阿土麵線 (已結業)

都已經食過好多次啦~~~第一次去你唔覺意行過就同男朋買個細既兩份..不台灣既咁"杰"不過味道一樣都係好香..2個食完過左馬路..異口同聲咁話:"wa~~有齒頰留香既feel wor"哈..因為真係成個口都有個陣香味係到,,非常唔錯..所以每次去旺角都會買番碗食~~到最近一次食,,見到d辣蘿蔔~~~好似都無試過..試下先..落左2粒..一食..wow.真係超辣呀..唔食得辣真係唔好落,,唔係就會好似我咁,,變左俾人話貪心同多手咖啦=.=

以前在台灣讀書時,宿舍附近有個麵線攤檔,是在街邊擺賣,一星期都食好幾次,是當做宵夜的,只售台幣10元,是否很便宜呢?那時侯,台灣的大腸麵線,是一大鍋的,材料包括大腸和蚵仔,都混在麵線內,當有人買時,便將麵線攪勻,然後放在透明塑膠袋內,賣給客人,大腸和蚵仔都幾多.現在知道旺角有阿土麵線,梗要去幫襯啦,其實食過幾次.覺得好味,食時又可以緬懷一吓過去的歲月,很懷念以前呀.麵線價錢分三種,標準$12,中碼$15,特大$18.價錢略貴,大腸切細粒咗,又俾很少,每次都要開口叫俾多啲大腸,人都是貪心的,好味的食物,都想要多啲.特大麵線$18 : 材料有麵線,大腸,芫茜碎,蒜泥.配料有辣蘿蔔,辣菜脯等,隨個人的嗜辣程度,自己放的.麵線幼長,軟滑,大腸好食,加上芫茜,蒜泥,好香,自己再加辣蘿蔔,辣蘿蔔好辣,但又好好味,你們睇,上面那碗麵線,有否辣到噴火的感覺?麵線的賣相不錯吧!想吃嗎?

聽朋友講過話呢間野幾好食又平, 行過就試下, 好多人排隊.麵線煮得好入味, 好好食. 就連大腸都唔硬入口就化, 不錯.有很多配料可以加入, 例如壕, 蝦, 魚等等. 份量也有三種.記得食呢間野的時候唔好貪心落咁多蘿蔔, 因為真係好辣.

因為剛剛去完台灣.. 所以好想試下呢間傳聞老闆專登去台灣學師既阿土麵線同台灣既阿宗麵線會有咩分別呢.. 食日就同男朋友你share左一個大既.. 結果.. 唔錯喎.. 其實唔應該叫唔錯.. 應該叫好好.. 味道幾相似.. 價錢方面.. 十二蚊一個標準size.. 中size十五.. 大既亦只需要十八.. 同台灣相比細既四十台幣.. (大約10蚊港幣).. 大既台幣五十五(大約14蚊港幣).. 係就係貴過台灣少少.. 但價錢亦算係好相宜.. 辣唔辣亦適隨尊便.. 除此之外呢度仲有冬瓜茶.. 台灣腸同其他美食.. 去唔到台灣既朋友如果想試下台灣麵線.. 呢間的確係幾好既選擇.. 但記住呢度同台灣一樣.. 無枱ka.. 就算佢問你堂食定外賣.. 堂食都只限於拎住個碗響門口食.. ^^

只聽鋪名, 就知是想沾在台灣聞名的「阿宗麵線」的光, 以前只賣一款大腸麵線, 除了特大號外, 還有份量少些的賣$15、$12。爸爸有時途經旺角, 都會買碗麵線回家, 今次見到這間鋪還多賣了些配菜,在麵線外, 可另加: 鮮蝦, 蟹肉, 元貝, 蜆肉,蚵仔(即蠔仔),台灣腸.....,最貴是$10, 老板很會做生意啊！這碗大腸麵線的味道當然比不上「阿宗麵線」, 但當想食吓台灣美食時, 都可以一吃,味道方面, 大腸(即豬大腸)不靱,但是這間鋪是先倒下麵線, 後加大腸在麵線上,大腸不像在台灣吃般入味,而湯底都有些木魚的味道, 如果嗜辣, 可以自己再加些辣蘿蔔。不過店員愈來愈孤寒, 以前會給2~3匙大腸, 爸爸說店員今次只肯給1匙大腸, 爸爸開聲要求多給些大腸, 有個好似高級些的店員就辯稱現在的大腸切得較大, 所以給少些。其實大腸又不是甚麼貴價食物,雖然好孤寒,但是好味,所以我仍然給笑臉.

