阿四車仔麵 (已結業)

近期每逢星期三都要到旺角那邊找東西吃。由於時間緊迫，需要又快又正。突然想起很久沒有吃車仔麵，於是去試一下。沒有想到竟然有那麼大的車仔麵店舖在旺角， 裝修很舒服， 座位也不擠迫。最低消費38元便可以了，對車仔麵沒有興趣，還可以點他們的飯，每碗飯只是40元，加飲品也都只是60元以內。車仔麵我最喜歡油面，可以放肆一次。 朋友吃公仔麵，告訴我公仔麵沒有煮得"淋"，非常好。我們一致推介蘿蔔，非常大，非常甜。 豬大腸感覺非常好因為沒有肥肥的，而且不像其他豬大腸口感，煮成溶溶爛爛的， 形狀十分完整，我特意拍了照片。 如果覺得蔬菜類不足，可以另外點一碟油菜，菜很甜。吃完之後， 沒有覺得口渴 ，十分難得，這一點非常讚。我更加喜歡他們的凍檸茶，是外賣杯上，趕時間，可以直接拿走。整體感覺真的不錯，由座位到食物方面，推介，推介。

今日同〈獅子老公〉喺旺角睇完戲，散場嘅時候都已經時間不早，所以就決定喺附近解決晚餐戲院附近見到依間〈阿四車仔麵〉車仔麵，輕輕鬆鬆食個車仔麵作晚餐也不錯喔除咗有一般車仔麵嘅粉麵同餸選擇外，仲有幾款大碗飯可以揀，大食嘅朋友不妨選擇以車仔麵舖來講，環境雖然沒有豪裝，但係都非常闊落而且乾淨衛生我就揀咗溏心蛋，醃到入晒味冬菇，清甜無渣嘅蘿蔔同好滋味嘅雞翼尖最驚喜嘅莫過於糖心蛋，都唔使我多介紹，大家睇相知有幾高質〈獅子老公〉比較鍾意食啲comfort food，午餐肉就唔使多介紹，但係估唔到咁厚就真！！另外佢話滷水腩肉都好入味差啲唔記得介紹，有車仔麵又點可以冇辣菜譜。辣辣的又脆脆的，加落麵度一齊食就更加有口感話明我老公係隻獅子，一餐裏面又點會咁少肉？！滷水雞髀大大隻又入味啱晒佢呢啲食肉獸另外仲叫咗吉列豬扒，炸得鬆化但肉質又唔乾身。〈獅子老公〉表示非常欣賞最後補多張餐牌大特寫俾大家，等大家去之前可以諗定食乜先

今日在旺角行街，晚上順便吃個飯。餐廳面積頗大，座位也很靈活。車仔麵可以自己配麵底，我配了米粉$12，餸菜按不同價錢加配。我加了瑞士雞翼$10、豬大腸$10、糖心蛋$11和牛腩$12。雞翼煮得很腍，豬大腸很香，牛腩稍微嫩不太入味，溏心蛋不過不失。⭐️熱檸水$10⭐️咖喱吉列豬扒飯$40咖喱飯大大碟，不過咖喱汁稍鹹，配飯吃剛剛好。⭐️菜心$22⭐️豉油雞髀$26大大隻雞腿，很滿足。⭐️綠豆冰$15童年回憶綠豆冰，正！

幾中意食車仔麵,呢間多選擇,有我中意食既炸燒賣,份量十足,香脆可口。咖喱角同春卷都似係新鮮即炸,點左泰式SPICY醬真係一流。然後每樣食物我都叫左少少,紅腸大大件,午餐肉熱騰騰,好香口。D丸粒粒都好彈牙,好滿足呀!咖啡魷魚都有,呢到真係要乜有乜。飲品方面奶茶樽裝,唔會太甜,凍得黎唔會被冰沖淡味道,紅豆冰都有誠意,紅豆好有紅豆沙既質感,我朋友食晒D紅豆呀。呢度連炸豆腐都有,真係一次過滿足晒所有願望。

