阿爺粥品手工涮涮鍋 (已結業)

香港人食火鍋已沒有季節之分，只要好食就一年365日都可以食。而這間位於旺角的火鍋店我早有聽聞，以粥底火鍋作主打，配上新鮮海鮮及肉類而出名。一早就想來試，今次同朋友經過旺角，就來打個邊爐。餐廳的面積好大，有好多張枱，座位又多，而具冷氣夠，入內完全沒有一陣打邊爐的味，不怕食到一身油煙。這個美顏花膠雞煲每位$318，兩位起。一個餐包鮑魚、花蟹、龍蝦，無限花膠做湯底，仲有半隻雞。全部料都係高質又貴格。除左餐本身包的海鮮和花膠雞煲，還有多達60款的食材任點，任君選擇，一定試唔完。如果要任飲只需另加$30。花膠雞煲半隻雞做湯底和大量的花膠。湯奶白色好多膠質。花膠有好多蛋白質，滾完個湯又香又甜。成個海鮮盤真係好吸引。全部材料都好新鮮！龍蝦好大隻，肉質又彈牙。鮑魚仲係會郁家，真係好新鮮。雪花肥牛肥瘦均勻，入口即化。花蟹有好多膏！原隻煲完精華入湯。另點了鮮牛肉和魚，全部都好新鮮。即炸的紫菜響玲都好正，入湯即食。以邊爐來說這間好值得推介，材料上盛加上環境舒服，座位闊落。下次會再番戟。

黎到好乾淨企理既感覺 最特別係佢快子好衛生 下面係木 上面用返膠 又環保 地方都好大 好舒服 夠晒濶落佢好多唔同既套餐 我就簡左花膠雞個隻 女仔都係鐘意花膠保身 花膠任食 超正另外我加左野飲任飲 好多選擇 貪心既我 一次過叫左兩樣慢慢飲未食得之前就食下小食先 佢既雞翼即炸 好好食 同埋個椰汁糕都好香好彈一黎到先見到佢既花膠多到不得了 又大又厚身 重點緊係任食啦個湯都好足料 半隻新鮮雞 滾起緊係先飲啖湯先啦 超香濃 勁甜既雞味本身佢跟好多海鮮 之後比我發現有隻蜆都係任食 佢個個龍蝦又勁大隻 好鮮甜 又厚肉 同埋佢有教你平均煮幾耐先熟 岩晒唔識煮飯唔識睇生定熟既我食埋任食既配菜 最後緊係要食埋好好味既新鮮雞 佢幫我地切埋 超方便 隻雞好好食 好林 肉好滑 冇諗到煮左咁耐仲咁滑 最後緊係用湯煮埋個粥食 不過我太爲食冇影到相

就係公司樓下轉個彎既登打士街，有間近期幾紅既鋪今日就去試下佢。粥底海鮮打邊爐，有幾個唔同既set，只有一個係任食，其他係set上。我地叫左個黑松露粥底set，一大盤海鮮上到來真係好吸引，龍蝦、鮑魚、蟹、貴妃䂜、硯。最正係龍蝦，超級新鮮，所以非常鮮甜，鮑魚亦非常爽口。今日中叫左條東星來打邊爐，不單魚方面夠正，而且因為最後食個粥，有落魚既關係，粥就更加鮮甜。登打士街其中一個好選擇，而且大家打邊爐普通湯底打到悶又可以試下粥底，唔錯既選擇。

本來諗住到夏天就唔再去打邊爐，但原來邊爐癮係唔會受氣溫影響，今次約朋友去旺角食養生海鮮鍋店開係3樓，裝修係傳統酒樓格局，勝在位置夠闊，叫多幾碟配料都唔會冇位放。今次試養生嘅花膠雞鍋，本來已經跟海鮮拼盤，仲有好多款配料任食，打邊爐最好就係咩人口味都關心到湯底好足料，有半隻雞加幾大塊花膠，一滾起店員即刻盛一碗湯俾我地，黑胡椒味濃，滾耐d雞肉鮮味出左更正。海鮮拼盤好新鮮！店員仲幫手落料，睇岩時間幫我地撈起，好貼心。一入店就已經好吸引我地嘅夾公仔機，原來每人都可以玩，夾到即食，好玩又有噱頭。朋友成功夾到隻蟹，上水仲郁郁下，入面超多膏。龍蝦同貴妃蚌滾完都冇縮水，龍蝦肉爽口，貴妃蚌好鮮甜。鮑魚唔韌身，同埋冇沙。其他配料都幾齊全，連熱食同甜品都有。配料出得好快，而且全部都幾新鮮。加$30有飲品任飲，近排好hit嘅台式特飲都有得揀，我覺得加30蚊都算抵最後講下我幾推薦嘅甜品-芒果布甸，講真期望唔高，點知食落幾香滑又唔會過甜，芒果嘅甜味都好自然，真係唔錯！

