阿來泰式地道風味

营业中

休息中

一嚟到天氣咁熱叫個凍飲先啦！一行四人。我地叫椰青係熱既⋯ 叫左杯龍眼冰無味既。向咁熱天氣已經勁失望。生蝦刺身一般，不太新鮮，醬汁唔好食冬陰公咸到xzxdxxxx,~<%%*%# 咸到飲唔落！真係想叫佢退返佢。馬拉盞炒椰菜苗好咸好硬，未炒熟又好咸。炸蝦餅連炸蝦餅都係過咸！我第一次食蝦餅都咁咸。再叫左粉絲蝦煲同咖哩炒蜆仲有蒜蓉包呢幾樣就正常返啲。原本想再加單都唔夠膽，所有野都極咸！期望過大，不會再有下一次。

原來旺角都有幾正宗嘅泰式餐廳，正正就在先達對面的地舖，餐廳就咁望好似細細咁，但其實佢有兩層，都坐到幾多枱人，所以唔使等位就得啦。食物選擇都算多，有小食、主菜、粉面飯乜都有。海南雞飯：海南雞飯係完全冇骨，肉都好鮮嫩，好滑，而且隻雞唔肥，連雞皮都可以食得。油飯都整得幾好味，醬汁都好有泰式風味， 而且好大碟，食完都好飽。馬拉盞炒通菜：碟菜超級多，要兩個人先食得晒。呢個馬拉盞炒通菜辣辣地，好滋味。泰式小食拼盤：呢個拼盤一上枱就令我好surprise, 因為超大碟超豐富，上面有兩舊蝦餅、兩舊魚餅、兩條春卷、四隻雞翼，樣樣都炸得好好味，尤其係蝦餅同埋雞翼，係我嘅至愛。最後叫埋個椰青飲，好鮮甜，食完呢餐覺得好滿足。

今日與友人約係旺角，呢個地方出名野食多選擇同埋會經常約朋友食飯既地方。行經一間入面十分受歡迎既泰國菜館，內外都係人，似乎唔錯望價錢都馺屬平民價，就決定入去一試。餐廳內外人齊就好快可入座，環境少許擠迫，行歪少少都驚撞到隔離既枱，但侍應都好好咁俾左張櫈我們擺袋。食物選擇打開餐牌，都有唔同既選擇，有傳統嘅泰式小食，海鮮餐，炒粉麵飯，炒菜，多到揀唔落手既時候就可以揀套餐，呢度有二至四人餐，送嘢飲添。我同朋友都懶得選擇，就揀咗個二人套餐，就有齊飯，海鮮，炒菜同一個例牌。我哋就揀咗個$288嘅套餐，份量應該剛剛好。二人餐(A) $288包括泰式滷豬脾(例牌)或泰式海南雞(例牌)、咖哩炒蜆、炒通菜、白飯或油飯兩碗、飲品兩杯。泰式海南雞(例牌)例牌我選擇咗海南雞，呢度嘅海南雞都好新鮮，食落啖啖肉，佢只配一種辣醬，似乎係自家製嘅辣醬，味道夠晒濃郁，仲有少少甜。雞就肉質超滑，雞皮唔算太厚太肥，點呢隻辣汁一流。食海南雞當然要配油飯，油飯睇色水好靚，窮乾濕度岩岩好。馬拉盞炒通菜之後上咗炒通菜，有三種味揀，馬拉盞炒通菜、飛天通菜(會有少少辣)同埋蒜蓉炒。我哋就揀咗最傳統嘅馬拉盞，菜都係大大碟好新鮮，咬落仲好爽脆

同男朋友好耐無食泰國菜，上網見到好多人推介呢一間泰國菜，而且價錢比較公道，所以我哋決定去呢一間試下新野。我哋七點左右去到呢間鋪頭已經發現有好多人差唔多坐滿哂。我哋叫咗一個串燒沙嗲，分別有雞同豬肉兩款，醬料十分入味，有好濃嘅沙嗲味，我同男朋友都覺得好好食。之後我哋仲叫咗一個豬頸肉通菜，豬頸肉嘅份量比我想像中多，而且通菜炒得十分爽口。然後我哋叫咗一個泰式炒金邊粉，金邊粉嘅份量足夠兩個人食，以呢個價錢來講，我覺得呢一個金邊粉嘅CP值好高，個金邊粉有酸酸甜甜嘅味，炒得唔會好乾，再加埋大蝦好爽口，我覺得個金邊粉係值得回頭再食。最後我哋再叫咗一個芒果糯米飯，芒果好甜，而且糯米飯上面嘅椰漿甜度適中，搭配一流。

