結實，非常新鮮，一定要食。當鮑魚可以容易脫殼的時候，即是鮑魚已經熟了，咬落口感覺啖啖肉，肉質煙銀鮮甜。這間鋪頭的醬油配料很多樣化，而且望落去全部都是新鮮剁成，每款都有個有蓋小瓶放着，感覺乾淨好多

火鍋食得多，而家海鮮火鍋都有好多種類，今次呢間係有埋花膠雞湯底既海鮮火鍋再加任食，真的不得了，簡單係多重享受，先講湯底，係真係大大件既花膠，仲要有得添加，真係好養顏，所以湯底特別鮮甜，海鮮都好新鮮，有飽魚，好大隻下，係仲郁緊架，所以好有口感，因為新鮮，龍蝦都係，好實肉，鮮甜，新鮮到放入湯時仲郁郁下，扇貝好大隻厚肉，真的正超新鮮甜美，一定要推介，另一個要必食既係紫菜炸响鈴，新鮮即炸即食，鬆化香脆，熱辣辣咁食好好味，好正，其他任食配料都好新鮮，沒有因為任食而比d質素差既食物客人，真的可以再去食。

今日朋友帶我黎「阿爺粥品手工涮涮鍋」，邊個話天熱唔可以食涮涮鍋嫁😜尼度環境優美，設有包箱，冷氣又夠，適一家大細、一班朋友黎聚下👍設有六款配料，想點混醬都得👍雞煲係用半隻雞煮成(按人頭份量)，非常鮮味👍靚花膠一定要點👍又大塊又厚身，食起黎好有口感👍附送牛肉，肉質和脂肪分佈好好，食落好滑，好有口感👍附送海鮮有龍蝦、蟹、鮑魚、扇貝.....非常新鮮👍龍蝦放落煲裡，竟然仲識動，證明新鮮貨👍手打肉丸👍炸鮮奶👍不得不贊👏👏👏既炸紫菜響鈴👍味道昇華👍冬瓜冰，味道清甜👍繽紛啫喱果凍、芒果黑珍珠，味道夠👍

阿爺又搞搞新意思啦，唔好以為淨係得粥底火鍋，今次仲踩過街，搞埋美顏花膠雞鍋，仲可以任食花膠添，貪靚既我緊係要試下啦每位仲有鮑魚一隻，貴妃蚌一隻，海花蟹半隻、乳龍蝦半隻同埋手切牛肉添，我地一行四人，海鮮就有咁大盤啦我地首先落哂d海鮮落個湯度，實行煮個海鮮湯，隻龍蝦仲郁下郁下，呢度d海鮮果然新鮮話咁快就熟啦！個蚌大大隻，咩都唔使點已經夠哂鮮味鮑魚記住唔好煮咁耐呀龍蝦夠哂多肉，食落彈牙我仲加埋其他海鮮一齊煮呢個都唔使煮太耐，撈一撈就食得未見過咁長架食左咁多海鮮，個湯夠哂甜，可以落d菜索下湯既鮮甜味最後仲可以任食甜品添

今日好姊妹知道我返工做到散晒，所以過黎搵我食午餐，用一個小時黎陪我呻下工作上既不快。上次黎阿爺粥品試左花膠麵，感覺有少少唔夾，咁岩見到隔離枱食籠仔蒸飯，香噴噴又幾大個，決所以定今日黎試下佢。我同朋友揀左花蟹籠仔蒸飯，但因為係即叫即所以蒸等左成半個鐘，我一路呻一路餓等到頸都長埋，望穿秋水終於等到啦！！原隻蟹呀！有肉架！好甜個殼唔硬一咬就開，d飯偏濕左少少，但好香蒜蓉好煙un 同朋友一人一半夠晒飽。正呀！

$318 (因為公眾假期要加$20 )有得食半隻龍蝦、半隻海花蟹、一隻鮑魚再加一隻貴妃蚌，另外再加40 款配料任食，其實都幾抵主角海鮮大併盤，每款海鮮都睇住佢地由魚缸度撈出黎，保證新鮮。一次過放晒佢地落去等佢地一鑊熟大大隻貴妃蚌，食落好鮮甜龍蝦同埋海花蟹因為太吸引嘅關係，所以已經喺唔記得影相嘅情況之下不自覺地食左唯一可以講嘅就係海鮮大併盤真係好新鮮，煮嘅時候仲見到佢地拼命地掙扎，諗返都覺得自己殘忍不過食新鮮嘅野係咁架啦ENCORE 花膠都係大大碟紫菜響鈐一條超級長，味道唔錯不過稍微稔左少少呢度每樣配料都係巨人級，食唔晒真係唔好叫咁多，會浪費食物的甜品棷汁桂花糕同埋芒果黑珍珠，兩款甜度都適中，岩晒做飯後甜品