阿四車仔麵 (已結業)

今日一大早就出咗旺角拎野俾個客，連早餐都食唔切，交收完就同同事去咗附近嘅「阿四車仔麵」醫一醫五臟腑先。由於小妹同同事都無早餐嘅關係，所以唔小心就嗌到成台都係，但我地完全無浪費食物，好勁呀😆😆咖喱魚蛋+冬菇 + 溏心蛋湯烏冬(麻辣醬)- 溏心蛋係小妹必食名單top 1之選，流心蛋黃好Jeng 呀😍 車仔麵一定唔少得咖喱魚蛋，咖喱汁香濃有少少辣，魚蛋都幾彈牙。食得辣嘅朋友可以試吓哩到嘅麻辣醬，店家好細心咁用隻匙裝住，食客可以自行決定辣度，唔好睇哩到細細匙咁呀，其實都幾辣吓嫁，不過勁惹味🤤蘿蔔+冬菇+魚片頭+辣豬皮湯米線 （腩汁）- 同事大讚個蘿蔔話好甜又無渣，辣豬皮其實係咖喱豬皮，豬皮索哂d咖喱汁，無得頂呀！我地仲叫咗幾款小食，款款都係$20-$25 咋，最有驚喜嘅係唐揚炸雞同吉列蠔，估唔到「阿四」嘅炸物都好高質，即叫即炸，出到嚟仲係熱辣辣又脆卜卜，但咬個去仲有肉汁嫁喎，完全唔會乾爭爭。