阿來泰式地道風味

营业中

休息中

泰式菠蘿炒飯：雖然用料充足，但是炒飯完全沒有鑊氣，成個飯好淡，冇任何味（鹹味都冇），食得出唔新鮮！冬陰功金邊粉：麵上面一些冬陰功醬，嚴格來講唔算冬陰功湯，少少辣，金邊粉完全唔入味、面和湯是分開的凍檸茶：茶味非常淡，有少少甜味太多冰（已叫少冰少甜）熱檸水：一般般（冇可能整得難飲）見網上食評不錯，特意過嚟試吓，失望而回價錢便宜，午市套餐價48，凍飲加兩蚊，在旺角來說算平，餐廳中午12點才開。不會推薦朋友過嚟食，亦不會再回頭，完全冇咩吸引力。

又到左定期食泰菜既時間今次去既係位於鬧市旺角既泰菜係鍾情泰菜既朋友仔極力推介位置咁方便 本來以為會有番咁上下價位點知一坐低打開menu嘩晚市叫個主食都係50幾60蚊小食 其他泰式特色菜 價位都比其他餐廳平睇尼今次唔洗就住荷包 有食神了！三兩下手勢揭曬本menu 最後決定落單 大蝦金邊粉 馬拉盞通菜 同串燒雙拼雖然唔係咩罕見菜式 幾乎間間都有尼啲但係！可以係芸芸同類中跑出先係真功夫！所以我地就一於嗌尼幾味試試佢餐廳上菜超快 幾乎5分鐘就上菜但又唔係炒左好耐擺埋一邊既感覺上枱個下依然熱辣辣 先尼既係金邊粉 大大碟成座山咁而且加左好多配料一齊炒 啖啖都好豐富入味得尼又唔會太油太膩大蝦更加係比足3大隻 兩個人share都夠曬接住尼既係馬拉盞通菜 一樣份量足唔會過鹹同太辣 而且超有鑊氣 正！最後係我最期待既串燒！嗌左半打雞豬雙拼 燒得亦係外脆內juicy沙嗲味道都好夠香濃 係略嫌落得唔夠多但肉本身應該醃過 就算冇曬沙嗲都夠味我地仲嗌左椰汁三色冰同原隻椰青埋單都係人均HK$ 125 晚市尼講好抵食！地理位置又方便推薦大家尼開旺角可以一戰！

見到咁多人話好味、所以去試吓。星期一的5點去食，入到去叫咗一個海南雞飯、一個豬手飯餐。海南雞飯不過不失、泰式豬手飯一啲都唔好食完全冇泰國果種風味。另外散叫咗一個紅咖喱牛肉同埋炸蝦餅。紅咖喱牛肉冇乜味道而且個汁好稀、牛肉非常不淋咬唔入、同店裏面的侍應講、值得一讚係佢哋即刻取消、炸蝦餅好像炸了很久微波爐翻叮出來、一點脆的口感也沒有、而且蝦肉有點酸味。總括而言價錢係抵食但係食物味道麻麻哋、不像泰國菜。

阿來雖然無華麗嘅裝潢，但店內陳設乾淨企理，做足防疫措施，令食客食得開心又放心😆今晚7時許左右嚟到已經全場滿座，店員帶咗我地上閣樓雅座。一打開menu就俾佢個全日套餐吸引到，$5x起有海南雞飯/泰式豬髀飯，轉特飲都係加$5，小資女就梗係要叫番個嚟試下啦😆 哩個套餐完全無將貨就價，先講份量十足，再嚟個海南雞勁滑嫩，仲要係起哂骨啖啖肉，黃飯嘅黃薑味可以再重少少。豬髀飯都有驚喜喎，豬髀超級軟稔，而且豬皮清得乾淨，每一啖都係滿滿嘅骨膠原。我地另外仲加點咗泰式炸蝦餅都只係$78 咋，有成6大件，即叫即炸，食落去仲熱辣辣，手打蝦餅勁彈牙係誠意之作，沾埋泰式雞醬就perfect 👍🏻最後梗係要叫個芒果🥭糯米飯先完滿嫁嘛，泰國芒果甜得嚟又唔會渴喉，糯米飯軟綿綿加上香濃嘅椰漿，就算係已經好飽都食唔停口呀😆