近排興起一股邊爐風，就算宜家已經炎夏，但都阻礙唔到香港人熱愛打邊爐嘅心。最近係IG見到朋友介紹喺呢間阿爺粥品刷刷鍋食海鮮，熱愛海鮮嘅我，一於約人親自試下。呢間店嘅有幾款不同嘅鍋底口味和種類，花膠雞煲、冬蔭公蟹煲、海賊、海佬、黑松露粥底鍋，但離不開統一嘅主題，海鮮🦀️🦐🐚🐟。咁我同同行朋友都係女仔，怕食粥可能會太飽，所以揀咗湯火鍋，而且係非常之適合女仔嘅花膠雞鍋。一開始店員送嚟一大碟花膠，真係塊塊手掌咁大塊，用「扒」嚟形容都唔誇張。等嘅時候，調咗蘸料先，都係一般打邊爐需要配備嘅蔥蒜辣椒，比較特別係多咗菜脯呢個選擇。另外煲嘅套餐價係一人$298，另外加$30蚊有特色飲品任飲，如果唔飲嘢，點叫打邊爐，我就Order咗蝶豆花荔枝冰，顏色非常好睇，荔枝蜜沉澱係底，記得攪均先好飲。到湯滾，先試一啖熱湯，奶白顏色有淡淡胡椒味，甜中帶點辣，非常暖胃。因為花膠超厚身，所以需要煮耐少少，唔好心急。食落不腥不潺，腍滑又爽口有彈性。成塊花膠大塊到好似鋸緊扒，而且呢個套餐花膠可以無限Refill，食完唔夠再order都得。係啦，呢間店最特別之處，就係有部夾公仔機，不！係夾海鮮機，店員會準備幾個遊戲幣，俾光顧既客人

香港海鮮火鍋有唔少選擇，不過要搵高質既，大家可以試下係旺角既阿爺粥品手工涮涮鍋！絕對冇介紹錯！環境又舒服，同朋友傾下計打打邊爐絕對係享受。佢有幾個套餐都好吸引，例如有冬陰功蟹將軍鍋、有米粥鍋。而我今次就試左呢個美顏花膠雞鍋，結果一試難忘。真係太正啦!佢首先比左個湯底你，入面有花膠同隻雞係入面，員工們會建議你先試下佢個湯根住先放海鮮，個湯底真係好唔簡單，又濃雞味，一啖花膠一淡湯，咁就冇左半鍋湯lu。當然，重頭戲既海鮮泥啦。識郁既鮑魚放落去，真係唔洗睇都知夠新鮮，夠生猛。加埋佢既貴紀蚌同佢個日既時令貝類海鮮，真係好香同好鮮甜，好難想像邊爐鍋會有咁靚既海鮮。不過呢到我覺得最正既係佢既龍蝦同花蟹，加上佢既花膠雞湯，咬落D龍蝦肉同蟹肉到真係好正，好實，好入味。完灑海鮮，當然唔夠喉啦，所以我地叫左呢個套餐所包埋既60款配料，炸魚皮同紫菜響鈴我敢講真係同其他餐廳唔同，真係夠脆同唔會太油，叫兩次係正常既，太好食了。肥牛半肥瘦，岩岩好！正！魚皮鮫皮唔太厚，正呀！炸鮮奶，驚肥都一定要試呀，真係好好食，唔太甜，但味道又夠。令外我覺得大食既人可以用蟹柳加烏冬加兩條菜做個結尾。完美呀！呢個價錢食到呢d質素同享受

海鮮邊爐 鍋𥚃驚見死青蛙‼️有睇ig story應該都大概知道咩事🤦🏻‍♀️噚晚就跟朋友一行11人食咗2個鐘 朋友突然係煲裡夾到隻連皮煲熟咗蟾蜍定青蛙全體🤮🤮 係好‼️恐‼️佈‼️詢問店員係咩黎, 佢迅速已經執起,一句解釋/道歉說話都冇🤷🏻‍♀️ 我地同經理跟進,佢話一係8折一係換過晒所有食物俾我地, 我地唔接受 佢態度極度惡劣話 隨便你擺上網/蘋果動, 連8折都唔會有‼️1️⃣ 餐廳聲稱青蛙寄居係海鮮上無可避免 但廚房有責任確保海鮮清理乾淨先比客人享用的吧? 2️⃣非田雞(如果係田雞都冇咁驚🤮)3️⃣經理態度相當惡劣 基本道歉是正常的吧?🤷🏻‍♀️4️⃣已call食環 有關青蛙相片跟影片將交由食環處理真心唔係想搞大件事或者係叫大家罷去間餐廳(我都冇咁嘅能力) 但都希望大家食海鮮/任何邊爐都要提高警覺‼️‼️

