阿來泰式地道風味

营业中

休息中

朋友難得有屋企人可以幫手湊一陣小朋友，所以約咗我喺旺角行街同食lunch，首先要食飽先有力氣shopping，朋友想食泰國菜所以喺附近搵咗間食泰菜嘅小店！餐廳好貼心安排咗熱水清潔食具，亦都有提供酒精搓手液！泰式炒金邊粉：金邊粉炒得乾爽唔會黐住，每一條都沾到醬汁！醬汁味道酸酸甜甜，配料有唔少海鮮，食落好開胃！冬蔭公炒飯：雖然係酸酸辣辣但同平時飲嘅冬陰公有啲分別！不過炒飯粒粒分明，醬料炒得均勻，味道集酸、香、辣於一身，非常惹味！而且炒飯有好多配料，口感豐富！泰式小食拼盤：拼盤有炸蝦餅、炸魚餅、素春卷同雞翼，雞翼普普通通無乜特別但蝦餅、魚餅同春卷都唔錯而且份量都幾多，大大份好抵食！蝦餅外層香脆口感彈牙有鮮味，春卷雖然係素菜但調味出色香口惹味！椰青：食咗咁多熱氣嘢飲椰青就最啱喇，飲落清甜又清爽即刻覺得熱氣全消！椰汁三色冰：見到有滿滿嘅配料，朋友話椰汁好香濃！午餐價錢平而且份量足，我哋加錢轉咗特飲仲要加埋小食拼盤埋單都只係二百幾蚊，真係好抵食！

隨便揀既一間外賣(´Д` )實在太肚餓 今次係第一次食呢間 本身好鍾意食泰國嘢 外賣黎到個陣熱辣辣加仲(´Д` )正啊叫左一個炒金邊粉 ，炒飯同埋蠔仔炒蛋 同馬拉盞炒通菜 金邊粉入邊嘅材料好豐富 大大隻🦐🦐同埋份量方面都好多(≧▽≦)炒飯又係好多料 雖然有少少辣 但都好香口夠乾身正到爆 一個人黎講份量都算多 我哋最後食晒但係頂住個肚飽到今日最好味嘅嘢食應該就係炒蛋 入面啲蠔好大粒呢個價錢黎講真係一啲都唔算貴不過唯一嘅缺點就係通菜有啲老 希望下次可以糖食啦

今日去到旺角先達附近搵野食，通菜街原來有好多餐廳，我就搵到呢間阿來泰式。叫左一個小食一個飯一個主菜，先黎既係牛油雞翼，同一般既牛油雞翼有少許分吃，唔係有好厚炸粉拎去炸果一種，呢種炸雞翼睇落冇咩特別，但係食落有濃濃既牛油味，但係又唔肥膩，真係食多幾隻都唔膩。再黎就係泰皇咖哩軟殼蟹，泰皇咖哩睇落係唔辣，食落就知個功夫所在，個汁最啱就係要黎撈飯，而咖哩配既炸軟殼蟹亦都出奇地夾，軟殼蟹炸得脆脆地，點埋咖哩汁真係食得落幾碗飯。最後叫左個辣椒膏蝦頭油海鮮炒飯，食落辣辣地又惹味，而且配料十足，蝦、墨魚仔、蟹柳，真係一個唔錯既選擇。最後重有杯青檸梳打，食泰菜又點可以唔叫杯青檸梳打呢。最後要讚既係餐廳每碟都好大份，多人食都唔驚分唔到！

✅ 黃咖哩牛腩煲 ($89)咖哩超級香 好夠椰味 濃稠度啱啱好！ 牛腩好淋肥瘦岩岩好 仲有薯仔配菜都好食～✅ 炒通菜 ($69)份量超足 通菜炒得夠脆 調味好夠✅ 辣椒膏蝦頭油海鮮炒氯 ($69)比想像中辣 不過越食越惹味！飯炒得夠乾身 海鮮份量正常 飯量都幾好 抵～ 依個飯撈埋咖哩都好食～🦁 阿來泰式地道風味 (旺角)旺角通菜街97號地舖長沙灣東沙島街162號地下🦁 人均消費：$115｜推介：❣️❣️❣️ ❣️🦁 總結：cp值高 好食 外賣都冇跌watt既泰菜～ 推薦

