阿元來了 (鴻圖道)

营业中

休息中

之前已試過“龍鳳號“、“哈豆“，今次想試下係官塘人氣食店“阿元來了“。星期日係5營業，所以只能挑星期六。為咗怕勁排隊及要讓腸胃消化，我地就揀下午5點。當天我地由工廠大廈後巷進入店內，內裏裝潢我5使講，因為好多食評也有談及。但店內面積比我想像中細，幸好樓底高，沒有侷促感。由於時間尚早，可直入隨便搵位坐。呢度5:30就會換點餐紙，分別在於 5:30前有蛋餅。我地3條叫了5款食物+2杯飲品：1. 魠魚“火庚“($40)：有4-5嚿炸魚條，芡汁係杰，但就無乜味2. 阿元魯肉飯($39)：隻滷蛋幾好，飯量多，魯肉份量也適中。美中不足。。。飯5夠熱及飯身不夠Q3. 芋頭肉鬆蛋餅($35)：芋泥好香，與肉鬆一甜一咸，的確好味4. 地瓜球($30)：一籃有8粒左右既小地瓜球。細細粒，又香地瓜味，一口一粒，加上球面灑了調味粉末，真係食5停5. 塩酥雞($35)：新鮮熱辣，肉質夠 juicy，5會炸得過火，怪不得咁多食評大推6. 鳳梨青茶(加配價$10)：好香鳳梨味，配上綠茶，正7. 芒果綠茶(加配價$10)：呢杯5得，無乜芒果味食完都幾飽，埋單$199。5改$200，無得碌卡，好彩收八達通~

成班friend係觀塘工廈玩party game，去之前就搵左呢間出名食台灣野既舖頭醫下個肚。因為本身唔係好肚餓，所以兩個人share左一個魯肉飯，個飯比起想像上大碗，我地兩個人食都飽飽地。魯肉鋪滿哂一碗，好夠味，同台灣個邊食既魯肉飯都差唔多。之後我地仲叫左蚵仔煎，不過呢個落得太多粉，唔係咁好食。另一樣令我驚喜既係地瓜球，雖然下面好似唔係地瓜，但係甜甜地炸得幾脆。總括黎講，呢間舖食物質素唔錯，而且裝潢都好有舊式台灣風格，推薦大家黎試！

作為居港的台灣人 原以為能尋回一些真家鄉味 結果非常失望 甜的四神湯 完全炸乾的甜不辣 沒有雞味沒有雞油的雞肉飯 只有魯肉飯稍微好一點 但也是非常一般 真的要為了本地化口味就稀牲了原味嗎?

周五8點多開始排隊, 等大概20分鐘左右就有位置. 座位寬闊, 衛生環境良好, 裝潢設計風格就是很台灣!♂▴ ▾ ▴ ▾ ▴ ▾ ▴魯肉飯 $29• 價錢合理, 外加小吃後份量就很足夠▴ ▾ ▴台南擔仔米粉 $35• 足料的擔仔米粉• 此份量對一般女生來說還真的有點多▴ ▾ ▴蚵仔煎 $35• 比起在台灣吃還差一點• 粉漿偏多▴ ▾ ▴酥炸魷魚 $39• 容易嘴嚼• 味道適中, 不會太鹹▴ ▾ ▴(冷)咖啡磚奶茶🔝 $23• 咖啡磚好好吃!!!!!• 選了8分甜, 甜度剛好▴ ▾ ▴(冷)竹炭鮮奶珍珠 $30• 甜得不!得!了!!!!!!• 雖說它是推薦的飲料...確實喝不下去⓼

阿元魯肉飯Yuans Taiwanese Meat Rice (HK$39)蚵仔煎Taiwanese Oyster omelette (HK$35)鹽酥雞Pepper & Salt fried chicken (HK$35)Ranking: 5/5 ⭐️ 名不虛傳💕又抵又好食，裝修靚又闊落坐得舒服。Its worth the popularity, very reasonable price and good quality food, the restaurant deco looks nice and spacious, cosy and enjoyable dining experience.

