阿木台灣麵 (廣華街) (已結業)

繼早幾日去元州牛肉麵不太滿意後，今次去到阿木。5點幾去到都要等一兩張台，走時6點幾已經排曬長龍，想食既要有心理準備等下位。當日叫左幾樣野：🍜台灣牛肉麵（轉關廟麵+2）湯底有台灣感覺，有點中藥味（？），每碗都有酸菜，酸菜唔會過酸，送麵一流。牛肉份量好大，有成4大舊，每舊都好厚身，又煮到好軟，好好食。麵就有D後悔，早知唔加錢轉，關廟麵唔彈牙，又唔會索湯，覺得要返幼麵可能仲好。 🍚鹽酥豬便當男朋友叫的，偷食左舊豬，炸得岩岩好，唔會太乾，豬肉條幾好咬口。便當附送左三款台灣小食，都幾地道，值得一試。🍘甜不辣叫左個小食Share，炸甜不辣，份量都幾貴，口感幾彈牙，點埋台上既麻辣醬，幾好食。🍹菠蘿四季春少甜左都好甜，菠蘿味如果帶酸就好了🍹白桃四季春都係少甜，呢杯味道相對就夾D

呢幾個月都少左出街，咁岩約左朋友出旺角就尼呢間台灣麵館食多次。晏就兩點都罕有見到餐廳會排長龍，偏偏呢間大受歡迎，而且炎夏30度大汗踏細汗都好多人排隊等位。黃店當時大受歡迎啦，門口擺左好多精美紀念品！等左廿分鐘終於有位入，第一時間一定要叫牛肉麵，我同我fd都一定要紅燒牛肉麵，個湯底好正，我食既係牛筋腩，好嫩滑、牛腩都好淋，配上上海麵好好食。仲加左啲酸菜，非常開胃，係呢間鋪必食嘅！跟著我地再叫一個芝士肉鬆蛋餅，餡料非常豐富，加咗肉鬆，食落口感豐富，不過略嫌有啲濟。愛好芝士既人都一定要叫埋呀，因為整得夠足料，而且出面都好少食到呢類蛋餅喇！炸墨魚丸都係唔錯既，即叫即炸，新鮮熱辣，好可口。另外叫多一碟醬汁豆苗，原來食落係番薯苗，都幾得意。另外食台灣野點少得飲珍珠奶茶，我今次叫咗一杯芝士岩鹽奶蓋烏龍茶，超正呀，飲落有濃香奶味仲透出一陣烏龍茶香、唔太甜，真係飲上癮😝真係值得我食完再食。呢間餐廳真有心，好多野郁自製既，仲有自製烏龍茶包、黑糖薑母茶沖包，入去買唔洗特登走去台灣買手信啦🤣

要去家樂坊買東西，不過鋪頭12:00才開門。於是到附近的廣華街吃過早飯。疫情下，廣華街食肆的生意都非常一般，除了阿木和對面的咖啡店。此阿木並非要買GTR的阿木，而是賣台灣麵食和便當的。疫情下相信會有一段時間未能去台北旅遊，吃個台灣菜一慰相思之苦也是唯一選擇。太太點了牛肉麵，自己點了麻辣牛肉麵。牛肉麵湯底濃厚，好喝。麵條有咬口，牛肉應該是牛𦟌，切得頗厚，肉味香濃而且鬆化，十分好吃。不過最得我心的是麻辣牛肉麵的湯底。麻是主體，加上少辣，即使是怕辣之人亦應該”頂得住”。大熱天時，亦不會吃得汗流浹背，抵讚。我一直很怕過辣的食物，因為太霸道的辣會遮蓋食材本身的滋味。阿木的作品，少少辣多多麻，正是心中一直追求的美味。埋單每人50多元，還可以FF一下自己到了忠孝東路走了九遍，實在值得再光顧。

