阿拉廚房 (已結業)

其實我唔係食阿拉廚房, 我係食左世貿0個間阿拉麵館. 唯有借小小板位comment一下. 早幾日約左男朋友食lunch, 之前都想食, 但係好鬼多人等位. 0個日12點半去到, 好在唔駛點等. 2個人要左一個麻辣牛肉麵. 都幾大碗下. 個湯個樣都幾嚇人, 好橙色, 好似好辣咁. 但係食落都ok, 好似擔擔麵咁. 小小辣. 而且d麵都好彈牙下. 不過d牛肉就唔係好得, 佢唔係放0係麵度, 而係分開上, 凍冰冰0既. 唔係好match. 醉雞, 好好食, 好香酒味, 好正. 佢係用一個杯仔載住, 咁細個估唔到可以載咁多. 毛菜炒三菇. 原本毛菜係白菜仔, 呢個都幾好食. d味都幾濃. 清真牛肉餅, 好熱辣辣, 都幾多肉汁. 但係好似有d類似榨菜0既物體, 唔係唔好, 不過怪左d. 都係九龍城0既好食d. overall呢度都唔錯, 不論食物同服務, 但小菜就貴左dd. 值得一提係service, 我見到侍應好主動扶左一對上左年紀0既夫婦行, 因為前面有梯級, 好細心.

見上次都幾抵食，又坐得幾舒服，再o黎幫襯多次~~今次冇得送前菜；侍應話原來呢個係十一國慶優惠，過o左果個星期就冇得送，失望！今次試多o左幾樣o野，分別係$80沙窩雲吞雞，$35白切肉粉皮，$30五隻小籠飽，同$45高力芒果奶皇。最唔掂係白切肉粉皮，白肉太硬，醬汁又唔好味，差！小籠飽都合格，起碼好食過呢度個蟹粉魚肉小籠飽多多聲。沙窩雲吞雞個湯都唔錯，似乎冇落味精而又夠味，份量又夠大，都幾抵食。最impressed係個甜品高力芒果奶皇，估唔到D味咁夾，食落口好香，又冇豆沙餡咁滯，正！相中就係高力芒果奶皇。

首先update番D資料先；呢度個電話係：2186-7733，唔該Openrice改番佢o丫，thanks！叫o左一碟$55醉雞，$30蒸素餃，$55蟹粉魚肉小籠飽(5隻)，$25擔擔麵同$30豆沙窩餅，另加一小碟送o既油炆竹筍做前菜。醉雞冇乜酒味，不過雞肉總算嫩滑。個蟹粉魚肉小籠飽就認真麻麻，賣相唔似小籠飽之餘，完全食唔到蟹粉味，皮厚而餡唔香，真係幾差。好在擔擔麵D醬好香，麵也煙韌，唔錯o播；素餃，豆沙窩餅同送果碟竹筍味道都過得去。呢度最特別其實係個環境，靚靚o既裝修，加埋D好似雀籠咁o既燈飾，環境唔錯。當晚所見，D侍應成日騰來騰去：「恭祝你福壽與天齊...」嘻，原來呢度會好似D美式餐廳咁叫一班侍應同客人唱生日歌慶祝，都幾攪鬼！埋單連茶錢加一$221，唔屈客人俾芥醬前菜錢，又幾抵食o播！

我都係去過兩次，但我覺得兩次既水準相差都幾大。第一次去就樣樣都幾好食，以牛肉麵最正；但第二次去就麻麻地，毛蟹炒年糕好咸，但牛肉麵就非常淡，比起第一次既差好遠!希望質素可以keep得好d。

第二次來食，服務態度依然咁好，好有禮貌、招呼周到。除了食番上次幾款小菜外，仲叫了幾樣新野，燻魚、雪菜肉絲炒年榚、哈唎蒸蛋、家常餅、黑醋排骨等。都唔錯喎，可惜廚師重手o左，每碟都比上次咸o左d。

以下食評是本人的朋友的飯後感:到青衣的阿拉廚房吃飯, 原本的泰國菜館已不知所......改過的裝修, 感覺此舖位大了, 牆身粉飾得有懷舊古典的感覺, 優雅的氣質, 卻又不失時代感, 幾個紅紅橙橙的燈籠,很有"大紅燈籠高高掛"的味道, 但又另有一番風格,單是"食裝修"已值回票價侍應很有禮貌, 主動的加茶, 忙忙碌碌的, 也不會當你透明.點了食物後, 在等待的過程中嗅到了很香的味道, 有點熟悉的, 懷念的感覺, 四處張望, 原來是莞茜蛋花湯, 莞茜不是容易弄得好的, 有如此香味,實是難得. 打開茶壺蓋, 內裡有紅棗, 雖然較淡口, 但也難得,好給我們四女子補補身.薏米竹蔗水較淡, 飲管如更換為粗飲管, 可以吸食薏米更好(本人愛吃薏米).酸辣湯真的很辣, 酸味欠奉, 味道未能與交融.擔擔麵很香的麻醬味, 配合條. 感覺很香口爽滑.久違了的最愛: 花素蒸餃, 味道不及已結業的豐澤樓, 但也不錯,皮略為厚, 但有菜香. 脆皮素有很香的菇味. 杏仁豆腐花太淡了,吃時的味道像隔了一重似的四個女子吃得捧著肚子, 每人也不過七十多元, 化算. 最好是吃後不太口乾, 證明味精不是太重.

