阿拉廚房 (已結業)

日期：2004.08.10時間：18:30~19:15人數：2個人食物：a. 鮮魚羹（$58/份，另加一）b. 三絲冷麵（$48/份，另加一）c. 臭豆腐（$25/份，另加一）d. 麻辣雞絲粉皮（$35/份，另加一）e. 四寶茶（$3/位，另加一）價錢：連加一，合共$190評語：a. 鮮魚羹：是以滑滑的新鮮魚肉、蛋白、大量莞茜，配以上湯煮成，色香味俱全，好食！可惜，落得太重調味料，1小時之後，口渴得很！b. 三絲冷麵：有青瓜絲、洋火腿絲、雞絲、芽菜、中式冷麵，配以芝麻醬進食，理應係一道好好味的涼菜。可惜，中式冷麵超級硬，難以下嚥！若果食埋D 麵，肯定胃痛！結果，我們只吃了冷麵上的三絲而已，剩下麵條，好浪費！c. 臭豆腐：論「臭」，這兒的臭豆腐唔算「臭」。論色澤和味道，這兒的臭豆腐真不錯。相信，負責「炸鍋」的那位師傅的功夫挺佳，火喉剛好，而且不油膩。那位師傅的「炸功」，值得一讚！d. 麻辣雞絲粉皮：有白切雞胸肉，和超級爽滑的粉皮。配以濃稠度剛好的芝麻醬，此乃合格之作！e. 四寶茶：茶膽裡有桂圓、紅棗、杞子、茶，飲慣濃茶的我，略嫌唔夠味道，但同行的家母卻說「味道剛好」。算是「各有口味」！註

今日係到試下個$42set lunch,包括一小碟,一湯,一主菜,一碗飯,四寶茶,相比晚飯既價錢都算抵。一小碟係酸青瓜,紅白羅卜,得意開胃。芫茜皮蛋湯,好味啊~兩個主菜要左黑醋排骨同埋時菜獅子頭。黑醋排骨肉質好嫩,外層仲脆脆地,好味道。但時菜獅子頭真係十分十分之普通,調味唔掂,小棠菜又老。另外叫左個冷盆,辣椒皮蛋,一般人一定會覺得好普通啦,但我鍾意食皮蛋,d汁又好特別,辣辣地甜甜地,但貴貴啊,$30得少少。

鬼叫阿媽住依頭，食過都唔記得幾多次，真係食到有d悶，d菜式又唔轉，沒有新意，而且水準有下降足跡象，好似每況愈下。不過開張至今日日旺場，星期二個日去食，book 左坐都要限時間食。黑醋松子桂魚-黑醋汁雖好味，但魚的肉質怪怪地，好實，口感完全唔似魚，燻魚- d汁過甜。雞骨醬-同普通炆雞一樣味道，沒有特別，而且略咸。京燒羊肉配個d薄餅，完全唔熱，凍冰冰的。油炆荀、上海粗炒同清炒時菜就一般，只有素菜包keep住水準。

一間聞明不如見面既新派上海菜館。食完評價:虛有其表，明過其實!價錢貴而且食物超細碟!而且限制每?食野時間為2小時!首先講下個上海粗炒，差唔多成60元，但份量可以話一個人食都唔會夠飽，跟住d小籠飽差唔多成10元一隻.....但好一般喎....最後試左個最出名既甜品:芒果高力豆沙，真係........有甜又酸........難以形容既味道!諗極都唔明間野點解會咁受歡迎...環境雖然好舒服...但.....真係又貴又唔好食.....

女友生日，所以決定去阿拉廚房食飯。因為她鐘意食妙奶黃既食物，所以專誠去一去試佢出名的高力芒果奶黃。味道ok, 但奶黃未淡，芒果和奶黃好似唔夾。小籠包好，很多湯汁在裏面，我女友鐘意上海粗抄味道ok , 和其它店的不同，它的菜和肉放在麵的上面，所以賣相較好。酸辣麵的酸辣湯不夠酸和辣。唯麵質夠彈牙、驚喜是酸辣湯中有蝦。四寶茶幾特別，味道可以但茶中有紅(早)，應先向客人說明茶中成份、因為本人對紅(早) 有輕微不良反應。好彩菜中紅(早)成份少。侍應服務有禮，細心，說明要等十五分鐘才可上菜，和主動安排甜品在主菜後在上菜可惜知客黑口黑面，愛理不理的態度破壞整體表現。說歡迎光臨時像例行工事。

材料：炸黃魚，雪菜段，竹荀片煲成乳白色的熱湯價錢：$90可以一試：1。有整條炸黃魚上碟，可作飯，且肉質鮮甜，有胡椒辟腥2。熱湯的濃淡適中，最重要是夠熱，否則很容易變腥3。雪菜與竹荀皆有咬勁可惜，雪菜煲過後味同嚼蠟，應該在湯上再灑上新鮮雪菜

