阿來泰式地道風味

营业中

休息中

同朋友係旺角隨便揀一間餐廳試，原來係當區名物？餐廳細小，大概只有30個座位。我6點前入座等朋友，唔夠15分鐘門外已經開始排隊。聽到通知等候人士90分鐘用餐時間，齊人入座等等。幸好有善、好笑容又好禮貌嘅阿姨們無特別催促或者比壓力我哋，仲招呼周到。食物方面 - 泰式柚子鮮蝦沙律︰泰式醬汁微酸開胃，加上花生碎粒、少許芽菜、炸脆粉等，多重口感而且味道豐富。兩隻爽彈大蝦仁，入口滿足；下層舖滿大量西柚，清新香甜，所有配料混合後好夾，係自家獨有味道。泰式明爐蒸烏頭︰好大條烏頭，明火熱辣辣邊煮邊食。魚脂香濃、肥瘦平均、肉質鮮嫩滑溜。周邊佈滿配料，菇、甜酸菜、香蔥條、紅椒絲、芫荽，將湯底精髓昇華，魚肉再吸收湯汁十分惹味。原條燒魷魚筒︰大條魷魚經燒烤後邊位微微焦黑，特別爽脆惹味。沙嗲雞豬串︰雞脾肉串嫩滑，外層烤得脆卜卜帶焦香。豬肉串質地鬆軟，輕微豬酥香。配上豐富爆濃花生醬沙嗲汁，甜咸度適中，第一次食到的獨有味道，性價比極高。總結︰無論食物味道、食材質素、菜式份量、服務態度等都性價比高。特別建議改善地方︰餐具筷子、匙羹、餐桌都有明顯污漬，要自行用消毒紙清潔一次先可以使用。

放工肚餓就係附近揾野食突然想食泰國野就去左呢間食叫左泰皇咖喱火山軟殼蟹法包同燒豬頸肉💁🏻‍♀️泰皇咖喱火山軟殼蟹法包法包唔係硬脆身而係軟淋淋呢個質地配咖喱一般般咖喱味偏甜 如果辣小小會比較香口好食軟殼蟹份量幾多 個包好大個 兩個人食已經9成飽💁🏻‍♀️燒豬頸肉份量好足 燒得唔夠香口 不過肉質夠爽不過同個辣汁唔算好夾整體黎講可以過下口癮但味道未算出色食物: 6/10環境: 6/10服務: 6/10性價比: 6/10

約左朋友去旺角行街街，想食平少少又多啲選擇，就向左走向右走，遠離朗豪坊少少睇下有乜食。經過阿來泰式，都有啲人睇緊岩唔岩心水，我又去睇埋一份，ok喎，就入座，估唔到7點未夠就座無虛席，我地坐左最後一枱，但之後先知道原來樓上都有座位，而且有toilet。睇左陣，太多選擇唔知點揀，最後都係要左個唔洗煩嘅二人餐，包括豬脾或海南雞二揀一、咖喱炒蜆、飛天通菜、白飯或油飯2碗或、飲品2杯 。我地揀左食海南雞，雖然賣相一般，但雞好滑，雞皮亦唔算肥，泰式醬汁令海南雞味道更出色。咖喱炒蜆份量算好多，大蜆煮到剛好離殼，唔會食到好論盡。我地將飯轉做蒜蓉包加$10/份，點咖喱食夠哂惹味，蒜蓉包夠香脆，可惜有點硬。泰式炒飛天通菜份量亦十足，夠香辣，條條通菜都好細條易食，但食到中段見到好多豆醬，越食越辣，開始頂唔順喇！飲品就點左傳統泰式飲品，龍眼冰同椰汁冰，食完辣野飲一流。

阿來泰式地道風味 (旺角)性價比極高 高質有驚喜 有泰國本土風味泰式火山排骨 $108喺泰國必食嘅火山排骨 啲醬汁酸酸甜甜 好香香茅味 而且好有肉汁 肉質唔會’鞋‘霎霎 一啖接一啖泰式香芒蟹肉炒飯 $73用大大舊芒果同蟹肉炒飯好友鑊氣而且食到芒果酸酸甜甜好開胃而飯好香雞油味 調味平衡酸辣鳳爪沙律 $68酸酸甜甜好開胃 啱晒夏天食而且麻麻辣辣咁 啱晒鍾意食辣嘅朋友😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💸💸💵💵——————————————————店舖資料📍 旺角通菜街97號地舖

泰式火山排骨🐷$108排骨肥瘦適中，肉質鮮嫩😙輕輕一咬，已經骨肉分離😚啖啖肉，食得好過癮😋配上特色嘅泰式調味醬料😎酸酸甜甜，十分開胃，的確幾好食🥰泰式蠔仔蛋飯😜$55蠔仔嘅數量比想像中多😏粒粒都好飽滿😚而且都幾大碟😌加埋泰式辣醬一齊食，特別惹味😉泰式炒金邊粉😋$55金邊粉炒得好乾身，鑊氣亦都十足🥳入面仲有蝦肉、魷魚、蟹柳同蛋絲😌撈埋花生碎一齊食，口感一流😛酸辣鳳爪沙律🥗跟餐+$25 無骨鳳爪口感爽脆彈牙😙夠酸亦都夠辣，相當醒胃😉絕對係個唔錯嘅前菜小食🤩泰式奶茶🧋跟餐+$6龍眼冰🍹跟餐+$6阿來泰式地道風味 (旺角)旺角通菜街97號地舖

