阿爺粥品手工涮涮鍋 (已結業)

喺旺角揾野食真係有好多選擇，尤其打邊爐。今次幫襯嘅係一間樓上舖，就喺廣華隔離。一入到去已經被裝修吸引。啲食具都好靚！筷子用完即棄好衛生。叫咗個美顔花膠雞鍋仼食。啲花膠大塊到呢！！有成半隻雞，好滑。啖湯好潤。我建議大家吾好飲太濃味嘅飲品，因為會搶走啖湯嘅鮮味。有咁靚嘅海鮮連埋真係錦上添花！海鮮好新鮮，更加要品嚐當中嘅鮮甜！隻鮑魚超彈牙！其他打邊爐食品都好好，有啲仲好特別。可惜個肚皮有限，試吾晒咁多！不過都好想講手打肉丸好有肉汁又彈牙！街舖買嘅冇得比！！個響鈴包住紫菜即叫即炸好脆口，有紫菜又有啲鹹鹹地，痴痴地口，口感好得意！除咗食得好，坐得好，今次連服務都一流！好好禮貌！加上地點超方便！！一定會再嚟