常常去旺角，已經在那兒留下不少美食的足跡，之前經過一間人氣很高的泰式食店，也想和朋友去試試的，奈何門口長期也有一堆人流，所以遲遲未有機會光顧。這次來之前已事先訂位，很快就可以入座。食物的價錢非常便宜，難怪能吸引那麼多人去光顧，小食、飯麵等種類只需要40～50多元，在旺角來說完全是街坊價錢。先來的是海南雞飯，這裡的海南雞飯還要是無骨的，食店十分貼心，把骨都去了，好讓客人能好好享受雞肉的滋味。雞肉的數量頗多，而且嫩滑非常，真的很好吃。海南雞配的油飯也是一絕，通常油飯真的非常油膩，這裡的有香味之餘又恰到好處就連自己本身並不愛吃泰國菜也愛上了這個飯。串燒沙嗲則比較遜色，表面的醬汁其實還不錯，沙嗲味香濃，令整份串燒都很香口，只是肉質有點硬，在這裡扣了分。不知道是不是自己的味覺有問題，吃的時候還真是分不清哪串是豬肉，哪串是雞肉🤣味道好像都差不多。每次到了泰國餐廳，必定會點小食拼盤或炸蝦餅，這次也不例外，因為害怕吃得太飽，這次就不吃小食拼盤了，吃炸蝦餅就好。蝦餅很是大件呢看到的時候真忍不住驚嘆了，裡面的蝦肉也爽口彈牙。整體來說都很好吃，只是放得久了，外面那層皮會變得硬。椰青很大個呀，雖然並不是十分清

今日去咗一間好抵食嘅泰國菜，呢間泰國菜位於旺角，地點方便。呢間泰國菜館全日都免收加一，好抵食。我哋叫咗一隻海南雞，佢瞓咗兩碟半隻半隻咁上，分量非常多。海南雞嘅雞肉十分嫩滑，就算食一啲雞胸嘅位置都唔覺得好鞋，依個醬汁都非常之好味，我就建議大家可以叫一隻海南雞，因為相對比較抵食啲。另外叫咗一碟豬手飯，豬手夠林，個汁都好入味，而且好香甜又夠濃。而且份量都算幾多，碟頭飯黎計非常之抵食，如果想嗌多啲嘢食就可以兩個人share食。

近來雨水特別多，時不時都會突然下大雨，隨時躲避不及，殺錯良民。今晚我們在旺角就是遇上了無情雨，幸好的是在晚飯時間，我們便找到一間吃道地風味的泰式餐廳。餐廳似乎好細間，坐滿了客人，原來還有上層的。碰巧下層剛有客人離座，我們便決定不到上層了，就此坐下。天氣實在太熱了，又濕又悶的，來一支冰凍大藍妹是挺好的選擇，爽!點了一個柚子沙律，份量唔少。柚子肉多，味道很清新鮮甜。還有大蝦，肉質幾爽。這個沙律還有一個特別之處，原來裡面有新鮮椰絲，所以這個沙律的味道很豐富。隨後是蒜蓉炒椰菜苗。椰菜苗炒得很有鑊氣，而且翠綠。食落清甜爽脆，而且充滿蒜香味。主食點了菠蘿海鮮炒飯，材料很豐富，除了慣常有的菠蘿、海鮮之外，還有臘腸，味道不錯。如果炒飯能造到乾身一點會更加好。最後是吃芒果糯米飯。糯米飯粘粘連連、煙煙韌韌，鮮芒果好香好甜，這個飯後甜品真不錯。原來餐廳是全日不收加一，所以覺得好抵食。

