影片
更多
2019-02-13
13807 浏览
已經想試呢間好耐, 但實在太多人, 得一個鐘lunch時間係唔夠, 所以一直未有機會試, 但難得今日食友嚟搵我食晏, 佢可以早d去排隊, 終於响呢個豬年開年食到, 實在太滿足了...................雖然話係將台灣夜市搬嚟, 但店內全部都係懷舊裝修, 一d都唔似夜市, 周圍都係打卡位, 由於高朋滿座, 影邊度都影到人頭............. 由於時間關係, 响排隊時, 已經派定點餐紙, 方便一路等位一路選擇, 一入座時就可以落單, 雖然係台灣人主理, 但嚟到香港, 當然要跟返香港人的步伐啦~我地樣樣都想試, 所以叫咗1個主食, 2個小食, 1個湯, 2個飲品, 比起台灣夜市, 上菜速度果然夠快, 而且仲係熱辣辣的, 拿拿聲筷喇~ 魯肉飯有兩款魯肉飯, 其實唔知有咩分別, 叫咗平d果個魯肉飯, 分量都唔算細, 珍珠飯夠軟熟, 魯肉質地鬆化, 又夠多汁, 而且唔算好肥, 兩個人share食就剛好, 如果一個食哂, 好似有heavy咗少少~ 四神湯雖然唔知係咩, 但唔知點解唔問就叫嚟試, 可能覺得唔會中伏..............原來四神湯係藥膳+豬腸煲出嚟, 好彩我倆都
雖然話係將台灣夜市搬嚟, 但店內全部都係懷舊裝修, 一d都唔似夜市, 周圍都係打卡位, 由於高朋滿座, 影邊度都影到人頭.............
由於時間關係, 响排隊時, 已經派定點餐紙, 方便一路等位一路選擇, 一入座時就可以落單, 雖然係台灣人主理, 但嚟到香港, 當然要跟返香港人的步伐啦~
我地樣樣都想試, 所以叫咗1個主食, 2個小食, 1個湯, 2個飲品, 比起台灣夜市, 上菜速度果然夠快, 而且仲係熱辣辣的, 拿拿聲筷喇~
魯肉飯
魯肉飯
242 浏览
0 赞好
0 留言
有兩款魯肉飯, 其實唔知有咩分別, 叫咗平d果個魯肉飯, 分量都唔算細, 珍珠飯夠軟熟, 魯肉質地鬆化, 又夠多汁, 而且唔算好肥, 兩個人share食就剛好, 如果一個食哂, 好似有heavy咗少少~
四神湯
四神湯
240 浏览
0 赞好
0 留言
雖然唔知係咩, 但唔知點解唔問就叫嚟試, 可能覺得唔會中伏..............原來四神湯係藥膳+豬腸煲出嚟, 好彩我倆都食豬腸的, 如果唔係唔知有冇得退貨..........
雖則話係藥膳湯, 但一d都唔重藥材味, 好易入口, 我見到有茨實同淮山, 當然仲有6-7片豬腸, 佢d豬腸冇怪味, 肥膏亦唔算多, 可能d人覺得有肥膏先正, 所以都要保留, 不過我會刮咗d肥膏囉~
鹽酥雞
鹽酥雞
222 浏览
0 赞好
0 留言
食台灣囉點可以唔叫鹽酥雞, 我覺得一定要叫呢樣先試到佢掂唔掂, 如果連鹽酥雞都做唔好, 其他都唔方好得去邊~
呢個真係超正, 熱辣辣, 有少少淮鹽鹹鹹地, 個粉又唔會好厚, 最好就係佢唔太油, 夠乾身, 你食到底, 果張墊底吸油紙都冇乜油, 果然有料到~
肉鬆蛋餅
肉鬆蛋餅
116 浏览
0 赞好
0 留言
肉鬆蛋餅
297 浏览
0 赞好
0 留言
蛋餅都有幾種選擇, 我地都係選擇最普通果款肉鬆蛋餅....................
蛋餅皮有少少pancake皮感覺, 只係變成鹹鹹地, 依然有少少彈牙, 雖然佢卷到好似好厚, 不過我覺得肉鬆唔夠多囉~ 個燒汁就幾好味, 鍾意辣可以點埋旁邊的辣醬, 唔會太辣, 似港式炒麵辣醬~
冬瓜珍珠
冬瓜珍珠
132 浏览
0 赞好
0 留言
甜度已set死咗, 冇得更改, 我就覺得太甜, 不過佢個甜係來自冬瓜糖, 而唔係糖漿/糖精, 所以甜少少都唔會覺得太邪惡~
至於d珍珠, size唔大唔細, 未至於波霸咁大, 但又好似比出面果d細size大粒d, 都好彈牙~
珍珠奶茶
珍珠奶茶
127 浏览
0 赞好
0 留言
食友話好creamy, 好正~
聽侍應d口音, 大部份都係台灣人, 感覺上令你置身台彎夜市, 暫時去唔到台灣的話, 都可以嚟呢度吊住癮先~
张贴