#支持良心餐廳紅燒牛肉麵$65 （+$3 轉粗手工關廟麵）終於有日唔洗排隊因為自己去毒食😍牛𦟌真係大大塊 依個厚度都做到咁淋軟 筋同肉嘅比例好完美 係我覺得好好食嘅牛𦟌至於湯底我覺得偏淡麵就本身想彈牙所以試下加$3 但其實都係無咩咬口🤣 可以唔加可惜我係麵控>牛控 不然一定會好很中意呢間

呢間台灣小店喺OpenRice 咁高評價，難得經過又唔駛排隊，就入去幫襯一下😌疫情期間，竟然要同人搭檯，仲要好逼，感覺真係有啲唔係咁好，不過，都無計🙁嚟到呢度，梗係要試吓人人都激讚嘅紅燒牛肉麵😊⋯⋯先試個湯，食唔出果陣古早味，亦都形容唔到係咩味，麵係幼麵嚟，林到好似浸左好耐咁，口感似係overcook 嘅公仔麵咁☹️⋯⋯牛肉嚟講真係好重份量，但無乜味，真係好失望仲有叫咗份肉燥豆苗，份量好細，原來係「清水」烚完，加大概一匙羹肉燥落去，如果唔係浸一浸碗麵啲湯，真係連味都冇，咁就收我三十幾☹️最後係叫咗杯凍黑糖珍珠奶茶，可以佢個茶底實在太熱，嚟到一飲落去，只係覺得係一杯溶晒冰，室溫嘅嘢飲，無茶味，但啲糖就gel住哂條喉嚨咁☹️

早排同朋友約出嚟食飯，其中一個朋友話佢食過阿木覺得好好食，特別佢的辣椒醬，仲買左返去食，所以佢都推薦我地食呢間餐廳，不過阿木都多人排隊，大家要有少少耐性先可以食到，其實都好快，因為大家都好禮讓，食完就會騰出位置比其他食客。係排隊等候期間，可以選擇定食咩，我揀左一個鹽酥雞滷肉飯便當加黑糖珍珠奶綠四季春，鹽酥雞份量都唔少，而且便當會配以一些配菜，例如有滷水蛋、酸菜，同仲生根?!但係好入味，甜甜地，有啲似甜酸齋個種。飲品方面，因為黑糖只可以微糖，無得走甜，無都唔會話太甜，可以放心，珍珠煙煙韌韌，又唔會太甜，所以我覺得幾好飲。另一個fd就同我一樣叫鹽酥雞，另外一個叫牛肉麵，叫便當同牛肉麵都可以用半價飲嘢，所以都幾抵食，埋單3個人都係219蚊，但味道絕不遜色。以下評分以5⭐️為滿分⭐️⭐️⭐️⭐️

.估唔到要排長龍，不過唔緊要好味道係值得等下嘅😌。店舖空間唔算大，因為疫情關係，每枱都有膠板分隔。.叫左紅燒牛肉麵 🍜、鹽酥雞🐔同一杯粒粒鳳梨紅茶🍹，就算坐滿客人上菜速度都幾快，服務超親切👍。.紅燒牛肉麵🍜，🐮牛肉厚身又稔一D 都唔韌，超級驚喜。麵條食落有湯汁甜味，份量十足好大碗👍👍，我地兩個人Share 食都食到飽飽。.最掛住台灣嘅鹽酥雞🐔，所以點嚟試下，冇厚厚嘅炸粉反而係外層金黃色酥脆，內層係啖啖結實嘅雞肉，咸咸地香脆鹽酥雞好惹味！！飲埋粒粒鳳梨🍍紅茶🍹，我掛住嘅台灣風味返哂嚟🤗。.家下仲有台灣特產賣，冷泡茶🍵（水蜜桃烏龍味）$38、台灣黑糖磚（冲泡飲料）$88，買返屋企沖杯飲都唔錯呀👍👍。.好味指數：😋😋😋😋4/5推介指數：😋😋😋😋😋5/5抵食指數：😋😋😋😋4/5.🍽 阿木台灣麵 (旺角)📍 旺角廣華街8號地舖