食左兩次, 掂!!!我係台灣迷,年年都去一次, 當然亞宗係我必食既, 今年仲未去台灣, 見到有阿土, 上個sunday 同老公食左1st 次, 佢唔信會好食, 到佢食左第一口之後就對我笑一笑, 哈哈, 之後到我食喇, 我一個人食哂成碗。到今日,我11:45am 去到, 原來佢開12:30, 我o係M 記等等等, 等到開門喇, 哈, 一個人食左碗中既, $15, 真係好食, 85%似阿宗, 不過d 大腸就麻麻, 佢任我地落d 辣蘿蔔好勁, 落小小真係好辣, 不過我覺得$12 同$15 好似唔係好大分別, 下次食個$18先.係就係比台灣貴幾蚊, 不過ding 住d 隱嘛,冇計! 我估佢會係我未來呢幾個月既favourite!remarks: 我又唔覺得佢有味精wo, 我食味精會個身好熱, 我一食就知道wo....

最近多左出旺角，因為人窮要買平野，哈哈！行完新世紀就行返落旺角市中心，經過果時竟然比我見到！梗係要去試下喇！因為果時好熱，冇咩胃口，就同朋友ｓｈａｒｅ１個$12的，我未去過台灣，所以唔知台灣果ｄ係咩味，但去過台灣既朋友就話好味＄12其實都唔少，不過d大腸就少左d~未加果ｄ辣配菜時，我覺得個味都ｏｋ，不過佢地好似幾吸引，咁就貪得意落左，好辣呀真係，我係唔食得辣果ｄ人，不過有得咬下都ｏｋ既！原來ｄ麵線係咁既口感，完全唔似麵類，味道有ｄ似碗仔翅果種，個湯都幾結，味精就一定有喇，但唔係咸果種，食完之後都要即刻搵野飲！下次真係要台灣試下

去台灣我最鐘意食既兩樣野就係麵線同埋雪綿冰, 呢兩樣野都係我o係香港搵唔到既. 點知早排行下行下旺角竟然俾我見到開左呢間麵線, 仲要同台灣一樣大家買完就企係門口食, 不過當時我岩岩食完飯好飽所以無試.尋日我終於去左試啦, 食左 $15 中既, 加左 $3 豬肚, 一食落口簡直覺得同台灣既味道一模一樣!!! 不過就無台灣咁大碗同埋咁多料, D大腸又無咁爽, 同埋D麵線少左D, 不過味道真係一樣架, 鐘意食台灣麵線既人不妨去試下!!! (PS 我食完之後都覺得幾口渴, 我諗味精都唔少)不過千祈唔好加咁多辣菜脯呀, 真係好辣, 我係食得辣既人, 都辣到頭暈流鼻水! 我真係有理由相信佢同隔離間 happy lemon 有聯盟關係, 食左佢D辣配料真係唔買野飲都唔得.仲有如果大家去食既我建議唔駛加料, $6 加一個配料實在有D貴, 同埋只係得幾料, 仲有個D蝦肉蟹肉同麵線真係格格不入, 唔加抵D.By the way, 我最近都發現左鯉魚門有間雪綿冰, 等我有機會去試下!

