阿元來了 (鴻圖道)

营业中

休息中

星期六下午茶時間黎都要排隊，好彩唔算多人，同埋人流都算轉得快，等左20分鐘左右就入得。餐廳環境都幾有特色，睇得出花左唔少心思去佈置，有好多打卡位。不過啲檯多數都係細檯，仲要有啲４人檯比較細，如果搭檯兩邊都嗌得多野食就會擺唔晒，唔係幾方便。魯肉飯幾鐘意佢細細碗，可以食得多Ｄ其他野，啲魯肉真係鋪滿晒成個飯，食第一啖時要好小心食，如果唔係會跌晒出黎，Ｄ肉肥肥地幾香，仲有好多肉汁滲入個飯到，當食咁到咁上下仲可以咬啖酸瓜中和吓添，正！肉鬆起司蛋餅唔知係咪真係即叫即整，所以都要啲時間先到，不過上檯時真係熱辣辣出晒煙既，入面啲芝士已經溶晒，連埋啲肉鬆食係好夾，唔會話太漏，而啲肉鬆係會多到跌出黎，上碟時仲會配埋個辣醬，點埋會多個層次，不過個人就唔係好好辣，唔點都好食酥炸魷魚個炸醬唔會話好厚，都酥脆既，不過不失喇。滷味拼盤有一隻雞翼、半隻滷蛋、幾舊大腸同豆腐，份量唔算多，個人覺得個汁有啲杰同埋咸左少少皮蛋豆腐同平時既食法係唔同嘅，皮蛋同豆腐都係碎上，味道都幾好，仲好有撈飯食嘅衝動添！

幾年前在西環食過阿元來了 一直覺得不錯但畢竟唔係成日過海 唔可以成日食又雖然係觀塘開左一段時間 但其實佢近牛頭角多點如果lunch 去食一定會好趕 適逢可以係午餐同晚餐之間的時間出去食飯就可以行遠少少過去 3pm-5pm 是下午茶時段選擇都唔少 而且又抵 呢個時間舖頭都唔多人 可以慢慢坐慢慢食 十分舒適 台式炸物拼盤(鹽酥雞/酥炸魷魚/炸甜不辣)+鳳梨綠茶 $39實在太好三款炸物都有 岩哂我呢D貪心的人炸得香脆 調味亦不過重 好味 另外必點︰魯肉飯 $29好似台灣平時食的size 細細碗 但魯肉就蓋滿了成個飯面撈埋食真係絕配 每啖都食到充滿油香的飯 再次食覺得仍然保持水準 觀塘位置及空間感更大 難怪係觀塘咁hit

這間餐廳聽說在台灣很出名，然後去試吃叫了鹽酥雞滷肉飯，可能台灣的人比較重口味，我發覺我吃什麼都覺得很咸，滷肉飯亦比一般的油。但整體而言比較喜歡鹹味和重口味的人會喜歡吃。

今日下午終於可以試到台灣過江龍 阿元來了！☺️ 餐廳裝修設計都走台式懷舊風 仲有唔少舊時既poster 影相都幾特別既💁‍♂️雖然未係好肚餓 但一場黎到 點都要試返啲招牌嘅🙆‍♀️🤷‍♂️魯肉飯細細碗真係好似台灣咁💁‍♀️ 但當然價錢就唔係啦$29 魯肉都係炆肥豬腩肉比較多💁‍♂️ 但食落唔算太油💁‍♀️ 甜甜地好香 好似真係台灣食到既口味咁 我食到停唔到口💁‍♀️💁‍♀️💁‍♀️😘 男朋友就一臉苦笑😂🤷‍♂️🤦‍♂️肉鬆起司蛋餅又係好好味阿💁‍♀️💁‍♀️💁‍♀️💁‍♀️ cheese係入面融哂既口感 再加埋蛋餅 特別香！💁‍♀️肉鬆就加左啲口感 同令cheese無咁漏💁‍♂️ 而餅皮都唔算好厚 幾鬆軟既 點埋甜辣醬又係唔同嘅食法 會味道豐富啲💁‍♂️男朋友話有啲漏有啲濟 要叫番杯半糖凍嘅鳳梨綠茶🙆‍♂️ 好似係半價定特價唔記得咗😂 加左$10 但又有啲驚喜bor💁‍♂️💁‍♂️ 鳳梨🍍味都幾重幾香 唔算好假既味道！阿元來了 真係幾台灣正宗口味💁‍♀️💁‍♀️💁‍♀️💁‍♂️去唔到旅行 唯有食住過下口癮先啦🙆‍♀️

