阿元來了 (鴻圖道)

营业中

休息中

.🔻阿元來了.想試好耐，但真係好少可會去觀塘呢頭，今次因工作過黎，而且好近，lunch果陣用openrice外賣自取，逢星期二用mastercard 買滿$80減$40(唔係賣廣告😂) 難得過黎呢到, 一次過試晒想食既無遺憾😂😂!!!! 以下都係外賣自取既價錢！！！！.🔻玉米起司蛋餅 ($31) 蛋餅外皮有d煙un感，唔算厚，呢個份量已經夠，唔好以為好少野，食落都幾漏下😯玉米份量唔多，反而超多芝士，食落幾香，d芝士係溶溶地既質地。.🔻福州魚丸湯 ($21)一碗得2粒😯好似少阻d, 初初以為係普通魚蛋，勁大力咬，點知原來入面有餡，標晒d 汁出黎，粒魚蛋口感好嫩好彈牙，個餡有鮮肉feel唔咸幾香，如果多2粒就好啦，個湯唔知係咪要飲晒，但我覺得有d偏咸，飲阻一半就放棄。.🔻九份芋圓 溫 ($33) 呢日有d凍，所以叫阻暖既芋圓，裏面有紅豆，芋圓，珍珠，芋頭味重，煙un得黎係偏淋既，唔會咬得好辛苦，都幾易入口，不過食落好單調，感覺上有d hea ....🔻總結每樣都不過不失，冇話有樣特別好食，食一次就夠，可能下次會試下第2d掛😯好彩減阻$40,如果係正價$85 我唔會食囉。。。。。😛

第二次黎食阿元來了，今次好好彩唔洗等位。叫左阿元滷肉飯、台灣香腸同鹽酥雞，唔係等左好耐就上菜。滷肉飯上面好足料，有一大舊豆腐、肉碎、兩條菜心同黃瓜。睇落唔算好多肉碎但其實撈完之後成碗都係汁同肉碎滿滿甘包圍係飯入面。覺得肉碎既鹹度適中，配白飯個味道啱啱好。另外好鍾意佢個豆腐，唔係軟淋淋個款，少少硬身好有口感，少少鹹令食肉之餘又可以食下其他野。仲有蔬菜黃瓜令成個飯感覺無甘膩。份量都算ok，食完仲有少少肚食得落小食。本身以為個台灣香腸係個種一條有棍吉住個d，點知原來係切片好似臘腸甘既樣，不過就比臘腸好食好多，甜甜地再配埋蒜頭，突然覺得有d似韓式燒肉既食法。原來蒜頭同香腸都幾夾，忍唔住一舊一舊甘接住食物，最後蒜頭同香腸都比我清曬。另外仲叫左鹹酥雞，炸得好香口，唔會話成舊都係粉，粉脆脆地薄薄地一層肉亦厚身份量亦唔少幾抵食。另外叫左個冬瓜茶，少少甘甘地甜甜地幾特別幾好飲，唔知有無清熱效果不過飲落去就幾清涼好似無甘熱氣甘。阿元算係幾地道同平民化既台灣餐廳，店入面都會播台灣歌，裝飾都幾特別，如果甘啱黎到觀塘黎邊都可以黎試下，食完仲可以去附近海濱花園行下。

今次試觀塘的亞元來了係工廠搵到嘅台灣美食一入店內 比佢復古嘅裝修吸引住好似置身第二個區域咁今次叫咗個清清的有肉碎同滷蛋台南擔仔面，新竹貢丸湯（如果可以大碗D就好）台灣香腸，柯仔煎略嫌不夠香口但有台灣地道感覺但店舖裝修係好有台灣風味氣氛好好打卡一流飲品好飲可以揀糖份 適合不愛甜嘅你夜晚時份大多數要排隊價錢都係中價位地段觀塘區 極為方便朋友餐敘一流#食好西#food#食野#eating #香港美食#foodie