前牌黑仔跌爛咗電話個mon就去先達搵人報下價，點知12點去到好多都未開唯有去食個lunch先，一行出去就見到對面有間泰國餐廳，而且午餐價錢都係$50 $60，就入去一試以為餐廳旁邊少少原來仲有上邊一層，上邊仲多位！這裏的裝修就比較簡樸或者都有多年經營了海南雞飯一嚟到就已經吸引左我$54，加$10仲有雞髀食！ 油飯同埋白飯嘅選擇，食食梗係揀又油飯粒，每粒飯都充滿雞油的香味，但係仍然好爽口不會太油膩！海南雞屬於無骨，肉質滑，充滿雞香味！見到他們牆上的圖片小食忍唔住叫多兩個酸辣鳳爪-酸酸甜甜份量夠多豬頸肉-燒得很脆，也很嫩滑，連埋個泰式辣汁就prefect跟海南雞飯加幾蚊仲有餐飲！碟頭大價錢抵食

喺附近行開買水晶☝🏻☺️肚仔餓兩聲就入咗嚟啦🎈串燒沙嗲 ($78)熱辣辣香噴噴既雞肉x3 豬肉x3☝🏻花生醬椰味超重既沙嗲醬🤤 滿滿咁覆蓋係串燒上面🤤雞肉燒得岩岩好，唔會霉☺️厚肉地豬肉燒到面頭脆脆地☝🏻加埋本身用泰式香料醃過😊兩樣都好味🎈泰式炸蝦餅（$78)大舊炸蝦餅！炸粉層薄☺️黃金色既外表，脆脆外皮☺️一碟6 件，入面彈牙蝦膠💕重有埋泰式酸辣醬！酸酸地開胃呢🎈青咖啡 -雞 ($68)椰汁味重既😍😊一上台已經聞到！入面有雞件，洋蔥，紅椒☝🏻怕辣人士精選青咖喱，香得黎唔會太辣，雞肉啖啖肉，肉質滑，洋蔥煮到入曬味，真係好岩送大白飯😍🎈泰式肉碎生菜包（$78)😊生菜🥬包香辣肉碎充滿香茅味道，入面仲有蒜頭同指天椒🤤🤤又香又辣，包埋新鮮生菜夾埋一齊食🥬真係好味到食唔停口啊☝🏻份量夠多🤤抵食🎈泰式炒金邊粉 ($58)食泰國野又點少得 Pad Thai ☺️金邊粉根根分明！唔會痴埋一餅野☝🏻炒得好有穫氣🤤兩隻大蝦🍤蛋絲，豆腐絲，芽菜炒埋成件事泰！味！道💕配埋青檸汁！酸酸甜甜既pad thai 💕💕🎈椰青 ($35) 大夏天，椰青解暑透心涼，飲完重可以食埋d 椰肉😆當甜品🤤旺角幾高質泰國菜🎈😊☝🏻💕

朋友約我旺角食泰菜聚舊 😋佢話上次食過都唔錯 我地兩個大胃王坐底先叫一人一個椰青($35)解渴🤣🤣🤣🤣冰凍椰青水量多而甜 飲完仲可以食埋滑溜溜椰青肉😁之後上個半打串燒沙嗲($78) 3串豬肉配3串雞肉 肉質唔乾唔嚡 仲保留肉汁每串串燒都沾滿香濃重花生醬味嘅沙嗲 非常開胃😍😍😍😍然後食個每次泰菜必食嘅泰式炸蝦餅($78) 一碟總共有六件 金黃色外層 咬落香脆 內裡係軟滑爽彈蝦膠 點埋甜酸醬根本停唔到口😌😌泰式肉碎生菜包($78)同樣係頭盤不二之選微辣肉碎用上九層塔以及紅蔥頭炒香 再包上嫩綠生菜生菜起平衡作用 惹味之餘唔會滯😍隨之而來青咖喱香氣傳出 😂🤩原來係我地份青咖喱雞($68)濃郁椰香 配上雞肉幼細嫩滑 圓茄子爽脆 相比起辣 青咖喱入口多份香滑帶甜 😝😝😝😝最後當然唔少得Pad Thai泰式炒金邊粉($58)以爽彈大蝦 豆腐干 蛋絲炒起 金邊炒柔軟唔黏口 味道酸酸甜甜食前添加青檸汁 拌入花生碎粒 口感更有層次 下次去食泰菜都唔一定要去九龍城 黎旺角都有高質泰菜

Came here today for lunch and the food is great. It was three in the afternoon and still a lot people there. The space is tiny just like other hk restaurants. I ordered pad Thai, really liked the flavor. I love a lil sweet in my dish and it was perfect. It’s not too greasy and when you squeeze the lime juice on it and mix well, it really adds a bit refreshing taste to it. I really loved it and I will definitely come back and try other food!

