阿四車仔麵 (已結業)

在旺角行完街有點肚餓，見到哩間裝修時尚整潔的車仔麵，即刻入去醫肚。除左車仔麵，仲有好多小食，款款都好吸引，價錢又唔貴，揀揀下剔左好小食熱辣辣飲返杯凍野一流，這裏的樽仔奶茶($18)是自家品牌！入落甜甜地，奶味夠濃，是正宗的港式奶茶朋友的凍華田($12)也是透心涼之選，不太甜，爽！因為下午茶時間唔想食咁多澱粉質，所以車仔麵叫左淨餸，龍蝦丸彈牙大粒，魚片頭爽口，蟹柳新鮮，辣魚蛋少少辣，夠滋味！蠔油生菜大大碟($22), 非常新鮮又爽甜！碗仔翅($22)十分驚喜！素翅，木耳，冬菇份量足，好味！炸燒賣同炸墨魚卷($22)炸到金黃色，賣相超讚，脆脆的十分香口，墨魚卷十分足料又鮮味。最後終於等到豉油雞髀($26)來了，非常大隻，醃得好入味，啖啖肉，超正，必試之選！絕對係近年食過最高質的車仔麵店，抵食又坐得舒服！下次到旺角會encore

前幾日約左朋友去街，lunch諗唔到食咩好，行過阿四車仔麵，見門口裝修幾靚，同埋又係我最中意食既車仔麵，所以就入黎試下。同朋友一人叫左個三餸麵，一口氣叫左5個小食。車仔麵湯底好濃郁，唔會係死咸既味道。咖哩汁好香，唔會太辣而搶左咖喱既味道，黎食既朋友推介可以叫試咖喱汁。小食方面推介香辣魷魚，鹵水豬大腸同瑞士汁雞翼! 魷魚唔會煮得太韌， 辣汁味好夠! 豬大腸都唔會韌，鹵水汁超入味!瑞士汁雞翼好鬼香，雞翼食得出煮得夠耐，好淋!價錢親民，食得好愉快既午餐!

好耐冇食車仔麵，所以今日就同朋友去咗呢間車仔麵店~係出面望到呢間店已經覺得真係好大，入到去更加令我驚喜，因為我真係冇去過一間咁闊落咁舒服嘅車仔麵店!!😍我叫咗油麵+芋絲+雞翼尖+溏心蛋+牛栢葉+麻辣醬+凍檸茶~碗麵一嚟到就見到一羹辣椒醬擺係到，我仲驚好辣!!好彩撈埋啲湯之後個味道都唔係咁辣，而且好香👍🏼特別想講下個溏心蛋好入味，入面個白好林口感好好😋個凍檸茶係用帶得走嘅膠杯，所以飲唔曬都冇問題!另外叫咗碟蠔油菜心，蠔油都落得幾多，份量同整體味道都唔錯!👍🏼朋友點咗招牌麵配麻辣醬，有9個餸，可以一次試曬啲招牌菜🤣辣魷魚嘅辣汁無得輸，魷魚又好爽口👍豬大腸捲好一圈圈，咬落去好有口感，再提下豬皮，入味之餘，仲keep住爽口，唔會冇曬口感😋小食就叫左炸墨魚卷，望落下好似鮮竹卷，食落個皮好薄好脆👍總括嚟講，味道好，環境一流!!!👍🏼👍🏼

今日同朋友係旺角豉油街附近睇完戲，途經見到一間車仔麵。門外見到店內環境清潔，所以決定入去食。見到餐紙選擇好多，樣樣都想食，招牌麵阿四車仔麵，唔使左諗右諗樣樣有齊，雞翼尖、豬皮、豬大腸、蘿蔔、雞翼、滷水強，魷魚🦑、豬紅、魚蛋跟牛腩湯底，其中一碗叫咗蘿蔔、豬紅、雞翼、生菜、魚腐、札肉配米粉牛腩湯底，樣樣餸都好入味，我兩個人食到停唔到口😋湯底唔濃味，唔重味精，味道好👍🏼服務有善👍🏼環境舒適👍🏼價錢合理👍🏼