上次同同事食過阿元來了嘅魯肉飯同蛋餅之後，覺得呢間台灣野不錯，今次就試下佢嘅粉麵！今次跟同事用food panda叫，叫之前都有啲擔心啲粉會索曬湯淋曬，不過自己又想食粉，所以最後都嗌咗🙊餐廳好貼心，將粉分開咗放上格，送到嚟仲熱辣辣，而且粉無浸住啲湯淋咗貪得意嗌咗呢個粿條，食食下覺得咁似河粉嘅😂真係食唔出同河粉有咩分別😂配料方面，有半隻滷水蛋，幾入味，半粒牛丸、肉碎同葱。湯底個人覺得油咗啲，食到最尾有啲膩

夜晚大約八九點去食 ‘阿元來了’，但店內仲有好多人。兩人叫咗個鹵肉飯、鹽酥雞、蚵仔煎及九份芋圓。1. 鹵肉飯正常，醬汁偏濃，但真係幾細碗吓。2. 鹽酥雞只有小食，雞肉算嫩但完全無味的。另外碟餸只是微暖，外皮有陣怪味，似啲油溢味。完全唔好食。3. 蚵仔煎，只食到半凝固的粉漿，蚵仔亦是淡而無味的。4. 最後是芋圓，食到一粒粒未均勻的麵粉，完全唔好食。整體來說店舖裝修很有特色的。服務質素就一般，因人手不足，等咗好耐都無人落單。唔值得特登到訪去食。

同朋友睇完戲就黎到呢間係台灣同係香港都同樣咁出名既阿元來了食晚飯啦。呢間睇網上都已經有好多人讚既餐廳，今次就試下有無名過於實先。台南擔仔米粉 - $36味道唔錯，米粉煮得岩岩好，爽滑彈牙。有唔同配料：豬肉丸、芽菜、蝦、滷水蛋同少少肉操。湯底帶有少少蒜味，鮮甜可口，下次黎食會再叫。阿元魯肉飯 - $42份量多，無論魯肉定飯，相當抵食！味道方面，魯肉汁鹹甜適中，撈飯食好滋味。魯肉油脂比例適中，唔會有好多肥膏令成碗飯油膩。值得推介！炸花枝丸 - $35 （下圖左）炸至金黃色，粉漿鬆化可口。花枝丸質地結實鮮甜，可以食到有墨魚，唔係食落成粒粉狀個啲。好味道。鹽酥雞 - $37 （下圖右）份量比預期多，亦係炸至金黃色。味道調教得岩岩好，唔會過鹹。粉漿薄同鬆脆，雞肉帶有肉汁，唔會乾身。唔錯。整體黎講，呢間餐廳環境、食物質素同價錢都唔錯，會再幫襯。

知道阿元出了紅豆餅，好興奮好想試，今日終於有機會了。因為係下午茶，所以只可以選一種味道，咁唯有試左珍珠奶茶味先。可能我食時已經變涼了，外皮口感有點韌，溫度真係食物的關鍵🤦🏻‍♀️一咬開「紅豆餅」，本來滿心期待個餡好有珍珠奶茶的感覺，點知...... 個啡色餡唔係好覺有味，反而果啲黑珍珠的味道與口感則屬正常。整體來說，以這個價錢（$13）我不會再試，始終紅豆餅都是要熱食，但店鋪位置唔近大路，好難親身去買完即食，如果食親都唔係暖，真係零興趣再試。而未試的人士，除非好喜歡食珍珠，否則可以不選珍珠奶茶味🙊

這一檔的阿元來了，果然是平靚正的台灣快食店。中午12時過後，已開始有一條長龍等着。有可能是觀塘鴻圖道最旺的一檔。阿元滷肉飯必試的王牌午餐，傳統風味的台式滷肉飯，吃下來也很開胃，滷肉不肥，豆腐送飯也很野味，滷水汁少點鹹更好。爆蛋雞肉飯另一皇牌午餐，就比較令人失望。雞肉勁乾，沒有醬汁之下，整碗飯是乾哽。肉鬆蛋餅阿元招牌小食，果然不負所托，肉鬆跟蛋皮混在一起幾香甜可口，不錯的飯後甜品。熱飲原來是外賣紙杯上，因為多人光顧，所以方便大家外出慢慢飲，不用霸住個位。選擇其實不少，還有encore的空間。地方來說，不算太舒適，但很有台灣夜市風味，服務也很有街邊夜市風格，吃完好走。以價錢和食物質素來說，是很不錯的選擇。

