阿拉廚房 (已結業)

首先update番D資料先；呢度個電話係：2186-7733，唔該Openrice改番佢o丫，thanks！叫o左一碟$55醉雞，$30蒸素餃，$55蟹粉魚肉小籠飽(5隻)，$25擔擔麵同$30豆沙窩餅，另加一小碟送o既油炆竹筍做前菜。醉雞冇乜酒味，不過雞肉總算嫩滑。個蟹粉魚肉小籠飽就認真麻麻，賣相唔似小籠飽之餘，完全食唔到蟹粉味，皮厚而餡唔香，真係幾差。好在擔擔麵D醬好香，麵也煙韌，唔錯o播；素餃，豆沙窩餅同送果碟竹筍味道都過得去。呢度最特別其實係個環境，靚靚o既裝修，加埋D好似雀籠咁o既燈飾，環境唔錯。當晚所見，D侍應成日騰來騰去：「恭祝你福壽與天齊...」嘻，原來呢度會好似D美式餐廳咁叫一班侍應同客人唱生日歌慶祝，都幾攪鬼！埋單連茶錢加一$221，唔屈客人俾芥醬前菜錢，又幾抵食o播！