阿木台灣麵 (廣華街) (已結業)

🍜我好喜歡食台灣麵，成日食都唔會悶， 呢一間台灣麵好旺場，在星期日中午，烈日當空之下，有好多人排隊等位。🐮我點最喜歡食的牛肉牛筋新竹米粉，牛肉好似牛展咁好食，切得非常厚，差不多有1cm厚度，係其他餐廳的四五倍呀，非常之淋同埋嫩滑。$68 真係好大碗，一個人真係食唔曬。🍨食甜品係另外一個肚，我點咗芋圓嫩仙草，芋圓口感好煙韌，仙草名副其實真係特別嫩滑，好味道。😀🍹鋪頭仲有好多外賣的包裝飲品，我買咗水蜜桃烏龍冷泡茶，仲有黑糖沖飲，$88有八包，四款口味，價錢都ok呀，可以返屋企慢慢飲。

旺角多好嘢係係人都知，今次嚟到阿木台灣麵，我即管幫襯吓先😊我叫咗😋麻辣肉燥拌麵，麻煩味好香濃，辣道適中👍🏻麵質好彈牙😋滷牛肚絲，滷水好入味，台灣滷水無得頂呀😋芝士肉鬆蛋餅，台灣嘅地度美食，蛋香味濃並且加入芝士，無得輸呀😋粒粒白桃茶，茶底好滑但係又唔會搶過桃味，淡淡的清香，好香密桃味🥳另外想將台灣的味道帶回家都得架^_^有黑糖沖泡飲料水蜜桃烏龍茶冷泡茶包不同口味嘅調味粉仲有一啲台灣小吃，送粥一流呀

難得星期日，當然要同閨蜜出街食好嘢，阿木台灣麵，我已經變成常客，因為食物非常好食，雖然門口有長長的人龍，但係我有必食的決心，排隊時間比我想像中少， 10分鐘就已經到了，叫了珍珠奶茶、台灣牛肉麵（非常多牛肉）、芝士肉鬆蛋餅、仲有一個菜苗、份量非常足，大食嘅我都食唔晒，真是非常抵。建議三個女仔食兩個餐都很足夠，仲有他們自家製的手工茶包，有黑糖薑母茶等等，都好吸引，即刻買了兩包回家試試。很開心今天可以食到好嘢。

旺角行街順便食飯，今日天氣都幾熱，遠遠見到呢間舖頭大排長龍，原來呢間係台灣老字號牛肉麵專門店，唔怪之得人氣咁旺，所以都好想試吓，最後排左20分鐘到先至有位。紅燒牛肉牛筋麵，整碗麵分量充足，兩條大牛筋，好淋又滷水味濃厚，再加兩片超級厚切嘅牛肉，估計牛肉厚度超過10mm，但仍然好淋亦有一定彈性，有咬口，肥瘦比例均勻。蕃茄牛肉牛筋新竹米粉，新竹米粉比較細條幼身，配合蕃茄湯底都唔錯。炸花枝丸，水準合格。台式炸大腸，睇落好肥，但食落都唔覺好肥膩，有陣陣脂肪香氣，估計用滷水汁醃製後再炸，所以大腸皮有好重滷水味，皮亦炸特脆。芝士奶蓋炭燒烏龍亦係台飲主大之一，水準唔錯。飯後甜品綜合芋圓嫩仙草，擺設精美，份量亦唔少，加上珍珠及紅豆，色彩繽紛。

麻辣牛肉麵(關廟麵) ($61)關廟麵係手工麵，製作工序繁複，唔係成日有得食，所以試試，麵身比較粗，有彈性嚼勁，鍾意粗面嘅朋友可以試試。湯底濃，但係唔會好鹹，食完唔會好口渴，有牛肉牛筋，好𣺉入味，美中不足就係牛肉有少少膻鹽酥雞麻辣伴麵便當($54)鹽酥雞炸好香脆，幼麵都好煙韌(本來以為幼麵會好𣺉，但係麵質好有驚喜），麻辣係小辣，應該大部份人都可以接受嘅辣度，但係算幾麻芝士肉鬆蛋餅($42)好好食，餅皮好薄，蛋都煎得好滑好薄，中間嘅芝士黏住蛋同肉鬆，而且令個蛋餅唔會乾，但係芝士唔會好濃，唔會搶左其他材料嘅味道，蛋餅上面加左少少醬油，食落去嘅時候，好香滑而且有層次👍🏻👍🏻👍🏻🥺🥺台灣小香腸($29)台灣夜市食味道，生蒜片夾埋香腸一齊食仲香(如果唔怕好臭😂)老闆娘係台灣人(仲好靚!)，口味地道，雖然要排好耐隊，但係食完你會死死氣再排過