今日放工9秒9走，就係想食佢，平時排到癲，今日6點半到左，即刻有得入! 好野!入到去，好多野都好想食... 但兩個人，真係食唔到D乜，結果叫左:阿元魯肉飯魯肉飯台灣香腸塩酥雞𩵚魠魚焿冬瓜茶 (少冰，甜度FIXED)首先講下阿元魯肉飯 同 魯肉飯 嘅分別，就係阿元魯肉飯多半隻旦同幾條菜，貴$10黎講，真係好睇你鍾唔鍾意食旦 (好廢話TIM HAHA)，但隻旦係好食嘅，魯得好入味嘅! 魯肉飯都係好味嘅!!值得ENCORE!!香腸正，佢仲比埋D GARLIC (唔識打中文)片你!塩酥雞，份量多，味道好𩵚魠魚焿，味道好，正宗的味道，但係唔係咪我自己理解錯...魚焿度有幾塊肉，我起初以為會係魷魚，但原來係雞肉冬瓜茶，有少少偏甜可惜...我想食佢個芝士肉鬆旦餅，但原來5點半前先供應架，大家留意番喇!

#阿元來了 係西環同觀塘都有舖頭不過觀塘大好多 環境都好有台灣feel 等左唔洗5分鐘就有位啦✌🏻魯肉飯 ($29)😍😍😍必食魯肉真係好好味🤤每啖充滿油脂香 但又唔會太油膩😚 撈白飯食一流同台灣既魯肉飯質素一樣💯蚵仔煎($35)冇乜蚵仔 但蛋漿好濃 都煎得幾香最好味係上面啲汁😋甜不辣($30)初初唔知自己食緊乜😂但又炸得幾好食 完全唔厚粉😍加埋黑胡椒粉 好好味其實係魚肉嚟 不過口感似炸麻薯肉燥青菜($25)呢個一般 因為太少肉燥😂.#阿元來了 觀塘鴻圖道28號地下後座

新年前已經好想去試，終於等到新年後開市可以去食喇。餐廳裝潢好懷舊，好有味道，好鐘意呢d裝修呀。叫左阿元魯肉飯，台南擔仔麵，鹽酥雞，香芋珍珠奶茶。魯肉飯好味啊，d魯肉肥瘦適中，唔會太油太肥，d汁夠食哂成碗飯。個麵湯底有d香蒜味，但比較細碗，只有半隻蛋，半粒丸，一隻蝦同肉碎。鹽酥雞熱辣辣，炸得香口。香芋珍珠奶茶好好飲，珍珠都唔少，而且有咬口。最後當然唔少得要叫個芋圓做甜品，睇好多食評話好好味，我滿心期待，但結果有d失望芋圓係有咬口既，但個底同水無分別，只係帶小小甜既水做底，呢樣野真係扣分。失望

已經想試呢間好耐, 但實在太多人, 得一個鐘lunch時間係唔夠, 所以一直未有機會試, 但難得今日食友嚟搵我食晏, 佢可以早d去排隊, 終於响呢個豬年開年食到, 實在太滿足了...................雖然話係將台灣夜市搬嚟, 但店內全部都係懷舊裝修, 一d都唔似夜市, 周圍都係打卡位, 由於高朋滿座, 影邊度都影到人頭............. 由於時間關係, 响排隊時, 已經派定點餐紙, 方便一路等位一路選擇, 一入座時就可以落單, 雖然係台灣人主理, 但嚟到香港, 當然要跟返香港人的步伐啦~我地樣樣都想試, 所以叫咗1個主食, 2個小食, 1個湯, 2個飲品, 比起台灣夜市, 上菜速度果然夠快, 而且仲係熱辣辣的, 拿拿聲筷喇~ 魯肉飯有兩款魯肉飯, 其實唔知有咩分別, 叫咗平d果個魯肉飯, 分量都唔算細, 珍珠飯夠軟熟, 魯肉質地鬆化, 又夠多汁, 而且唔算好肥, 兩個人share食就剛好, 如果一個食哂, 好似有heavy咗少少~ 四神湯雖然唔知係咩, 但唔知點解唔問就叫嚟試, 可能覺得唔會中伏..............原來四神湯係藥膳+豬腸煲出嚟, 好彩我倆都

觀塘開左間阿元來了，口碑都唔錯。甫入去，舖頭的裝修很吸睛，很有6，70年代台灣風格。忍唔住都影幾張相。侍應都用台灣國語，好有Feel。我嗌左台南擔仔粿條+香菇肉羹麵，少不了珍珠奶茶，味道不俗，好地道。