朋友最近高價賣出正在放租的樓宇, 請我吃火鍋慶祝, 真開心.她約我去旺角, 登打士廣場樓上的   阿爺粥品手工涮涮鍋,  位置近地鐵站, 交通極方便. 餐廳的環境及裝修都不錯, 燈飾及座位很時尚, 整潔美觀, 有別於一般的火鍋店, 座位不會太迫, 餐廳有大大個魚缸, 養了不少生猛海鮮.  龍蝦, 鮑魚, 象拔蚌…...店員安排我們坐卡位, 有玻璃大窗面對登打士街,  闊落舒適又光猛.檯上有电滋爐, 及各式醤料, 自由選擇, 款式都唔少, 每位$18.餐具很齊, 筷子更有特式, 須插上新竹套, 每人都用新木筷, 夠衛生. 店長推介,  美顏花膠雞鍋, 優惠價, $298,  包括每有鮑魚一隻, 貴妃蚌一隻, 海花蟹 半隻, 乳龍蝦 半隻, 海沙白一份, 另包 60 款火鍋配料任食,  用餐時間只有兩小時.飲品方面, 特式飲品任飲 +$ 28.   有汽水, 沙冰甚至涼茶.朋友立即確認 OK落單.店員送上加點單,  全部分門別類,  十分清晰, 有牛、豬、雞、魚、海鮮、象拔蚌、餃、丸、蔬菜、雜菇、甜品等,  選擇眾多, 任叫任食.我們可自行填上,  每次五款. 店員很快送來一窩 雞煲花膠湯

之前見過有飲食節目介紹過呢間 今日終於黎到一試！我地揀左個美顏花膠雞鍋！花膠係任食的 女士們真係要必點！好快可以回本😂😂湯底亦非常濃郁 有淡淡既胡椒香雞臂一定要食 好入味好嫩滑！套餐除左包左主打花膠外 海鮮亦係好吸引既賣點之一我100%肯定係新鮮的因為送上黎既時候真係仲不斷郁緊><海鮮都非常高質 好大隻 同呢個湯底又好夾唔洗點醬料仲有60種食物任點 有埋甜品種類多但質素一啲都唔hea推介下 台灣腸同蟹棒俾大家 正！茶水免費 但打邊爐我就緊係要飲凍野先夠爽！所以我地加左$28 有十五種飲品任飲有我的最愛 奶蓋紅茶！裝修同服務態度我都好滿意侍應會推介落咩先 每樣幾多分鐘最好食 等等而且懂得環保既餐廳應該係好餐廳^_^從佢既筷子設計就可看得出佢有落過心思！值得支持下！

舊同事極想試吃這間，於是訂了星期五晚慶生辰大“涮”一頓。可能是早訂的關係，竟然給了我們五人一個房間，又有專人把材料放入粥底煱烹調，真是好享受。我們選了$268+$28限時兩粒鐘任食任飲套餐，未開始先送來一盤海鮮:各樣食材都非常新鮮，尤其貝殼類的貴妃蚌及鮑魚為甚，一飽口福。有得“滾”亦要有“混醬”，枱上一早已準備好生熟蒜、辣椒等，還有不常見的芫荽!!!! 這能令醬汁香味提升，不怕芫荽味道的食客務必一試。接著侍應給了我們代幣去夾公仔機夾海鮮，同事們把機會全交給我，好大壓力呀！小妹不才，好耐無夾公仔，最後夾左隻花蟹:本想夾龍蝦，但位置不佳，有bonus已經好滿足，返到房間見到的戰利品是已拆好的蟹，可即放入鍋:請注意侍應不能時常替你主理烹調，所以要不時攪動粥鍋以防煲燶，亦不能開太大火，火太大粥鍋有小部分會突然飆升，我的手已中了兩次招，幸沒大礙，但同事覺太燙要即時入洗水間沖水，請一定要小心!!這鍋粥一開始味道相當淡，最後吸收了所有海鮮肉類蔬菜精華後相當鮮味，吃得多飽都要試一碗。此外還有一些熱食及甜品，炸鮮奶似炸銀絲卷包鮮奶，不太甜，但蝦多士及炸雞翼相對太淡，有點可惜。飲品點了即制芒果沙冰，很不錯