今日陪朋友嚟食台灣野。門口已經見到好多人，好彩唔係排咗好耐，20分鐘入得。呢個係鹽酥雞飯，雞都幾好食。但係肉操偏向港式口味，偏鹹，台灣味道應該係偏甜既。嗰三個小菜就正正常常。台灣腸係我嘅至愛，同台灣食既一樣，但上菜嘅時候可以再熱啲，好似擺咗一段時間咁。呢個係朋友叫嘅麻辣肉操飯。我冇試過，但佢話幾好食。總括來講係一間正常嘅台灣餐廳，未至於好好味，但都可以一試。價錢唔貴，性價比高。

第二次食先記得影相🙈 4個人黎一人叫左一個主菜再叫左3個小食.鹽酥雞便當 $50鹽酥雞幾嫰口又大舊 叫左多肉燥但上枱吾係好覺多左😂 跟餐有3個小菜 撈飯食都幾好.麻醬拌麵便當 $54以為係凍既拌麵 點知係熱既 麵條煙韌而且份量多 不過要快啲食因為會章住有啲黏 想食清啲嘅可以嗌呢個 因為只有麵加青瓜絲 所以有埋小食 我揀左鹽酥雞 有5-6舊都夠送個麵.滷豬耳 $22 滷得入味但有啲淋 食落冇乜口感.台式炸大腸 $39炸得好脆 皮吾會好厚.芝士肉鬆蛋餅 $42要趁熱食 鐘意肉鬆會好開心 有滿滿既肉鬆😳 就感食曬一條會飽

之前同朋友討論係香港最好味嘅台灣麵，大家都各執己見，朋友向我介紹阿木台灣麵，而且係黃店，所以今日同男友試一試。餐廳非常受歡迎，門口大排長龍，等左十分鐘左右，餐廳內外都貼滿文宣，即使要排隊都冇所謂！- 麻辣牛肉麵牛展好多件，而且超厚，肉質又軟稔。麵條份量又係好多，湯好濃郁，不過唔太麻辣。- 芝士肉鬆蛋餅之前食親既餅皮都係手抓餅，比較脆身。今次阿木台灣麵餅皮非常煙韌，肉鬆亦香口，蛋同餅皮煎得夠貼服，芝士味亦突出。- 粒粒白桃四季春可能叫左少甜，桃味偏酸，茶味幾香麵好抵食，最深刻都係蛋餅！

聽過唔少朋友去過阿木台灣麵食飯，諗住等人潮減退遲啲先再光顧。今日咁岩路過又見價錢合理，人龍唔算好長可以試試，大概排咗15-20分鐘左右。我地各自叫咗拌麵同飲品，同一齊share甜不辣。拌麵感覺上冇咩配料，我地點完單先發現原來有set或者便當，好似會配飯麵同小吃。甜不辣同平日食既有啲唔同，平日見通常炸一整件再切開另上，而呢度係獨立一件件炸，有少少乾身但都好味既。飲品就中規中矩，叫咗鳳梨茶但係味道好一般，我會選擇去台式飲品店買，好味好多。

終於抽到時間帶埋個女去試聞名已久《阿木台灣麵》！大約3點左右去到，都要排隊等一陣先被安排入座。等候期間店面出面都好多好嘢賣，所以就算要等都唔怕悶，Shopping時間又到啦🤩老闆娘是台灣人，落手落腳幫手安排入座，對答都是已國語，有種錯覺覺得自己在台灣，疫情期間呢種感覺好欣慰啊！疫情期間每枱都有膠板阻隔，連濃牆膠板歡迎客人自由表達意見😄平日有下午茶餐提供，有麵有小食有飲品都係$36+好抵食👍🏻但我實在太想食紅燒牛肉麵，所以散叫了加個鹽酥雞再叫多兩杯飲品，兩母女開心Share紅燒牛肉麵 - 湯底濃，麵質彈牙入味，牛展份量好足，口感鬆軟，完全唔韌，相當驚喜！不愧係招牌菜👍🏻👍🏻鹽酥雞 - 賣相吸引，入口金黃鬆脆，令人食唔停口的美味鹽酥雞嚟得食台灣麵，當然要配返杯珍珠奶茶先滿足啦～珍奶味道唔太甜，好啱我口味，接近台灣本土味道，好滿足！如果平時食開濃味野，覺得唔夠味？店內有提供自家製麻辣醬，好香，我唔太食得辣，都覺得好好味，好味到，要去店外買樽回家比麻辣愛好者老公品嘗🥰除咗麻辣醬，仲有好多不同選擇可自買帶走，有得食有得買，真心正！正到一星期內要再帶同事去食過😝

應該係由台灣人開嘅台式餐廳，我地見有下午茶餐幾抵，A+B+C都只係$36。➡️ 芝士肉鬆蛋餅 ($42)芝士又香，肉鬆份量一d都唔少，個蛋餅食落都好彈，真係冇得輸👍🏻➡️ 麻醬拌麵+小吃(鹽酥雞x2，炸甜不辣，台灣香腸)+台式奶茶 ($40)拌麵有青瓜絲同埋濃香嘅麻醬，撈埋一齊幾夾，而且麵條相當彈牙➡️ 新竹肉燥湯米粉+小吃(鹽酥雞x2，炸甜不辣，台灣香腸)+台式珍珠奶茶 ($46)米粉不過不失啦，鹽酥雞炸到脆皮之餘仲唔會好油，雞肉仲好嫩滑，細細粒可以一口食哂😋整體來說餐廳比較細，坐得幾迫，但食物質素係可以，推介芝士肉鬆蛋餅！阿木台灣麵地址📍: 旺角廣華街8號地舖.............................. 味道😋: ⭐️⭐️⭐️環境👀: ⭐️⭐️💫服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

