阿拉廚房 (已結業)

尋晚同女友食，食左下列食物：蒜香蝦－好食～好香蒜味！隻蝦又大隻，有六隻咁多，七十幾八十蚊都算做抵食喇！好食到連蝦殼都食埋．小籠包－都好食，d汁o係個飽入面"朗朗"下，係夠熱，可以一試．排骨湯麵－OK啦，佢既作用只係填飽個肚．值得一贊既係佢地既服務，我地食左六隻蝦，佢就換左兩次碟，個碟係唔會有好多蝦殼（蝦頭既殼太硬，食唔到）留o係度既．

走出青衣地鐵站,第一間見到,就是阿拉廚房,又一次証明食肆的位置很重要。醉雞不醉,雖然不是黃毛雞,還好也不肥。戈巴湯香而不油,真的弄得不錯,值得推薦。雙菇炒冷麵雖然是普通菜式,但味道不錯,惟一美中不足是油太多。特別一提的是臭豆腐,雖然本人都愛食,但真的非常臭...我沒有點,是對面那一桌點的...

昨晚慶祝朋友生日，一行九男女去食，都好旺場o下。都okay，食物好重醋味，最好味都係六和菜裡面的雜菌小菜同甜品—高力芒果奶黃，好得。小籠包同粉皮都不俗。但Services只係一般。恒生卡有九五折。

口水鷄不辣, 冷面的汁只是普通花生醬, 墨魚片的味道及質感就好似方包, 淡而無味, 三鮮鍋貼又話是海鮮餡, 食時只得豬肉, 個香葉燜肉, 1/2是肥肉, 唯獨最好是他們的八寶茶

五個大人一個小孩晚飯共點了:蒸及炸銀絲卷小籠包炒拉面黑醋排骨醉雞(太多酒, 雞味道不好)鎮江餚肉(份量小)三絲炒菇香酥鴨(好好味)$435

阿湯由英國回來, 想回流開檔, 約了開了一個大檔的舊同事羅文和他談心. 羅文突然要到青衣睇症, 要靜局有服務食物見得吓人-- 所以選擇了青衣城的阿拉廚房.去到看到要等位, 慶幸自己仆了枱(喂! 今天是星期一!). 羅文來到說從前都想來, 但讓外面的等位長龍嚇窒. 我肚子裡暗暗稱讚自己料事如神, 開心了一分鐘. 時間巳經過了八時, 帶位姐姐讓我挑了卡位,又開心多三十秒.油炆筍,醉鷄, 担担麵(加辣吖唔該), 蛋白蝦仁炒飯, 炸蝦, 小籠包叫在倫敦住了十八年的湯說好味. 個人意見, 炸銀絲卷不好吃(其實我想要炸熳頭, 但不知為何落單哥哥卻說:要銀絲卷吓嘛? 我又說了是...), 宫保鷄丁是極之揾笨, 邊有宫保鷄丁花生多過鷄丁架? 高力豆沙很難做得不好吃, 可是就是這裡例外, 但我還是吃了三個. 阿湯一個也不肯吃, 羅文吃了兩個.服務殷勤, 我們的加一只是三十八元, 但待應哥哥姐姐巳經幫我們換了三次碟, 添了一次水, 我眼尾掃了一下電腦單就讓哥哥知道我嫌鷄丁遲到, 雖然鷄丁最後還是遲大到, 但又有咩所謂吖?好彩我有恒生咭, 有八五折, 埋單讓我爭贏. 泊車又有兩小時免費. 感覺於是十分良好.

為了遷就細妹，提早同媽媽慶祝母親節，地點當然由母親話事。原來最近一次o黎係兩年前的事。雖然有幾款套餐選擇，媽媽唔多喜歡，又係主角話事。黑醋排骨是每次指定動作，我同媽媽十分喜歡，醋味調教得好好，永無失手。雖然有黑醋排骨，我都想試下呢度D咕嚕肉，原來係好好好難食，甜酸味唔夠不在講，肉係又實又乾又" 鞋" ，仲有陣油" 益" 味，我只勉強食了兩三件。咸肉津白-用了娃娃菜，比用傳統的津白，來得爽口。擔擔面-湯底要了大辣，真係得個辣字，唔夠香，而麵身亦比較腍。上海炒麵-配料不少，味道當然不及傳統的上海舖。南瓜蝦米肉末薄餅-即是係酒樓食的煎薄，食唔出有南瓜，蝦米味就好香，煎得好脆口，不過好多油。小籠包的皮好厚，反而鍾意素菜包多D，因為皮薄又軟熟，最緊要係夠多菜。甜品係高力豆沙，糖粉是另上，隨個人喜好要多或少。雖然夠熱，皮亦較厚、唔夠鬆化。恆生咭有95折，6個人都係食了$440，好抵。不過母親節正日，又再要同媽媽食多餐。