想食台灣菜，我第一下就會諗起阿元來了.之前係西環店食過，覺得好好食.而家觀塘都開咗分店，終於唔洗山長水遠去西環食了. 我和朋友大約8:00pm到餐廳.排了10分鐘左右就可以入去坐了.入去坐之前可以揀定想食咩.店內裝修好有台灣懷舊嘅感覺.上菜速度都算快，等咗10分鐘左右就有嘢食.魯肉飯 HK$29個碗雖然細，但魯肉份量超多.魯肉肥瘦均勻，食落唔會油.依個飯嘅份量，女仔食應該覺得啱啱好.阿元魯肉飯 HK$39阿元魯肉飯比魯肉飯多咗菜同埋半隻蛋.而魯肉嘅份量相比之下都係少DD嘅.不過味道同魯肉飯係一樣的.一樣咁好食.新竹貢丸湯 HK$20貢丸係彈牙嘅.不過我覺得個湯鹹咗少少.塩酥雞 HK$35依個塩酥雞炸得超脆，而且肉唔乾.味道又唔會太鹹.超好食.九份芋圓 (冷) HK$30芋圓口感煙韌，糖水唔會太甜.值得一試.總括嚟講，食物質素唔錯.雖然每碟份量唔係太多，但價錢都唔算貴.店員都好有禮貌.不過地點就唔係好近牛頭角地鐵站，由地鐵站行去都要5-10分鐘.但嘢食好味，我覺得行遠少少都值得嘅.

呢間位於觀塘既台灣特色食店，其實都開左一段時間了，但一直都未食過佢，有日同行友人話想食芋圓於是就黎左食喇！兩條友仔竟然是叫左唔少野架先俾個全圖大家睇😂本身叫既時間都唔覺得咁多架，當時嘛係覺得好肚餓咋，一黎到就知道出事吃，完全表現到眼闊肚窄既後果。佢地最經典既阿元滷肉飯滷肉結構分明肥瘦相間，滷肉汁配合埋珍珠米，呢個配搭其實係好滿足，每一啖飯都有汁充斥着，但又做到唔油膩！香菇肉羹麵呢個反而有點小失望，因為個汁唔算太夠味道，但肉羹就好彈牙。呢個皮蛋豆腐有點唔係我預期既感覺但食落都幾清新既😂九份芋圓食落甜而不膩，而且芋圓好彈牙，好正呀！再叫埋杯胚芽珍珠奶茶成餐飯就覺得自己好似去左台灣避世咁而且店員望落同聽落都似台灣人架我地兩個人又食到肚子脹卜卜再食唔晒，都只係百幾蚊，係今時今日嘅香港黎講，真係好抵食架喇😎

以前係觀塘翻工，就成日都食阿元，今次去觀塘行街，特登過來。一直覺得阿元係係一間好有趣既餐廳，裝修好有心思，又可以食多款小食，分量小小，可以食多D款。之前一直覺得味道都幾好，今次過來唔知點解，整體比較偏咸，重口味左。阿元魯肉飯哩個係大婉既size，細碗既就係普通屋企食飯碗既size。覺得食阿元點都要叫翻一碗。不過食到後尾唔夠飯配D肉碎 XD炸花枝丸幾好味，亦都幾大粒。表皮乾身，內裡甜甜的又熱熱的，推薦！鹽酥雞都幾大舊，其實係抵食，不過哩個真係咸，食完一舊會忍唔住為個腎擔憂一下。貢丸湯貢丸正常水平，都幾彈牙，D湯都有D味，清清地。台灣腸無咩特別，不過我就無夾埋D蒜頭一齊食，怕生既蒜頭太辣食唔到。雖然每樣都平平地，但埋單都普通晚餐價錢，兩人 160，食既種類都多，所以CP值都OK。但真係整體咸左，唔知廚房果日咩事 @@但因為阿元既裝修實在太可愛，好有特色，有機會都會再去既^^

位處鴻圖道一有機會可以早食就去食，唔洗排隊等位野食上得好快多人就可以叫多幾樣大腸麵線有驚喜, 味道夠台灣!魯肉飯、雞肉飯好好味新MENU有地瓜球太開心，但味道不夠台灣夜市，不夠現炸及脆有一半人都第一次食甜不辣 (天婦羅), 贊!熱奶蓋冬瓜茶好飲次次都會叫當甜品食嘅芋圓舊MENU果時去侍應都好有禮貌又幫忙

經常出差去台灣，基本上台北好多地方都食過，朋友約左食呢間係觀塘台灣既食店，只可以講外型似，但口味附合香港人，比台灣果邊更咸，本來台灣北邊偏咸、南邊偏甜，港式就更重口味，對我黎講太重口味