阿木台灣麵 (廣華街) (已結業)

記得好耐之前，阿木岩岩開鋪果陣食過一次，唔係好得，之後就無再食過。最近成日聽朋友話阿木好好食！心諗，唔係掛？不過，比多次機會佢，真係好食咗好多。【台灣小香腸】無得輸之作，一定係一片蒜一片腸，好台呀，i miss taiwan!!!!【鹽酥雞】都幾大碟，件件都好大舊，唔會係碎濕濕既炸粉，而且雞肉都好嫩，唔乾，外脆內軟，nice!【芝士肉鬆蛋餅】完全係台灣既味道！！勁足料，做到拉絲既效果，而且佢地用既係台式果種好碎既肉鬆，特別台！【芝士玉米蛋餅】呢張睇得仲清楚，勁多芝士！有堆玉米既清甜，超fresh。【炸豬扒便當之炸豬扒】炸得好香脆，唔乾，有少少肉汁，幾好味！【蕃茄牛肉麵】無食到，no comment。食到尾聲既時候，店員仲叫我地like一like佢地既社交平台page，送咗本勁黃既月曆比我地！真係好開心呀！！！總結，我成日都話，好味係良知，有d黃店質素真係好參差，但阿木真係有好食咗，有進步，值得一試，排一陣隊，無所謂啦！