在阿元來了食晚餐我地兩人份點左5樣野，原來夜晚時段沒有蛋餅，午餐才會提供阿元魯肉飯$42舊豆腐乾勁好食，好入味魯肉很香而不膩黃色果塊酸蘿蔔都好食😋份量ok，比魯肉飯$32大碗台灣擔仔麵$36湯底很香蒜味 有莞茜 肉碎 一粒蝦 半隻蛋 半粒肉丸 整體好食刈包$32 有點貴 佢有甜既花生碎粒 一舊肉同莞茜今次食的這個有點乾 唔夠新鮮蚵仔煎$37抵食 好大份 成個pizza仔咁 味道質感都好食 加埋佢淋係面既醬汁 煎蛋既底下就係蚵仔同一啲菜小芋圓奶茶(熱)$28幾好 唔太甜 芋圓細細粒 有啲好淋 滷味拼盤$35豆乾加醬汁 很搭豬腸同雞翼都入味 唔會臭仲有半隻滷蛋餐廳環境超有格調 充滿懷舊台灣特色店員親切有禮貌 會講台語國語必定會再食

細佬帶食台灣野，我地過左午飯時段先到，所以人流唔多，小朋友見到唔駛排隊感到開心阿元滷肉飯，平日食的滷肉飯會比較油膩，這個滷肉飯入口唔會咁個油膩，滷肉口感比較容易接受，半肥瘦肉切粒加埋個汁唔會偏鹹又唔會偏淡，小朋友都搶住食蚵仔大腸麵線，麵線好幼同好滑，大腸無肥膏，蚵仔又唔會太細仔地瓜球，細細粒，飯後甜品岩曬黑糖薑母茶，唔會太重薑味，又唔會過分甜

係門口企但無人理，其中一個金絲眼鏡個子矮小女人侍應，我張枱勁dirty, 收紙巾但唔抹檯，行過撞到我道歉欠奉，雖然同人搭枱，但野食放在枱邊緣缐上😢感覺好差，雖然其他侍應表現正常。魯肉飯麻麻，但鹽酥雞唔好食。春水x及養心x的鹽酥雞好食好多。半個台灣人，味道不是正宗，新竹貢丸湯算oi, 但味道不是記憶中的味道。唔係好明點解咁多人食，或者食唔中好食既野瓜，但…咁既服務，想俾多次機會都難。黑口黑面零溫度講普通話好毀滅性。

阿元來了係我最鍾情的台灣菜餐廳, 經常到台灣旅遊及短住的我, 因為成日食台菜, 對台菜有一定要求。大膽D講句, 阿元的魯肉飯好味過哂我在台灣食的魯肉飯的, 一D都冇誇張, 原因係:-1. 魯肉份量多: 在台灣, 魯肉相對飯的份量較少, 好多時都要ON THE SIDE叫多一份淨魯肉先滿足到;2. 肉及肥膏的比例較健康: 台灣好多魯肉飯都好多肥膏, 食完覺得成肚油、好有罪惡感, 但阿元的魯肉飯豬肉及肥豪比較剛剛好;除魯肉飯外, 貢丸湯都好值得試, 因為貢丸係台灣直送的, 好香好彈牙。鹽酥雞、台式腸、炸魷魚鬚都好香口。另外, 好抵飲的仲有佢D日式飲品, 加$10-20就有一大杯~