妹妹仔話已食過幾次，值得去試試，尤其系泰皇咖哩火山軟殼蟹法包，於是我就約埋妹妹仔去食軟殼蟹又軟又脆，咖哩有香濃椰汁味道，而且唔辣，配上鬆軟法麵包食，令人lam lam 脷這個香芒蟹肉炒飯份量十足，芒果粒粒非常多，可以滿足曬芒果迷既我地，而蟹肉數量也不少，炒飯也粒粒分明馬拉盞炒椰菜苗也不錯，有點微辣，菜苗爽口，好味道yummy 椰青更令人刮目相看，皆因開蓋👀看看，d椰青水滿滿的，總括來說是抵食夾大件的泰式風味餐

今晚好想食泰國野~ 好隨便咁行過旺角先達側邊一間泰國野, 點知有驚喜!!!!! 本來諗住每人叫一個客飯加碟炒菜, 坐低咗睇下餐牌先發現好鬼多野食, 價錢仲幾OK下~ 但飯類都係每人一個, 一個海南雞, 一個辣醬蝦頭油炒飯~ 之後加餸就精彩了, 一個鐵板蠔仔炒蛋, 蝦刺身, 炸蝦餅, 甜品芒果糯米飯..... 加多支泰象啤 一黎就係海南雞, 雞好有雞味, 肉質好嫩, 唔大肥可以連皮食, 油飯D油啱啱好, 好香. 之後黎個鐵板蠔仔蛋, 好大碟, 十隻蛋份量咁, 二個人食哂佢係有D吃力, 不過好香, 蝦刺身蝦好新鮮, 身好厚, 好爽口, 98蚊係好低食, 炸蝦餅我覺得係今次既精選, 外脆內彈牙, 每啖都好濃蝦味, 必叫架~ 食咗咁多熱氣野再飲返啖泰象啤立刻成個人冧哂~ 爽丫喂 最後食埋個芒果糥米飯, 芒果好多~ 糯米好煙UN~ 好好吃~ 叫咗咁多野5百蚊有找, 哩間泰國菜好適合幾個黑洞朋友一齊去~ 唔睇價錢亂咁叫我諗每人都唔駛200蚊落樓~ 好扺食

There is always a line in front of this restaurant no matter what time it is. (The line is  even longer at night)We were lucky enough to secure a table at around 730. This place is exceedingly famous for its hainan chicken. So, being extremely hungry, we ordered a WHOLE chicken. To go with it, we also ordered the cabbage sprouts and a coconut chicken soup (yes we love chicken). My sister also ordered a lemon soda. The first thing that arrives is the massive chicken. Honestly, we thought half a c

路過呢間泰式餐廳見到超抵，而且入面仲好多人，超吸引午餐就決定食呢間啦！餐廳一共有兩層，上層以大台為主呢度既午餐全部好吸引！另外發現原來晚餐都好抵！本身價錢已經平，仲要全日免收加一呀泰式豬比飯 $48豬比燜到軟捻，豬皮部分入口即融，而且好入味，滷水汁配上鹹菜送飯，完全冇得輸！味道同我係泰國食既好似，份量又多呢個套餐連晚上可以點，仲包一杯飲品，真係平靚正泰式蠔仔蛋飯$48看落冇咩特別，但係好好食！蛋好滑又香，蠔仔新鮮又多加上甜辣醬，停唔到口！馬拉盞炒椰菜苗 $68本身以為係圓形既，點知原來係長條形既椰菜苗，食落都有咬口，味道都ok椰汁三色冰 $5呢度既特飲跟餐只需加5蚊，呢杯椰汁三色冰椰汁味濃郁，唔錯！