上次去台灣, 台北, 齋食野都已夠晒過癮, 好多香港都冇, 麵絲係其中一款本港冇的東西.看完戲已十點半, 但為食的小肥豬行經這鋪, 又忍不住入去了.今晚試了標準的, 盛謂 $12. 柯仔係另外俾錢的, 因仍飽, 所以冇加; 下次必試!加了少少辣蘿蔔, 三隻辣椒的, 嘩, 真的勁辣, 大家別小看它!!!兩三粒已夠味!味道都好像台北果 d (我都係跟大隊食阿宗), 唯一不同係, 台北係一大兜煮的, 這裡麵絲和豬腸是分開煮, 之後才筆埋.可能是有些港人不別腸吧.連個膠匙羹都似台灣既, 老闆好細心呢.12蚊, 抵過吉魚旦啦...

星期日晚，和女友逛完街，想吃晚飯但又不是太餓，女友提議去“掃街”，於是乎吃了燒墨魚丸和沙爹四寶丸後，就去試旺角的阿土麵線，因為女友未試過！由於我之前食過幾次，覺得幾好食，所以帶埋女友來吃！兩個人要了一碗“大”，另外加豬肉腸、豬肚，還下了少許辣蘿蔔和辣菜莆。麵線很幼、很滑，湯底不錯，配以少許黑醋和蒜泥一起吃，蠻好吃！雖然味道可能不及台灣那些正宗的，但是能夠在香港吃到這些地道麵線，已經很不錯了！

由開張幫襯到宜家~ 已經成為每次到旺角都必食既小食~第一次食的感覺是做得不錯, 但印象中台灣的阿宗麵線(三年前)好像好吃些~然後上月中重遊台北，再去西門町既阿宗... 哇，不是以前的味道，回來後再食阿土，覺得已經比現今的阿宗好味。 (講開西門町小食，曾是我至愛的鴨肉扁，水準暴跌，食了兩塊就捨棄成碟走人...)現在還可以加錢加蚵仔及黑橋牌腸等配料，多了配搭，所以仲未食厭！

賣相蠻不錯。但是，我一看就知道麵線跟台灣的有差別。果然，台灣的麵線幼細得多，這樣，一口的麵線既較多，吸取的濃湯又較多，所以吃起來口感才更豐富，味道才更濃郁。有多種配料供選擇：蠔仔、蟹肉、大腸、蝦肉、干貝、花蛤、豬肉腸、豬肚。但配料不是在鍋裡一起煮，所以，雖然麵線的湯很足味，但配料則味道不夠。店面很搶眼，地理位置有優勢，近火車站，且在馬路交叉點，人流自然源源不絕。香港罕見的台灣蠔仔麵線專賣店，又處於旺角，應該能吸引大批好吃者，能做的很旺吧。==============================歡迎來我的blog 看更多的pics 和食評，逛逛看看交流一下吧：http://hk.myblog.yahoo.com/mei_ciel/article?mid=7519

開頭會食阿土只係諗住食下ｄ新野等自己冇得成日食阿宗都有阿土食下點知而家食下食下又覺得好好食次次去ｍｋ都要食返次連上個月去台灣食阿宗都竟然覺得阿土好ｄ阿土的辣蘿蔔很好食，次次都要加兩大匙大腸個人認為好過阿宗，比較容易入口唯一不好的地方，真是有點偏貴，大腸數量不夠睇來我係中左阿土毒了

每次到台灣都要食幾次阿宗麵線先止到痕,見到旺角有打正旗號買麵線,於是一試。標準裝:$12 一碗,加蚵仔共$18。1.分量少2.大腸少,仲係剪到好碎,3.唔夠熱,只係微微暖,食落感覺唔好。4.加６元的蚵仔只得五粒同阿宗比仲差好遠

每次去台灣必定去食幾次阿忠, 最近睇雜誌都有講阿土麵線, 心想一定無台灣阿忠咁好食, 但係又心思思想食, 一試, 愛上了, 佢同我係台灣食既係一樣架, 未去之前而為佢好似香港啲魚蛋檔咁樣, 原來佢非常衛生, 仲有電視影住佢個爐, 我食得好放心, 已經食了幾次, 而家想食麵線, 幾時都得喇!!! 唔洗去台灣!!!