位於旺角的平價地道的泰式料理餐廳。以我所知這間泰國菜已開業多年，在區內略有名氣，喜歡吃泰國菜的朋友們已經光顧了不少次，但由於長期門口堆滿等候的人龍，所以我一直未有機會一嚐；剛巧今天下班時間早，終於可以趁著晚巿前人流未開始多前一試究竟了。…•…•…▫…•…•▫▪✨泰式火山排骨 ★ $108排骨共有六大條，堆砌成火山的形狀；排骨多肉大件，肉質鮮嫩入味，一咬下去便輕易地肉骨分離，易咬且有嚼勁；底部舖上獨特的泰式醬料，酸酸辣辣，非常開胃。✨泰式肉碎生菜包 ★ $88惹味辛辣的肉碎包入清爽的生菜，非常開胃惹味！肉碎的份量相當多，用光了所有生菜後還剩下一堆，後來把肉碎倒入油飯吃用，變成泰式肉燥飯！一味兩食，賺翻.ᐟ ’ω`ૢ✨泰式豬肉Suki炒粉絲 ★ $65粉絲炒得乾身爽口，肉片非常嫩滑大片，非常入味！微微的香辣及帶有點香茅味，非常地道的一道菜，令人食指大動呢！✨阿來海南雞飯 ★ $58雞肉無骨且嫩滑無比，肉味甚濃；油飯色澤金黃，油香濃郁，蘸點泰式酸辣醬更是惹味非常；但個人覺得飯有點太硬~

好地道好好食海南雞很滑 醬料辣味香濃，口感清新獨特鹹香微辣油飯份量十足 口感香糯但配菜🍅片有少少想要變味嘅感覺唔知係咪存放不當泰式火山排骨烤熟的排骨配以辣椒、檸檬葉、魚露等汁料香辣鮮美，又帶有微妙的酸甜味道排到似火山噴發般的效果，靚靚。值得一試

鬧市中泰式小店-冬陰功湯（小）經典冬陰功十分足料，細碗都有三隻大蝦，蝦蝦蝦，以香茅南薑等香料煮熬而成，充滿鮮味。鹹酸辣味分配得宜，加上香滑椰漿，開胃醒神。火山咖哩軟殼蟹法包原個法包配搭大大隻酥炸軟殼蟹，震撼視覺。軟殼蟹粉漿厚薄適中，食落十分香口。 泰式咖哩香濃帶微辣，亦充滿椰香，用蛋漿打芡增加層次感。法包軟糯，將咖哩汁精華完全吸收，令人食唔停口。椰汁三色冰冰凍椰汁清新解渴，正好配搭濃味泰國菜。三色粉條口感煙韌。必點！

【旺角•阿來泰式地道風味】————————————————————————茶餐廳價錢享受嘅泰國風味餐廳，食到泰式地道風味，品種多選擇。🍯｜蝦頭油炒飯｜HKD 55鑊氣十足，辣辣地配上各種精緻嘅海鮮配料炒 。🍯｜泰式火山排骨｜HKD 108排骨鮮嫩易入口，配上泰式醬料，口感特別。🍯｜泰式炸蝦餅｜HKD 78外皮香脆，內裏蝦肉彈牙，配上泰式甜酸醬味到更豐富。🍹｜椰青｜HKD 38🍹｜三色冰｜HKD 25

被過份吹捧既餐廳  大失所望香辣魚青芒沙律 完全食唔到青芒沙律律 條魚一啲都唔脆 好軟林林 軟殼蟹都係一樣 火山軟殼蟹法包 個包非常林 完全唔脆 兩個餸都好失望 價錢中上另外，嗌咗泰式鐵板蠔仔餅 普普通通炒蛋 好油

喺旺中行街見肚餓，見到呢間泰國菜館門口好多人買外賣，而且價錢又好抵食，所以入嚟試吓叫左2個午餐，泰式炒金邊粉同泰式豬脾飯，見隔離枱個咖喱軟殻蟹法包超正，我哋又叫左份🤤🤤再加杯龍眼冰泰皇咖喱軟殼蟹法包：🤤👍🏻呢個真係超正，好多咖喱汁，用嚟配法包，好惹味❤️個軟殼蟹炸得好脆，蟹肉又夠多，咖喱汁多到滿瀉，超好味👍🏻泰式炒金邊粉：好多海鮮配料，金邊粉加上茄汁炒過😋而且炒得根根分明，酸酸甜甜好開胃，食唔停口，非常好👍🏻泰式豬髀飯：豬脾又係必食👍🏻肉質超淋滑，起曬骨，啖啖肉❤️好juicy 午市套餐真係幾抵食，加埋飲品都係$60左右👍🏻旺角區鬧市黎講，價格算好抵 ，味道又好👍🏻推介