今日路過旺角做野，三點幾都未食野，真係好餓，但旺角食野真係好驚伏，見食評咁多人話大件夾抵食，就入黎試下喇～泰式豬手飯配鹵蛋泰式酸菜 ＄50跟飲品 （特飲加＄5，要左鹹檸七）份量十足炆到夠晒腍，泰式蠔油味，清清地幾好啖啖肉豬皮食落唔肥膩，已炆到腍滑香軟，好正泰國咸菜，以醃菜黎講味道唔算太濃，餸飯岩岩好飯粒中規中矩，唔算難食泰式炒金邊粉＄48跟飲品 （特飲加＄5，要左青檸梳打，呢個好fresh, 真係有好多新鮮青檸汁，仲要夠氣，爽呀）超大碟，要一個好肚餓既人先可以食得晒餸有蟹柳，豆干，蛋絲，尤魚仔。炒得唔夠乾身，同埋汁料重手左，太多茄汁，食到尾好膩精選午餐同全日套餐既選擇好易揀得落手，而且＄50蚊免加一之餘仲要咁大蝶，真係好開心，個社會無遺棄到我，人間有情餐牌仲有其他泰菜，有機會一定再黎試，性價比極高店內環境不是十分大，而且位於旺街，客流量轉非常快，當天不少打工仔包括我，都係食飽抖抖又再開工～ 因為呢到抵食量多又好味！

平日六點半度晚飯時間到達 唔需要等位 直接入座 餐廳設有二樓 枱數充足 雖然餐廳內冇精緻既裝潢 但小店既裝修 更感受到濃厚人情味 而且食物價錢貼地 絕對物超所值椰汁三色冰 非常濃郁既椰汁味 唔係坊間溝左好多水既椰汁 三色jelly亦彈牙 唯一可以改善既一點就係個人認為飲品整體太甜 未必個個人都鐘意芒果糯米飯熱辣辣既糯米 又甜又多汁既芒果 加上濃郁既椰漿 三重滋味 配合得非常好 唔會太膩 💛不過一個人食一份可能就太heavy 建議同友人share喔😛咖哩軟殼蟹火山包面包焗至外皮微脆 入面裝住份量十足既咖哩軟殼蟹 軟殼蟹炸至金黃香脆 再配上椰漿味濃郁既咖哩 雖然咖哩質地較濃稠 口感有啲啲奇怪 但整體味道令人一試難忘💛泰式乾炒河粉 配豬肉🤓食物不可以貌相 唔好睇佢外表平平無奇 冇乜色水咁 食落去好濃味 酸辣十足 非常開胃！河粉配上蛋 葱 芽菜 豬肉 一齊炒 好食到停唔到口 而且份量都幾多 兩個人食 再加其他小菜已經好足夠

好耐冇食過泰菜，聽朋友講呢間好食，所以就試下😋呢個冬蔭功湯真係值得試下，好多椰奶，湯既顏色都偏白，而且好足料，好多隻蝦同菇，印象中飲過最好味既冬陰功湯，唯一係蝦要自己剝殼，所以食得有啲麻煩🤣推薦呢個飛天通菜，個人覺得都幾辣，食落都惹味，就咁食唔送飯都唔會太鹹，如果唔太食得辣既朋友可以試吓咸魚炒通魚/蒜蓉炒通菜每次食泰菜多數都會叫pad thai, 不過唔係間間都好食，呢間既泰式炒金邊粉都算中間偏上，啲蝦大大隻，今次啲蝦就係剝左殼既，食得方便😝而且份量都多，夠二至三個人share仲叫左呢款泰式生蝦，啲蝦大大隻，又好彈牙，口感好好，不過個汁先係重點，點埋個汁好好味😋😋兩個人叫四樣野食到好飽好滿足😋，每人$150左右

今日放工後去旺角食飯！經過阿來呢間泰式餐廳，見好似唔錯就入去試試佢個人覺得呢間餐廳嘅選擇都幾多，而且差唔多每一道菜你都會見到相應嘅圖片，圖文並茂，連泰文都有，問你死未！🤓呢間餐廳嘅防疫措施做得幾好，令人食嘢都安心啲👍🏻 除左枱同枱之間有膠片阻隔，即使同一張枱亦都有塊膠片（圖中紅色）咁我一共嗌左4樣嘢食一杯嘢飲。雖然個碟蝦嘅賣相望落唔太吸引，好似好多燶左咁，但燶嘅多數都係啲殼嘅位，食落其實唔多覺，而家蝦味都幾濃👍🏻👍🏻鐵板蠔仔煎蛋勁勁勁足料！就咁睇張相都見到好多隻蠔係入面🤩蝦醬炒飯你見佢咁深色新知佢粒粒入味，其實一拎上枱已經聞到個香味😜最後，泰國菜咁濃味緊係要叫埋凍飲中和下。呢杯青檸疏打真係啱啱好！