📋二人餐C $378 ⁣1.🦐鮮蝦冬蔭公湯 （8/10）⁣辣度：🌶🌶⁣冬蔭公一開始飲落酸酸微辣🌶，但落到喉嚨啲辣味就開始湧出黎😳😳😳，我同兩個朋友都飲完哇左聲🤣但個味係好鮮好味的～⁣⁣2.🐔泰式海南雞（7.5/10）⁣食落雞肉幾嫩的，冇咩雞味，整體嘅味都係黎自個醬汁，中規中矩😗⁣⁣3.🥢泰式炸蝦餅 （8/10）⁣蝦餅炸得超酥脆，食落彈牙🤪。點埋個甜酸醬岩岩好🤞🏻⁣⁣4.🐷豬肉青咖喱（7/10）⁣辣度：半隻🌶⁣依個咖喱超級水～好似一碗湯咁。⁣食落偏甜帶好微咖喱味，唔係好辣💁🏻‍♀️⁣豬肉係幾好食的～⁣⁣5.🧄蒜茸炒通菜（7.5/10）⁣呢碟同其他比，係超清的一碟🤖。⁣食落唔會好鹹帶少少香，比較溫和。⁣食完辣野可以塞幾條入口解解辣🤣🤣🤣⁣⁣6.🍚🍚白飯x2 ⁣7.飲品2杯 ⁣🥥轉椰青+$20⁣—————⁣📋散叫的：⁣🌟泰式肉碎生菜包🥬 $78（9/10）⁣辣度：🌶🌶🌶⁣對佢又愛又恨🤣！佢個肉碎真係勁好勁好食💖炒得超級香，香料配味所有都做得恰到好處🤪。⁣但就真係對於唔係好食得辣嘅我黎講，真係幾辣🤧🤧⁣但都阻唔到我一啖一啖放入口😆😆⁣⁣🥭芒果糯米飯 $58 （7.5/10）⁣好typical 的

與媽媽逛完街上openrice看到這間好評甚多於是乎來試試看叫了兩人套餐1. 飛天炒通菜份量比想像中多，不過菜”框”太粗只吃得下菜葉，另外可能個人吃得較清淡所以這道菜對我來說不只「有點鹹」幸好有配白飯/雞油飯（正常水準）我食量不多，所以滿碗的白飯完全足夠2. 咖喱炒蜆很多人點的一道菜，所以我也點了一份咖喱是本人喜歡的泰色黃咖喱，很濃郁的椰子味，而且有加蛋花拌勻，整個口感很棒配咖喱也可吃上一碗飯唯咖喱味道本身已蓋過蜆的原味而且蜆是相對大隻的，比較煙韌（個人認為細隻較好食）3. 海南雞去過不同間餐廳食過這裡的不算非常嫩，中規中矩整體來說這個二人餐對我倆來說太豐富若三個人會剛剛好有機會會再嘗試其他咖喱菜式及魚料理（看到隔壁桌的魚相當有份量）

泰菜除咗係九龍城食 呢間都係我心水旺角可以搵到好味泰菜🤩-📌泰式炒金邊粉泰國菜唔少得食炒金邊粉😍😍炒得好乾爽夠味 最搞笑應該係佢擺盤點解放條蔥🤣-📌辣椒膏蝦頭油海鮮炒飯貴為廚師推介真係無令人失望 辣得好過癮🤪🤪又有蝦頭爆出嚟嘅香味 同埋炒飯最緊要嘅乾爽都做到👍🏼👍🏼-📌泰式蝦醬炒飯重口味人士首選🤣🤣其實係好香好濃味😝😝配料都算豐富 係一個唔錯嘅嘗試😇飯/麵嚟講呢間餐廳做得幾好😌😌最有驚喜係蝦頭油炒飯果款🥰比較特別而且味道📌串燒沙嗲（豬&雞）啖啖肉 主角沙嗲醬又香又惹味 會不自覺一串接一串-📌馬拉盞通菜每次必點的菜式 馬拉盞的鹹香同通菜好夾 裡裡外外都吸收個汁😋😋-📌泰皇咖喱火山軟殼蟹法包咖喱的香料味濃而香 配包/薄餅好正😋但另一主角軟殼蟹炸的太耐 搞到外表黑黑實實要扣分-📌芒果糯米飯食飽飽都好點都要食埋呢個甜品先圓滿☺️☺️ 芒果大大塊夠甜👍🏼 糯米飯比滿滿的椰汁包住👍🏼👍🏼😝 整體嚟講呢間絕對係性價比高的泰菜餐廳😍😍 大部分食物都好有水準 唔怪得keep住咁多人幫襯