20幾蚊有一客小食真係好抵！ 旺角係遊客區，喺街邊買小食都會比較貴。但係呢度嘅小食都係20幾蚊一個，餐廳環境乾淨闊落，幾好坐，行街行到攰入去坐低食下野唞吓都真係幾好。湯米粉得到一致好評，放左15分鐘先食依然咁爽口，吸埋d湯汁再點下個沙嗲汁嚟食真係好正溏心蛋夠香，午餐肉屬於基本操作，無炒車會可言，冬菇就真係值得一試，厚肉又入味小食方面比較推薦嘅係日式吉列蠔，$26蚊有6粒（定係5粒？我忘了？）個蠔炸得好鬆化唔油膩又多汁，屬於必點item

呢日口痕想食下車仔麵，經過見到呢間阿四車仔麵，同一般車仔麵鋪唔同既地方，呢間都幾乾淨，地方闊落，感覺坐得幾舒服，就入去試下～～坐低之後我地就叫左個招牌麵，入面有成9個餸，都係60$，如果散叫要9個餸一個粉都唔止60$ hahaha 招牌麵入面d餸我地全部都岩食，仲另叫左個炸魚皮！我地揀左要河粉同麻辣醬，碗麵上枱之後見到佢個麻辣醬係個匙羹上面，咁就唔驚太辣可以自己調辣度～d餸特別係蘿蔔都好入味！！ 勁正！份量都算多～炸魚皮又夠脆～正另外我地仲叫左一隻滷水雞髀～炸豆腐同炸墨魚卷～佢既炸物都有配上泰式辣醬，食落唔會太乾，仲好脆口好惹味！炸物份量都幾多～仲有叫左紅豆冰同埋菜心！ 美好滿足既一晚！

出旺角閒閒地食間茶記都起碼五六十蚊落樓，但係阿四就唔同喇，勁嗌狂食都係食左你幾十蚊，吃貨又肚餓又鍾意食車仔麵既foodie，阿四啱哂你Menu d野真係一啲都唔貴，而且都多款配料，連豬紅、溏心蛋都有，唔係間間車仔麵都有㗎！見到我即刻點左呢兩款我嗌左四個餸，腩汁加沙嗲醬，賣相比溏心蛋既外型扣左少少分，不過溏心蛋勝在夠入味，食到好開胃腩肉，唔洗講，睇相都知幾大塊又厚肉，淨係嗌呢樣都值回票價啦呢碗係腩汁+辣醬，我覺得都幾有辣味，牛腩正豬皮爽蘿蔔甜魚皮卜卜脆，老遠都聽到脆聲辣魷魚，呢款我覺得唔夠入味，不過都爽口唔靭呢個係炸墨魚卷炸蠔，食既時嘅好熱好脆，仲有肉汁，好好味豬大腸，洗得好乾淨熱啡同熱鴛，最怕茶記呀港式車仔麵啲啡難飲，但呢到都算ok可以搵到間坐得舒服又唔貴既車仔麵店，我覺得好正

阿四車仔麵 (旺角) 📍旺角豉油街108號地下疫情緩和，電影院🎦又重開，睇完電影🎬去附近搵食，比一間落地大玻璃走工業風的車仔麵店吸引到😍，講到平民美食非車仔麵莫屬，見食客食得津津有味，決意入去一試。店舖防疫措施做足，座位有適當間距，又有基本體溫探測機。👍🏽裝潢帶點懷舊風，乾淨衛生又光猛❤️麵食外仲提供飯類，另外，車仔麵店來講小食都幾特別，竟然有咖喱角、日式吉列蠔、南瓜🎃薯餅等等，最貴都係26蚊，好抵食。選擇困難症的我決定揀其招牌麵（HKD 60):一共有九款餸： 辣魚蛋、豬皮、豬大腸、瑞士雞翼、雞翼尖、蘿蔔、滷水蛋、豬紅。好豐富呀，揀左吸精華的米粉配香濃麻辣醬。辣魚蛋香辣無比，大大粒又彈牙。豬皮充滿沙嗲香，好濃郁。豬大腸完極且洗得乾淨無異味，仲帶點油脂香。蘿蔔非常清甜，軟腍。瑞士雞翼不會死咸，肉質嫩滑，而且腍身。西生菜🥬（HKD 26):新鮮爽脆生菜配上油脂香腩汁，不再是平時蠔油，別有一番滋味。樽仔奶茶🥤：每日新鮮製造，無冰粒原汁原味，甘香茶味🍵，入口順滑奶香，甜度適中，奶茶控必試。紅豆冰：椰香🥥濃郁，紅豆可再煮腍點。總結：性價比高車仔麵店值得ENCOREa4noodle#阿四車仔麵#m

