影片
更多
2019-10-23
143 浏览
睇電視介紹佢觀塘分店有款新出嘅紅豆燒餅，係觀塘店限定，專登諗住黎試下，點知原來要六點前先有得食㗎😪其實西營盤嗰間一早之前已經食過，係真係有台灣風味嘅台灣野，後尾觀塘分店開業，我呢個觀塘人就唔使走到咁遠啦。其實呢間我都係第一次嚟，始終住喺觀塘反而會選擇出出面食多啲。行到入去真係好有置身台灣嘅感覺，不過最搞笑係我入到去以為自己搵位坐，點知個侍應指一指個後門叫我排隊，一條人龍但係感覺唔係幾好囉，又隔住晒啲冷氣 。因為我朋友放工未到要一直等到齊人先可以入座。我哋兩個劃劃下要左好多嘢食，根本都食唔晒，其中有一樣本身我哋冇叫到㗎，不過朋友費事麻煩所以照食可也，結果咪要打包囉。我哋分別叫咗滷肉飯啦、甜不辣啦、滷水拼盤、鹽酥雞同埋唔係我哋叫既蝦煎餅。滷肉飯本身我好鍾意食，不過又好似冇乜特別。甜不辣- 一路單憑佢個名根本唔知佢係一樣炸物，而且又唔甜又唔辣，佢就好似煎釀三寶中嘅炸魚旦咁嘅質地。滷水拼盤有雞翼、豆腐、豬腸同滷水蛋 ，雖然都唔係我杯茶不過都OK。鹽酥雞呢款炸物就係我每次去食台灣野都要叫嘅，唔熱氣我都唔食🤪🦐煎餅 - 本身都冇諗住叫，佢就係蠔仔煎餅換咗🦐。本身已經食唔晒其他嘢，呢樣就更加冇乜點食
其實西營盤嗰間一早之前已經食過，係真係有台灣風味嘅台灣野，後尾觀塘分店開業，我呢個觀塘人就唔使走到咁遠啦。
其實呢間我都係第一次嚟，始終住喺觀塘反而會選擇出出面食多啲。行到入去真係好有置身台灣嘅感覺，不過最搞笑係我入到去以為自己搵位坐，點知個侍應指一指個後門叫我排隊，一條人龍但係感覺唔係幾好囉，又隔住晒啲冷氣 。因為我朋友放工未到要一直等到齊人先可以入座。我哋兩個劃劃下要左好多嘢食，根本都食唔晒，其中有一樣本身我哋冇叫到㗎，不過朋友費事麻煩所以照食可也，結果咪要打包囉。
我哋分別叫咗滷肉飯啦、甜不辣啦、滷水拼盤、鹽酥雞同埋唔係我哋叫既蝦煎餅。
滷肉飯本身我好鍾意食，不過又好似冇乜特別。
甜不辣- 一路單憑佢個名根本唔知佢係一樣炸物，而且又唔甜又唔辣，佢就好似煎釀三寶中嘅炸魚旦咁嘅質地。
滷水拼盤有雞翼、豆腐、豬腸同滷水蛋 ，雖然都唔係我杯茶不過都OK。
鹽酥雞呢款炸物就係我每次去食台灣野都要叫嘅，唔熱氣我都唔食🤪
🦐煎餅 - 本身都冇諗住叫，佢就係蠔仔煎餅換咗🦐。本身已經食唔晒其他嘢，呢樣就更加冇乜點食過，全部打包。
另外我哋分別叫咗兩杯嘢飲：朋友叫咗芋頭珍珠奶茶，我就叫咗杯冇咁飽嘅金橘檸檬。
其實我呢個媽媽朋友不知幾掛住兩個仔，仲專登外賣啲佢哋鍾意食嘅小食返去比佢哋做宵夜添。
本身諗住試佢個紅豆燒餅係響呢間鋪嘅隔離有另外一間鋪頭仔嘅外賣店，可惜無緣一試
總括來講反而好似唔係最好食嘅台灣野，定因為我食得太多好嘢把嘴都刁埋😅
张贴