最近迷上了這間「 阿來泰式地道風味 」，連續兩個星期內去了三次。這間小店環境裝修較一般，走的是平民路線「平靚正」，不是那種舒適悠閒的風格，這裡會更加貼地，而且不會趕客，可以邊享用美食邊與親朋好友相談甚歡！「 阿來泰式地道風味 」的菜式出品豐富，有各式各樣的泰式美食，款款都很地道又夠惹味，而且價錢不是很貴，非常抵食！每次去必點椰汁雞湯和椰青，個人不太好辣，椰汁雞湯雖然走辣但都依然非常濃郁，香料味重！椰青水好清甜，椰肉口感QQ，有淡淡的奶香味。泰式肉碎生菜包口感豐富，既有青檸的清新香味又有飯焦的焦香味，清爽又惹味！泰式蠔仔蛋都非常推薦，蠔仔蛋煎得酥脆香口，再配搭上它的泰式辣醬一試就愛上！

專登安排咗去完附近診所睇完醫生之後過嚟食，走咗去上層食好想食金邊粉， 坐低即刻就揀(◕દ◕)好大碟！ 價錢正常（$48）金邊粉口感好好 好夠飽ෆ╹ .̮ ╹ෆ 都幾滿足疫情期間位置環境真心普通不過味道不錯 值得考慮

叫了一碟所謂香辣玉碎煎蛋飯、一上枱便知中伏了、因...不是食開的泰式味道、簡直就是普通的一碟玉碎抄豆角吧了！再說、那隻所謂煎蛋🍳重桿過我荷包、真的很懷疑入面煮嘢果個是否泰廚煮的、舖頭已經夠迫、食物這麼難食、看且很快便接🉐️、食了幾淡、真的沒有辦法再食下去、真的不想浪費錢和食物、但...真的很難食

來到一個人嘅午餐時間💁🏻‍♀️就簡簡單單喺旺角附近食野 輕鬆吓而「阿來泰式」雖然開咗好耐🤭但直到今日先有緣到訪一番👏🏻👏🏻同其他泰國菜一樣 選擇眾多🎉不論小菜,小食,海鮮,飯麵類 應有盡有甚至有午餐set可以揀🙌🏻而且價錢於旺角區亦不是太貴🥢泰式炒金邊粉Pad Thai 相信好多人食泰國菜都會叫的一道集合酸,甜,鹹三重奏的菜式❤️而這店的材料比以往吃的更豐富除了大蝦🦐還有蝦仁,蝦乾,尤魚粒,蟹柳等口感提升且非常惹味👅🐷豬頸肉炒芥蘭平時的餐廳通常豬頸肉都只會作為小食👀但這裏竟然有得用以伴菜 可同時雙重享受啱哂人少少時過口癮滿足一番💕用蒜蓉炒香再帶有胡椒粉香氣配上甘香幼嫩又爽口既芥蘭😋正

阿來泰式地道風味 Aroy Khao Man Gai+泰國菜🏠overall/環境/ 服務:+ 幾抵食嘅泰國菜 多數 $70內+ 不過間鋪頭真係好細 唔會坐得舒服+ 都要等位多‼️ 燒豬頸肉 $68好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 燒得比較乾身 唔夠外脆內軟嘅感覺✅ 醬汁唔會辣 都算可以‼️ 馬拉盞炒椰菜苗 $ 68好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 炒得幾有鑊氣 調味啱啱好✅ 份量大 夠兩個人食✅ 不過有部分椰菜苗太大塊 好難咬📍旺角通菜街97號地舖G/F, 97 Tung Choi Street, Mong Kok⏰星期一至日12:00 - 02:00☎️ 電話號碼 23989918📩喜歡我的文章，可以關注我及讚好以作鼓勵