已經有好幾年冇食車仔麵，但係最近開始食番😁，觸發點就係呢間車仔麵店，早前路過見到佢環境闊落光猛乾淨，咁就試吓，發覺坐得舒服食物美味，留下相當好嘅印象。今日喺旺角，就特登食過番尋味😁叫咗出前一丁麵配腩汁同麻辣醬，再加配料（由$9至$12不等）；加咗好多餸，包括牛腩、滷水腩肉、龍蝦丸、魚腐、瑞士雞翼、蘿蔔、大紅腸、豬大腸、豬紅、雞腎，真係超級豐富😋食物好快就嚟到，基本全部餸都幾好食，其中特別美味嘅有：滷水腩肉超大塊，睇到都開心😆，非常有油香及入味；牛腩好軟熟好好牛味；蘿蔔好嫩好滑好鮮甜，冇渣，超正；豬大腸有些少咬頭，洗得好乾淨冇異味；豬紅好滑好味😋。枱面仲有自家製菜脯，加入同出前一丁麵一齊食，仲配有腩汁同麻辣醬，真係非常惹味😋仲加咗個$22嘅西生菜，可以配蠔油或腩汁，我揀咗腩汁。西生菜新鮮嫩綠，感覺健康，配腩汁好好食😋$18嘅樽仔奶茶，凍冰冰，少少甜，非常有茶香及濃滑，呢個一定要試吓😋非常美味的一餐，食得開心舒服😋

很久沒有吃車仔麵了，這次來到這間位於旺角的車仔麵店，環境寬敞，不會很局促！這裡的車仔麵價錢不貴，餸菜都算有很多選擇！香腸豬大腸辣魚蛋魚片頭河粉，豬大腸沒有臭味而且都幾大粒，魚片頭彈牙，湯底揀選了腩汁加麻辣醬，湯底麻麻辣辣，刺激味蕾！辣魚蛋豬皮豬紅牛筋丸米粉，魚蛋爽口彈牙，豬皮有淡淡的咖喱味，豬紅不會很淡口，而牛筋丸結實彈牙，湯底加了辣醬，味道不錯！炸燒賣，燒賣炸得脆卜卜，配上泰式辣醬，更加香口！瑞士雞翼，雞翼都幾大隻，有淡淡的瑞士汁味！豉油雞髀，雞髀都幾大隻而且多肉，味道入味！

💕位於旺角這間車仔麵店, 空間濶落, 而且乾淨企理, 最重要的是抵食. $38已經包麵底及3個餸. 除了車仔麵外, 還有很多款小食可以選擇, 的確不錯. 這次選了幼麵底, 配上雞翼, 仿鮑片及豬紅. 每款餸都不錯幾好味, 尤其是豬紅, 值得一試. 除麵外, 還點了3款小食, 包括炸燒賣, 吉列蠔及墨魚卷. 我特別喜歡炸燒賣, 每一粒都脆卜卜熱辣辣.另外亦要推介樽仔奶茶, 茶香奶滑, 絕對值得一試😎💕餐廳: 😎地址: 旺角豉油街108號地下

過往不喜歡吃車仔麵都因為環境不太衛生，最近吃這家車仔麵要改觀了。雖然吃的是車仔麵，但環境也整潔，不似傳統車仔麵的格局，有煥然一新的感覺。點餐紙有豐富的選擇，也有特色小食和飯類，夠多元化。牛腩牛筋丸魚皮餃讚岐烏冬牛腩啖啖肉，牛筋丸彈牙，魚皮餃足料，讚岐烏冬富煙韌口感，入口彈牙。配埋惹味沙嗲醬令人食唔停口。辣魚蛋辣魷魚牛腩讚岐烏冬另一碗食番傳統辣魚蛋辣魷魚，睇色水已經感覺到個辣味，幸好係溫和開胃既辣，兒時既車仔麵味道即時番嚟。炸燒賣脆口燒賣粒粒都炸到金黃色，配番泰式辣醬，滿有滋味。炸墨魚卷腐皮包住墨魚滑，外脆內軟，好香口。仔奶茶茶底香濃，奶茶少澀，加上冰凍順滑口感，值得一試。紅豆冰椰香味濃，粒粒紅豆咬口十足。來這裡嘗試一個食車仔麵的新體驗。