每有新店梗有優惠，發現旺角呢間新開的自助火鍋店 性價比非常高 ，298蚊 的任食花膠火鍋放題配料超豪; 有美顏花膠雞湯底 ，大大塊的花膠不單任食，套餐有更有乳龍蝦 ，海花蟹，鮑魚， 貴妃蚌 同 大大隻 沙白， 花甲，重有好靚的雪花手切肥牛 ，豬肝，金蜆 等等 ，菜單上有60款的任叫任食火鍋配料，真是好扺食噃。新店新裝修環境梗係企理乾淨，連筷子的安排都非常講究衛生，一次性的使用，只換筷子頭，較全隻更换環保，另加$28元有汽水菓汁任飲，三百幾元食到呢D嘢又真是幾抵。優惠唔知會做幾耐呢？

今晚同朋友行完旺角，突然心血來潮想打邊爐，就見到阿爺涮涮鍋，於是上去試試。安排了座位後，店員過來介紹不同放題的價錢就包括甚麼海鮮，但，最吸引我是＂美顏花膠鍋＂而且配有一盤海鮮加任吃花膠和六十款火鍋食物，價錢係HK$298.00 加10%，第一時間立即order總於湯底和花膠送到我面前好厚身的花膠，店員先將花膠放入鍋中煮滾跟著就送到枱上是海鮮拼盤，有龍蝦、鮑魚等等在欣賞海鮮時，店員將剛滾起的湯分給我們品嚐第一口湯好味呀之後，店員放海鮮入鍋煮並提議食邊様海鮮先。我們還點選其他食物。整體來說，店員非常有禮貌，食物好好。

喺旺角揾野食真係有好多選擇，尤其打邊爐。今次幫襯嘅係一間樓上舖，就喺廣華隔離。一入到去已經被裝修吸引。啲食具都好靚！筷子用完即棄好衛生。叫咗個美顔花膠雞鍋仼食。啲花膠大塊到呢！！有成半隻雞，好滑。啖湯好潤。我建議大家吾好飲太濃味嘅飲品，因為會搶走啖湯嘅鮮味。有咁靚嘅海鮮連埋真係錦上添花！海鮮好新鮮，更加要品嚐當中嘅鮮甜！隻鮑魚超彈牙！其他打邊爐食品都好好，有啲仲好特別。可惜個肚皮有限，試吾晒咁多！不過都好想講手打肉丸好有肉汁又彈牙！街舖買嘅冇得比！！個響鈴包住紫菜即叫即炸好脆口，有紫菜又有啲鹹鹹地，痴痴地口，口感好得意！除咗食得好，坐得好，今次連服務都一流！好好禮貌！加上地點超方便！！一定會再嚟

出街食火鍋價錢吾平，食海鮮火鍋更貴，所以好多時我哋都會買海鮮返屋企實行自家製。但旺角嘅「阿爺粥品手工唰唰鍋」套餐，不同時段有不同選擇，有米粥鍋、美顏花膠雞窩、艇妹柔情鍋和水蟹粥鍋等，價錢由$98至$298，非常抵食，而且食物水準亦吾錯。今次我哋選擇了「美顔花膠雞鍋套餐」，三百元有找一位，海鮮有鮑魚、貴妃蚌、龍蝦、花蟹....等等，花膠任食，而且還有60多種火鍋配料、餐前小食和甜品可無限追加任食，飲品就要加$28任飲。由於當天沙白和蜆售罄，所以用海蝦及牛肉代替。湯底是用原隻雞湯底，連雞肉都可以食埋。花膠好大塊又彈牙，和湯底一齊上，食完可再order。侍應服務細心，會建議客人order 餐前小食，然後才食海鮮盤上的海鮮，由貴妃蚌食起，再食鮑魚、龍蝦、花蟹和蝦，之後才建議滾其他火鍋材料。每樣海鮮都非常新鮮，D蝦還在腳撑撑，味道鮮甜可口。其他火鍋材料、餐前小食、甜品和飲品，種類繁多。甜品和餐飲款式比較特別，例如紅豆鳥結軟糖、碟豆花荔枝冰等，其他餐廳我未見過。 火鍋材料尤以巨根蟹柳最有印象，長度足足有成十幾釐米，味道亦甚有蟹味。由於我們只得兩個人，所以只order了兩個餐前小食和數款火鍋材料，沒