心思思掛住台灣菜，終於嚟咗呢間阿木台灣麵啦未到已經見到超多人喺店外排隊，雖然天氣熱我哋排咗好耐，但絕對食物質素值得㗎！好彩雖然人龍長，但都好快就有位叫咗兩個lunch set加一個蛋餅台灣腸肉燥飯+鹽酥雞肉燥飯：肉燥好好食😋不過份量就比較少 唔夠喉呀希望多返啲肉燥啦！啲拌菜小菜都唔錯 幾開胃架肉鬆蛋餅：我超鍾意❤️個蛋皮厚身有咬口又彈牙，加埋啲肉鬆好鬆化入味隨餐有嘢飲，我當然叫返杯珍珠奶茶啦！奶茶有茶味，珍珠嚼口，絕對唔錯！之後念念不忘呢間台灣菜，我仲特登外賣幫襯埋添不過都係堂食好食過外賣啦🤣等幾耐都抵吖

有啲掛住台灣嘅嘢食，所以就嚟試下評價唔錯嘅阿木台灣麵，夜晚嚟食都比較多人，稍微排個隊等咗約莫20分鐘，排隊嘅時候可睇定menu落定單，試咗紅燒牛肉麵(個麵食咗啖先影相🙃)、肉鬆蛋餅，份量十足，牛肉麵味道同台灣食嘅有啲比，蛋餅比較少食，但我覺得唔錯，可以翻兜。

阿木台灣麵好多朋友食過阿木台灣麵🍜🍜後， 都推介給我。趁今日喺附近順路，就來一窺究竟。天氣炎熱，但係門口前已有一條人龍，不過老闆娘會預先遞上餐牌，叫客人選餐，然後奔波店內安排座位，所以很快入座。看到餐牌有冷泡玫瑰烏龍，見到玫瑰🌹兩個字就選擇了😍，用上來自台灣嘅冷泡茶包，無冰無糖，清新解渴。台灣腸便當，配有肉燥飯，夾集蒜片嘅香腸，及配飯吃的台式前菜，額外再加個醬油豆苗，令到呢餐台灣午餐更為健康。一個人吃也感滋味窩心。

是日出左去旺角搵野食，近期疫情關係，台灣都冇得飛，惟有食住台灣野止下台灣癮。🙈鹽酥雞便當.雞表皮炸到金黃色好香口，入面雞肉仲幾嫩滑，肉燥既份量岩岩好，飯量偏多，仲跟埋小菜，所以感覺都幾多野食麻辣牛肉麵.唔算太辣又幾過癮，牛肉係角切，所以都幾厚身但唔算韌珍珠奶茶.跟餐有埋呢個一般般啦，茶味唔算香濃***排隊既人真係好多，真係要早小小去等位。另外，鐘意多肉燥既朋友仲可以叫店員幫你追加架，唔使怕尷尬，佢地會好主動問你Tim😋

前幾天獨自去旺角買墨，之後想在附近食午餐再回家，但怕自己一個人去餐廳食尷尬，最後選了這間台式小店☺️當日有不少人排隊食午餐，等到我也有點肚餓，最後叫了主食、小食和飲料🥤在等候期間，看到店外有不少文宣可以售賣，還有自家製麻辣醬，所以就算唔係食這間餐廳都可以買☺️——————————🔹紅燒牛肉麵 $65本身很想試試紅燒牛肉麵，因為聽店家說他們的麵條是每天手工製作，應該會很彈牙！果然這裏的麵條很特別，彈牙掛湯，就算食慢少少，仍維持彈牙的口感，不會爛爛的👍🏼還有份量超級多😂而牛肉是用上牛𦟌，每塊都切到勁厚身，煮到好軟腍入味😋 與其他台式餐廳比較，這間真的良心食店👍🏼之後食到一半，我再加入他們自家炒製的麻辣醬（標榜無添加味精）辣醬中看到有些蝦仔，味道鮮而甜，也不算辣，混合牛肉湯汁一起食，惹味非常👍🏼👍🏼-🔸家傳鹽酥肉 $39鹽酥雞就食得多，但鹽酥肉好像沒有食過😂這個是用豬肉製成，炸粉很脆很酥，裏面豬肉超軟腍，還食到一些肉汁，真的不錯👍🏼👍🏼👍🏼-🔹黑糖珍珠鮮奶 $17這杯黑糖珍珠鮮奶，味道也不錯😋珍珠很Q，有咬口，鮮奶香滑配上淡淡黑糖味，好飲😚