今日嚟到旺角，想食泰國菜，決定又嚟幫襯呢間餐廳☺️抵食又好食！🔖燒豬頸肉💰68​豬頸肉爽口，邊邊嘅位置燒到有少少香脆，食之前點少少泰式醬汁，好正啊🥰💫推薦指數: 8.5/10​🔖泰式肉碎生菜包🌟💰78​肉碎炒得乾身，微辣帶有少少酸味同香料味😌配埋清新嘅生菜一齊食就啱啱好，平衡翻成個味道🤓💫推薦指數: 7.5/10​🔖辣椒膏蝦頭油海鮮炒飯💰68​炒飯夠鑊氣，而且粒粉分明😋食落去唔會覺得油膩🙌🏼配咗蝦肉、蟹柳、青口同章魚呢幾款海鮮，夠足料~由於落咗蝦頭油落去炒，都幾惹味🤩不過要留意翻味道偏辣🌶💫推薦指數: 8/10​🔖泰皇咖喱炒大蜆🌟💰108​咖喱汁帶有椰香味，甜甜地，唔會話好辣😆夠哂易入口😋蜆肉份量都算多，而且幾大隻㗎😇入面仲有好多洋蔥片，索哂啲咖喱汁，好食😚💫推薦指數: 8/10​🔖蒜蓉包 (4件)💰25​食咖喱又點少得蒜蓉包🤓蒜蓉味夠香濃，口感香脆☺️配咖喱食好正😆💫推薦指數: 9/10​-​🌟餐廳推薦食品

相信唔洗我多講，介紹咗唔同朋友食完都話正🤤不過平日7點幾都要等位，所以早少少🤏不過員工上菜已經十分有效率，落單到上曬所有菜只需5分鐘😲防疫措施中，會分隔食客，食得安全☺️兩個人通常都唔多諗了，直接二人餐特飲類都唔洗加錢前: 泰式龍眼冰，大約有7粒龍眼肉，少甜後味道岩岩好🤤後: 咸檸7，半隻咸檸，加埋7up夠曬味飯類可選擇普通飯/油飯，十分大碗，分咗半碗都仲有一大碗，雞油味令飯十分香，淨飯也食得滋味加$10可將其中一碗飯轉蒜蓉包，包類屬於法式包，比較偏硬，不過外邊脆，而且用來點咖哩不錯咖哩炒蜆蜆屬於中型size，挺鮮甜，咖哩可以利用蜆殼盛載咖哩，一起食十分好食，咖哩偏向港人口味🥰配菜有紅青椒、洋蔥🧅少量蔥和菜最緊要通嚟加落蒜蓉包十分惹味👅海南雞 例牌，雞肉十分嫩滑、少脂肪和雞皮薄配搭泰式偏向酸甜口味的醬飛天通菜🥬十分岀色，味道偏重口味少少，加入大量蒜蓉、豆板醬，偏少少辣🌶

好耐冇食泰國嘢啦，今次去旺角食！今次呢間泰國餐廳，喺通菜街附近，非常就腳！本身以為佢好細間，點知原來佢有兩層，而且非常多人食添！我去個晚兩層都爆曬，非常熱鬧。餐牌有好多選擇，而且價錢都好平添，就算係海鮮都一啲都唔貴。可以話係平民之選啦！我哋total叫咗四樣嘢。 第一樣係馬拉盞炒通菜，唔好見佢細細碟，其實佢超多通菜，而且炒得啱啱好。啲菜林得來之餘亦都帶啲爽口，而且唔會好鹹，我個人就好鍾意啦！另外叫咗個鮮蝦冬陰功，佢有得揀大同細，我哋兩個人就梗係要細碗啦！佢入邊都好足料，有好多蝦、菇。口味上面我覺得比較適合香港人，唔會太辣同埋太酸，非常適合大家嘅口味。第三個我哋叫咗燒魷魚，估唔到$88就有咁大條魷魚喎！而且燒得啱啱好，唔會燒到好硬咬唔郁，亦都燒到好香口，夾埋個泰式辣醬岩岩好！最後叫咗個軟殼蟹咖喱包，呢個真係有驚喜呀！個包比想像中好軟熟，而且入邊超多咖喱，啲包用嚟點咖喱汁好好味。而且軟殼蟹份量都好多，食極都仲有。反而嗰包面就偏硬少少，唔同口味嘅朋友都照顧到。兩個人食買單先三百幾蚊，真係好抵食。下次再嚟食先！