佛旦果日同老公在青衣城找食, 行晒咁多間食肆,都係呢度經濟一點, 係迫一些, 食完咪走囉, 本來入去時係見個二人餐都幾平同多choice, 但一坐落又簡唔上, 所以都係叫散, 叫了一個紅油抄手, 老水拼盤, 三杯雞, 一個菜飯, 個抄手同出面差不多, 老水都OK , 三杯雞好濃味, 撈飯好正, 仲可以加8 蚊有果花茶飲, 可以再叫佢加熱水, 埋單百五多, 都好平

平時係青衣城行過，都見到阿拉廚房好多人等位食晚飯，終於有一日黎哩度食喇，之前已經book左位，但係去到都要等二十分鐘先有位，真係好多人喎！我地叫左個小籠包、黑醋排骨、鎮江餚肉同臭豆腐，小籠包都算好味，咬開裡面真係有湯流出黎0架，湯都好鮮味。黑醋排骨真係膩，最好都係送飯食。鎮江餚肉就唔錯呀，半肥廋咁，哩個冷盤做到舊肉好似哩咁，食落都幾得意。臭豆腐就真係唔覺得佢臭喇，不過就好香口，都幾好，但係都係覺得街邊個d臭豆腐好味d！環境真係唔錯呀，坐得好舒服，侍應生態度都好好，整體黎講真係唔錯！！

味道都唔錯.服務就一般啦.o的侍應一係扮忘,一係黑口黑面,仲有响度睇表,好似吹你走咁.

今晚2個人6:45pm已經去到, 可能時間尚早, 冇人等, 直入.2個人叫o左3樣野, 1)油炆竹筍- 味道都唔錯;2)黑醋松子桂花- 雖然要等o左一陣, 味道真係唔錯, 下次有機會再試;3) 蔥爆牛肉- 味道一般, 下次可以試其他;基本上服務都滿意, 今晚呢餐都滿足;可以一試既餐廳.

lunch同朋友來食, 叫左小籠包, 排骨拉麵, 家鄉餅同埋炒時菜, 唔錯, 尤其個拉麵, 幾好味, 至卡小籠包我覺得塊皮厚左d, 雖然厚但好易穿, 一籠有5 粒, 得2粒無穿啦, 而包入面的湯唔錯, 但由於皮易穿的關係, 未能真正品嚐湯o既味道啦.服務方便幾理想, 食完一碟野食時, 侍應好快收拾, 而且幾禮貌啦.4竇茶都幾好味.

呢間唔錯架真係．．ｏ係青衣城入而真係最好架啦．．入面既環境唔錯．．都幾有ｆｅｅｌ！ｄ野食好好．．豆腐羹．．好鮮味！好好味．．生煎包．．好好味．．我鍾意～小籠包．．好鮮．．有好多上湯．．正！上海粗炒．．夠鑊氣．．唔錯！ｄ人既服務態度都唔錯．．幾好人．．成日斟茶．．講野好有禮貌！

公司同事一行八個人去探完manger灝景灣新居，之後連同佢兩夫婦一齊去阿拉廚房食飯~ 間餐廳環境幾好，我最鍾意個大燈籠~ 我班同事好大食架(咁我都係;p)，所以9個女仕一個男仕都叫左好多野食：醉雞-開胃冷菜，okay~銀絲卷x2-一炸一蒸，for replacement of白飯~ 食落有少少甜味，其實個人認為銀絲卷淡而無味先至最好食~小籠包x2-湯汁幾好但皮比較厚，所以都冇乜漏汁o既情況出現~ 不過亦都因為咁，滋味扣左d分~紅油抄手-係我最鍾意o既點心類，因為好多紅油，夠哂辣~ 同事怕辣，搞到我食左兩隻tim~ ;p酸辣湯x3-由於portion比較細，所以要x3~ 好多湯料，連鮮蝦仁都有，但湯煮得唔夠杰唔夠濃味，所以都係一般~賽螃蟹-我心愛o既菜式，水準okay，meet expectation但唔會令人驚喜~黑醋松子桂魚-d醬汁好怪囉，魚又唔夠滑，令人跌眼鏡o既一道菜...椒鹽蝦-酥炸大蝦(因為d蝦太大隻，唔係每個人都分到)，非常香口好味，best dish for whole night~ 炒年糕-普通菜式普通味道~什錦鍋巴-幾大碟湯料&鍋巴，不過味道只係一般，都食唔哂~最後

星期五晚八點幾黎到都仲好多人,好彩朋友早左黎等位~兩個人,叫左炸醬拌麵、素菜包同咸肉百頁小棠菜,另加一杯薏米水. 拌麵麵質林左少少,醬汁亦太甜,只係一般. 小棠菜有咸肉同煮,夠晒惹味,份量唔少都比我地掃光. 素菜包餡料好足,菜唔會切得過份幼細,口感唔錯,幾有水準,如果包身再鬆軟少少就更好,同埋一籠五個實在太多,三個會適合一點. 薏米水則仍然咁清甜美味.唔知係咪人多關係,菜上得實在快,收碟效率亦相當高,不期然令人覺得有少少壓力,除此之外服務都算唔錯,侍應亦很醒目. 始終青衣城有水準既食肆真係冇乜,所以縱然呢度食物唔算好好,但總算穏定,所以開左咁耐生意都係咁好