突然好想食車仔麵，所以上網就搵到呢一間新式車仔麵舖頭，一入到去環境好光猛，而且好乾淨，同一般嘅車仔麵舖頭感覺完全唔同。舖頭座位都算多，一入去店員就安排我哋坐喺梳化位置。車仔麵嘅配料都十分之多，我同朋友分別揀咗一碗淨餸同埋一碗四餸一麵嘅配搭，再嗌多左三個小食同兩杯飲品。兩碗配料分別嗌咗蘿蔔、辣魚蛋、豬大腸、炸魚皮、牛腩、滷水腩肉、冬菇、糖心蛋同瑞士雞翼。我哋覺得最好食嘅係蘿蔔， 十分清甜，喺出邊好難食到。麵食方面，都有十分多嘅選擇，而今次我哋就揀咗米線。醬汁方面，除咗腩汁我仲揀咗沙嗲醬，呢度嘅沙嗲醬十分出色，絕對會因為佢嘅沙嗲醬而返轉頭再食。而三個小食就揀咗炸墨魚卷、炸燒賣同埋辣魷魚。超鍾意佢個炸墨魚卷，一份有四條，啖啖肉而且炸得好香口，值得再食。而辣魷魚同埋炸燒賣份量都好多，以$22一份小食來講，簡直物有所值超抵呀！見到餐單仲有其他飯類食品同埋其他小食都好吸引，我下次一定會返嚟再試試！

放工OT,唯有係附近搵間餐廳快食然係後屋企啦經過阿爺車仔面好似不錯，而家不用等位，拿拿臨同同事入去坐低醫肚啦😂同事好肚餓又唔想諗食咩送，一黎就叫左個招牌面，碗麵黎到既時候好得，因為樣樣送都有啲，有齊魚蛋、魷魚、豬皮、雞翼尖、蘿蔔、豬大腸、滷水蛋、瑞士雞翼同豬紅，每款兩樣剛剛好，而且樣樣都食到啲，不錯👍🏻我就輕食啲，叫左個魷魚、魚皮同糖心蛋，哈哈，其實我係第一次叫車仔麵叫魚皮，原來魚皮浸林左啲湯都幾好味😋，下次都會咁叫🙈我哋額外叫多咗個瑞士雞翼， $22有五隻真係非常之抵食，而且味道都幾唔錯！不得不提，餐廳有提供辣蘿蔔粒，大家記得要食呀，可以提升個車仔麵嘅層次，哈哈！野飲都幾多選擇，有紅豆冰、菠蘿冰、綠豆冰同雜果冰，好少食車仔麵嘅地方有呢啲嘢飲嘅選擇，所以都幾特別！

好耐冇出街食飯，今次同朋友嚟試幾出名嘅阿四！車仔麵。我生平好鍾意食面，叫咗一個九餸招牌面，一個普通車仔麵，兩支嘢飲同埋小食，買單都唔使$200。對於我哋呢班打工仔來講，唔使$200兩個人食到夜晚，其實算唔錯。重點黎啦，知嘢飲竟然係樽裝！係樽裝可樂啊，嗰陣回憶返晒。個九餸招牌面，簡直係一絕，每個餸都好似車仔麵咁，喺架車入面。朋友叫咗個油面嚟食，都唔錯。佢仲有得俾你添加「美極」同「辣菜寶」。呢樣先係厲害之處。個小食我哋叫咗油炸墨魚咀，皮脆餡軟。鍾意食香口野嘅朋友可以試吓。鍾意食車仔麵呀你快啲嚟試吓啦。

這間車仔麵店環境乾淨, 地方又夠寬敞。麵類及自選配料款式多, 麵款有9款, 超多的! 有選擇困難症可以點招牌麵, 配料有辣魚蛋、辣魷魚、豬皮、豬大腸、雞翼尖、蘿蔔、滷水蛋、瑞士雞翼、豬紅。滷水蛋很入味; 辣魚蛋及辣魷魚的辣度剛剛好。選擇了沙嗲醬, 用來搭配出前一丁, 好好吃呢! 豉油雞髀 - 大大隻雞髀, 肉質軟嫩, 夠入味。炸唐揚雞塊 - 鹹酥香脆的外皮, 裡面是充滿醬汁香氣既雞肉, 肉質鮮嫩, 炸得剛剛好, 會配上泰式酸辣醬。腩汁粗麵配油菜、白蘿蔔、冬菇