其實👧🏻一直都好鍾意食台灣野😝惹味得黎又夠香口💕呢間阿元我想食好耐，但佢星期日唔開，今星期六終於得閒有時間黎試下佢😍😋💕呢到由台灣人主理🇹🇼有部分食材更由台灣直送✈️裝修充滿台灣地道夜市既感覺 好有特色💕 價錢係香港黎講都算親民既一間台灣菜🇹🇼(食完覺得每樣份量都好細😅所以都唔算性價比高)🇹🇼阿元滷肉飯 $40 (6/10)滷肉肥瘦均勻 有入口即融既感覺😚味道夠香夠入味 色澤靚 份量亦好多 夠撈飯😋配菜有塊醃蘿蔔、滷豆腐同菜心✨滷豆腐好死實實好硬而且冇滷汁既香味，如果可以將豆腐轉成鹵蛋會好啲😢飯方面真係比較失色，飯粒痴埋一舊舊 唔夠鬆軟 偏硬，甚至有少少隔夜飯既感覺⋯如果米飯方面改善下呢碗魯肉飯會高分好多！🐥塩酥雞 $37 (4.5/10)炸得香脆唔油膩，但好厚粉 咬落好硬！！雞肉食落比較乾 唔嫩滑同冇肉汁🙍🏻調味唔會太鹹 但味道比較單一算係我食過既鹽酥雞最唔好食既一間😳🦑酥炸魷魚 $39 (9/10)成晚最滿意既一樣😋我同🧒🏻都好鍾意食！炸粉唔厚，酥脆可口，魷魚口感煙韌彈牙😆咬落好香魷魚味又夠香脆！推介🌟🥞玉米肉鬆蛋餅 $35 (1/10)明明我衝住蛋餅黎，特登5點前黎食！但呢樣係令我

睇電視介紹佢觀塘分店有款新出嘅紅豆燒餅，係觀塘店限定，專登諗住黎試下，點知原來要六點前先有得食㗎😪其實西營盤嗰間一早之前已經食過，係真係有台灣風味嘅台灣野，後尾觀塘分店開業，我呢個觀塘人就唔使走到咁遠啦。其實呢間我都係第一次嚟，始終住喺觀塘反而會選擇出出面食多啲。行到入去真係好有置身台灣嘅感覺，不過最搞笑係我入到去以為自己搵位坐，點知個侍應指一指個後門叫我排隊，一條人龍但係感覺唔係幾好囉，又隔住晒啲冷氣 。因為我朋友放工未到要一直等到齊人先可以入座。我哋兩個劃劃下要左好多嘢食，根本都食唔晒，其中有一樣本身我哋冇叫到㗎，不過朋友費事麻煩所以照食可也，結果咪要打包囉。我哋分別叫咗滷肉飯啦、甜不辣啦、滷水拼盤、鹽酥雞同埋唔係我哋叫既蝦煎餅。滷肉飯本身我好鍾意食，不過又好似冇乜特別。甜不辣- 一路單憑佢個名根本唔知佢係一樣炸物，而且又唔甜又唔辣，佢就好似煎釀三寶中嘅炸魚旦咁嘅質地。滷水拼盤有雞翼、豆腐、豬腸同滷水蛋 ，雖然都唔係我杯茶不過都OK。鹽酥雞呢款炸物就係我每次去食台灣野都要叫嘅，唔熱氣我都唔食🤪🦐煎餅 - 本身都冇諗住叫，佢就係蠔仔煎餅換咗🦐。本身已經食唔晒其他嘢，呢樣就更加冇乜點食

講到台式飲品，最具代表性嘅一定係珍珠奶茶。當台式珍珠奶茶mix日式車輪餅，個感覺會係點？觀塘- 「阿元來了」就有珍珠奶茶車輪餅買。-佢地嘅車輪餅有好多種味道可以揀，珍珠奶茶味就$13。個車輪餅就算唔係即整都會係暖爐都拎出黎，所以收到個陣都係暖嘅。大概係手掌心嘅size，食落外皮都幾鬆軟，內餡若莫有十幾廿粒珍珠，但個漿就唔算好有珍奶味😂-當然只係過下口癮，想要真正珍奶味，緊係去飲奶茶⚫️🥛-提提大家車輪餅18:00就會收檔，過咗就會摸門釘傢🙈