趁住五一黃金周假期，當然要出嚟刺激下經濟，就同朋友嚟㗎呢條好熱鬧嘅廣華街，試吓食台灣野。我叫咗一碗紅燒牛肉麵加芝士岩鹽奶蓋四季春茶。呢一度裝飾好用心，好多有本土特色嘅揮春，入到黎令人覺得好親切。呢一度所有嘢食份量都好大。呢個紅燒牛肉麵，啲牛肉多到五隻手指都數唔晒，啲麵夠晒彈牙，而且個湯又好夠味。我最鍾意個芝士奶蓋茶啲奶蓋味夠晒濃，唔會好澀。食咗一陣我哋就決定出去行吓街，唔好霸主人哋個位啦。行到出門口先發現原來呢度仲有寄埋一啲手工醬料，同埋其他貼紙或者文具，排隊等到悶都可以嚟睇吓。

記得好耐之前，阿木岩岩開鋪果陣食過一次，唔係好得，之後就無再食過。最近成日聽朋友話阿木好好食！心諗，唔係掛？不過，比多次機會佢，真係好食咗好多。【台灣小香腸】無得輸之作，一定係一片蒜一片腸，好台呀，i miss taiwan!!!!【鹽酥雞】都幾大碟，件件都好大舊，唔會係碎濕濕既炸粉，而且雞肉都好嫩，唔乾，外脆內軟，nice!【芝士肉鬆蛋餅】完全係台灣既味道！！勁足料，做到拉絲既效果，而且佢地用既係台式果種好碎既肉鬆，特別台！【芝士玉米蛋餅】呢張睇得仲清楚，勁多芝士！有堆玉米既清甜，超fresh。【炸豬扒便當之炸豬扒】炸得好香脆，唔乾，有少少肉汁，幾好味！【蕃茄牛肉麵】無食到，no comment。食到尾聲既時候，店員仲叫我地like一like佢地既社交平台page，送咗本勁黃既月曆比我地！真係好開心呀！！！總結，我成日都話，好味係良知，有d黃店質素真係好參差，但阿木真係有好食咗，有進步，值得一試，排一陣隊，無所謂啦！

之前同朋友係Openrice搵到呢間餐廳，係我少數認為佢絕對值得排行更高嘅餐廳！香港有好多由台灣人主理嘅台式餐廳，當然好多都正宗嘅，但又未算話好抵食今次食呢間阿木台灣麵，無論係麵定飯都令我非常想嚟encore多次直入正題，首先講咗呢個 $69嘅紅燒牛肉牛筋麵份量非常之足夠，一攞上嚟成碗見到晒d料，牛肉同牛筋都非常多！牛味香濃，大大塊又煲得淋易咬口，牛筋口感更為軟腍麵底同樣抵讚，佢地嘅麵係以高根麵粉每日手工製作，又彈牙又有口感配埋少少甜甜地好台式風味嘅牛湯底，冇落味精，直接飲晒佢！$52 台灣腸便當，我只能講呢個便當實在係抵到爛...會唔會蝕架到底！！配菜有D酸菜泡菜鹵物等，俾我開下胃先台灣腸俾得好多又大舊，超有咬口又質感，朋友話有少少似臘腸🤣重點當然係個肉燥飯度！有時去D台灣餐廳都好想同店家講，你俾咁少肉燥，我係想食D肉燥唔係想食白飯丫！但呢間就唔同啦！店家特登埋嚟同我講肉燥同飯都係任添！！唔係呀嘛，好彩我未嚟之前食過野，如果唔係真係想食到佢破產😅D肉燥肥瘦有致又多汁，有少少似魯肉飯，而飯粒係用珍珠米，盡情咁撈幾多肉燥都得，都咪話唔爽，呢個價錢仲要咁大份量，$52我未見過出面第２間有呢

呢排無得去旅行，突然又好想食台灣蛋餅，於是約埋朋友來旺角阿木食lunch。Lunch time 門口等位已經超級多人！留意返要齊人先入得嫁！我地要左碟紅燒牛肉麵（$65），我揀左走酸菜🤣，但有超級多蔥。幾鐘意佢啲麵咬落幾煙煙韌韌。牛肉都好大舊，好多筋。芝士肉鬆蛋餅（$42）多料好食，不過我鐘意個皮再煎燶少少，會脆口啲。😳另外叫左2杯黑糖珍珠奶茶，一凍一熱。個人覺得杯奶茶茶味較重，唔太夠甜😖。不過啲珍珠好好咬口。