香港人一有假期，都喜歡往外跑，去旅行，品嘗美食。東南亞國家當然是首選，當中又以泰國為熱門地方。可惜因為疫情關係，大家都焗住留港消費。很久沒吃泰菜，雖然不能飛到泰國品嘗，但香港也有不錯的地道泰式菜館，今天就在旺角通菜街阿來泰式地道風味，吃了一頓簡簡單單的地道泰菜，而且價錢經濟，全日免收加一。阿來食品選擇方面有泰式主菜、多款套餐、泰式小食、泰式飯面、蔬菜、廚師推介、甜品和飲品等。平時吃海南雞飯，總感覺飯多雞少，意猶未盡。今天就豪氣一點，來個泰式海南雞例牌，另叫油飯。海南雞例牌碟頭十足，雞皮油光亮澤，經上湯浸熟的海南雞，雞肉嫩滑入味，肥美而不覺膩口，雞味十足，配上醬料，很開胃。另叫的油飯夠油水，飯逞金黃色，飯香撲鼻。跟著鼻孔索到陣陣馬拉盞香味，轉眼侍應已把馬拉盞炒椰菜苗放到枱上，椰菜苗新鮮翠綠，配上馬拉盞清炒，十分惹味，雖然是簡簡單單炒菜一道，卻盡顯廚房實力。甜品選擇唔算多，就要了一客芒果糯米飯，暖暖的白糯米軟綿黏韌，切條芒果肉清甜味美，伴以濃香的椰漿一起吃，挺好味。

好耐冇食過泰國嘢，今次嚟咗先達附近食，鋪面睇落唔算好大，但原來有分兩層，上面有啲似舊式飯店嘅間隔，所以一大班人坐都唔會話好逼。今次四個人食飯，所以都叫咗幾多嘢食，個人覺得最好食嘅喺有鹹蛋黃味嘅避風塘炸軟殼蟹，食落鹹鹹香香，非常惹味。另外仲叫咗個海鮮炒粉絲，味道幾好，不過我自己唔係好鍾意食蔥呀個d配菜，口感好豐富，如果鍾意地道風味嘅人一定會好欣賞！除此之外仲有生蝦刺身，都算幾新鮮，不過如果個盤可以再靚啲，又或者用啲乾冰，我估一定會成為新嘅打卡菜式哈哈😄另外印象深刻嘅有炒通菜，佢只係簡單嘅椒絲炒通菜，不過可能落咗好多辣椒，所以都有啲辣，但就係因為咁所以送飯一流！最後講吓嘢飲，叫咗龍眼冰同鹹檸七，味道偏甜，正好用黎解辣！有機會大家不妨一試！

自從限聚令之後，好少同朋友再炒餸食飯，趁而家疫情緩和咗，可以四人聚餐。行過旺角，見到呢間泰國餐廳，就決定試一試。我哋叫咗個四人餐，入邊有海南雞、生蝦刺身、生菜肉碎包，另外仲加點左避風塘軟殼蟹、海鮮炒粉絲同青咖喱魷魚釀肉碎。1️⃣避風塘軟殼蟹評分: 7.5/10呢個避風塘軟殼蟹用咗鹹蛋黃去調味，十分惹味。2️⃣生菜肉碎包評分: 7/10啲肉碎炒得好入味，味道偏辣，不過口感略嫌單薄，如果可以落多啲紅蔥頭甚至係蝦乾，味道應該可以跟上一層樓。3️⃣青咖喱魷魚釀肉碎評分: 7.5/10呢樣野最特別嘅係佢嘅功夫，你會見到啲肉好完美咁樣黐住咗係啲魷魚嘅內側，所以食落個口感都幾特別，青咖喱味道偏甜，食多幾舊都唔會太膩。總括嚟講，算係幾抵食嘅泰國嘢，而且位置非常就腳，我係先達附近，下次經過旺角又諗唔到食咩，不妨一試。