知道阿元來了一直很旺場今晩終於約齊四個朋友去試六時多兩個朋友先去拎位即使跟店員說了四個人 另外兩人五分鐘就到但店員只肯安排兩人細枱給他們（明明還有很多空枱）態度極度惡劣😡我們點了✨魯肉飯 $29 全晚最好吃 汁很多很下飯 魯肉肥而不膩!雞肉飯$29 就是很普通的雞絲飯 幸好咸菜沒"up"味香菇旗魚丸湯$25 湯幾好飲 但份量太小了 魚丸只有兩粒高麗菜卷 $39味道很怪 超不推 吃了也不知道吃了什麼鹽酥雞 $35勁咸！台灣香腸 $30  香腸沒有烤過 生蒜比香腸還好吃飲品:奶蓋紅茶 奶蓋非常不好喝 感覺很怪金桔檸檬 點了少甜,勁酸金桔蜂蜜 也是點了少甜 最正常的一杯冬瓜茶 正常糖，甜到糖尿結論：只有魯肉飯值得吃，其他👎🏻👎🏻👎🏻

又去觀塘搵嘢食，今次搵左呢間台灣野，見識平倉就去試吓，我入到去覺得裝修幾特別，有台灣嘅夜市feel，服務生都係講普通話，制服有台灣國旗，好得意！滷肉飯好入味，雞絲飯配酸菜味道好夾，炸物拼盤OK，另外叫咗兩杯，楊桃汁同一杯珍珠，飲品就麻麻！推介滷肉飯同雞絲飯，食咗咁多都好似百零蚊，都算抵食

今日行過觀塘去咗阿元來了食飯我都係第一次嚟啊原來了我哋大約叫咗滷肉飯包蛋雞肉飯肉鬆起司蛋餅刈包咖啡拿鐵大約每樣食物同飲品都係$30到唔算太貴性價比非常高首先講吓滷肉飯依個滷肉飯嘅肉係非常之多飯好夠熱肉質非常之龍非常之鮮味有啲肉呢系好鬆軟所以幾好食之後就係包蛋雞肉飯 一樣係咁好食肉質非常之甜美返反量亦都係好多之後就係肉鬆起是蛋餅第一次食係幾好食嘅亦都有肉鬆係非常之新鮮之後就係刈包茶包味道還可以不過性價比冇咁高因為$30有點貴之後杯咖啡幾好飲不過要$30性價比冇咁高

終於等到平日係公眾假期（因為星期日唔開）黎試下，時間尚早所以唔駛等。👏🏻👏🏻👏🏻芒果多多：已經點了少冰少甜，但都係好甜，不健康👎🏻甜不辣併盤：份量幾多，味道唔算出色，不過其中炸物有人參味又幾特別。台南擔仔米粉：太硬身，又有蒜蓉味，怪怪的。魯肉飯：好多魯肉，超豐富，肉質軟腍入味，都不錯。刈包：豬肉比較肥，而且有砂糖，就是古早味🤨...整體好一般，無想像中咁好食，可能太有台灣人口味🤔

每當想起台灣的美食就會來阿元來了。除了食物好吃，這裏的裝修很有台灣古早味每次來都會點魯肉飯 （HK$ 29) ，魯肉肥瘦適中，肥豬肉入口即溶，米飯粒粒分明，好好味！今次試了雞肉飯 （HK$ 29)，雞絲入味，相比魯肉飯比較乾，但都係好食的酥炸魷魚 （HK$ 39)很酥脆，但偏油台灣香腸 （HK$ 30）配上生蒜，是我最喜歡的！無敵！滷味拼盤（HK$ 30）有大腸，雞翼，豆腐，半顆蛋。不用點淋面的醬汁也很夠味起司奶蓋草莓珍珠 （HK$ 28)太甜並有香精味⋯奶蓋有很多泡泡而且易散，不好喝

2年前係西營盤食過一次阿元當時係好食嘅，都幾有台灣嘅味道但搬咗嚟觀塘後就未食過所以就約朋友去試吓店內都幾....... 焗近來天氣都幾涼快但一入店就有點焗束嘅感覺另外，2人檯唔多如果坐圓檯就要搭檯我地2個人，但好多野都想食所以叫咗好多嘢魯肉飯。必叫架啦肉多汁多，但味道偏淡，啱哂香港人嘅口味台式肉燥粿條另有米粉可以揀btw...... 味道一般，都係偏淡蚵仔煎係好食嘅，用咗木薯粉所以有d gel gel哋嘅感覺但我個人覺得係ok嘅但d菜係偏埋一邊，均勻d會好d高麗菜卷佢話d菜係台灣直送架d菜係甜嘅但入面夠肉就怪怪地仲有鹽酥雞同埋鹽酥魷魚炸嘢係無得輸同埋所有嘢食都係熱辣辣另外仲叫咗2杯嘢飲um...... 我覺得個奶蓋就麻麻唔夠芝味同奶味um....... 食完俾錢出門口.....朋友（男性）話唔夠飽但其實我已經飽咗