豉油街一帶都好多食肆 特別係麵店!今日喺附近做野 支持下阿四車仔麵💛每碗車仔麵都會放喺個高身托盤入面 係少見既做法 雖然唔知用意係咩 但係我自己就覺得幾好 因為出街食麵成日都會因為碗底濕+張枱好跣 搞到碗麵識行咁🤣講下叫左咩啦💁🏽‍♀️*雞腎($9) *炸豆腐($9) *冬菇($11) *米粉($12) *腩汁 = $41 *雞腎($9) *牛柏葉($11) *炸墨魚卷($12) *粗麵($12) *腩汁 = $44醬汁用湯羹分開上 所以可以自己調校湯底既濃度~~ 我地叫既配料質素都唔錯😌🌟雞腎同牛柏葉唔係檔檔車仔麵都有 處理得入味 又保留到食材既爽口👍🏽🌟炸豆腐外皮帶點厚度 但係炸得脆口 質感似唔臭既臭豆腐🤭🌟 炸墨魚卷非常熱辣辣 入邊有墨魚粒粒~🌟冬菇好厚肉 炆得入味👍🏽重點一提佢既菜脯😋爽口! 味道又唔會死鹹 忍唔住加完一更又一更😛飲品方面💁🏽‍♀️呢度有玻璃樽裝維他奶/ 麥精($10)啊! ☺️車仔麵黎講~~呢度環境幾好 感覺又好乾淨車仔麵既配料選擇多 質素唔錯值得再去支持💛

黃店-旺角豉油街❤️《阿四車仔麵》呢間係旺角豉油街既盡頭咁滯😂又比我搵到好野食喎😍應該係新開既車仔麵店 好新淨&乾淨-大碗飯系列-日式咖哩南瓜薯餅飯$38勁多飯，甜咖哩汁略少但好重味😛🎃南瓜薯餅新鮮炸起，咬開就有滿滿的軟身南瓜餡，啖啖都係南瓜容，超鐘意！絕到冇慳料！做到1️⃣皮薄餡多2️⃣外脆內軟😍😚最後我食唔哂啲飯🤣好抵食呀 encore !!!!!!!-❗️招牌麵 -Set好9餸1自選麵底 $58Set好既9餸1自選麵底～豬皮、魚蛋索哂湯汁好爽🤤豬紅蘿蔔豬皮簡直係車仔麵傳統配搭啦😍仲有雞翼、雞翼尖、老水蛋、豬大腸～我既話定揀辣底！-🉐自選4餸$38🉐手痕叫多左個淨餸 點知塊✴️老水豬肉好撚正✴️ 應該煮左好耐先可以咁入味？😍⚠️仲要厚厚的大塊 必點之一‼️-樽仔奶茶 $16阿四自家出品港式奶茶🥤味道未算好驚艷 奶味茶味可更重😆叫做過得去咁啦🤪-阿四車仔麵 (旺角)📍旺角豉油街108號地下（E2 exit walk 7mins)-#車仔麵 #旺角美食 #阿四車仔麵 #hkfood #hkfoodies #香港窮食#junkfood_旺角

喺附近讀左4年U幾乎日日放學都經過li個位, 而家原來開左間裝修勁fancy嘅車仔麵<相逢恨晚的>, 有麵&飯仲有小食🤤🤤🤤.🥢沙嗲醬x油菜x魚腐x魚皮餃x豬大腸x河粉剔好order紙, 交俾店員一陣就有得食. 車仔麵放喺一個好乾淨嘅tray上, 方便要lur骨都唔會成枱係👍🏻.我揀左4個餸嘅河粉(淨係麵嘅種類已經有成9款呢), 發現店家喺餸嘅份量好豐富, 每樣餸都有at least 3粒, 湯底帶點牛腩味, 一大羹沙嗲醬最緊要淋喺啲餸上面更滋味, 河粉唔會一夾就散👍🏻仲好掛湯添.🥢最鐘意而下次會encore嘅一定係豬大腸同魚皮餃: 豬大腸有別於一般車仔麵檔嘅通窿style, 係成件都咁飽滿而且勁入味嘅; 而魚皮餃就唔會浸到啲皮離唒餡的.🥢南瓜薯餅 (HKD26)街坊價錢但有日式小食店水準嘅炸南瓜薯餅好好食, 麵包糠炸皮口感勁脆, 每咬一啖都見到粒粒南瓜🎃肉, 充滿南瓜蓉同薯蓉嘅軟棉棉口感.🥢樽裝忌廉 (+HKD10)懷舊feel玻璃樽裝忌廉送車仔麵好有風味!