呢日同朋友喺花園街體育館做完運動，喺附近搵地方食lunch，行經呢間泰國菜，見到weekend 都有lunch set，而且坐得幾滿，一於試吓先～👭🏻2人行，叫咗1️⃣個lunch set，2️⃣個小菜🔸Lunch Set: 辣椒膏蝦頭油炒飯 🌶️🦐🍚配 酸辣鳳爪沙律 🐔🤞🏻🥗 配 椰青 🥥* 炒飯惹味(店員聽到我唔食得辣，好醒目咁幫我哋order 咗小辣🫶🏻)* 酸辣鳳爪係午餐嘅升級小食，加$25多個小食，有3隻鳳爪同生菜沙律，調味適中、份量合適* 椰青係加咗$22嘅升級餐飲(單點價$38)，椰青水冰凍清甜，椰青肉嫩滑，推介🙌🏻🔸泰式火山排骨 🇹🇭🌋🐷今日想食啖啖肉，所以叫咗呢個招牌推介造型突出，幾IG-able 呢～📸排骨本身味道偏淡，不過配埋啲泰式醬汁就好惹味肉肉嘅份量都唔少，作為食肉獸嘅我頗滿足 🔸泰式炸蝦餅 🇹🇭🦐🫓蝦餅彈牙，炸漿薄脆～⚠️熱辣辣⚠️～～小心唔好焫親～呢間泰菜小店嘅食物唔錯，夠泰色風味，而且定價合理，除咗堂食，仲見到好多人叫外賣，係一間受歡迎嘅街坊小店！

想係旺角鬧市食一餐又平又抵嘅泰菜😋阿來泰式地道風味就岩晒你啦🤩雖然餐廳環境睇落比較舊🤨但係晚飯時間都有好多食客排隊👍証明餐廳質素真係唔差🤩餐廳主打正宗泰菜🇨🇷 價錢仲好平民🤑 想體驗地道泰菜不妨去試試佢🥴👉🏻泰式炒金邊粉💰HKD5️⃣5️⃣金邊粉味道偏酸🤤 令人愈食愈開胃👍 用嘅金邊粉非常彈牙 口感十足👅仲有兩隻大蝦🍤 夠晒抵食👉🏻 泰皇咖哩火山軟殼蟹法包💰HKD1️⃣4️⃣8️⃣呢道菜非常特別🤪用法式面包作為容器入邊放左原隻軟殼蟹同濃濃嘅咖哩汁咖哩汁落左好多雞蛋煮成🥚令到個汁更加濃郁充滿蛋香😋唔覺唔覺成個法包就食晒😂👉🏻 阿來海南雞飯💰HKD5️⃣8️⃣海南雞飯係泰國餐廳必食之選👍阿來泰式味道選用左正宗嘅泰式辣汁🌶️雖然海南雞唔算好滑但係配埋醬汁真係充滿泰式風情😊加一服務費✅

🇹🇭 🇹🇭 🇹🇭食泰菜唔一定要去九龍城、今次介紹依間泰菜係旺角，好方便，性價比高餐廳地方唔多，坐位少同逼硤，有樓上閣樓，熱門之選當然要等好耐位，星期六下午六點walkin去到都要等大約一小時泰式生蝦刺身($98)👍🏻👍🏻👍🏻夠冰凍，感覺好新鮮，加埋個醬唔會好辣，唔會搶左鮮蝦味，肉質夾口彈牙，要黎做前菜真心正泰式炸蝦餅($78)熱辣辣，食既時候小心辣到口，炸粉唔多，一食食到啖啖蝦肉既感覺，六件大大件夠吸引燒豬頸肉($68)豬頸肉燒得好香，個面乾身得黎，肉好淋好嫩，唔會太多油太膩泰式蝦醬炒飯($65)炒飯好香好乾身，蝦醬味好濃，但配料有幾片臘腸同煎蛋係面，同平時炒飯有少少唔同，唔知係唔係正宗做法，如果下次會想試其他炒飯代替

呢間泰國餐廳真係好好食，每一餸菜都好好味，令人大讚。雖然餐廳好細，只有大約10枱，但環境好舒適，氣氛都好好。份量啱啱好，而價錢都好平易近人，同菜式質素相比真係好便宜。而且餐廳職員都好友善好樂於助人，令我哋感到好舒服好受到照顧。😋🍲🍛🍜💕如果你想試吓好味嘅泰國菜，我絕對推介呢間餐廳。佢哋嘅咖喱好正，炸春卷同椰漿糯米飯都係我哋最鐘意嘅菜式。餐廳嘅服務好好，令我哋感到好似係屋企一樣舒服。雖然餐廳唔大，但菜式質素真係好令人驚艷。我強烈推介呢間泰國餐廳，相信你都會愛上佢哋嘅美食同服務啊！👍👌👏