阿元來了這店人氣很高，但一直未有機會試。星期二晚上1830到達，有很多座位。每人最低消費$35！1️⃣ 魯肉飯 $29 — 飯上面放滿了魯肉，每一個粒飯也吸了甜甜的醬汁，一人一碗也絕不過份😋。2️⃣ 炸甜不辣拼盤 $30 — 外脆內軟，表面灑了椒鹽，一塊接一塊，停不了。3️⃣ 刈包 $30 — 味道確實不錯，但五花肉很乾🤢，扣了很多分👎🏼。4️⃣ 香脆大雞扒 $40絕對沒有誇大，這是我吃過最難吃的雞扒😡！雞扒很乾和硬‼️像重覆炸了幾次的質感。我敢說，豪大大的雞扒也比這家的好，可想而知它有多差！5️⃣ 九份芋圓 （溫）$30 芋圓數量很多，也很q彈，但沒有地瓜或芋頭味🤷‍♀️。其他配料少得可憐，只有數粒很硬的珍珠、紅豆、花生、腰豆⋯⋯糖水味有種說不出的味道，怪怪的🤦🏻‍♀️。整體來說不過不失，不用花$30在這𥚃點甜品。6️⃣ 起司奶蓋草莓珍珠🍓 $25💢 不得不提這杯伏到震的飲品！起司奶蓋可以用垃圾來形容🤮！味道奇怪不在話下，奶蓋打得一點也不綿密，有很多氣泡。-我也不知道這杯飲品是如何調配，應該是草莓醬加了不知什麼東西🤢，一個字：「假！」。-珍珠很硬😖。-其實研發飲品的人員有沒有認真試味，才推出飲品？•回頭指數：2/

一直喜愛台灣美食，阿元來了之前開在西營盤，住九龍既我冇專登去試，因為知道經常好多人排隊，而家觀塘有分店，亦開左一段時間，但都預左要排隊因爲去既時候係星期五晚！鋪頭唔算難搵，入到去見到裡面其實都幾大，裝修別緻又懷舊，每個細緻位都值得欣賞一下！好開心去到時前面只有數人排隊，等第3張枱已經到我地啦！我們2人點了：魯肉飯/蚵仔煎/炸雞排/爆蛋雞肉飯好喜歡魯肉飯，好入味，$29黎講我覺得份量合理，細細碗大家淺嘗更好，因為留肚試其他野！雞肉飯相對味道較淡，連旁邊伴菜一起食就剛好，不過不失吧！炸雞排比相像中大份量，新鮮炸起加小小鹽好好味呀！蚵仔煎我就覺得嘛嘛，我個人唔太鐘意好黏的口感，但朋友就食得好開心！所以每個人口味都唔同嘛😛整體我都好滿意，會再回來試其他美食☺️

我覺得阿元最正係個魯肉飯同埋鹽酥雞 佢個蛋餅麻麻地 可能我鍾意脆嗰隻 所以覺得佢冇乜咬口不過佢個滷肉飯足以令我特登去食 半肥瘦嘅肉一向正最緊要係味道調得好 撈埋落啲飯就會食唔停 當然肉同飯嘅比例都要啱啱好 咁先可以啖啖魯肉 又唔會太鹹鹽酥雞好有水準 超級熱辣辣 個皮好脆 入面隻雞係滑架wor 好正 唔會炸到冇哂肉味 好滿意 不過最唔滿意就係啲服務 明明當日去都未爆曬 啲枱已經細㗎啦仲叫人哋搭枱 所以坐得唔舒服 😬University memory series - the go-to restaurant to ease my taiwan food crave! Have been to their Saiwan branch for so many times but it was my first visit to the Kwun Tong one, and it hadnt disappointed us indeed. Minced prok rice is their most famous dish so needless to be talked about, but

今天打算吃完飯跟同事到公園走走散散步，所以隨便到樓下買個外賣回公司吃。看到阿元，醒起也有外賣午餐，所以走過去看看有什麼吃。點餐紙上有七個選擇，當我正在想要吃什麼的時候，聽見有食客點了三份《三杯雞便當》，羊群心態，我跟，而且是最後一份，覺得賺到了😂飯上面有一點點係似冬菜和豆豉的東西，味道方面我覺得有點鹹。三杯雞的份量也蠻多的，我覺得肉質不算得上嫩滑，但味道挺香的。除了這些，還可以在一格格裝滿不同餸菜的格子裏選三款小菜，我選了蔬菜，海帶絲和豆腐。蔬菜非常爽甜，至於海帶口感爽脆，帶點微辣，最好吃是豆腐，口感嫩滑，像百福那種，少少辣。這個不跟飲料，可以加$5點選。

對於喜歡吃台灣菜的香港人來說，阿元來了一點也不陌生。這間店提供的台灣菜式十分地道，基本上是台灣的住家菜，非常有親切感。說到吃台灣菜，當然不能不點滷肉飯。這裏的滷肉飯用上肥瘦適中的豬肉，油香剛好可以拌飯，而又不會吃起來時覺得太過油膩。若然客人吃到最後幾口覺得膩感強了，還可以用上一片醃製過的酸蘿蔔解膩，十分貼心。我跟朋友還點了一份酥炸魷魚一同分享。魷魚鬚的外層鋪滿了炸漿，吃起來挺酥脆，咬下時油香四溢，鮮魷爽脆，非常香口！