.上星期同朋友睇戲前係附近搵食咦 呢間車仔麵賣相唔錯啊 而且座位寬敞 冷氣充足就決定一食！點左2個車仔麵同2個小食朋友中意食烏冬 呢度用上讚岐烏冬 正常既3餸1麵都只係38蚊 好平 係旺角黎講算係cp值高。.我就要左米線 瑞士雞翼 豬大腸 牛腩 牛筋丸 時菜🥬牛筋丸牛味香濃入味 爽口彈牙豬大腸係厚切 瑞士雞翼軟腍 肉質嫩滑今次我加左腩汁 如果加辣醬味道會更佳麵既份量適中 大食男士可以加底😋.朋友就要左烏冬 魚皮餃 辣魷魚 雞腎 蟹柳平時食開重口味既佢表示呢度既車仔麵會清淡少少食完唔會太口渴 無乜味精辣魷魚煙韌爽口 唔會好似橡筋咁咬唔開魚皮餃出色 仲有3粒😋加少少辣汁更開胃.小食點左時菜同日式吉列蠔朋友好怕蠔會有腥味 但佢食左一粒之後大讚唔錯 再狂食😂岩岩上枱既吉列蠔外脆內軟 炸粉亦唔算好厚 好香口！必食！.呢度既飲品係用外賣杯 有得揀無糖添！飲唔晒都可以拎走繼續飲🥰

今日又黎介紹我同事食最愛之一既車仔麵店啦😃除左食物質素，環境衛生都係令我不斷encore再encore既原因今日我哋叫左兩碗車仔麵，平時一定會揀米線嘅我今日居然試咗米粉，估唔到都幾有驚喜。米粉佢係用新竹米粉，感覺有少少似粉絲，相對冇咁飽😂由於我哋各自都叫咗三餸車仔麵，今次就抽幾款嘅來講啦。大腸基本上次次都會叫，除咗滷水味好濃之外，佢清理得比較乾淨, 唔會有臭味。另外今次試咗滷水糖心蛋，平時出邊食多數都只係會比半隻，今次佢係成隻上。而且顏色味道都入哂味，絕對唔會輸出邊日本餐廳。大腸切得好厚，亦好多片，超抵食。其實佢仲有個貼心嘅point,滷水汁佢會用匙羹裝起，方便各人自己調校鹹淡👍🏻小食方便我意佢嘅咖喱魷魚，入味得來，好爽口，啱晒我嘅口味。另外仲叫咗燒賣，一碗裏面有好多粒，新鮮炸起卜卜脆，又係正👍🏻👍🏻

今日一大早就出咗旺角拎野俾個客，連早餐都食唔切，交收完就同同事去咗附近嘅「阿四車仔麵」醫一醫五臟腑先。由於小妹同同事都無早餐嘅關係，所以唔小心就嗌到成台都係，但我地完全無浪費食物，好勁呀😆😆咖喱魚蛋+冬菇 + 溏心蛋湯烏冬(麻辣醬)- 溏心蛋係小妹必食名單top 1之選，流心蛋黃好Jeng 呀😍 車仔麵一定唔少得咖喱魚蛋，咖喱汁香濃有少少辣，魚蛋都幾彈牙。食得辣嘅朋友可以試吓哩到嘅麻辣醬，店家好細心咁用隻匙裝住，食客可以自行決定辣度，唔好睇哩到細細匙咁呀，其實都幾辣吓嫁，不過勁惹味🤤蘿蔔+冬菇+魚片頭+辣豬皮湯米線 （腩汁）- 同事大讚個蘿蔔話好甜又無渣，辣豬皮其實係咖喱豬皮，豬皮索哂d咖喱汁，無得頂呀！我地仲叫咗幾款小食，款款都係$20-$25 咋，最有驚喜嘅係唐揚炸雞同吉列蠔，估唔到「阿四」嘅炸物都好高質，即叫即炸，出到嚟仲係熱辣辣又脆卜卜，但咬個去仲有肉汁嫁喎，完全唔會乾爭爭。