超級黃店位於旺角廣華道(近醫院)既台式麵店..好多人排隊!為左大家快D有得食,來自台灣既店長會先給排隊中既我們揀野食..一有位坐就比紙職員,好快有得食...我叫左招牌菜既蕃茄牛肉牛筋麵($69)大大碗,又夠料!無味精炸排骨($38)大大塊炸排骨,唔算真係好油..啖啖肉...超正黑糖珍珠奶茶 ($16)點少得台灣特產珍惜奶茶..唔洗講...一定係好飲而且佢地係非常愛港,有好多有關香港加油既產品,我覺得佢地好有愛..好多款式,產品,擺設...總有一樣岩你心水

今日突然好懷念台灣味道嘅鹽酥雞，聽聞阿木台灣麵是由台灣人開的，夠晒正宗，一於拉埋孖寶爸去試試。佢係旺角超級有人氣，大家要有要排隊的心理準備。我們9時到達人龍還很長，等候時間大概30分鐘，還可以接受吧!係排隊嘅時候，店員會先給你餐牌點菜，咁就可以慳番啲時間啦~家傅紅燒牛肉牛筋麵 $69紅燒牛肉麵係呢度嘅招牌菜，牛肉夠淋，又入味，而牛筋好容易咬開，而且勁膠質，啱晒鍾意美顏嘅女士們。麵條以高根麵粉每日手工製作，好彈牙。湯底濃郁配搭酸菜好開胃，我仲加左佢自家炒製的麻辣醬，唔會太辣但好有麻辣風味，我好鐘意，超推介!鹽酥雞 $38皮脆雞肉鬆軟，加埋自制鹽酥雞調味粉就perfect喇! 吃出台灣的味道~台灣小香腸 $29香腸好有台灣風味，配搭蒜片好夾!芝士岩鹽奶蓋四季春青茶 $38睇個名已覺得好好飲，其實真係好飲架，奶蓋好有濃郁芝士味，混合青茶一起喝啱啱好，好味又涼快~好欣賞老闆用心製作各式各樣的台灣菜式，而且價錢合理，食得好開心。超推介自家製麻辣醬，無味精無添加，另外仲有自家製菜圃、小黃瓜、調味粉，可以買返去係屋企都食到台灣味道~

疫情無得去台灣玩，只好揾台灣嘢食頂住檔先^_^1)紅燒牛筋牛肉麵，牛筋好淋好滑，牛肉味濃，麵條好彈呀，湯頭好好味牛味十足😋2)鹽酥雞，外脆內多汁juicy3)肉燥豆苗，台灣肉燥飯好出名了，今次用肉燥配上好嫩嘅白灼豆苗，好正呀，唔係小食我覺得真係可以做個餸呀👍🏻4)粒粒白桃四季春茶，桃🍑香撲鼻，感覺好幸福喔❤️❤️❤️🌟依度嘅麻辣醬真係無得頂呀，好香，小小麻辣而不會太過火，用嚟送麵又得，我即刻諗到在屋企打邊爐用嚟做調味料嘅首選呀🥳🥳🥳🥳佢哋重有不同嘅調味料，冷泡茶包等等，真正的台灣味道帶回家喔👏🏻👏🏻👏🏻