十分值得捧場！因為：1。好好味，甜度剛剛好，不會食一個便感飽滯2。夠芒果味，水果香味中和了砂糖的甜膩3。夠熱，充份發揮其香味4。$45 六大個，抵食不過：1。奶黃味不足2。料容易流出，令閣下食相難看

前兩晚同妹妹黎食飯，佢先黎攞位，我七點到出面已經有條小人龍啦食左我最愛既雪菜蝦仁拌麵，仍然好味，上海春卷今次油左少少，但都ok，蒸九菜餃既餡就味道唔錯，個皮就麻麻地，比較'削',呢度既煎餃會好味d. 妹妹等我既時候叫左杯竹蔗薏米水，我都飲左幾啖，意外地好好味，好清唔太甜，仲有我好喜歡既薏米，好有咬口本來已經夠飽，但妹妺話好想試下個芒果高力奶皇，六個賣$45，比一般豆沙餡既貴十幾蚊. 等左十零分鐘就到, 但味道就真係令人失望, 個奶皇餡好稀, 好似汁咁,一咬落去就飛濺出黎, 而且唔係好夠甜(我已經食得唔甜),又有陣假假地既芒果味(可能係芒果味essence),講真我就唔欣賞啦，都係試過就算侍應數目十分充足，服務ok，甚至有點過份殷勤，雖然把口話叫你慢慢食，但前後不下十次走黎幫你跟order及收碟等，難免令你感到有點pushy, 希望可以改善下啦~

去左食阿拉廚房<--係最高架好耐以前同yi(即係我gf)去過一次好好食呢間野又遲開又早收<--以前放學即趕去食即係3點幾啦都會一去到就last order =.= 今次早所以就有得去食啦要左醉雞, 醬爆肉絲, 小籠包, 匆油開洋麵, 清湯麵同阿拉豆糕... 醉雞算幾好食又夠凍但有dd鞋口同埋略嫌唔夠入味不過對yi呢d唔飲酒既就苦;醬爆肉絲呢d甘common野唔say啦;小籠包係個經理推薦既反正yi鍾意小籠包所以叫的確唔錯d汁都好好味但係我覺得佢包得唔夠實;匆油開洋麵我唔係太食匆不過一場黎到緊係要食d特別野架啦個湯好匆味下但幾特別同唔會話匆得好緊要麵身質地幾好;清湯麵又係一般野...麵同匆面一樣既;阿拉豆糕呢個係甜品上面係d豆同一pat甘幾煙un既仲有d紅豆同紅腰豆下面好似年糕呢個甜品係凍既但幾特別幾清好好食;呢度d茶幾特別有四種野架沖出黎d茶d味好得意幾好飲;不得不提呢間野d服務係我食過最好之一而且d人手腳好快又會自動跟單呢d真係幾好;埋單$130 呢度地方同d野食質素黎講仲食甘多野呢個價真係好平一定會再去呀

食過幾次，次次都會點醉雞，次次都有好好既水準。夠味，夠凍，份量剛剛好。其他食物味道都不錯，但有個類似杏仁南瓜圓子糖水就唔太值咁貴既價錢� ！

食過兩次...好好食...我最鍾意佢既酸辣湯,好好味...龍井蝦仁都好好食~唔錯~果度既環境都好好~好值得去食^^

三個人，食左上海春卷、生煎包、素菜餃同雪菜蝦仁拌麵，全部都幾好，特別係春卷，一啲都唔油，熱辣辣好香脆，個麵都好鍾意，雪菜非常新鮮惹味，好！以咁既裝修同唔錯既服務，算抵食

水煮牛肉好辣好好味,arm晒勁鍾意食辣ge人,麵好煙"un",最好ge係服務,非常有禮貌,四寶茶亦好香好好味.雖然價錢貴d,但份量好夠,一班人食ge話係一個好地方.

裝修幾靚，好中國式。例牌要食至愛既雞絲粉皮同小籠包，個雞絲粉皮唔同平時食果d，唔係麻醬，麻麻地，小籠包都幾好，紅油抄手、賽螃蟹、冷麵等等都ok，唔知點解好多京川滬鋪頭都冇雷沙湯圓，有既我一定要食，佢既雷沙湯圓比平時食既細粒，一啖一粒0岩0岩好，好好味，加上佢d服務好好，值得去試

佢地d小籠包($30/5隻)好大隻, 入面包住好多湯, 好味.見到好多人叫松子魚($85), 所以都叫o黎試下, 都唔錯, 但要食得酸至好. 雖然要收$3茶錢, 但係個四寶茶係幾香,幾好飲o架.值得一讚係個裝修, 中國味濃, 好舒服.2個人食o左4個菜, ~$220