今日天氣真係好，秋高氣爽，行咗20000幾步，喺『微信運動』排第2名。呢日由朝到傍晚同幾個玩得嘅朋友玩到好開心，到夜晚剩低2人，諗吓可以食啲咩，朋友提議不如就食泰國菜，於是認真諗吓，不如就之前食過位於通菜街 嘅『阿來泰式地送風味』，貪佢交通方便，又近地鐵，萬一落雨都冇有怕，同埋價錢經濟實惠，性價比高。嗌咗幾樣嘢食，有1. 小份『泰式鮮蝦冬蔭功湯』，每份78蚊;2. 『泰式蠔仔蛋飯』，每份58蚊;3. 『串燒沙嗲』，豬、雞各一半，半打亦都係78蚊；4. 我非常非常喜歡的『新鮮椰青』，每個35蚊。冬蔭功一如既往地好飲，味道適中，不會過辣，有秀珍菇，仲有4隻大蝦，正。而蠔仔蛋飯的蠔仔大大隻，食落有口感，煎到香噴噴的蛋連同蠔仔送飯，仲有一小碟辣椒，又平又好吃。串燒沙嗲整的時間耐少少，證明即整即燒，椰青好新鮮，啲肉好厚，又易『刈』，飲椰汁食椰肉好满意吖。

係旺角D2出口行5分鐘就到，位置非常方便，有好多人排隊，就梗係要試一下啦，門口隔離間鋪仲貼住請勿在此排隊，認真誇張。一坐落，已經坐滿人，冷氣夠曬大，出面本身好熱，入黎已經坐得舒服，兩個人黎，梗係試下叫個兩人餐，都幾多野食，有好香濃既油飯，海南雞好有雞味，又多汁，肉質鮮嫩，又有飛天通菜，夠熱又夠辣，味道一流，仲有咖喱炒蜆，辣一辣佢，用嚟撈飯認真一絕，仲有兩杯野飲，叫左杯椰汁三色冰，吾太甜，料夠足，夠曬正，total$288，都吾算太貴，飲野包埋，非常豐富。中意泰國野既朋友要去一試，呢度仲有好多吾同既特飲，不愧係泰式餐廳同咁多人黎。整體來說，味道比起一般泰式有水準，價錢同食物吾差，而且係旺角值得一試嘅泰式餐廳。下次經開旺角會食。

串燒拼盤 半打豬肉同埋雞肉串燒各三件，即叫即整，所以食落去好香口好熱辣辣，佢同有啲餐廳嘅做法唔同，佢個沙嗲醬都係直接林落去啲串燒度上碟，雖然咁樣食落去嘅醬汁比較多，但本人都鍾意沙嗲醬另上，自己沾醬，因為咁樣串燒可以保持住焦脆嘅外表，食之前嘅一刻先沾醬，口感會更加豐富。青咖喱雞味道不過不失，雞肉嘅部位都幾靚，係雞髀嘅部份。但睇得出有啲豆角嘅生d有d係好熟，唔知點解😂豬頸肉炒通菜味道清淡，唔會好咸好濃味，適合年。

朋友介紹黎食lee間泰菜。 剛開始都幾好奇, 因為雖然都係旺角, 但真係幾少何去個邊搵野食。 原來有間泰國菜館，真係要多d話比人知先得。入到去, 都有4, 5張大枱，不過因有限座, 見好多人都係坐2張大枱一齊食飯。我同朋友就坐一旁, 見原來都有好多客輪住出入, 果然幾受歡迎。我地點左泰式蠔餅, 青咖哩海鮮煲，泰式炸魚配青木瓜沙律，仲有龍眼冰。佢既蠔餅好特別, 同台式好唔同, 唔會好多油死炸佢, 好好味。 最緊要佢每粒蠔仔都肥嘟嘟好肥好味。 個底用芽菜配底, 真係好新奇, 好正。青咖啡雖然睇落好似麻麻, 餸唔係好多, 但都足料既, 最重要真係幾好味，如果有飯, 應該可以撈2, 3碗飯。最驚喜係條炸魚, 好大條, 炸度適中, 魚肉嫩滑, 辣辣地, 可以配木瓜沙律係面, 真係好野味。 我地食到魚骨都要食埋, 因為連條骨都入味，好脆。而龍眼冰都好好味，有少少菊蜜既感覺, 好清新, 唔會好死甜。