台南擔仔米粉 - $36
味道唔錯，米粉煮得岩岩好，爽滑彈牙。有唔同配料：豬肉丸、芽菜、蝦、滷水蛋同少少肉操。湯底帶有少少蒜味，鮮甜可口，下次黎食會再叫。
阿元魯肉飯 - $42
份量多，無論魯肉定飯，相當抵食！味道方面，魯肉汁鹹甜適中，撈飯食好滋味。魯肉油脂比例適中，唔會有好多肥膏令成碗飯油膩。值得推介！
炸花枝丸 - $35 （下圖左）
炸至金黃色，粉漿鬆化可口。花枝丸質地結實鮮甜，可以食到有墨魚，唔係食落成粒粉狀個啲。好味道。
鹽酥雞 - $37 （下圖右）
份量比預期多，亦係炸至金黃色。味道調教得岩岩好，唔會過鹹。粉漿薄同鬆脆，雞肉帶有肉汁，唔會乾身。唔錯。
整體黎講，呢間餐廳環境、食物質素同價錢都唔錯，會再幫襯。