見到咁多人咪入去食囉,好有個時6點幾早唔駛排隊入去咋,要我排隊食我寧願食麥記者!!當晚我兩個人叫左一個$85但名不副實既蟹粉獅子頭,其實只係兩個大個肉球,完全食唔到有蟹肉,連蟹味都無呀!!個上海粗炒又無味!咸肉豆腐湯只得個咸字,無肉味!個臭豆腐唔臭,好似只係食緊炸豆腐咁,又細碟!!仲有呀,一入去佢會有一壺要收錢既四寶茶,雖然只係$3位,但無事同你講明,一坐低會塞比你,咁同搶無咩分別,都唔明點解會日日有咁多人排幾個鐘等食d咁差既野!!

今次係我第二次去, 上次去完真係唔係好得, 但之後聽到我朋友話好好食, 叫我點第二d野食, 好, 咁就試下啦....點知...都係失望.... 叫左燉雞煨面...淡而無味...同上次個老火鴨湯一樣, d面又唔係特別好食...林bat bat咁... 另外叫左個鮮茄蝦仁鍋鈀, 因為實在想食鍋鈀好耐, 點知, 只係一dou茄汁蝦同埋一碟暴暴飯焦...無乜特別...最衰既係佢D蝦係好唔新鮮...唉... 最後叫左個高力芒果奶黃, 呢個係唯一幾好食既一個, 咬落去好特別, 好較, 裡面有奶黃同芒果, 不過奶黄唔夠香..

同媽咪黎食lunch,可能係平日,唔駛等就有位啦幾鍾意呢度d裝修,連d碗碟既顏色都襯番,好靚!如果坐梳化或卡位我諗都幾舒服,好可惜我地今次坐唔到講番食物,都係一般上海野,冇咩特別,我地兩個人叫左素菜飽,窩貼,麻辣雞絲同擔擔麵. 個麻辣雞絲其實即係雞絲粉皮,都幾好味,最難得係d粉皮夠凍嘛.其他就ok啦,唔係特別出色,我會覺得翡翠好食d,尤其係個擔擔麵,真係立見高下兩個人食左百幾蚊,總覺得?價錢食物路線同翡翠好似,純講食物一定揀翡翠,但佢就比翡翠好坐好多,青衣城選擇唔多,都有下次既

我每次經過都見到十分虛"hom", 終於今日忍唔住走去試下, 等左2個鐘(之前無book檯),三個人,叫左上海炒年糕, 唔知乜乜老火鴨湯,賽螃蟹, 炒蝦球同八珍飯(甜品)....總括黎講, d野全部都無落味精(佢話), 除左個炒蝦球之外樣樣都好淡....唯獨個八珍飯係甜味適中, 煎得幾香...除此之外...都無乜等別好食...找數成$366....好...好...貴! 仲以為有幾好食...但不可不讚係d服務態度, 真係幾周到.

呢度好旺場，已訂位都要等一輪至可以入坐。總括來說食物不過不失，是介乎正宗的如老正興和平民的如一品香中間，走年輕路線，坦白講對我們這些死硬派而言就不大討好。好像烤肉夠味但唔夠肥，食起上來就無咁過"引"；臭豆腐唔太夠臭，似炸豆腐多少少，不過香港又有幾多人知何謂正宗臭豆腐呢？可幸價錢都唔算太貴，不過又係果句：一試無妨，但要排大隊就米搞。

雖則D服務態度都好好, 但出菜真係出得好慢,唔怪得之出面排晒長龍啦! 一碗麵都要等成粒鐘...成餐飯叫乜都要等大半粒鐘,就連前菜都會慢過主菜, 成餐叫乜吹乜..唉,以後都唔會去架喇...費事無啖好食...

上菜很慢, 菜色味道一般, 倒是裝修頗特別.

第二次同朋友o黎食, 叫左酸辣麵同上海炒年糕,酸辣麵好夠味,而且幾大碗, 上海炒年糕最好多幾個人share 食, 因為一個人食太飽o勒~ p.s. 老闆Jody 都落手落腳帶位喎~

原來同天與地一個老世，唔怪得的格局的d類似。都未到六點半門口已經企滿人，幸好訂o左坐，如何唔係要等到9點幾先有得食。環境好坐位闊落，唔會有局促覺，服務一流可媲美五星級酒店。佢d碟頭唔大，我o地四個人叫了11碟「食送」，冷盤有油蚊荀、辣白菜卷、烤夫、海節蘿蔔熱盤有雲吞雞、三菇雞毛菜、上海粗炒、蔥泡羊肉點心：小籠包、蒸素菜包、豆沙餅本人覺得以上咁多款都好食，可以再試多幾次。