以前讀書陣時成日經過呢度，係呢邊搵嘢食。今次同fd行旺角，比呢間嘅餐牌吸引到，於是同fd試下。.其實好少車仔麵檔環境咁闊落，坐得好舒服。.🌸午餐肉 蘿蔔 素牛丸 生菜 沙爹醬 米粉最愛午餐肉💗 厚身好味😋素牛丸第一次食 感覺同牛丸差不多～蘿蔔好霖 唔差。.🌸瑞士雞翼 魚腐 牛丸 沙爹醬 米粉魚腐好大舊 好抵食 味道清淡。雞翼同牛丸還不錯。.🌸香辣魷魚🦑味道唔算太辣，如果再辣小小會更好味。.🌸南瓜薯餅我同fd都好鍾意食呢個薯餅，外脆內軟。裡面嘅南瓜好好味😋。.食車仔麵配維他奶真係好正～另外一杯係菠蘿冰

🍴讚岐烏冬 HK$15、牛腩 HK$12、豬紅 HK$9、蘿蔔 HK$10烏冬幾煙韌，牛腩算入味，但唔夠腍。豬紅無乜特別調味，勝在唔會一夾就散。蘿蔔有三大舊，又甜又無渣。🍴米粉 HK$12、炸墨魚卷 HK$12、滷水蛋 HK$10、豬紅 HK$9米粉份量好多，唔會太腍同碎濕濕，算幾滑同彈牙。炸墨魚卷外脆內軟，好香甜。滷水蛋幾入味。🍴香辣魷魚 HK$22煮到好腍，輕輕一咬就斷。🍴吉列豬扒 HK$26、日式吉列蠔 HK$26吉列皮夠脆，唔算油膩，豬扒肉質結實，唔會太乾，蠔肉幾濃味。🍴樽仔奶茶 HK$18每次飲預先沖好入樽嘅奶茶都有d掙扎，想濃郁但又驚太甜，好彩呢樽無令我失望，奶同茶比例剛剛好，唔會太甜。📍阿四車仔麵旺角豉油街108號地下

車仔麵是香港人的特色，非常符合港人特性，就是又快又多款式。今天路過旺角便來個車仔麵。三餸麵$38 ，每加一個餸加$9。跟餐熱飲$8 ，凍飲$10。炸魚角、魚腐、墨魚丸、冬菇、豬大腸油麵。魚腐吸收了湯底，味道更佳。冬菇經過醬汁炆煮之後，仍然爽口嫩滑。墨魚丸、魚皮餃和咖喱豬皮米粉。墨魚丸爽口彈牙，魚皮餃皮脆肉嫩，咖喱豬皮就稍為遜色一點。夏日加推紅豆冰跟餐$12。紅豆味道十足，加上淡淡的椰香味，如果紅豆的份量再多一點，味道更佳。吉列廣島生蠔$25，外表炸得很好香脆，內裏的廣島蠔蠔味十足，以在這個價錢來說，非常抵食。

車仔麵其實成日都會食，但今次食到一間幾特別既，想讚下佢。呢間車仔麵響聯和墟有得食，主要想講佢d料真係好多，同埋好入味。我因為本身都食左d野，所以淨係叫餸就算，叫左冬菇，鮑片，糖心蛋，豬皮，魷魚同埋花膠碗仔翅，後尾因為想試下佢d小食就叫左炸蠔。我覺得冬菇係黎呢度必食，又大隻又好味，睇相都覺。得有比心機整。除左我叫呢d仲有好多小食可以叫，例如係炸雞，炸墨魚卷等等。好少見車仔麵鋪可以有埋炸物食，仲要價錢公道只係廿蚊。如果下次冇食野就黎，應該會想試下佢個大碗麵餐，試下雞脾麵/吉列豬扒麵。另外，鋪面好寬闊，肺炎期間坐開D都覺得安全D。大家黎開可以試下。